Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Këshilli i Ministrave ka kaluar sot aktin e rëndësishëm që ka të bëjë me reformën spitalore dhe çeljen e autonomisë spitalore. •Pas mbledhjes së qeverisë, Ministrja e Shëndetësisë, Ogerta Manastirliu bëri me dije se me aktin e miratuar nga qeveria, i hapet rrugë ofrimit të konsultave ambulatore nga mjekët, jashtë orarit zyrtar të punës, për pacientët jashtë sistemit të referimit. •Ky vendim, përfshin vetëm spitalet që do jenë pjesë e autonomisë spitalore që do kenë përfituar kartën e autonomisë menaxheriale dhe do kenë mundësi mjekët që aplikojnë sipas kritereve të përcaktuara në këtë vendim. •Pas përfundimit të mbledhjes së Këshillit të Ministrave, Ministrja e Arsimit Evis Kushi tha se Qeveria ka miratuar një vendim, mbi bazë të të cilit janë bërë disa ndryshime në politikat arsimore në vend. •Kushi tha se studentët që kanë një mesatare mbi 8.5 dhe që zgjedhin studime në degët prioritare, do të përfitojnë një bursë, por kjo sigurisht që ka një klauzolë që duhet respektuar. •Me vendimin e sotëm, studentët që duan të ndjekin këto programe prioritare, mund të marrin bursë mujore sa paga minimale por kanë kushtin që duhet të punojnë për të paktën 3 vjet brenda vendit.
3 artikuj për këtë temë.
TIRANË- Këshilli i Ministrave miratoi sot një akt të rëndësishëm të Ministrisë së Shëndetësisë, që ka të bëjë me reformën spitalore, për të mundësuar krijimin e instrumenteve të cilat mbështesin profesionistët e shëndetësisë në sistemin spitalor. Pas mbledhjes së qeverisë, Ministrja e Shëndetësisë, Ogerta Manastirliu, bëri me dije se me aktin e miratuar nga qeveria, i hapet rrugë ofrimit të konsultave ambulatore nga mjekët, jashtë orarit zyrtar të punës, për pacientët jashtë sistemit të referimit.
Manastirliu thotë se edhe pacientët mund të zgjedhin vetë mjekët që dëshirojnë të kryejnë konsultat, duke përcaktuar pagesa të tjera të përcaktuara nga bordi i spitalit. Ajo ka sqaruar se kjo do ndodhë vetëm në ato spitale që kanë autonominë spitalore dhe kartën menaxheriale.
"Çelja e autonomisë spitalore. Akti që ka kaluar sot është për mundësinë e ofrimit jashtë regjimit të punës të përcaktuar nga punëdhënësi në regjistrat antiambulatorë.
Është një akt i cili ka një praktikë dyfishe. Të gjitha spitalet që do të ecin me modelin e ri me kartën menaxheriale, do të kenë mundësi për instrumentin për praktika dyfishe.
Pra kjo i lejon mjekët të kryejnë konsulta ambulatore jashtë sistemit të regjimit apo të referimit. Pra mundet të kenë mundësinë të konsultohen me mjekët që duan, duke përcaktuar pagesa të tjera të përcaktuara nga bordi i spitalit. Kjo do ndodhë vetëm në ato spitale që kanë autonominë spitalore dhe kartën menaxheriale”, ka deklaruar Manastirliu.
TIRANË- Pas përfundimit të mbledhjes së Këshillit të Ministrave, ministrja e Arsimit Evis Kushi bëri të ditur një lajm për të gjithë maturantët që duan të nisin studimet e larta. Ajo u shpreh se në mbledhjen e sotme të qeverisë u mor vendim që të gjithë maturantët që kanë mbaruar gjimnazin me mesatare mbi 8.5 dhe nisin studimet në një nga programet prioritare të caktuara nga Ministria e Arsimit, do të mbeten nga qeveria me një bursë të barasvlefshme me pagën minimale.
“Sipas VKM, ne kemi shpallur një listë prioritare studimesh dhe mbështetje financiare të studentëve. Të gjitha ata maturantë që kanë një mesatare mbi 8.5 dhe që zgjedhin një nga këto programe përfitojnë sa paga minimale çdo muaj, dhe ndërkohë detyrimi i tyre është që pas diplomimit për 3 vite të qëndrojnë dhe të japin kontribut për vendin.
Të njëjtën bursë, e përfitojnë edhe studentet ekselentë që janë me të gjitha 10 në maturë, ashtu sikurse ata që fitojnë olimpiada ndërkombëtare. Në do ti ndajmë kuotat sipas universiteteve, në varësi të numrit të studentëve që ata kanë dhe programeve të studimeve.
Kemi vendosur të vendosim të heqim kriterin 8.5 të mesatares për të gjitha ata që përfitojnë bursa duke ndjekur këto programe studimi. Që do të thotë, edhe një maturant, që ka një mesatare më të ulët, por gjithmonë duke plotësuar ato kriteret, siç është mësuesia me 7.5, por kemi hequr kriterin e 8.5.
Në programin e bujqësisë, në drejtimin e veterinarisë, edhe me mesataren 8 dhe 7.5 mund të jetë i suksesshëm për diplomim, kemi hequr kriterin që duhet ta ruajë rezultatin përgjatë viteve të studimeve”, tha Kushi.
TIRANË- Ministrja e Shëndetësisë Ogerta Manastriliu u pyet ditën e sotme në lidhje me protestën e studentëve të mjekësisë. Ajo u pyet nga gazetarët pas përfundimit të mbledhjes së Këshillit të Ministrave, se nëse qeveria ka një përgjegje sa i takon protestës së studentëve për punësimin me detyrim. Ajo u shpreh se janë ende në një proces të gjerë konsultimesh.
“Ne kemi ndërmarrë një proces të gjerë konsultimesh, takimesh me studentët e mjekësisë, me rektorë dhe dekan për të krijuar bazën më të mirë të diskutimeve. Në momentin që qeveria do ketë një model për ta caktuar do ua përcjellim.”- thotë Manasitirliu.
