Kërkon leje për t’u betuar, GJKKO shtyn seancën! Beleri para gjykatës: Diskriminim politik, padrejtësi që duhet të marrë fund
"Diskriminim politik"/ Beleri reagon pas shtyrjes së seancës: Humbësi komandon Himarrën nuk është parë në...
"Diskriminim politik"/ Beleri reagon pas shtyrjes së seancës: Humbësi komandon Himarrën nuk është parë në...
"Merrni një karrige të gjithë"/ Deputetët e opozitës bllokojnë punimet e Kuvendit të Shqipërisë 4...
RAPORTI i fundit: Thellohet bilanci i viktimave në Gaza, shkon në mbi 15 mijë, 193 persona u vranë pas përfundimit t&eu...
Vrasja e Liridona Ademajt, mbërrijnë në gjykatë familjarët e saj 3 Dhjetor, 10:33 'Nuk ka paqe pa s...
•Kuvendi i Kosovës mbajti sot një minutë heshtje në nder të policit Afrim Bunjaku i cili u vra në sulmin terrorist në Banjskë të Zveçanit. •Në seancën e sotme, deputetët kanë dënuar sulmin e serbëve, ndërsa kanë bërë thirrje për nisje të hetimeve nga ndërkombëtarët dhe ndëshkimin e menjëhershëm të tyre. •Kryeministri Kurti gjithashtu ka kërkuar që ndaj Serbisë, të vendosen sanksione, ndërsa ka kërkuar nga shtetet mike të Kosovës, që t’i shpallin terroriste dy organizatat serbe “Mbrojtja Civile” dhe “Brigada e Veriut”. •Ai gjithashtu ka zbardhur detaje për arsenalin e armëve të konfiskuara nga aksioni i 25 shtatorit. •Sakaq, në seancën e sotme e cila në fokus kishte sulmin e 24 shtatorit, Kuvendi miratoi Rezolutën, e harmonizuar nga grupe parlamentare ku dënohet ashpër sulmi i Serbisë ndaj Policisë së Kosovës në Banjskë të Zveçanit. Pro rezolutës votuan 97 deputetë. •Deputetët e Kuvendit të Kosovës përmes kësaj rezolute kërkuan po ashtu nga faktori ndërkombëtar që të ballafaqojë Serbinë me rolin e saj në raport me organizimin dhe mbështetjen e çfarëdollojshme që i ka bërë grupit terrorist për sulmin ndaj Kosovës. •Po ashtu, deputetët vlerësuan edhe angazhimin e jashtëzakonshëm të institucioneve vendore të sigurisë dhe partnerëve ndërkombëtarë.
9 artikuj për këtë temë.
KOSOVË- Kuvendi i Kosovës ka miratuar Rezolutën ku dënohet ashpër sulmi i Serbisë ndaj Policisë së Kosovës në Banjskë të Zveçanit.
Kryetari i Kuvendit Glauk Kojufca e ka paraqitur përmbajtjen e Rezolutës para deputetëve.
“DËNON me termat më të ashpër sulmin terrorist të organizuar nga Republika e Serbisë mbi Policinë e Kosovës më datën 24 shtator 2023, si dhe kërkon nga faktori ndërkombëtar që të ushtroj ndikimin e tij për ta ballafaquar Serbinë me rolin e saj në raport me organizimin dhe mbështetjen e çdo llojshme që i ka bërë grupit terrorist për sulmin në veri të Republikës së Kosovës”, thuhet në Rezolutë.
Përmbajtja e Rezolutës:
– Duke marrë për bazë gjendjen e sigurisë nëpër të cilën po kalon vendi pas sulmit terrorist të organizuar nga Republika e Serbisë ndaj sovranitetit shtetëror dhe intergritetit territorial të Republikës së Kosovës;
– Duke vlerësuar rëndësinë e ruajtjes dhe mbrojtjes së sovranitetit shtetëror dhe intergritetit territorial të Republikës së Kosovës si dhe përcaktimin dhe angazhimin shtetëror për t’i kontribuuar paqes dhe stabilitetit në rajon;
– Të vendosur që Republika e Kosovës të jetë vend i lirë, demokratik, paqedashës dhe atdhe i qytetarëve të saj, të cilëve ju garantohen të drejtat, liritë dhe barazia para ligjit;
– Të përkushtuar për të luftuar dhe parandaluar me mjete kushtetuese dhe ligjore çfarëdo veprimi dhe përpjekje për të cënuar, rrezikuar apo sulmuar rendin kushtetutes të Republikës së Kosovës;
Kuvendi i Republikës së Kosovës
1. DËNON me termat më të ashpër sulmin terrorist të organizuar nga Republika e Serbisë mbi Policinë e Kosovës më datën 24 shtator 2023, si dhe kërkon nga faktori ndërkombëtar që të ushtroj ndikimin e tij për ta ballafaquar Serbinë me rolin e saj në raport me organizimin dhe mbështetjen e çdo llojshme që i ka bërë grupit terrorist për sulmin në veri të Republikës së Kosovës;
2. VLERËSON punën, angazhimin dhe rezultetet e jashtëzakonshme të institucioneve të sigurisë së Republikës së Kosovës dhe të institucioneve partnere ndërkombëtare të sigurisë (Eulex dhe KFOR), në aksionin e përbashkët për të smbrapsur dhe asgjësuar sulmet terroriste të organizuara nga Serbia në veri të vendit;
3. OFRON mbështetjen e plotë dhe të parezervë për Policinë e Kosovës në ushtrimin e përgjegjësisë për ruajtjen e rendit dhe sigurisë publike në tërë territorin e Republikës së Kosovës.
4. KËRKON nga të gjitha institucionet e Republikës së Kosovës që të vazhdojnë punën e përbashkët për integrimin e plotë dhe bashkëjetesën mes të gjitha komuniteteve pa dallim që jetojnë në Republikën e Kosovës;
5. INKURAJON dhe MBËSHTET pluralizimin politik në radhët e komunitetit serb në Kosovë, zhvillimi i të cilit mundëson progresin demokratik dhe rrit transparencën e llogaridhënien para këtij komuniteti dhe jetëson promovimin e interesave reale të tij në Republikën e Kosovës.
6. KËRKON nga Qeveria e Republikës së Kosovës që të bashkëpunoj me aleatët ndërkombëtarë, veçanërisht me SHBA-të, për të fuqizuar Shtetin e së Drejtës dhe vlerat e përmbashkëta euro-atlantike;
7. KONSTATON nevojën për hetim ndërkombëtar ndaj Republikës së Serbisë lidhur me organizimin e aktiviteteve terroriste dhe vazhdimin e ekzistencës së kampeve stërvitore të grupeve terroriste në territorin e Serbisë;
KOSOVË- Anëtarja e Kryesisë së Lëvizjes Vetëvendosje, Dejona Mihali, ka reaguar lidhur me propozimin e bërë sot nga kryeministri Edi Rama, i cili tha se KFOR-i duhet të marrë nën kontroll veriun e vendit, pas sulmit terrorist të së dielës ndaj Policisë së Kosovës.
Mihali ka thënë se Kosova asnjëherë nuk ka kërkuar nga KFOR që ta marrë kontrollin në veri e as që do ta bëjë, ndërsa ka shtuar se heshtja e Ramës për disa ditë do të ishte ndihma më e madhe dhënë Kosovës, në këto momente.
“Mbase heshtja e Kryeministrit të Shqipërisë për disa ditë do të ishte ndihma më e madhe, në këto momente, dhënë Kosovës. Po ashtu, Kosova asnjëherë nuk ka kërkuar që KFOR të marrë kontrollin në veri. E as nuk do ta bëjë. Këtë e di dhe çdo fëmijë i vogël. Këtë e kërkon vetëm Serbia. Qeveria e Kosovës ka kërkuar vitin e fundit kryesisht shtimin e trupave të NATO-s në Kosovë referuar kërcënimit dhe akteve të vazhdueshme të agresionit nga ushtria e Serbisë në kufi me Kosovën”, ka shkruar Mihali.
Kryeministri Edi Rama doli ditën e sotme një konferencë për shtyp ku foli për situatën në veri të Kosovës. Gjatë fjalës së tij, ai bëri tre propozime, të cilat janë:
1- Konferencë ndërkombëtare e nivelit të lartë
2. KFOR të marrë kontrollin e veriut të Kosovës.
3. Asociacioni
KOSOVË- Kryeministri i Kosovës, Albin Kurti ka bërë thirrje që ndaj Serbisë të vendosen sanksione e të ndëshkohet ndërkombëtarisht, pas sulmit terrorist të 24 shtatorit në Veri, ku u vra oficeri i Lartë i Policisë së Kosovës, Afrim Bunjaku dhe u plagosën disa të tjerë, ngjarje e cilaka ngjallur shumë reagime.
Në seancën e sotme të Kuvendit, kreu i qeverisë zbardhi detaje për disa nga armët që u konfiskuan nga Policia e Kosovës më 25 shtator.
M80 zolla – është sistem njëpërdorimshëm antitank i pa dirigjuar prodhim i Serbisë. Prodhohet në fabrikën shtetërore “Slloboda” në Serbi. Kjo armë përdoret kundër automjeteve të blinduara dhe fortifikimeve. Predha mund të prenetoj çelikun deri në 30 centimetra e distanca efektive është deri në 250 metra.
Zastava M93 BGA mitraloz 33 milimetra – është armë automatike lansuese e granatave 30 milimetra, prodhim i Serbisë. Prodhohet në fabrikën shtetërore “Zadtava Arms” në Kragujevc. Përdoret kundër mjeteve lehtë të blinduara dhe ka distancë efektive 1700 metra.
Mina – përdorën kundër këmbësorisë dhe janë të dizajnuara të vrasin dhe dëmtojnë personelin gjatë lëvizjes në teren të caktuar.
Predhat e mortajave, minahedhësve 82 milimetra dhe 62 milimetra – janë predha të standardit të vendeve të lindjes ish-vendeve socialiste. Nuk përdoren nga vendet e NATO-s. Mortaja si armë konsiderohet si armë artilerie dhe përdoret për goditje në distanca të largëta 5-8 km.
Eksplozivë plastik, tritol dhe dinamit – që përdoret për shkatërrimin e urave dhe infrastrukturës, gjithashtu përdoret edhe për punimin e mjeteve të ndryshme shpërthyese për shkatërrimin e personelit dhe mjeteve të blinduara.
KOSOVË- Kryetari i Lidhjes Demokratike të Kosovës (LDK), Lumir Abdixhiku në seancën e sotme të Kuvendit, dënoi sulmin e së dielës në veri të vendit. Ai tha se sulmi i së dielës ka pasur për qëllim nxitjen e përplasjes së policisë me popullsinë civile.
“Këtë të diele Republika e Kosovës u bë cak i një sulmi mirë të organizuar, mirë të paramenduar terroristë. Në krye të këtij organizimi qëndronte krimineli, tashmë i shndërruar në terrorist, Milan Radoiçiq në mbështetje të tij, tashmë pas asnjë dyshim qëndronte Republika e Serbisë”, tha ai.
Seanca e sotme e Kuvendit të Kosovës ka nisur me një minutë heshtje, për Afrim Bunjakun, oficeri i Lartë i Kosovës, i cili ra heroikisht në mbrojtje të vendit të tij, mëngjesin e së dielës, ku u sulmua nga një grup i organizuar terroristësh serbë. Kreu i PDK-së, kërkoi nga ndërkombëtarët që të nisin menjëherë hetimet për ngjarjen e rëndë.
KOSOVË- Deputetja e LVV-së, Adriana Matoshi, në seancën e sotme ka veshur një bluzë në të cilën ka një dedikim për BE:
“BE: Refuzoni terrorin, përqafojeni Evropën”
“Masa kundër shtetit terrorist, jo shtetit paqësor”.
Deputetja e LVV-së, Adriana Matoshi, në seancën e sotme ka veshur një bluz, në të cilën kishte shkruar dy thënie dedikim për BE-në:
— Telegrafi.com (@Telegrafisti) September 28, 2023
"BE: Refuzoni terrorin, përqafojeni Evropën. Masa kundër shtetit terrorist, jo shtetit paqësor".#Telegrafi #Kosova #AdrianaMatoshi pic.twitter.com/wxzDj7QbNa
Seanca e sotme e Kuvendit të Kosovës ka nisur me një minutë heshtje, për Afrim Bunjakun, oficeri i Lartë i Kosovës, i cili ra heroikisht në mbrojtje të vendit të tij, mëngjesin e së dielës, ku u sulmua nga një grup i organizuar terroristësh serbë. Kreu i PDK-së, kërkoi nga ndërkombëtarët që të nisin menjëherë hetimet për ngjarjen e rëndë.
KOSOVË- Kryetari i Aleancës për Ardhmërinë e Kosovës, Ramush Haradinaj i është bashkuar reagimeve në Kuvend, për sulmin e 24 shtatorit në Banjskë të Zveçanit. Ai u shpreh para deputetëve, se sulmi i së dielës është një formacion terrorist i sponsorizuar nga Serbia. Sipas tij, ky sulm e mori përgjigjen që duhet të merrte.
“Institucionet e sigurisë së Kosovës në koordinim me aleatët ndërkombëtarë i mposhtën me turp…”, tha ai.
Seanca e sotme e Kuvendit të Kosovës ka nisur me një minutë heshtje, për Afrim Bunjakun, oficeri i Lartë i Kosovës, i cili ra heroikisht në mbrojtje të vendit të tij, mëngjesin e së dielës, ku u sulmua nga një grup i organizuar terroristësh serbë. Kreu i PDK-së, kërkoi nga ndërkombëtarët që të nisin menjëherë hetimet për ngjarjen e rëndë.
KOSOVË- Kryeministri Albin Kurti ka kërkuar nga shtetet aleate të Kosovës që t’i shpallin terroriste organizatat “Mbrojtja Civile” dhe “Brigada e Veriut”.
Në seancën e sotme parlamentare, kryeministri ka kërkuar që sulmuesit që kanë arritur të ikin nga Kosova, të dorëzohen ose të ekstradohen tek organet e sigurisë në Kosovë.
“Sulmuesit të cilët arritën të ikin duhet që të ekstradohen, duhet të dorëzohen në organet e Republikës së Kosovës. Organizatat ‘Mbrojtja Civile’ dhe ‘Brigada Veriore’ duhet të shpallen terroriste edhe nga shtete tona mike, aleate, ashtu siç bëri Qeveria e Republikës së Kosovës”, tha ai.
Seanca e sotme e Kuvendit të Kosovës ka nisur me një minutë heshtje, për Afrim Bunjakun, oficeri i Lartë i Kosovës, i cili ra heroikisht në mbrojtje të vendit të tij, mëngjesin e së dielës, ku u sulmua nga një grup i organizuar terroristësh serbë. Kreu i PDK-së, kërkoi nga ndërkombëtarët që të nisin menjëherë hetimet për ngjarjen e rëndë.
KOSOVË- Kryetari i Partisë Demokratike të Kosovës, Memli Krasniqi në seancën e Kuvendit të Kosovës tha se PDK mbështet rezolutën e propozuar për të dënuar sulmin terrorist në veri të vendit.
Ai tha se sot nuk është koha që të flasin për betejat e brendshme politike. Krasniqi shtoi se organizimi dhe orkestrimi i sulmit terrorist në Veri adresën kryesore e ka në Beograd, ndërkaq kërkoi nga komuniteti ndërkombëtar të nisë një hetim urgjent.
KOSOVË- Kuvendi i Kosovës nisi sot me një minutë heshtje në nderim të policit Afrim Bunjaku i cili u vra në sulmin terrorist në Banjskë të Zveçanit.
Të dielën më datë 24 shtator, u sulmua Policia e Kosovës në Banjskë nga një grup prej më shumë se 30 serbëve të armatosur. Në këtë sulm u vra polici Bunjaku dhe u plagos polici tjetër Alban Rashiti. Nga radhët e sulmuesve serbë të vdekur kanë mbetur katër persona.
