Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Këshilli i Mandateve është mbledhur sot për të diskutuar kërkesën e Prokurorisë së Posaçme për heqjen e imunitetit të zv/kryeministres Belinda Balluku. • Në mbledhje kanë marrë pjesë prokurorët e SPAK, Klodian Braho, Dritan Prençi dhe Dorina Bejko, ndërsa Balluku përfaqësohet nga dy avokatët, Pamela Qirko dhe Ardian Kalija.• Gjatë mbledhjes, Prokurorët e SPAK kanë deklaruar se Balluku rrezikon deri në 35 vite burg, pasi akuzat janë rënduar. • Gjithashtu Prokurorët kanë konfirmuar, se vetë Balluku, më 20 nëntor 2025, ka intimiduar dy dëshmitarë, duke i kërkuar të ndryshojnë dëshminë. • Sipas SPAK, persona të ‘fortë’ kanë kërcënuar dëshmitarët në emër të Ballukut. • Ndërsa, avokatët e Ballukut, e motra Pamela Qirko dhe Ardian Kalija, kërkuan rrëzimin e kërkesës së SPAK për arrestimin, duke kërkuar nga organi i akuzës që të provojë pretendimet për prishjen e provave dhe rrezikun që Balluku të largohet nga vendi. • Ndërkohë, kreu i grupit të PD, Gazment Bardhi pyeti prokurorët e SPAK, nëse kërkesa për arrestimin e Ballukut është e bazuar në motive politike. • Prokurorët e çështjes u përgjigjen se kërkesa e tyre s’ka asnjë lidhje me motive politike, por është e bazuar në prova. • Gjithashtu në qëndrimin e tyre, anëtarët opozitarë kërkojnë që Kuvendi t’i hapet rrugë arrestimit të Ballukut. • Ndër të tjera, ata u shprehen që masa e sigurisë “Ndalimit të daljes jashtë shtetit” dhe “Pezullimit të ushtrimit të një detyre a shërbimi publik” ndaj Ballukut të zëvendësohet dhe ajo të arrestohet për veprën penale “Shkelja e barazisë së pjesëmarrësve në tendera apo ankande publike”, kryer në bashkëpunim.
12 artikuj për këtë temë.
TIRANË- Kreu i Grupit Parlamentar të PD-së, Gazmend Bardhi ka folur pas mbledhjes së Këshillit të Mandateve. Gjatë një prononcimi për mediat, Bardhi u shpreh se SPAK konfirmoi se situata penale ndaj Balluku është rënduar tepër krahasuar me masat e para që gjykata ka dhënë ndaj saj.
Ai tha se Rama urdhëroi 5 anëtarët e PS në këshill, që të bëheshin mbrojtje politike për Ballukun. Sipas tij, dëshmitarët janë kërcënuar me jetë nga “të fortët”.
Bardhi: Nuk ka asnjë vendim të Këshillit të Mandateve që seanca të ishte me dyer të mbyllura. Nuk kishte asnjë surprizë. Rama urdhëroi 5 anëtarët e PS në këshill të bëheshin mbrojtje politike për të korruptuarën Belinda Balluku. SPAK konfirmoi se situata penale ndaj Balluku është rënduar tepër krahasuar me masat e para që gjykata ka dhënë ndaj saj. Këto masa deri tani nuk mbrojnë dot hetimin e plotë ndaj Ballukut. Prokoruroia tha se kur u kërkua ndaj Ballukut masa e masave ndaluese, ajo rrezikonte dënim në maksimum deri në 10 vite burg, sot që flasim u shprehën prokurorët nëse provohen të gjitha akuzat e ngritura ajo rrezikon në maksimum 35 vite burg.
Kjo tregon se jemi në një situatë të rënduar sa i takon krimeve të kryera prej saj. Prokurorët në një dëshmi tronditëse i kanë vendosur në dispozicion këshillit të mandateve provat konkrete se si Balluku përmes dy formave, të fortëve që kanë kërcënuar me jetë dëshmitarë në çështjen Balluku dhe forma e dytë përmes zyrtarëve anëtarë të kabinetit të Balluku që kanë kërcënuar dëshmitarët se do hiqeshin nga puna familjarët atyre që dëshmonin ndaj Ballukut dhe më pas i kanë ofruar edhe para që të ndryshonin dëshmitë që kanë dhënë./Dosja.al
TIRANË- Kreu i Grupit Parlamentar të PS-së, Taulant Balla ka deklaruar pas mbledhjes së Këshillit të Mandateve dhe Imunitetit se nuk ishin dakord për dhënien e menjëhershëm të autorizimit për heqjen e imunitetit të Ballukut, siç ka prpozuar Partia Demokratike. Duke folur për mediat, ai tha se për këtë vendoset në seancën e Kuvendit.
Gjatë fjalës së tij, Balla tha se fillimisht do të ketë një diskutim me Grupin Parlamentar të PS-së dhe më pas do të dalin me një raport. Në fund, ai shtoi se se në Kuvend, aty ku pritet që të votohet për heqjen e imunitetit të Ballukut, të dyja palët do të shkojnë me dy raporte.
"Diskutimi i sotëm, pyetjet e anëtarëve të këshillit, edhe nga SPAK dhe avokatit, mendoj që kanë bërë ose hedhur dritë mbi shumë çështje që lidhen së pari me elementë thelbësore të Kushtetutës të prezumimit të pafajësisë, në përfundim të këtij procesi duke qenë se pala tjetër nuk kishte nevojë për shqyrtim, se e kishin marrë vendimin para shqyrtimin, në rastin tonë, në emër të 5 deputetëve të PS, unë kam informuar këshillin se sa i përket propozimit të PD për dhënien e autorizimi ne nuk ishim dakord se si është propozuar.
Do të kemi informim në një nga mbledhjet e para të Grupit Parlamentar, se autorizimin e jep seanca plenare. Pas atij komunikimi të grupit të PS, ka disa elementë që nuk mund të bhen publike, në përfundim të këtij procesi, sapo Manja, të ketë hartuar plotësisht raportin në emrin e 5 tonë, do të kemi dy relatorë. Ndërkohë që nga ana e tyre do të sjellin raportin e tyre,” tha Balla./Dosja.al
TIRANË- Mbledhja e Këshillit të Mandateve për imunitetin e Ballukut, sapo ka përfunduar. Për shkak të sekretit hetimor dhe kërkesë të organit të akuzës, seanca u zhvillua me dyer të mbyllura. Zv.kryeministrja, Belinda Balluku nuk ishte e pranishme në këtë mbledhje.
Gjatë diskutimeve, përfaqësuesit nga PD akuzuan mazhorancën për zvarritje të procesit. Sipas tyre, ata kanë kërkuar që kjo mbledhje të zhvillohej me dyer të hapura, por kjo kërkesë u kundërshtua nga socialistët.
Në përfundim të mbledhjes, përfaqësuesit e Partisë Socialiste deklaruan se qëndrimi i tyre mbetet i pandryshuar. Ata u shprehën se masa e pezullimit është e mjaftueshme në këtë fazë. Sipas tyre, procesi duhet të vijojë në respekt të plotë të procedurave ligjore dhe nuk ka arsye për masa më të ashpra.
Prokurorët e SPAK kanë argumentuar se pozita penale e Ballukut është rënduar dhe se ekzistojnë prova të reja ndaj saj.Ndërsa, avokatët mbrojtës kanë kërkuar rrëzimin e kërkesës. Kjo duke i kërkuar organit të akuzës të provojë pretendimet mbi prishjen e provave dhe rrezikun e largimit nga vendi./Dosja.al
TIRANË- Detaje të reja kanë dalë në lidhje me qëndrimin e socialistëve për çështjen Balluku. Bëhet me dije se, Manja është shprehur se masat e marra deri tani nga SPAK për numrin dy të qeverisë, janë të mjaftueshme.
“Masat e marra nga SPAK deri tani per Ballukun janë te mjaftueshme për hetimin”, tha Manja./Dosja.al
TIRANË- Është zbardhur qëndrimi i pesë deputetëve të opozitës, gjithashtu anëtarë të Këshillit të Mandateve për çështjen e imunitetit të Ballukut. Në qëndrimin e tyre, anëtarët opozitarë kërkojnë që Kuvendi t’i hapet rrugë arrestimit të Ballukut.
Ndër të tjera, ata u shprehen që masa e sigurisë “Ndalimit të daljes jashtë shtetit” dhe “Pezullimit të ushtrimit të një detyre a shërbimi publik” ndaj Ballukut të zëvendësohet dhe ajo të arrestohet për veprën penale “Shkelja e barazisë së pjesëmarrësve në tendera apo ankande publike”, kryer në bashkëpunim.
Qëndrimi përfundimtar i 5 anëtarëve të opozitës në Këshillin e Imunitetit:
Përfundimisht, 5 deputetët e Këshillit për Imunitetin, përfaqësues të opozitës, në mbështetje të neneve 73, 95, 103 të Kushtetutës, neneve 260, 288, 289 të Kodit të Procedurës Penale, si dhe neneve 13 dhe 118 të Rregullores së Kuvendit;
REKOMANDOJNË:
Deputetët në seancë plenare të Kuvendit të Republikës së Shqipërisë të votojnë pro, për miratimin e kërkesës nr. 43019Prot., datë 16.12.2025 të Prokurorisë së Posaçme Kundër Korrupsionit dhe Krimit të Organizuar, duke vendosur: “Dhënien e autorizimit nga Kuvendi i Republikës së Shqipërisë, për arrestimin/heqjen e lirisë nëpërmjet zëvendësimit të masës së sigurimit nga ajo e “Ndalimit të daljes jashtë shtetit” e parashikuar nga neni 233 i K.Pr.Penale dhe “Pezullimit të ushtrimit të një detyre a shërbimi publik”, e parashikuar nga neni 242 i K.Pr.Penale, në atë të arrest në burg/në shtëpi, për znj. Belinda BALLUKU”, e cila ushtron funksionet e deputetit, ministrit dhe zëvendëskryeministrit, në kuadër të procedimit penal nr. 136 të vitit 2025, ku ajo është marrë si e pandehur dhe person nën hetim, për shkak se dyshohet se ka kryer, në mënyrë të përsëritur, veprën penale: “Shkelja e barazisë së pjesëmarrësve në tendera apo ankande publike”, kryer në bashkëpunim, parashikuar nga nenet 258/2 e 25 të K.Penal./Dosja.al
TIRANË- SPAK ka kërkuar heqjen e imunitetit për Belinda Ballukun. Kjo ka krijuar tensione në Këshillin e Mandateve, ku prokurorët janë larguar nga mbledhja.
Këshilli i Mandateve u mblodh sot për të shqyrtuar kërkesën e SPAK për heqjen e imunitetit të zv/kryeministres Belinda Balluku. Vendimi për thirrjen e Këshillit erdhi pas kërkesës së Komisionit Europian që Kuvendi të trajtojë pa vonesa kërkesën e Prokurorisë së Posaçme.
Mbledhja zhvillohet pas vendimit të Gjykatës Kushtetuese, e cila rrëzoi kërkesën e qeverisë për pezullimin e masës së GJKKO-së që kishte shkarkuar Ballukun nga funksionet publike. Pritet vendimi i Këshillit të drejtuar nga Niko Peleshi mbi kërkesën e SPAK./Dosja.al
TIRANË- Shqyrtimi i i kërkesës për arrestimin e Belinda Ballukut, po vijon të mbahet në mbledhjen e Këshillit të Mandatit. Gjatë përgjigjeve ndaj pyetjeve të deputetit demokrat, Gazment Bardhi, prokurorët e SPAK mësohet të kenë deklaruar se janë konstatuar fakte të tjera penale për Belinda Balluku.
Sipas tyre, gjendja procedurale e saj është rënduar dhe ekziston rreziku për prishje të provave dhe për kryerjen e veprave të tjera penale.
“Gjendja e saj procedurale është rënduar, ka rrezik të prish prova dhe të kryejë krime të tjera”, mësohet të ketë deklaruar SPAK.
SPAK ka konfirmuar në mbledhje, se më datë 20 Nëntor 2025, Balluku ka intimiduar dy dëshmitarë. Kjo sipas tyre, duke i kërkuar të ndryshojnë dëshminë. Burime për mediat, bëjnë me dije se SPAK ka deklaruar në mbledhje se 'disa të fortë', kanë kërcënuar dëshmitarët në emër të Ballukut.
Sipas SPAK, pretendimet mbështeten në transkripte bisedash që ndodhen në 16 mijë faqet e dorëzuara në Kuvend. Prokuroria shton se Balluku apo avokatët e saj nuk kanë ngritur pretendime për ndikim apo përndjekje politike nga ana e saj
“Hetimi nuk ka sfond politik. Ky fakt u konfirmua edhe nga avokatët e Ballukut, të cilët u shprehen se nuk kanë ndonjë pretendim të këtij lloji”, mësohet të kenë deklaruar prokurorët e SPAK./Dosja.al
TIRANË- Prokurorët e SPAK u shprehën se Belinda Balluku rrezikon deri në 35 vite burg. Sipas prokurorëve rrethana në të cilën ndodhet Ministrja e Infrastrukturës është rënduar. Mbledhja e Këshillit të Mandateve ku po diskutohet imuniteti i zv,kryeministres, po zhvillohet me dyer të mbyllura.
“Në masat e para të kërkuara znj. Balluku rrezikonte deri në 10 vite burg; sot që flasim situata e saj është rënduar, dhe me akuzat e prokurorisë në këtë moment znj. Balluku rrezikon deri në 35 vite burg”, kanë deklaruar Prokurorët e SPAK./Dosja.al
TIRANË- Anëtari i Këshillit të Mandateve, Ulsi Manja, u është drejtuar prokurorëve të SPAK me disa pyetje. Ai ka kërkuar sqarime mbi deklaratat e tyre se Belinda Balluku ka kërcënuar dëshmitarë në lidhje me çështjen ndaj saj. Sipas pretendimeve, kërcënimet janë bërë drejtpërdrejt dhe nëpërmjet palëve të tjera.
Prokurorët kanë deklaruar se janë kërcënuar edhe të pandehur të tjerë, edhe persona dëshmitar që s’janë të pandehur. Sipas tyre, Balluku po prish provat duke takuar vartësit.
Ulsi Manja: Këto që janë kërcënuar janë dëshmitar apo të pandehur?
Prokuroria: Janë edhe të pandehur të tjerë, edhe persona dëshmitar që s’janë të pandehur.
Manja: A janë sekuestruar të gjitha provat?
Prokuroria: Jo.
Ulsi Manja: Cili është mekanizmi përmes se cilës Balluku po prish provat pasi është e pezulluar.
Prokurori: Balluku është në detyrë. Mekanizmi, duke takuar vartësit./Dosja.al
TIRANË- Kryetari i Grupit Parlamentar i PD-së Gazment Bardhi ka deklaruar se PS-ja ka penguar për 2 muaj drejtësinë. Gjatë mbledhjes së Këshillit të Mandateve, Bardhi është shprehur se mbledhja e Këshillit të Mandateve duhet të jenë të hapura. Për këtë kërkesë, Bardhi ka kërkuar nga kryetari i Kuvendit Niko Peleshi që të hedhin në votim kërkesën e tij për mënyrën e mbledhjes.
'Keni penguar për 2 muaj drejtësinë, keni shkelur Kushtetutën dhe Rregulloren. Në parim, mbledhjet e organeve të Kuvendit janë të hapura dhe nuk ka asnjë arsye që kjo mbledhje të mbahet me dyer të mbyllura. Ju zoti Kryetar keni detyrimin që ta hidhni këtë në votim. Nuk mund t’i fshiheni publikut vjedhjen nga Belinda Balluku të miliona eurove, apo bashkëfajësinë e Edi Ramës në këtë çështje,' tha Bardhi./Dosja.al
TIRANË- Mbrojtja e zv.kryeministres Belinda Balluku ka mbërritur në ambientet e Kuvendit ditën e sotme, ku do të mbahet mbledhja e Këshillit të Mandateve. Mësohet se pasi prokurorët e SPAK janë paraqitur në Kuvend, dy avokatët e Ballukut, Pamela Qirko dhe Ardian Kalija janë parë teksa hyjnë në ambientet e Kuvendit.
Zv.kryeministrja Belinda Balluku është marrë e pandehur për tenderin më vlerë 190 milionë euro për ndërtimin e tunelit të Llogarasë, akuzë që i është komunikuar zyrtarisht dhe dyshohet edhe për tenderin 20 milionë euro të lotit 4 të Unazës së Madhe të Tiranës. Për të dy tenderët, me vlerë 210 milionë euro, sipas SPAK, Balluku ka paracaktuar fituesin përmes mbikëqyrjes dhe ndërhyrjes gjatë gjithë procesit të zhvillimit të garës./Dosja.al
TIRANË- Këshilli i Mandateve do të mblidhet sot për të diskutuar kërkesën e Prokurorisë së Posaçme për heqjen e imunitetit të zv/kryeministres Belinda Balluku. Pak minuta më parë janë parë prokurorët e SPAK, Klodian Braho, Dritan Prençi dhe Dorina Bejko teksa hyjnë në ambientet e Kuvendit.
Këshilli mblidhet pas vendimit të Gjykatës Kushtetuese që rrëzoi kërkesën e qeverisë për pezullimin e masës së Gjykatës së Lartë, e cila kishte shkarkuar nga funksionet publike zv/kryeministren. Këshilli i Mandateve, i drejtuar nga kryetari i Kuvendit, Niko Peleshi, do të vendosë të marrë në shqyrtim kërkesën e Prokurorisë së Posaçme./Dosja.al
