Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ka përfunduar pas dy orësh, protesta para bashkisë së Tiranës, e thirrur nga opozita dhe Aleanca për Mbrojtjen e Teatrit. • Nuk kanë munguar molotovët dhe tensionet edhe në protestën e sotme. • Qytetarët shkulën gardhin metalik të vendosur para bashkisë, ndërsa tentuan të çajnë kordonin policor dhe të futenin brenda institucionit. • Ndryshe nga herët e tjera, gardhi metalik nuk është vidosur në tokë por betonizuar, për ta bërë të pamundur shkuljen e tij nga toka, por që duket se ky qëllim nuk u arrit. • Anëtari i Kryesisë së Partisë Demokratike, Belind Këlliçi ka folur për mediat në protestën para bashkisë së Tiranës, ku tha se sot SPAK ndodhet para dy opsioneve, të çojë para drejtësisë Veliajn ose të shembë reformën në drejtësi. • Argita Malltezi është shfaqur në protestë me bluzën me mbishkrimin "Free Berisha". • Sekretari i Përgjithshëm i Partisë së Lirisë, Tedi Blushi në fjalën e tij në protestën para Bashkisë së Tiranës tha se kjo është hera e shtatë e protestës dhe janë të shtatat e një 'monstre politike', duke iu referuar Veliajt, ndërsa shtoi se drejtësinë nuk do e sjellë SPAK, por populli. • Sekretari organizativ i Partisë Demokratike, Klevis Balliu, gjatë fjalës së tij tha se Veliaj përballet me kolegë, duke iu referuar drejtësisë, dhe jo me prokurorë, sepse nuk ka prokuror, sipas tij, që e lë Veliajn në bashki. • Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D. Ata kërkojnë që SPAK të vërë para përgjegjësisë personat e akuzuar për vjedhjen e tenderave të Bashkisë Tiranë.
11 artikuj për këtë temë.
TIRANË- Ka përfunduar pas dy orësh protesta e zhvilluar para bashkisë së Tiranës. Tubimi i radhës do të mbahet javën e ardhshme në të njëjtën datë dhe orë, konkretisht të martën në 11:00.
Nuk kanë munguar molotovët dhe tensionet edhe në protestën e sotme. Qytetarët shkulën gardhin metalik të vendosur para bashkisë, ndërsa tentuan të çajnë kordonin policor dhe të futenin brenda institucionit.
Ndryshe nga herët e tjera, gardhi metalik nuk është vidosur në tokë por betonizuar, për ta bërë të pamundur shkuljen e tij nga toka, por që duket se ky qëllim nuk u arrit.
Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D. Ata kërkojnë që SPAK të vërë para përgjegjësisë personat e akuzuar për vjedhjen e tenderave të Bashkisë Tiranë.
TIRANA- Sekretari i Përgjithshëm i Partisë së Lirisë, Tedi Blushi në fjalën e tij në protestën para Bashkisë së Tiranës tha se kjo është hera e shtatë e protestës dhe janë të shtatat e një 'monstre politike', duke iu referuar Veliajt. Blushi tha se Veliaj edhe rrobat e trupit i ka të vjedhura. Ai shtoi se drejtësinë nuk do e sjellë SPAK, por populli.
"Sot janë të shtatat e një monstre politike dhe një fundërine, simbol i internacionales së surrogative, simbol i prindit 1 dhe prindit 2. Do ta shembim murin e korrupsionit dhe pandëshkueshmërisë. Kjo bashki ka vjedhur së paku 137 milionë euro vetëm me projektin e inceneratorin e Tiranës.
Ne protestojmë sot sepse nuk mund të pranojmë që bizneset e ndershme në Tiranë të falimentojnë, ne nuk mund të pranojmë që qytetarët paguajnë më shumë për ujin dhe nuk ka ujë, nuk mund të pranojmë që qytetarët paguajnë taksë për gjelbërimin dhe nuk ka gjelbërim. Sot për një dritare arrestohesh dhe kur ndërtohen kullat shpërblehesh.
Do të jemi këtu derisa Veliaj të arrestohet, do i sekuestrohet çdo qindarkë, do ta nxjerrim cullak, do ia heqim edhe rrobat që ka vjedhur me paratë e popullit. Këta nuk mund t’i arrestojë drejtësia e re, por do i arrestojë populli", tha Blushi.
TIRANË- Qytetarët kanë tentuar të shkulin gardhin metalik para bashkisë së Tiranës, ndërsa kanë hedhur molotov drejt godinës.
Ndryshe nga herët e tjera, gardhi metalik nuk është vidosur në tokë por betonizuar, për ta bërë të pamundur shkuljen e tij nga toka. Policia iu ka bërë thirrje protestuesve të ruajnë qetësinë dhe të mos hedhin molotov drejt policisë.
Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D. Ata kërkojnë që SPAK të vërë para përgjegjësisë personat e akuzuar për vjedhjen e tenderave të Bashkisë Tiranë.
TIRANA- Sekretari organizativ i Partisë Demokratike, Klevis Balliu, në fjalën në protestën përpara Bashkisë së Tiranës deklaroi se keu i saj, Erion Veliaj, ka bërë pallate për të mbushur xhepat e tij. Balliu tha se Veliaj përballet me kolegë, duke iu referuar drejtësisë, dhe jo me prokurorë, sepse nuk ka prokuror, sipas tij, që e lë Veliajn në bashki. Ai shtoi se për gjyqtaren Irena Gjoka u vërtetua me dokument që kishte problem dhe gjykata bëri sulm ndaj denoncimit të opozitës.
"Veliaj përballet me kolegë atje dhe jo me prokurorë, sepse nuk ka prokuror që e lë Veliajn në bashki, një njeri që ka bërë pallate për të mbushur xhepat e veta. Këta shkatërrojnë çdo shtëpi që del përpara dhe legalizojnë çdo person që iu jep para. Të luftosh Ramën është detyrë kombëtare. Rama dhe Veliaj janë pasojë e mungesës së drejtësisë. Këta mbijetojnë me pushtetin e korruptuar sepse këtu nuk ka drejtësi.
Shikoni Irena Gjokën që u vërtetua me dokument që kishte problem dhe gjykata bëri sulm ndaj denoncimit të opozitës. Pas denoncimit të faktuar, pse nuk largohet kjo zonjë. Kemi pushtetarë të korruptuar të Dubait. Sa më i lidhur me krimin, aq më lart shkon në PS, prandaj është Edi Rama në krye të tyre sepse është kumbari i drogës. Është e pafalshme që i lejojmë këta. Ne duhet që të përshkallëzojmë protestën tonë", tha Balliu.
TIRANË- Gjatë fjalës së tij në protestën para Bashkisë Tiranë, Belind Këlliçi ka "arrestuar" kryebashkiakun Erion Veliajn. Këlliçi i ka vënë prangat një personi i cili mbante një maskë në fytyrë me foton e Veliajt.
Demokrati tha se ky është një akt simbolik dhe kjo do të ishte pamja e kryebashkiakut së shpejti, ndërsa shtoi më tej se vjedhja e bërë me bandën “5D” ka habitur partnerët ndërkombëtarë.
TIRANA- Sot mbahet protesta e radhës e opozitës para Bashkisë së Tiranës ku duket se nuk mungon as vajza e kreut të Partisë Demokratike, Argita Malltezi e cila është shfaqur me bluzën me mbishkrimin "Free Berisha". Nga ana tjetër opozitarët po mbajnë fjalimet e tyre dhe gjatë kësaj kohe nuk kanë munguar as hedhja e bombave molotov në drejtim të godinës së Bashkisë.
Për këtë protestë policia ka rrethuar me furgonë godinën e institucionit. Veç kësaj ajo që bie në sy është se ndryshe nga herët e shkuara, ku prezente ishin barrierat metalike, në këtë protestë Bashkia "do të mbrohet" nga barrierat prej betonit. Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D.
TIRANË- Anëtari i Kryesisë së Partisë Demokratike, Belind Këlliçi ka folur për mediat në protestën para bashkisë së Tiranës. Këlliçi tha se sot SPAK ndodhet para dy opsioneve, të çojë para drejtësisë Veliajn ose të shembë reformën në drejtësi.
Ai tha se "çdo ditë kalon ne njihemi me fakte të reja me dononcime të reja për të gjithë ekipin dhe zinxhirin elektoral të Veliajt në Tiranë."
Këlliçi: Ne nuk kemi ndonjë pritshmëri që një hajdut që qëndron aty do të japë dorëheqje. SPAK qëndron sot para dy opsioneve. Ose do të çojë para drejtësisë një hajdut të kapur në flagrancë ose do të shembë reformën në drejtësi dhe vetë Dumani i cili në raportin që ka shkuar vetë e ka cituar emrin e Veliajt 11 herë, si person të lidhur me inceneratorin e Tiranës.
Tani o ka Dumani të drejtë, ose do të bjerë Reforma në Drejtësi, sepse zgjidhje tjetër nuk mund të ketë. Në vijojmë t’i qëndrojmë kërkesës tonë për të cuar para drejtësisë të gjitha ta që kanë vjedhur taksat e qytetarëve. Çdo ditë kalon ne njihemi me fakte të reja me dononcime të reja për të gjithë ekipin dhe zinxhirin elektoral të Veliajt në Tiranë.
TIRANA- Sot mbahet protesta e radhës e opozitës para Bashkisë së Tiranës ku duket se nuk mungon as vajza e kreut të Partisë Demokratike, Argita Malltezi e cila është shfaqur me bluzën me mbishkrimin "Free Berisha".
Për këtë protestë policia ka rrethuar me furgonë godinën e institucionit. Veç kësaj ajo që bie në sy është se ndryshe nga herët e shkuara, ku prezente ishin barrierat metalike, në këtë protestë Bashkia "do të mbrohet" nga barrierat prej betonit.
Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D.
TIRANË- Ka nisur me tensione protesta e thirrur nga opozita dhe Aleanca për Mbrojtjen e Teatrit para bashkisë së Tiranës. Qytetarët kanë hedhur molotov drejt godinës së institucionit, ndërsa tymi ka mbuluar derën e bashkisë.
Policia iu ka bërë thirrje protestuesve të përmbahen dhe të ruajnë qetësinë. Ajo që bie në sy në protestën e sotme është se ndryshe nga herët e shkuara, ku prezente ishin barrierat metalike, në këtë protestë Bashkia "do të mbrohet" nga barrierat prej betonit.
Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D.
TIRANA- Sot mbahet protesta e radhës e opozitës para Bashkisë së Tiranës teksa policia ka rrethuar me furgonë godinën e institucionit. Veç kësaj ajo që bie në sy është se ndryshe nga herët e shkuara, ku prezente ishin barrierat metalike, në këtë protestë Bashkia "do të mbrohet" nga barrierat prej betonit.
Ditën e djeshme, Policia e Shtetit me anë të një lajmërimi ka dhënë detaje për masat e marra për tubimin, që do të nisë në orën 11:00. Gjithashtu policia ka bërë me dije se do të ketë bllokim të përkohshëm të qarkullimit të mjeteve në bulevardin kryesor.
Qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D.
TIRANË- Ditën e sotme do të mbahet para bashkisë së Tiranës protesta e radhës e thirrur nga opozita dhe Aleanca për Mbrojtjen e Teatrit.
Ndërkohë ditën e djeshme, Policia e Shtetit me anë të një lajmërimi ka dhënë detaje për masat e marra për tubimin, që do të nisë në orën 11:00. Gjithashtu kanë bërë me dije se do të ketë bllokim të përkohshëm të qarkullimit të mjeteve në bulevardin kryesor.
NJOFTIMI I POLICISË:
Policia e Shtetit bën me dije se, ka marrë masa organizative dhe operacionale për garantimin e rendit publik dhe sigurisë gjatë zhvillimit të një tubimi të kërkuar nga “Aleanca për Mbrojtjen e Teatrit”, ditën e nesërme, më datë 14 maj 2024, ora 10:00, pranë Bashkisë së Tiranës. Në zbatim të planit të masave, Policia e Shtetit njofton se, ditën e nesërme, prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye sugjerojmë që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.
Gjatë disa tubimeve të mëparshme, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të përsëritura të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë dhe vetë pjesëmarrësve në tubime. Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore. Policia u përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t’u distancuar nga çdo akt dhune.
Ashtu si në ato të zhvilluara javët më para, qytetarët në protestën para bashkisë kërkojnë dorëheqjen e kryebashkiakut Erion Veliaj për aferën e Inceneratorit të Tiranës si dhe të dosjes 5D. Ata kërkojnë që SPAK të vërë para përgjegjësisë personat e akuzuar për vjedhjen e tenderave të Bashkisë Tiranë.
