Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Deputetët u pyetën ditën e sotme në lidhje me kërkesën për arrestimin e ish-zv. kryeministrit Arben Ahmetaj. •Deputetja demokrate Jorida Tabaku u shpreh se prej 7 vitesh, PD-ja ka denoncuar çështjen e inceneratorëve, ndërsa sot para drejtësisë kanë dalë 21 nga 55 personat e denoncuar, 3 prej tyre zyrtarë të lartë. •Ajo shtoi më tej se dosja për Durrësin dhe Tiranën është në proces e sipër, dhe se Ahmetaj është i pari që akuzohet për Tiranën. •Deputeti i PD-së Samir Korreshi, është shprehur se në këtë hetim të thelluar të Prokurorisë janë përmendur qindra deputetë e politikanë, ndërsa shton se Ahmetaj është vetëm fillimi. •Ai e cilësoi si një nga dosjet më alarmante. •Deputetja e Partisë Socialiste, Etilda Gjonaj, foli nga ambientet e jashtme të Kuvendit, ku nënvizoi se organet e drejtësisë nuk do të pengohen për të bërë punën e tyre. •Gjonaj u shpreh se ndihet keq që kolegu i tyre do të shkojë në burg, por shtoi se tashmë kjo është një çështje që i takon drejtësisë. •Deputeti i Partisë Socialiste, Fadil Nasufi tha në nisje të seancës plenare, se nuk ka dijeni për dosjen e ish-ministrit Arben Ahmetaj. •Ai shtoi se nuk është marrë me çështjen e inceneratorëve dhe u shpreh i gashëm të shkojë të ballafaqohet nëse e thërret SPAK-u.
6 artikuj për këtë temë.
TIRANË- Deputeti i Partisë Socialiste, Damian Gjiknuri, iu është përgjigjur pyetjeve të gazetarëve në lidhje me përfshirjen e emrit të tij në dosjen e Arben Ahmetaj. Ai tha se të gjitha udhëtimet për të cilat ai akuzohet nga opozita se ka kryer me pronarët e incenratorëve, janë udhëtime zyrtare dhe të regjistruara.
“Unë qëndrimet e mia i kam bërë publike dhe në Komisionin Hetimor, nuk ka ndodhur asgjë e re që nga ajo kohë. Të them të drejtën dy udhëtimet e pretenduara janë udhëtime zyrtare, ka dokumentacion përkatës në Ministrinë e nfrastrukturës. Udhëtimet e mia janë zyrtare dhe të deklaruarA dhe as kam bredhur për qejf me njerëz që ju mund të pretendoni për lidhje të caktuara. Roli im si ministër nuk ka asnjë shkelje ligjore në asnjë procedurë. I kam shpjeguar dhe në Komisionin Hetimor, rolin që ka pasur Ministri I Infrastrukturës dhe Energjisë dhe Nuk ka dalë dikush të citojë një shkelje të ligjit nga unë si ministër.
Qeveria nuk është një organizatë kriminale por përkundrazi ëshë një institucion i organizuar ku secili ministër ushtron funksionin sipas funksionit që ka”, tha Gjiknuri.
TIRANË- Duke bërë një bilanc të punës, deputetja demokrate Jorida Tabaku demostroi përmes shifrave se kanë çuar para drejtësisë 55 persona, 3 prej tyre zyrtarë të lartë. Ajo u shpreh se prej 7 vitesh, PD-ja ka denoncuar çështjen e incineratorëve ndërsa sot para drejtësisë kanë dalë 21 nga 55 personat e denoncuar, 3 prej tyre zyrtarë të lartë.
Ajo shtoi më tej se dosja për Durrësin dhe Tiranën është në proces e sipër, dhe se Ahmetaj është i pari që akuzohet për Tiranën. Tabaku tha se PD-ja për 7 vite denoncoi çështjen e incineratorëve, dhe sot para drejtësisë kemi 3 zyrtarë të lartë.
"Ne kemi çuar para drejtësisë 55 persona, ndërkohë që sot janë 21 prej tyre. Unë besoj lajmi i mirë është që dosja për Durrësin dhe Tiranën është në proces e sipër. Ahmetaj është i pari që akuzohet për Tiranën, dhe pres që të vazhdojë akoma. Kemi kryetarin e Bashkisë, që nuk është thirrur akoma për të dëshmuar.
Sot është një lajm i mirë që PD-ja për 7 vite denoncoi çështjen e incineratorëve, dhe sot para drejtësisë kemi 3 zyrtarë të lartë. Lajmi i keq është që z. Ahmetaj nuk është këtu dhe ky është dështim i shtetit, i parlamentit që nuk u mblodh në kohë, ta çojë atë përpara drejtësisë", tha ajo.
TIRANË- Deputetja e Partisë Socialiste, Etilda Gjonaj, ka shprehur qëndrimin e saj në lidhje me kërkesën për arrestimin e Arben Ahmetaj. Ajo foli nga ambientet e jashtme të Kuvendit, ku nënvizoi se organet e drejtësisë nuk do të pengohen për të bërë punën e tyre. Gjonaj u shpreh se ndihet keq që kolegu i tyre do të shkojë në burg, por shtoi se tashmë kjo është një çështje që i takon drejtësisë.
“Ka pasur një vendimarrje dje në Këshillin e Mandateve, dhe vullneti është shumë i qartë për të lënë organet e drejtësisë për të bërë punën e tyre. Personalisht ndihem keq, por për sa kohë është një çështje që i takon drejtësisë, do zbatojmë çfarë drejtësia ka vendosur”, tha Gjonaj.
Një ditë më parë, Këshilli i Mandateve vendosi t’i japë autorizim SPAK-ut për arrestimin dhe kontrollin e banesës së Ahmetajt. Mazhoranca dhe opozita në Këshill, ndonëse me raporte të ndryshme, ishin në një qëndrim të përbashkët sa i përket dhënies së autorizimit për kërkesën e SPAK-ut.
TIRANË- Deputeti i Partisë Demokratike, Samir Korreshi, ka zgjedhur që përmes batutave të komentojë për Arben Ahmetaj. Ai është prononcuar për mediat në lidhje me dosjen voluminoze të SPAK-ut për ish zv-kryeministrin Arben Ahmetaj. Samir Korreshi është shprehur se në këtë hetim të thelluar të Prokurorisë janë përmendur qindra deputetë e politikanë, ndërsa shton se Ahmetaj është vetëm fillimi. I pyetur se nëse ka informacion se ku ndodhet, Korreshi zgjodhi ta ironizojë. Ai e cilësoi si një nga dosjet më alarmante.
“Po patjetër e kam lexuar, është një nga dosjet më alarmante, ajo që kapaku i pusetës, sa hale do gjeni ju kur t’i shikoni ju... Aty janë me mijëra, qindra, avash avash se ndihet era po kur të shikoni çfarë ka brenda...".
Janë Rama dhe Veliaj
“Po nëse s’janë ata, kush do jenë. T’jua lëmë drejtësisë të gjitha. Shpresojmë t’i vejë deri në fund. Përveçse çarjes së ferrës nuk e di se ku është. Se me ato lekë dhe karta që ka ai nga inceneratorët, mund të shkojë në të gjithë botën".
TIRANË- Deputeti i Partisë Socialiste, Fadil Nasufi u pyet ditën e sotme nga gazetarët në hyrje të Kuvendit, për dosjen e ish-ministrit Arben Ahmetaj. Gjatë një prononcimi nga ambientet e jashtme të parlamentit, në nisje të seancës plenare, Nasufi deklaroi se nuk ka dijeni për një fakt të tillë.
'Nuk kam dijeni, nuk jam marrë me tendera korruptiv”, tha Nasufi.
Po ashtu, ai shtoi se nuk është marrë me çështjen e inceneratorëve dhe u shpreh i gashëm të shkojë të ballafaqohet nëse e thërret SPAK.
“Nuk jam i përfshirë tek inceneratorët, jam gati të shkoj nëse më thërret SPAK”, tha Nasufi.
TIRANË- Ish-kryebashkiaku i Fierit, Baftjar Zeqo nuk është i sigurtë nëse është takuar ose jo me Mirel Mërtirin. Ai u pyet nga gazetarët për këtë çështje pasi emri i tij doli në hetimet e SPAK, ku Ahmetaj i kishte dërguar një mesazh në telefon që të priste në takim Mirel Mërtirin.
“Ahmetaj është shok partie. Nuk ka asnjë moment që flet që unë jam takuar me Ahmetajn, as kam pirë kafe… Nuk kam firmosur tendera për inceneratorët. Inceneratori është pas 2015. Momenti i dytë është që po heton SPAK, kaq di unë për incneratorët. Nuk kam komunikuar me Ahmetajn, është shok partie nuk ka qenë shoku im.
Nuk më kujtohet takimi dhe tema për Mërtirin. Po të mbaja mend do thoja. Unë nuk e njoh si fytyrë. Ahmetaj më ka nis një sms që të pres Mërtirin. Takimi ka ndodh para 11 vitesh. Unë nuk e di a e kam pritur apo jo. Jam i shqetësuar që emri im shpërdorohet, jo se është përmendur në SPAK”, tha ai.
