Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Kuvendi i Shqipërisë sot është fokusuar në deklaratat e kryetarit të Partisë Demokratike, Sali Berisha lidhur me çështjen e ish-agjentit të FBI-së, Charles McGonigal. • Fillimisht Kuvendi nisi me një minutë heshtje për viktimat e tërmetit në Turqi dhe në Siri. • Por më pas, dritat u fikën në sallë. PD pretendoi se ndodhi për shkak se në sallë hyri Berisha, ndërsa Kuvendi ia vuri fajin pajisjes UBS. • Më pas nisi debati për deklaratat e Berishës. • Socialistja Anila Denaj kërkoi dënimin e tij maksimal për deklaratat që sipas saj janë seksiste ndaj deputeteve. • Po ashtu, ajo shtoi se 27 deputete socialiste kanë firmosur një kërkesë për përjashtimin maksimal të Sali Berishës nga Kuvendi, ndaj dhe kërkoi që Berisha ose të publikojë materialet që pretendohet se ka, ose të kërkojë falje. • Mirëpo, pavarësisht se pretendon se ka video, Berisha refuzoi që t’i publikonte, por dha një tjetër opsion. • Kush do që t'i shohë nga socialistët, të formojë një Komision me 2-3 persona dhe të shkojnë në selinë blu për t'i konfirmuar vetë. • Sipas tij, e gjitha kjo po bëhet që të sfumohet skandali i McGonigal me kryeministrin Edi Rama. • Ky i fundit sërish mungoi sot. • Pas 1 orë 30 minuta diskutime dhe përplasje, me propozim të Taulant Ballës, Kuvendi u ndërpre.
22 artikuj për këtë temë.
TIRANË- Ish-kryeministri Sali Berisha deklaroi se ministret socialiste kanë kërkuar përjashtimin e tij sepse denoncoi veprimtarinë erotike të Charles McGonigal në Tiranë. Në faqen e tij në Facebook, Sali Berisha u shpreh se ato janë reale dhe nuk mund të mbulohen nga socialistët.
"I ftoj zonjat, konkretisht të kërkojnë, edhe ty të dogji miza pas kësule. Çfarë pate ti Elisa. Elisa, çfarë pati që u ngrite, po pse kapitulli erotik është kapitulli... si bëni kështu, a jeni në rregull apo jo, keni fiqir apo jo. Po çfarë është kjo. Po pse, erotizmin e McGonigal do të mbroni këtu? Ku e di ti që nuk kishte Allison në Shqipëri ai? Pse të djegu ty? Pse e mbron ti? Dëgjo, dëgjo. Orgjitë e McGonigal janë reale. Më duhet zëri për më vonë pa... Ju ka djegur McGonigal dhe ngrihen njëra pas tjetrës. O perëndi çfarë jeni ju. Kujt i djeg miza pas veshit, me radhë merreni fjalën,"-tha Berisha.
TIRANË- Deputeti i Partisë Socialiste, Toni Gogu nisi që të mbante fjalën e tij në Kuvend, por pranë tij ka shkuar demokrati Flamur Noka, i cili po i frynte me një bilbil në vesh. Pas kësaj, është marrë vendimi që deputeti Flamur Noka të përjashtohet, por ai nuk ka lënë sallën, ndërsa Gogu i tha se Noka kishte frikë nga drejtësia.
PJESË NGA DEBATI:
Flamur Noka: Më jep fjalën moj.
Lindita Nikolla: Të të vijë turp zoti Noka për sjelljen. Të tërheq vëmendjen.
Toni Gogu: Ky zotëria që i bie bilbilit bëri sikur mbajti zi për viktimat e tërmetit. Shpirtrat e shqiptarëve e kuptojnë ç'do të thotë tërmet, vetëm ky nuk e kupton se është burrë i frustruar nga drejtësia. Po i vjen ora e drejtësisë prandaj bën kështu. Fjalën nuk ma ke dhënë ti, shko ulu atje. Këtu ka burra të frustruar nga drejtësia.
Nikolla: Po më detyroni të marr masa zoti Noka
Noka: Vazhdo me masat ti...Tërmeti McGonigal.
Toni Gogu: Ky zotëria kur binte tërmeti ishte duke mallkuar zjarrfikët dhe njerëzit që shpëtonin jetë.
Nikolla: Kërkoj 5 minuta pushim dhe ju lutem thirrni arsyes.
TIRANË- Kryetari i Partisë Demokratike, Sali Berisha ka vijuar debatin me Elisa Spiropalin në Kuvend. Në fjalën e tij, Berisha tha se kishte prova për aferat e Charles McGonigal, duke sulmuar edhe njëherë socialistet që kërkuan largimin dhe dënimin e tij nga Kuvendi.
"Le të bëjmë një marrëveshje këtu. Cilës nga ju i ka djegur deklarata ime që unë të bëhem i sinqertë me ju. Thoni pak, dhe unë të them, të vërtetën. Elisa, pyeti cilësi ka djegur më shumë që unë të bëj deklaratën që kërkoni. Cilës? Po ka marrëzi si kjo mor. Unë thashë çfarë pësuat. Pse kam akuzuar McGonigal, ju i dilni zot këtu atij. Pse me erotizmat e McGonigal doni të fshihni aktivitetin e tij, subversiv në Shqipëri. Me këto doni ta kaloni, jo nuk e kaloni ju dot me këto. Latë nam ëëëëë. Në historinë e parlamentit...po ai zotëria. Ai ka nxjerrë viza për moldave. Të dalë dhe të thotë jo. Mendo që edhe ajo moldavja ka një nënë dhe një motër. Ai është kapur në flagrancë mo, ai që keni kryetar grupi. Ai nuk ka të drejtë kurrë të ulet në parlament. Do më heqësh fjalën? Ashtu? Po e mbron,"-tha Berisha.
Në mungesë të kryeministrit Edi Rama që nuk ishte në sallë për shkak se kishte takimin më homologun bararez, përgjigjen Berishës ia dha ministrja e Shtetit Elisa Spiropali.
“Salil lenini dhe Flamur Trocki do bënin revolucion po revolucioni mbeti në rrugë. Rri më flamur ca ke m burrë. Revulucioni mbeti në rrugë doktor, se revolucioni do pastërti mend, revolucioni do kaos, do njerëz, revolucioni do bindje të cilat ju nuk i keni doktor, prandaj do mbeteni siç thotë Flamuri, një vit, 2 vjet, 10 vjet rrugëve për të bërë revolucioni që se bëtë kurrë në partinë që e morët peng. Ju jeni këta. Është e turpshme për një burrë të shpifë të përgojojë të shantazhojë gratë. Gurra popullore i ka rezervuar një vend të posaçëm burrave që merren me gratë. Kurse populli ju rezervon një vend të veçantë duke i tkurrur duke i bërë më të vegjël e më të parëndësishëm. Ne jemi këtu burra egra që tu flasim familjeve. Të jesh i bindur që deklarata që lexoi Denaj është e plotë dhe i referohet bëmave tuaja. Keni mbërritur në një nivel të pabesueshëm në raport me njerëzit, familjet dhe me këdo. Doktor nuk bëhet revolucion me këto, mblidh mendjen,"-tha Spiropali.
TIRANË- Kryetarja e Kuvendit, Lindita Nikolla ndërpreu seancën plenare, por kryetari i Partisë Demokratike, Sali Berisha ka vendosur që të rikthehet tek "avazi i vjetër" dhe është futur LIVE nga Facebook. Në fjalën e tij, Berisha tha se nuk do të nxjerrë asnjë të dhënë nga ato që pretendohet se ka për skandalet seksuale të Charles McGonigal.
"Unë kam cenurë të plotë ndaj videoje dhe mesazhi erotik që vjen tek unë. Ç'kujton ti? Jam Sali Berisha unë, nuk jam Edi Rama. Kemi të bëjmë me një agjent shumë të rrezikshëm, një tradhtar të SHBA, një armik të egër të opozitës dhe demokracisë shqiptare. Në këtë rast, çdo dokument që unë disponoj dhe do të disponoj, do ti dorëzoj në organet kompetente hetimore. Por përsëri kureshtjen tuaj për skena dhe për gjëra, mos kujtoni se ua plotësoj unë, kurrë. Unë kam një censurë të plotë për çdo video, mesazhi erotik që vjen për tu publikuar, nuk ndodh ajo. Po ku shkoi ajo. Pse çfarë mendon ti, se do të them unë fjalët që thotë kryetari jot, mos e prit atë ndonjëherë. Jam Sali Berisha unë, nuk jam Edi Rama që ndal gratë sa herë shkon në fushatë elektorale. Nuk e bëj unë atë. Nuk jam unë, ai që e di se ç’heqin ministret në mbledhjet e qeverisë me fjalorin prej rrugaçi që përdor dhe fjalorin. Kurrë mos i kërko tek unë. Jam i detyruar të respektoj, pavarësisht se e dua apo nuk e dua, unë nuk mund të fyej publikisht një grua. Nuk dëgjova asnjë, përmenda emra unë aty. Asnjë emër. Po pse u djeg kjo gjë. Çfarë ndodh me këtë. Pse me këtë kërkoni të mbuloni ju marrëdhënien sekrete të Edi Ramës me McGonigal. Nuk mbulohet me këto. Është e turpshme. Jeni jashtëzakonisht të keqorientuara,"-tha Berisha.
TIRANË- Për shkak se kryetarja e Kuvendit, Lindita Nikolla nuk i dha fjalën, numri një i Partisë Demokratike, Sali Berisha zuri Foltoren. E ndërkohë socialistja Blerina Gjylameti i kërkoi që të nxirrte videot erotike që thuhej se kishte. Por fjala e Berishës nuk u dëgjua për shka të një problemi me mikrofonin ndaj dhe Nikolla ndërpreu për 5 minuta seancën plenare.
PJESË NGA DEBATI:
Gjylameti: Është në nderin tuaj zoti Berisha, ose të nxirrni videot, ose të kërkoni ndjesë për gjuhën e përdorur. Noka hiqeni atë bilbil nga goja se është e trupshme kjo që po bëni.
Nikolla: Lironi foltoren.
Berisha: *nuk dëgjohet pa mikrofon.
Nikolla: 5 minuta pushim sa të vendoset qetësia në sallë.
TIRANË- Deputeti i Partisë DEmokratike, Flamur Noka ka tërhequr vëmendjen disa herë me një bilbil për të marrë fjalën për procedurë. Sipas tij, po bëhej gjithçka që të mos i jepej fjala kryedemokratit Sali Berisha. Ndërsa pas tij fjalën e mori Oerd Bylykbashi, i cili tha se socialistet kishin formuar një "çetë" për të sulmuar numrin një të Partisë Demokratike.
PJESË NGA BISEDA:
Flamur Noka: Kam gjysmë orë që kërkoj fjalën për procedurë
Lindita Nikolla: O zoti Noka ulu në vend dhe sillu siç i ka hije një deputeti të Kuvendit të Shqipërisë.
Flamur Noka: Cicërima që dëgjuam më parë tregon panik dhe tmerr që e ka zënë sulltan Surrelin. Gjithçka që Sali Berisha të mos flasë, ka gjë më të turpshme se kjo që po bëni ju. Procedurë është kjo.
Lindita Nikolla: Janë ligjërime jo etike. Zoti Bylykbashi, fjalën për procedurë.
Oerd Bylykbashi: Do të mbaheni mend si drejtuesja që ka shkelur Kushtetutën dhe rregulloren e Kuvendit. Ajo që është për turp sot është që gratë deputete po përdoren si çetë për të vrarë të drejtën kushtetuese.
Lindita Nikolla: Të të vijë rëndë, të të vijë turp dhe të kërkosh ndjesë. Ta heq të drejtën e fjalës. Zonja Gjylameti.
TIRANË- Ish-kryeministri Sali Berisha i është përgjigjur kërkesës së deputeteve socialiste për ta përjashtuar atë nga Kuvendi për shkak të gjuhës diskriminuese. Nga vendi, Berisha tha se videot dhe mesazhet që ka nuk do t'i publikojë kurrë, por shtoi se është gati që t'i vendosë në dispozicion të drejtësisë. Por teksa po fliste, ndërhyrje numri një i grupit parlamentar të Partisë Socialiste, Taulant Balla.
PJESË NGA DEBATI:
Berisha: Me asgjë, me asnjë akt, me asnjë banalitet nuk mund të sfumoni skandalin e tmerrshëm në të cilin jeni përfshirë. Këtu në parlament endet hija e McGonigal, i cili bashkëpunoi jo vetëm me Edi Ramën, por edhe me disa nga këta ministra e ministre, i cili mori përsipër si vrasës me pagesë të sulmojë opozitën, të shkatërrojë opozitën, i cili mori përsipër shumë e shumë veprime për të cilat kryetari juaj, një pjesë e juaj e mirë jeni dhe do të jeni në gjykim, në Shqipëri dhe SHBA. Përsa i përket zonjës! Zonjë do të ju them një gjë unë ty; ty të duket të pëlqejnë ato që thotë Rama, por unë ato nuk i them kurrë, unë jam soj tjetër, edukatë tjetër, kështu që nuk kam si ta kuptoj unë reagimin tënd, përveç një dëshire që të dëgjosh nga goja ime ato që thotë kryetari yt edhe në këtë sallë parlamenti. Por ato nuk do ti plotësoj ndonjëherë.
Balla: Ke video? Po nxirri pra.
Berisha nga vendi: Ka, ka!
TIRANË- Vijon me tensione seanca plenarë në sallën e Kuvendit të Shqipërisë. E ashpër në fjalën e saj ka qenë edhe deputetja e Partisë së Lirisë, Monika Kryemadhi. Kjo e fundit ka shënjestruar kryeministrit Edi Rama, duke u shprehur se ai është i frikësuar nga afera me Charles McGonigal, ndërsa paralajmëroi se të tjera detaje do dalin nga ky skandal.
"Përdorimi politikisht dhe të gënjesh kaq hapur, më vjen keq që Anila ka marrë përsipër një gjë të tillë. Të gjithë e dinë xhentilesën e Berishës ndaj grave. Mos u përdorni në mënyrë primitive. Ai zotëria shqyhet për dhunë fizikë dhe verbale ndaj grave. Tërhiqeni atë gjë se është e turpshme. Ti nuk më ke dhënë të drejtën e fjalës. E di që jeni në presion të madh. E di që jemi në presion nga McGonigal. Të gjithë aty do të dalin, por të zbatojmë rregullin në parlament. Ai nuk vjen se është dhjaks, i mbush brekët, por mos u bëni jashtëqitja e tij se është turp,"-tha Kryemadhi.
Fjala e plotë në Parlament e deputetes së Partisë së Lirisë, Monika Kryemadhi
Në fakt ndjej keqardhje për kolegët deputetë të Partisë Socialiste dhe aq më shumë për 80% të Qeverisë së zotit Rama dhe për ju që drejtoni këtë Kuvend si gra që jeni. Përdorimi në mënyrën më të tmerrshme nga burrat e degraduar politikisht se moralisht dhe familjarisht nuk është problemi ynë, është problem i grave të tyre nëpër shtëpia, por politikisht dhe të gënjesh kaq hapur, dhe më vjen shumë keq që Anila ka marrë përsipër një deklaratë të tillë, të paktën jo vetëm ne këtu në Parlament por gjithë shqiptarët janë koshientë që Berisha shquhet për xhentilesë ndaj femrave.
Vetëm një ka këtu, po s’ka problem për ju se Edi Rama i konsideron burrat e partisë për gra ndërsa gratë e partisë i konsideron për burra kështu që ajo, zonja Nikolla ju lutem shumë mos u përdorni në mënyrë kaq primitive. Ai zotëria shquhet për dhunë verbale, morale, fizike ndaj grave. Ky kryeministër i cili nuk është gjë tjetër veçse një ushtar i krimit të organizuar, mendoj që tërhiqeni atë gjë se është shumë e turpshme. Mos bëni më gafa të tjera siç keni bërë me përjashtimet e deputetëve të tjerë, zbatoni rregulloren e Parlamentit se po të jetë puna ashtu zonjë më ke hequr dy herë të drejtën e fjalës pa më thirrur asnjëherë emrin në sallë. Kam dashur të flas dhe nuk më ke dhënë të drejtën e fjalës, pavarësisht se ka qënë e bllokuar foltorja, do flisja nga vendi.
Prandaj ju lutem shumë zbatoni rregulloren e Kuvendit. Unë e di që jeni nën presion të madh, nuk kemi çfarë t'i bëjmë McGonigal. McGonigal do vazhdojë deri në fund, do t'i dali 225-çja, pesë milionshja, tetë milionshja, njëqind milionshja, koncensionet, puset e naftës, Taulanti, Damiani të gjitha aty do dalin, por të zbatojmë rregullin këtu në Parlament, të ecim në mënyrë siç është për të ecur. Ai zotëria e dimë që s’vjen se është dhjaks për ketë punë, është njëshi për të mbushur brekët, më falni që po flas me këtë gjuhë, më përjashtoni po të jetë, por mos u bëni dhe ju jashtëqitja e tij se me thënë të drejtën këtë vend e ka shkatërruar.
TIRANË- Deputetja e Partisë Demokratike, Merita Bakiu pretendon se kolegia Anila Denaj nuk është konsultuar me Aleancën e grave në Kuvendin e Shqipërisë për pretendimet që kanë me kryedemokratin Sali Berisha. Ndaj dhe shtoi se demokratet nuk do ta pranojnë kërkesën e bërë për dënimin maksimal të kryedemokrati Sali Berisha.
"Thotë që ka marrë një vendim, unë kam qenë e pranishme në seancë dhe nuk do të kursehem asnjëherë nëse do të përdorej gjuhë fyesë. Nuk kemi parë një gjuhë lincuese të tillë e më vjen keq që nuk e kanë kërkuar mbledhjen e Aleancës së Grave. Ne nuk e pranojmë ankesën e grave socialiste,"-tha Merita Bakiu.
TIRANË- Deputetja e Partisë Socialiste, Anila Denaj ka kërkuar dënimin maksimal të kryetarit të Partisë Demokratike, Sali Berisha. Denaj u shpreh se kërkesa për përjashtimin e Berishës është depozituar në emër të grave deputete të Parlamentit që të merret për procedurë, me pretendimin se Berisha i ka akuzuar se ministrat shihen në clube të Tiranë politikanë në prezencë të ish-agjentit të FBI-së, Charles McGonigal.
Në fjalën e saj, Denaj tha se Berisha ose duhet të bënte publike materialet që thuhet se posedon, ose duhet që të kërkojë falje publike.
"Sali Berisha nuk shmang asnjë diskriminim, por ka marrë edhe statusin e atij që mund të nxjerrë çfarë të dojë nga goja. Ose të nxjerrë prova, ose të kërkojë falje publike ndaj subjekeve të dhunës së shfrenuar. Gjatë ushtrimit të mandatit, sanksionet e rregullores lidhen me shkeljen e veprimtarisë së Kuvendit. Kjo deklaratë është depozituar sot dhe e keni marrë sot e kërkojmë që të shqyrtohet menjëherë. Ky tha se ka video për nuk do t’i bëjë publike. Në Kodin e sjelljes së Kuvendit thuhet se kërkohet. Këtë herë janë shtuar edhe emra ambasadorësh. Gjuha linçuese këtu është e patoluerueshme. Sali Berisha jo vetëm nuk shmang asnjë diskriminimin për shkak të gjinisë. Ne kemi bindjen se deputeti Sali Berisha nuk duhet lejuar të marrë pjesë në seancë nëse nuk kërkon falje publike subjekteve. Më vjen keq për kryetaren e Aleancës së gruas, të cilat nuk është hera e parë është deklaratë e përsëritur, kësaj here i është bashkuar emri i ambasadorëve. Kjo është një gjuhë lincuese. Gjuha etike në këtë parlament duhet të jetë e saktë për të gjithë. Për mua është legjislatura e parë, por gjuha etike është për të gjithë."
Kjo kërkesë u prit me revoltë nga deputetët demokratë në sallë që filluan t’i bien tavolinave, ndërsa përgjigjia iu dha nga një anëtare tjetër e lidhjes së gruas në Kuvend, Merita Bakiu, e cila pretendoi se socialistet nuk ishin konsultuar me demokratet lidhur me këtë çështje.
TIRANË- Betohet deputeti i ri i Kuvendit të Shqipërisë. Me të ardhur dritat në sallën e Kuvendit, pas 30 minutash ndërprerje për shkak të fikjes së dritave, seanca filloi me betimin e deputetit të ri të PD-së, Gëzim Ademaj nga radhët e PDIU-së, i cili mori mandatin e Faion Veizaj, që dha dorëheqjen.
Deputeti Gëzim Ademaj u betua sot në parlament si deputeti më i ri.
TIRANË- Pas thuajse 30 minutave në terr, rikthehet energjia elektrike në Kuvendin e Shqipërisë. Me të ardhur dritat, punimi në seancën plenara ka nisur si zakonisht, pavarësisht se ka pasur tensione dhe përplasje mes socialistëve dhe deputetëve të opozitës. Sipas Kuvendit, drita nuk kishte për shkak të probleme me pajisjen e UBS.
TIRANË- Kryetari i Partisë Demokratike, Sali Berisha ndodhet në sallën e Kuvendit të Shqipërisë. Zyra e shtypit të PD-së pretendon se në momentin e hyrjes së tij në sallë, në Kuvend u ndërpre menjëherë energjia elektrike.
Po ashtu, bëhet me dije se në sallë kanë arritur që të hyjnë edhe deputetë të tjerë të PD-së. Ndërsa nga Kuvendi pretendohet se ndërprerja e energjisë ka ndodhur për shkak të djegies së pajisjes UPS që furnizonte sallën e energji elektrike. E gjithashtu të njëjtat burime pretendojnë se seanca do të rinisë sapo pajisja të zëvendësohet.
TIRANË- Kjo që po shihni është letra me emrat e deputetëve të parjashtuar të Partisë Demokratike, që nuk po lejohen që të futen në sallën e Kuvendit sot për seancën plenare.
Siç duket edhe nga fotoja në copën e letrës janë shënuar 10 emrat e deputetëve, të nënvizuar me të verdhë, por nuk kishte asnjë vule të institucionit të Kuvendit.
TIRANË- Fiken dritat në Kuvendin e Shqipërisë. Teksa duket se ka nisur protesta e opozitës, në Kuvend është ndërprerë energjia elektrike për arsye që nuk dihen, ndërkohë që i vetmi ndriçim i përdorur është ndezja e blicave të telefonave të Gardës dhe të të gjithë deputetëve të Kuvendit të Shqipërisë.
Sot ka seancë në Kuvend, e ndërsa në po të njëjtën orë, ish kryeministri Sali Berisha mban protestën e paralajmëruar “për revolucion”. Nga ana tjetër, kryeministri Edi Rama nuk është në Kuvend, pasi do të presë Kryeministrin e Bavarisë, Markus Söder po në atë orë.
Vendimi për të zhvilluar protestën e sotme u mor pas tubimit të zhvilluar më 11 shkurt në bulevardin ‘Dëshmorët e Kombit’. Këto protesta erdhën pas publikimit të dosjes së ish-agjentit të FBI-së Charles McGonigal që është nën akuzë për korrupsion e pastrim parash dhe takimeve të këtij të fundit me kryeministrin Edi Rama. Opozita kërkon largimin e kryeministrit ndaj dhe u ka bërë thirrje demokratëve që të rrethojnë Kuvendin, të cilin e konsideron si një institucion të marrë peng e të drejtuar nga kriminelë.
TIRANË- Tensione mes anëtarëve të opozitës dhe Gardës në hyrje të Kuvendit. Teksa kryetari i PD-së Sali Berisha ka tentuar të hyjë në Kuvend, Garda e ka ndaluar ndërsa kjo e fundit është përplasur një moment me opozitarët Belind Këlliçi, Luan Baçi, Flamur Noka dhe Albana Vokshi. Deputeti Luçiano Boçi dhe të tjerët të përjashtuar kanë kërkuar të hyjnë në seancë, me argumentin se është përjashtuar nga pjesëmarrja aktive në seancë por sipas tij mund të hyjë fizikisht në Kuvend pasi ka vetëm masë disiplinore dhe jo ndaluese. Por ai dhe kolegët e tjerë, por nuk janë lejuar të hyjnë.
Përplasja me Gardën në hyrje të Kuvendit:
Albana Voshki: Përgjegjësia është e imja e marrë unë përsipër.
Flamur Noka: Mos e prek se është femër ajo. Mos e prek. Hapu
Albana Vokshi: Nuk më ndalon dot mua.
Belind Këlliçi: O Albana futu. Zoti Spaho lejohet. Të kalojë zoti Spaho. Ore ka edhe pjesë sipër Parlamenti. Po na lënë të hyjmë more, do të na nxirrni të gjithëve?
Albana Voshki: Po ik ore se nuk më ndalon dot ti mua. Është turp kjo që po bëni.
Belind Këlliçi: Lexoni emrat dhe të hyjmë.
Albana Voshki: Ore mos mu lut se do futem. Me një urdhër nuk më ndalon dot mua.
Luan Baçi: Ose se na vdiqët këtu. Nuk na ndaloni dot. Hape rruëgn të thashë.
Luçiano Boçi: Ore jam me mandat, mos më prek. Më do, s'më do shumë.
Luan Baçi: Këta të PS kanë hyrë brenda që në orën 4. E kanë skenar ata mor burrë.
Albana Voshki: Sollët përforcime? Bravo, bravo. Paskeni sjellë 20 veta për të penguar deputetët. Kush jeni ju morë?
Luçiano Boçi: Banditët janë të lirë, pengohet deputetët. Kam qejf të dëgjoj Lindita Nikollën më ka marrë malli.
Luan Baçi: Po i ngjeshët deputetët, i shtypët, paskeni qenë të poshtër.
Albana Voshki: Ne do ju e mbajë mo, dil këtej nga unë se do të të mbroj nesër kur të të hedhin në rrugë. Jo, jo të ishte oficer karriere ti nuk do kapje fermër me dorë.
Luan Baçi: Ju duhet të na jepni fletën ne, e mbajmë ne përgjegjësinë. Nuk na ndaloni dot të hyjmë.
Luçiano Boçi: Mos u bëni mish për top. Bjere vendimin këto. Ma dhe, edhe i mbaj unë përgjegjësitë për penalitetet. Nuk është sekret ai. është vendimi i Gjykatës Politike të parlamentit që ka vendosur pushkatim. Ju njoftoj sot që është vendosur që sekretariati. Është masë disiplinore jo ushtarake. Po fola të marr vendim tjetër. Askund nuk thuhet që nuk më lejohet që të futem në sallën e Parlamentit. Merrni vesh shqip ju se për të shkruar nuk shkruani, por të paktën lexoni. Është masë disiplinore dhe jo ndaluese.
TIRANË- Kreu i Partisë Socialiste Taulant Balla ka deklaruar se ka analizuar kërkesën për mocion me debat me kryemnistrin Edi Rama për dosjen e ish-agjentit të FBI-së Charles McGonigal. Në një prononcim për mediat, Balla tha se që ky debat të zhvillohet, ai duhet të ulet dhe të diskutojë në një tavolinë me Enkelejd Alibeajn e Mesila Dodën, krerët e dy grupeve parlamentare. Ai shtoi se paraprakisht ka menduar që çdo deputet të flasë 5 minuta. Por, Balla tha se kjo gjë do të bëhet kur prezent të jetë kryeministri Edi Rama, i cili sot mungon pasi do të presë kryeministrin e Bavarisë.
“Siç ju informova, kemi miratuar zhvillimin me mocion me debat brenda 30 ditëve. Që mocioni me debat të zhvillohet, duhet të ulet Alibeaj dhe Doda bashkë me mua që të përcaktojmë edhe kushtet. Unë kam propozuar 12 orë dhe kohët e përkatëse. Duhet të biem dakord edhe për datat, mendoj që nga një nga të enjtet që vijnë ne do ta zhvillojmë edhe këtë debat. Duhet ta flasim edhe me kryetarët e grupeve. Kemi përcaktuar kohën më të madhe që është bërë ndonjëherë, kryeministri do jetë. Sot Shqipëria mikpret një mik të rëndësishëm që viziton Shqipërinë, kryeministri i landit të Bavarisë ka një axhendë të paracaktuar, përpos kësaj seanca e ditës së sotme ka të bëjë me kohën që u jepet deputetëve,”- tha Balla.
TIRANË- Kreu i grupit parlamentar të Partisë Socialiste Taulant Balla ka deklaruar se gratë socialiste do tu përgjigjen akuzave të kryedemokratit Sali Berisha, pasi ky i fundit ka folur për orgji me zyrtarë. Pas mbledhjes së grupit socialist, Balla tha se ministret dhe deputetet do t’i përgjigjen në grup Berishës.
“Të gjitha koleget deputete dhe Ministre të Partisë Socialiste, kanë ngritur një shqetësim që lidhet me disa deklarata të natyrës së diskriminimit gjinor dhe seksual, nga deputeti Sali Berisha ku do të njiheni sot me një deklaratë grave deputete dhe minister të PS-së,”- tha Balla.
Ç’ka deklaruar Berisha?
Kryedemokrati Sali Berisha ka folur për korrupsion erotik. I ftuar në studio televizive dhe para gazetarëve, Berisha është shprehur se qeveria ka korruptuar ambasadorë të huaj, duke u dërguar zyrtaret si eskorta dhe duke i filmuar. Berisha nuk ka përmendur emra, por një prej ambasadpreëve që sipas tij është filmuar, tashmë është larguar nga Shqipëria.
TIRANË- Kryetari i Grupit Parlamentar të Partisë Socialiste Taulant Balla në një deklaratë për mediat është shprehur sot se kushdo që përpiqet të pengojë punimet në foltoren e Kuvendit do të përjashtohet sipas përcaktimeve në Rregulloren e Kuvendit.
“Çdo deputet që bllokon foltoren Rregullorja e Kuvendit është e qartë, duhet të përjashtohet nga punimet plenare për 10 ditë. Parlamenti funksionin dhe për çdo përpjekje për të bllokuar atë do të zbatohet rregullorja. Rregullorja e thotë qartë që kush pengon zhvillimet normal të punimeve të Kuvendit do të ndëshkohet,”- tha Balla.
Balla ka folur edhe për kërkesën e opozitës për kryetaren e Kuvendit, Lindita Nikolla.
“Ka pasur një kërkesë qesharake nga ana e deputetëve të opozitës lidhur me pretendimin se në ushtrimin e detyrës së saj, kryetarja e Kuvendit Lindita Nikolla ka kryer shkelje të Rregullores dhe Kushtetutës. Këshilli i Legjislacionit e ka bërë verifikimin dhe raporti është gati, ku konkludohet se Kryetarja e Kuvendit ka respektuar gërmë për gërmë Rregulloren e Kuvendit dhe Kushtetutën dhe për pasojë në seancën e datës 16, Kuvendi duhet të votojë kërkesën ku Grupi Parlamentar i Partisë Socialiste në mënyrë unanime do të votojë kundër kësaj kërkese”, nënvizoi Balla.
TIRANË- Kryetari i grupit parlanentar të Partisë Socialiste Taulant Balla është shprehur se me kryedemokratin Sali Berisha do të përballet në gjyq për akuzat që ky i fundit i ka bërë në lidhje me prostitucionin. I pyetur nga gazetarët në lidhje me këto akuza, Balla tha se të enjten do të mbahet seanca e parë gjyqësore për padinë e dërguar prej tij. Ai shtoi se nëse Berisha vijon tu qëndrojë të njëjtave fjalë, do t'i duhet t'i konfirmojë ato gjyq.
Pjesë nga prononcimi:
Pyetje: Jeni akuzuar shumë kohët e fundit nga kryedemokrati Sali Berisha, keni një përgjigje për të?
Taulant Balla: Po, meqë doje ta shtroje dhe këtë çështje, të enjten mbahet senaca e parë, nëse ai njeri u qëndron atyre akuzave, të vijë në GJKKO të enjten. Unë e kam thënë gjithmonë, ky është ilaçi i vetëm. Të bëri tjetri një akuzë, hidhe në gjyq. Ja ta shohim të enjten.
Kryedemokrati Sali Berisha ka akuzuar shumë herë kreun e grupit parlamentar të PS-së Taulant Balla për lidhje me anëatrë të grupeve kriminale, por së fundmi ka rikthyer disa akuza të vjetra. Berisha ka deklaruar se shumë vite më parë, Balla është marrë me prostitucion. Sipas Berishës, Balla është kaour nga autoritetet në Rumani duke tentuar të nxjerrë viza për vajza moldave, por që në atë kohë, është 'shpëtuar' nga lideri historik i PS-së, Fatos Nano.
TIRANË- Zbardhet plani i masave të Policisë së Shtetit për protestën që Opozita pritet të zhvillojë sot në orën 17:00. Një kordon policor do të qëndrojë para protestuesve. Do të jenë punonjësit e rendit dhe ato të forcave “Shqiponja” që do të formojnë kordonin përreth protestuesve, kryesisht në derën e Parlamentit.
Nuk dihet nëse protestuesit do të tentojnë të hyjnë në Kuvend, por brenda në sallë do të ketë punonjës së Forcave të Ndërhyrjes së Shpejtë.
Forcat e Ndërhyrjes së Shpejtë do të ndahen në tre pjesë. Një pjesë do vendosen në bulevardin “Zhan Dark”, pjesa tjetër brenda rrethimit të Xhamisë së Namazgjasë, dhe një pjesë tjetër brenda ambienteve të parlamentit.
Gjithashtu të pranishëm do jenë edhe forcat RENEA e punonjës të Gardës së Republikës. Të gjithë punonjësit do jenë të pajisur me maska kundra gaz. Forca policore do ketë edhe në kryeministri, në rast se protestuesit do zhvendosen aty.
Rreth orës 15:00 do ketë kufizime në qarkullimit në rrugën “Xhorxh Bush” dhe pjesërisht në bulevardin “Zhan Dark”, por edhe një pjesë e rrugës së Elbasanit.
TIRANË- Kryeministri Edi Rama nuk do të jetë prezent as sot në Kuvend. Edi Rama pret sot kryeministrin bavarez, Markus Söder dhe nuk do të marrë pjesë në seancën plenare. Por, në kohën që Opozita do të nisë protestën para Kuvendit, ai ka gjithashtu një aktivitet në axhendën e tij.
Në orën 17:00, kur edhe do të nisë protesta, Rama dhe Söder do të dalin në një konferencë të përbashkët për shtyp. Mbetet për tu parë nëse do të zhvillohet senaca plenare, pa prezencën e Ramës apo do të mbyllet si të dyja herët e fundit.
