Komisioni/ Prezantohen kandidatët për ambasador, opozita: Të lihen pas ndasitë politike

Ridi Kurtezi

TIRANË- Kandidat për ambasador në Emiratet e Bashkuara Arabe, Ridi Kurtezi prezantoi ditën e sotme në Komisionin e Jashtëm platformën e tij për këtë pozicion. Ai u shpreh se roli i tij do të jetë edhe më i thjeshtë se një ambasador, duke zbuluar objektivin. Kurtezi tha se prioriteti i tij do të jetë marrëveshja e ekstradimeve. 

'Kuadri lidhor është i konsoliduar. Sa i takon marrëveshjeve në fushën penale janë pothuajse të papërfunduara. Por mesa lexoj nga dosjet ka filluar puna dhe roli im do jetë që të shtyhet më tej. Si për shembull marrëveshja e ekstradimit, që nuk është vetëm për ne por për shumë të tjera, do ta shoh me prioritet dhe e kam një nga objektivat e aktivitetit të ardhshëm në atë vend. E specifikova që do jetë prioritet marrëveshje në gjyqësor dhe në atë të ekstradimeve në veçanti. Pro varet si do shkojë ne perspektivë, sepse është e dyanshme'- tha ai. 

Mustafa Nano

TIRANË- Gazetari i njohur Mustafa Nano, kandidat për ambasador i Shqipërisë në Zvicër, raportoi ditën e sotme para Komisionit të Jashtëm. Ai u shpreh se ky pozicion do jetë shumë interesant për të. Pas raportimit të tij, fjalën e kishin deputetë e pranishëm, të cilët shprehën fjalë pozitive për këtë kandidim.

Nano, nga ana tjetër u shpreh se ndihet i llastuar që po merr vetëm komente pozitive. 

Bisedat:

Mustafa Nano: Do doja të ishte një moment i vecantë në jetën time. Shpresoj që puna të jetë interesante. Në Zvicër ka një rreth të madh shqiptarësh. Do mbaj fokus të vecantë te detyra ime. Unë kam vendosur të jem më aktiv se ambasadorët e tjerë në botë. Unë do doja të isha më aktiv. Do doja që roli i ambasadorit të ishte më i madh. Do kuroj marrëdhëniet mes Shqipërisë dhe Zvicrës.

Kreshnik Collaku: Më vjen mirë që vuri theksin te diaspora. E nxis dhe me entuziasmoi dëshira për këtë risi në diasporë. Me keqardhjen e madhe që Tiranës do t'i mungojë një studio ku ne flasim

Agron Gjekmarkaj: Jemi munduar që Zvicrës ti gjejmë ambasadorë të qetë. Duhet ti kishim marrëdhëniet me cilësore, ndoshta duke dërguar atje një zhurmues do ketë ndryshim. Më vjen mirë që kemi ambasador dikë që ka shkruar libra. Shpresoj që Shqipëria të fitojë një ambasador cilësor. Besoj se ai është njeri i lirë dhe do jetë shërbëtor cilësor i vendit tonë. 

Mustafa Nano: Ndihem i ledhatuar dhe i llastuar që po pritem mirë. Nuk kisha dyshime.  

Komisioni i Jashtem

TIRANË- Ditën e sotme po prezantohen në Komisionin e Jashtëm ambasadorët e rinj të vendit në shtete të ndryshme. Gjatë prezantimit të tyre, ndërhyrje ka pasur edhe nga ana e opozitës.  Deputeti demokrat Kreshnik Çollaku tha se ky është një moment i rëndësishëm, ndonëse e quajti një proces të vonuar.

“Moment i rëndësishëm që vjen pas një situate në trajnimin e përfaqësive tana politike, që tejkaloi avaritë e ligjit, ambasadorë nga 80 vite nuk është e denjë për një vend anëtar të NATO-s. Procesi i vonuar. Kam parë një tërësi emrash, disa i njoh, disa jo. E kuptoj që me ligjin e re, shqetësimi im nuk është nëse dikush është më politik, apo me pak politik. E di që kështu do ndodhë, po të ishim ne do kërkonim të njëjtën gjë”, tha Çollaku.

Çollaku përshëndeti kandidaturën e Ervin Bushatit për në SHBA, si edhe atë Blerta Kadzadej për në Turqi. 

“E përshëndes emërimin e Bushatit, ka njohjen e politikë. Sfida është nëse do jetë ambasadori i një pale, apo në funksione të detyrës që ka, do thoja të njëjtën gjë edhe për zonjën Kadzadej. Ju keni shërbyer në sektorin e konsullatës prej vitesh, por ju po shkoni ambasadore në një ndër vendet më të rëndësi strategjike për Shqipërinë. Ke një detyrë shumë të madhe, për ti shërbyer interesave të Shqipërisë dhe shqiptarëve. Nga radha, pashë që diasporës shqiptare në Turqi e aletë nga mesi i fundit kur bëhet fjalë për diasporën atje, nuk është vetëm çështje konsullore, burokratike, sidomos në Turqi kemi potencial të jashtëzakonshëm, është një hapësirë që duhet ta eksplorojmë, ju duhet të ngacmoni qeverinë e parlamentin me nisma për ta bërë aktive diasporën, shpresoj të jeni më aktive”, tha Çollaku.p

Pas prezantimit të Blerta Kazadej, kandidate për ambasadore të Shqipërisë në Turqi, deputeti i Partisë Demokratike Agron Gjekmarkaj vuri theksin te marrëdhëniet miqësore mes dy vendeve. 

“Dëshiroj shumë që të kemi marrëdhënie miqësore sepse Turqia është një vend mik. Jam kundër çdo tendence asimilimi dhe trajtimit të Shqipërisë si vilajet. Ne jemi vend i pavarur. Kam parë tendencë gjatë këtyre viteve. Ndërhyrje të forta brenda Shqipërisë. Nuk ekzistojnë vendet vëllezër. Termi vëlla është një term religjioz që nuk i bën nder një shteti laik i Shqipëria.

Ambasadorja duhet të ketë për zemër integritetin dhe sovranitretin e vendit të saj dhe çështjes së diasporës. Diaspora e vjetër për shumë vite është turqizuar. Shqipëria nuk ka pasur kurajo të kërkojë katedra. Ne kemi një diasporë në Itali që na ka mbajtur gjallë gjuhën shqipe prej 500 vitesh. Nuk është kompleks që ambasadorja shqiptare atje të kërkojë që ata që ndihen shqiptarë, shteti shqiptarë t’i mbështesë”, u shpreh ai.

Ditën e sotme raportuan Blerta Kadzadej, e cila propozohet për ambasadore në Turqi si dhe ambasadore rezidente për Azekrbaxhanin, Iranin, Kirgistranin, Pakistanin, Gjeorgjinë, Afganistanin dhe Kazikistanin. Mustafa Nano, kandidat për Ambasador në Zvicër, jo rezident. Ilir Gjoni, kandidat për Ambasador i Jashtëzakonshëm dhe Fuqiplotë i Republikës së Shqipërisë, në NATO, rezident. Ridi Kurtezi, kandidat për Ambasador i Jashtëzakonshëm dhe Fuqiplotë i Republikës së Shqipërisë, në Emiratet e Bashkuara Arabe, rezident./Dosja.al