Kreu i SPAK: Grupet shqiptare janë egërsuar, shtrihen deri në Dubai. Prokurorët italianë: T’i godasim që të futeni në BE

Roberto Rossi

TIRANË- Prokurori i Barit, Roberto Rossi tha se pika e parë që duhet bërë është vetëdija për dëmin e jashtëzakonshëm që i është shkaktuar ekonomisë në vend për shkak të kriminalitetit. Në një konferencë me kreun e SPAK, Arben Kraja, Rossi tha se kjo gjë duhet të ndodhë me Italinë e Shqipërinë. 

"Hapi i parë është ai i vetëdijës, është thënë dëmi i jashtëzakonshëm që i bën kriminaliteti ekonomisë. Duhet të kemi vetëdije, edhe në Itali kemi ndonjëherë idenë se kriminaliteti i organizuar shkakton rrezik, dhe sot ai nuk shkakton vetëm të vdekur. Edhe në Shqipëri kjo vetëdije duhet të ekzistojë edhe më shumë,"- tha Rossi. 

Francesco Lo Voi, drejtues i Prokurorisë së Romës

TIRANË- Drejtuesi i Prokurorisë së Romës, Francesco Lo Voi tha se krimi i organizuar ka shkaktuar mjaft dëme ekonomike në Shqipëri dhe jo vetëm. I pranishëm në konferencën e përbashkët me kreun e SPAK, Arben Kraja, Lo Voi tha se grupet kriminale sjellin vrasje, por gjithashtu edhe paranë e pistë. 

"Të dhënat që u publikuan mbi numrin e skuadrave hetimore të përbashkëta që po veprojnë e vëerteton këtë fakt të bashkëpunimit të kriminelëve dhe eksponentëve. Është e dukshme prania e ndërsjelltë e kriminalitetit në të dyja vendet, që veprojnë me eksponent të krimit të organizuar italian dhe vendeve të tjera që veprojnë në Itali. Ne duhet të vazhdojmë të ndjekim bashkëpunimin, sigurimin e provave, të dërgojmë në proces kriminelët, italian apo të huaj qofshin. Kam realizuar disa forma bashkëpunimi me kolegët shqiptar, shumë më efikase se sa me kolegë të vendeve të tjera të BE. Mafiat e ndryshme dhe kriminaliteti i organizuar provokojnë dëme, që nuk janë vetëm ato të dukshme, vrasje, trafik droge eth, por shkaktojnë dëme edhe shoqërive, provokojnë dëme ekonomike, tregut, konkurrencës së lirë, konkurencës mes biznesmenëve të ndershëm. Nëse pronari i një hoteli vendos ta shes, vlen 100 paraqiten blerës të mundshëm, dhe arrin dikush që ka para të pisët dhe ofron 200. Është e qartë se pronari do ia shesi atij që ofron 200. Kjo prish konkurencën e ndershme, sepse nuk i bën dot konkurencë kësaj mase të madhe parash. Jo vetëm investon para, por investon formë të re gjetjesh parash në formë ligjore. Aktiviteti në dukjë është i ligjshëm. Ai do ta shtojë hotelin, i duhen 20 dhoma të reja. I drejtohet strukturave përkatëse të shtetit, për leje ndërtimi, me shuma parash në dispozicion, mund të bëjë edhe korrupsion, dhe çon në dëme të mëdha të ekonomisë së një vendi. Ky është një aksion që ka nevojë të përfshirjes edhe të qytetarëve përveç organeve të ligjit. Nuk arrihet nëse nuk ka pjesmarrje edhe të qytetarëve, edhe ata që janë të jashtëm nga aktivitetet tona hetimore e gjyqësore,"- tha Lo Voi. 

Fabbrizzio Buçi

TIRANË- Ambasadori italian në Shqipëri, Fabrizio Bucci u shpreh se ndihma e Italisë për të luftuar krimin në Shqipëri nuk do të mungojë asnjëherë. I pranishëm në konferencën e përbashkët me Kreun e SPAK, Arben Kraja, Bucci tha se lufta kundër korrupsionit në Shqipëri është prioirtet për ta. 

"Bashkëpunimet mes Shqipërisë dhe Italisë janë frytdhënëse. Prokuroria dhe drejtoria kanë 30 vite që punojnë. Shpresoj që ky bashkëpunim të jetë celësi për të luftuar në mënyrë të përbashkët kundër korrupsionit dhe krimit të organizuar. Fakti që ne jemi sot këtu me prokurorin antimafia dhe prokurorin e Barit, është tregues sesa të  thella janë marrëdhëniet mes Shqipërisë dhe Italisë. Roli i organizmave ka qenë gjithnjë themelor. Prioritet ka qenë krimi i organizuar. SPAK-u lindi tre vite më parë dhe marrëveshja e parë u bë me drejtorinë tonë anti-mafia. Italia është e pranishme në këtë vend në sektorë të ndryshëm. Kemi marrëdhënie kaq të thella edhe në fusha të biznesit dhe në sektorë të tjerë por që fatkeqësisht karakterizojnë edhe organizata kriminale. Mesazhi që dua të jap është se Italia në Shqipëri ekziston, jemi sot dhe do të jemi edhe në të ardhmen. Në korrik të këtij viti filluan negociatat e Shqipërisë në BE. Mbështetja jonë nuk do të mungojë. Ne kemi dhjetëra skuadra të përbashkëta, kemi Guardia Di Finanza që punojnë këtu në mënyrë permanente. Këtu do vijë nesër edhe komandati i përgjithshëm i forcave të Guardia Di Finanza. Ne kemi pasur edhe tavolina të përbashkëta që po prodhojnë rezultate të rëndësishme. Parashikohet që kjo tavolinë të mblidhet dy herë në vit, njëherë në Tiranë dhe njëherë në Romë,"_ tha Buçi. 

Foto Ilustruese

TIRANË- Prokurori italian tha se bashkëpunimi me Shqipërinë duhet vijuar. Në konferencën e përbashkët me Arben Krajën, prokurori u shpreh se zonat kufitare duhen ruajtur me më shumë vmëendje e se duhet shtuar siguria. 

"Duhet një kërkim i përbashkët i provave, në mënyrë që të dërgojmë kriminelët pas hekurave. Gjyqtarët e hetuesit kanë arritur të hetojnë krimin e organizuar ndërkombëtar. Ne na duhet kryesisht siguria në zonat kufitare. Natyrisht e tha dhe ambasadori ynë që e ardhmja është në BE, dhe unë e uroj shumë integrimin e Shqipërisë. Kështu do të kemi një ulje të bilancit të trafikut të drogës të vrasjeve, e të shumë ngjarjeve të tjera kriminale,"- tha ai.

Arben Kraja

TIRANË- Kreu i Prokurorisë së Posaçme Kundër Korrupsionit dhe Krimit të Organizuar (SPAK) Arben Kraja është shprehur se grupet kriminale shqiptare kanë shtrirë aktivitetin e tij kohët e fundit. I pranishëm në konferencën me prokurorët italianë, Hoxha tha se droga e klaneve shqiptare tregtohet edhe në Dubai. 

Kraja tha se vrasjet e ndodhura së fundmi tregonin sesa të egra ishin bërë grupet kriminale në vend ndërsa tha se falë bashkëpunimit me policinë italiane, ishin arrestuar në total 120 persona dhe ishin sekuestruar rreth 7 ton drogë.

"Grupet kriminale kanë ndryshuar aktivitetin kohët e fundit. Kanë shtrire aktivitetin në vendet ku prodhohet droga, ku tregtohet madje edhe në Dubai. Gjithashtu grupet kriminale janë bërë shumë të egër, këtë gjë e ka vërtetuar dhe vijueshmëria e ngjarjeve kriminale, ngjarje e ndodhura së fundmi,"- tha Kraja.