Kundërshtojnë projektin 'Thumanë-Kashar', banorët e Bërxullës në protestë: Sot s'do bllokojmë rrugën, nesër jemi te Hipoteka

Qytetari

TIRANË- Një prej banorëve të Bërxullës, bëri të ditur se Qeveria ka nisur lëvizjet pak para fushatës, kur ende nuk u kanë dhënë zgjidhje për problemin që kanë. Ai deklaroi se qeveria ka vënë në lëvizje sekserë për të firmosur aktet noteriale.

Banori pohoi se ishte në dijeni të këtij projekti, pasi ka qenë pjesë e administratës.

"Do e çojmë çështjen edhe në Hagë, nuk e di sesi do vijnë për fushatë këtu për të premtuar, çfarë do thonë, do ju vrasim? Vijnë vetëm përdorin 2, 3 sekserë, premtojnë gjëra të rreme. 

Ça kanë premtuar për 30 vite s’kanë bërë asgjë. As rrugë, as drita. Përdorin ca sekserë që marrin akte noteriale nëpër banesa, gënjejnë pronarë banesash që t’i çojnë drejt firmosjes së akteve noteriale. Dijeni keni pasur për projektin, si pjesë e administratës që të punoja për fshatin tim, por e mallkoj atë ditë që kur u ktheva nga emigracioni. Ka vetëm mbledhje, zgjidhje ekuacionesh se si ta shfrytëzojnë popullit. Ne i kemi me dokumente pronat”, tha ai.

Banorët e Bërxullës kanë 7 muaj që protestojnë kundër ndërtimit të aksit 'Thumanë-Kashar', segmenti 20.9 kilometrash pjesë e autostradës Milot –Fier. Me ndryshimin e projektit banorët deklarojnë se parashikohet të shemben banesat e tyre. Ato nuk bien dakord me vlerën e shpronësimit për banesën dhe tokën. Të vendosur, thonë se ato do të mbrojnë tokat e tyre deri në vetëflijim, dhe se nuk do të lejojnë firmën 'Gener 2' të futet në tokat e tyre, pa arritur më parë një marrëveshje me to./Dosja.al

Italiani

TIRANË- Në mbështetje të banorëve të Bërxullës, në protestë është bashkuar edhe një italian. Duke u prezantuar si Orlando, ai bën të ditur se është ftuar nga një mik i tij për të mbështetur këtë kauzë. Ndër të tjera, ai thotë se po mbledh prova për të ndihmuar banorët e Bërxullës.

"Jam italian, jam Orlando, jam mik i Dritan Zeneli më ka ftuar këtu që ti jap mbështetje, më duket e cuditshme që të futet në pronën private të individëve. Po mbledh prova, do i coj te kolegët italiane për të kuptuar nëse mund të bëjmë dicka për ti ndihmuar. Shpresoj të jem ndihmë për këto banorë që ndodhen në një situatë të çuditshme."

Banorët e Bërxullës kanë 7 muaj që protestojnë kundër ndërtimit të aksit 'Thumanë-Kashar', segmenti 20.9 kilometrash pjesë e autostradës Milot –Fier. Me ndryshimin e projektit banorët deklarojnë se parashikohet të shemben banesat e tyre. Ato nuk bien dakord me vlerën e shpronësimit për banesën dhe tokën. Të vendosur, thonë se ato do të mbrojnë tokat e tyre deri në vetëflijim, dhe se nuk do të lejojnë firmën 'Gener 2' të futet në tokat e tyre, pa arritur më parë një marrëveshje me to./Dosja.al

Banori ne Berxulle

TIRANE- Banorët e Bërxullës kanë dalë sërish sot në protestë kundër ndërtimit të projektit Thumanë-Kashar, pasi rruga kalon në tokat e tyre. Por edhe pse prej muajsh kërkojnë që shteti ti shpronësojë por kjo sipas tyre nuk ka ndodhur. Ata paralajmëruan sot përshkallëzimin e protestës dhe thanë se nesër do të shkojnë pranë ambienteve të Hipotekës. 

"Nesër do të bllokojmë hipotekën. Unë jam i pari. Masakra që po i bëhet popullit, na iku elita. Na i mori bota, të gjitha, doktoraturë dhe shkencëtarë. I bëj thirrje direkt që të shpallet një Kushtetutë të re, reale, jo këtë, komuniste, çifute që nuk njeh të drejtat e pronarëve. Kushtetuta jonë është çifute. Duan të na punojnë në kurrizin tonë. Të bëjnë rrugën, atë të bëjnë. Prej 7 muajsh shteti fle gjumë. Para dy ditësh isha te firma 'Gener 2' ku në kontratë, dy pika nuk janë të realizueshme. Ka ardhur me dëshirë thoshte firma. 

Kush ka vënë kapital i ka vjedhur. Ky popull nuk përfitoi kurrë. Erdhi dita duhet të vijë, të shkojnë para litarit të gjithë. Mbreti dikur kur rrinte në karrige duhet ti përgjigjej popullit. Na jep hakun, kaq."-tha njëri nga banorët./Dosja.al

Qytetari

TIRANË- Dita e hënë ka nisur me protestën e banorëve të Bërxullës. Sot ato ndodhen në rrugën e Rinasit, duke kundërshtuar sërish projektin e rrugës Thumanë-Kashar. Një prej tyre u shpreh se kanë vendosur që të mos e bllokojnë rrugën e Rinasit për shkak të kërkesës së policisë e cila ka deklaruar se sot ka delegacione që duhet të mbërrijnë në Tiranë.

“OST i thotë unë nuk i lëviz shtyllat, ju duhet të lëvizni gjurmën e rrugës. Ne këtë protestë e kemi spostuar për një arsye duke gjetur mirëkuptimin me policinë e shtetit. Nuk kemi dalë të bllokojmë rrugën për këtë arsye sepse në Tiranë ka delegacione. Ky është mirëkuptimi i fundit që i japim policisë së shtetit. Nuk do ta kenë më mirëkuptimin tonë për sa kohë nuk na mirëkupton shteti. Ne si banorë po zbatojmë vetëm ligjin dhe po kërkojmë vetëm të drejtat tona. Ata heshtin dhe vetëm heshtin, Kjo është për të na sosur ne durimin që të kalojmë në akte ekstreme.

Pastaj do kalojë edhe durimi jonë sepse njerëzit janë në siklet dhe në hall sepse nuk dinë ku do akomodohen nesër kur të prishet banesa, Nuk na jepet asnjë informacion ku ndërtohen banesa. Nuk na jepet informacion se ku do ndërtohen rrugët dytësore, Nuk po kërkojmë asgjë. Janë 183 ditë protestë dhe ne nuk marrim asnjë përgjigje për kërkesat tona. Zgjedhja jonë është për zgjidhjen e halleve të komunitetit tonë jo të na përfaqësojë politika. Ajo i shfrytëzon për interesat e vet personale. Nuk kemi nevojë për famë. Ne jemi hallexhinj. Edhe kur kanë shkuar nëpër protesta, ato janë shuar. Protesta jonë ka 7 muaj sepse është protestë që bëhet me njerëz që vërtetë kanë hall. Nuk është asnjë që ka ardhur dje dhe gjeti një terren dhe e pushtoi. Nuk ka pasur asnjë reagim nga institucionet e shtetit. Unë i jam drejtuar me kërkesa përditë”, deklaroi njëri nga protestuesit.