Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
•Kuvendi i Kosovës sot është shoqëruar me debate mes maxhorancës dhe opozitës. •Seanca ka nisur rreth orës 11:00 me një minutë heshtje në nder të viktimave të gjenocidit të Srebrenicës në përvjetorin e 28-të dhe është miratuar vetëm projektligji për tatimin në pronë. •Kryetari i Partisë Demokratike të Kosovës, Memli Krasniqi ka kërkuar shpërndarjen e Kuvendin dhe mbajtjen e zgjedhjeve të reja parlamentare. •Thirrjet për zgjedhjet e reja parlamentare nga ana e partisë opozitare kanë nxitur replika mes kryetarit të Kuvendit të Kosovës, Glauk Konjufca i cili u përgjigj se zgjedhjet mund të bëhen vetëm sipas afateve ligjore. •Po ashtu, shefi i Grupit Parlamentar të AAK-së, Besnik Tahiri, ka thënë se nuk do të marrin pjesë në votimet e asnjë ligji në Kuvend. •Ai tha se mënyra e vetme për të ndaluar Qeverinë Kurti është votimi i mocionit të mosbesimit. •Tahiri deklaroi se për këtë mocion ka diskutuar me partitë tjera opozitare para se të bëhej publik nga AAK-ja.
3 artikuj për këtë temë.
KOSOVË- Shefi i Grupit Parlamentar të AAK-së, Besnik Tahiri ne seancën e sotme të Kuvendit të Kosovës, ka thënë se nuk do të marrin pjesë në votimet e asnjë ligji. Ai tha se mënyra e vetme për të ndaluar Qeverinë Kurti është votimi i mocionit të mosbesimit. Tahiri deklaroi se për këtë mocion ka diskutuar me partitë tjera opozitare para se të bëhej publik nga AAK-ja.
“Si grup parlamentar ne sot nuk kemi marrë pjesë në Kryesi dhe mendojmë që të gjitha votimet në gjitha nivelet duke filluar nga Kryesia, Komisionit dhe seancat nuk do të ndodhin. Arsyeja është e thjeshtë vendi është në një qorrsokak. Zgjedhje e vetëm është mocioni i cili do të prodhojë zgjedhje, rrugë tjetër nuk ka”, tha ai.
Seanca e Kuvendit ka nisur rreth orës 11:00, ku në rend dite janë votimi i disa projektligjeve.
KOSOVË- Thirrjet për zgjedhjet e reja parlamentare, kanë nxitur disa replika mes kryetarit të Kuvendit të Kosovës, Glauk Konjufca dhe kryetarit të Partisë Demokratike të Kosovës, Memli Krasniqi. Konjufca ndërsa njoftoi për disa projektligje që pritet të votohen, tha se zgjedhjet mund të bëhen vetëm sipas afateve ligjore.
Pas kësaj reagoi kryetari i PDK-së, Memli Krasniqi, i cili tha se Kuvendi nuk po arrin të votojë asnjë projektligj, prandaj zgjidhja më e mirë është shpërndarja e Kuvendit dhe shkuarja në zgjedhje të reja.
“Ky Kuvend ku nuk punojnë as pajisjet nuk duhet më vazhdu punën. Po ju ftoj publikisht ta bëjmë një mocion dhe ta shpërndajmë Kuvendin, nuk është në gjendje të votojë asgjë. Është bllokim total në punën e brendshme, e lërë më jashtë që keni sjellë edhe sanksione. Të merremi vesh dhe të shkojmë në zgjedhje të reja, t’ia kthejmë mandatin qytetarëve”, u shpreh Krasniqi.
Seanca e Kuvendit ka nisur rreth orës 11:00, ku në rend dite janë votimi i disa projektligjeve.
KOSOVË- Seanca e Kuvendit të Kosovës sot filloi me një minutë heshtje, për të nderuar viktimat e gjenocidit në Srebrenicë në Bosnje dhe Hercegovinë.
Deputeti i komunitetit boshnjak para koalicionit Vakat, Bahrim Shabani, tha se Kosova qëndron në krah të popullit të Bosnjës dhe Hercegovinës dhe tha se mohimi i gjenocidit nuk guxon të lejohet dhe të tolerohet.
“Shteti i Kosovës dhe boshnjakët e Kosovës janë të përkushtuar për ruajtjen e shtetit të Bosnjë-Hercegovinës si shtet sovran, i pavarur dhe i pandashëm”, tha ai.
Duda Bale, deputete boshnjake e Kuvendit të Kosovës, përfaqësuese e Unionit Socialdemokrat, shprehu shpresën se një gjenocid si ai i Srebrenicës nuk do të përsëritet më.
Në vitin 2021, Kuvendi i Kosovës miratoi edhe Rezolutën për Srebrenicën, e cila dënon gjenocidin e regjimit serb në Srebrenicë kundër pjesëtarëve të popullit boshnjak, konfirmon masakrën e më shumë se 8000 burrave dhe djemve boshnjakë dhe dënon ashpër mohimin e gjenocidit.
