"Kanë ngjyrë më të zbehtë"/ 3 fletë votimi për Partinë "Mundësia" ndezin tensione mes Shehajt dhe numëruesve, KZAZ 40 i cilëson votat si të vlefshme

foto nga kzaz 40

TIRANË- KZAZ 40 ka vendosur t'i cilësojë fletët e votimit për "Partinë Mundësia" si të vlefshme. Për më shumë se gjysmë ore, në këtë KZAZ u debatua mbi 3 fletë votimi të cilat, sipas u pretendua se duhet të shpallenin të pavlefshme, me arsyetimin se ishin në ngjyrë më të zbehtë se të tjerat. 

Kreu i "Mundësia", Agron Shehaj tha se po tentohet që t'iu vidhen votat, për shkak se janë shumë pranë marrjes së mandatit të dytë në Tiranë. 

agron shehaj

TIRANË- Drejtuesi i Partisë Mundësia, Agron Shehaj ka folur lidhur me tensionet e krijuara te KZAZ 40, ku tre fletë votimi për ta po cilësohenin të pavlefshme për shkak se ishin në ngjyrë më të zbehte se tjerat. Sipas Shehajt, kjo po bëhet për shkak se "Mundësia" është shumë afër mandatit të dytë dhe po tentohet t'i heqin vota.

"Shpjegimi është i qartë: Partia Mundësia është pranë marrjes së mandatit të dytë. Na është dhënë, por tani po na e heqin. Bëhet fjalë për disa dhjetëra vota, dhe po kapen pas çdo detaji – herë thonë se ngjyra nuk është perfekte, herë që fleta nuk është identike. Por vetëm votat e Partisë Mundësia po gjykohen si të pavlefshme. Të gjithë të tjerët përfitojnë nga kjo.", tha Shehaj.

Sipas tij, edhe fletët e votimit në favor të partive të tjera kanë ngjyra të ndryshme, por ato nuk kontestohen.

“Tani kemi nisur të hapim fletët dhe po shohim që të gjitha kanë ngjyra të ndryshme. Nuk e kuptoj pse po gjykojnë për ngjyrën vetëm votat tona dhe jo të partive të tjera, që po ashtu kanë fletë me ngjyrë ndryshe. Asnjë fletë këtu nuk ka ngjyrë identike. Ky është një pretekst për të na hequr votat. Manipulimi i procesit zgjedhor është vepër penale. Manipulimi është vepër penale. Krahasoni të gjitha fletët e votimit – do të shkoni në prokurori për këtë.", u shpreh ai. 

pamje nga KZAZ 40

TIRANË- Tensione dhe debate janë regjistruar gjatë numërimit të votave në KZAZ 40. Debati ka nisur pasi 3 fletë votimi të Partisë Mundësia, janë shpallur të pavlefshme më arsyetimin se ngjyra e fletës është e zbehtë. Kreu i Partisë Mundësia, Agron Shehaj është shprehur se po tentohet të vidhet një mandat tjetër që mund të merret nga kjo forcë politike. 

Ndërkohë në procesverbalin e grupit të numërimit KZAZ 40, në shkollën “Sami Frashëri’ ku numërohen votat e njësisë nr 9 në Tiranë, thuhet: "Sot në 13/05/2025, në KZAZ 40, numri i QV 19/7400 nga tavolina nr 1 është konstatuar fletë votimi që dallohet qartë nga cdo fletë tjetër. fleta e votimit është shpallur e pavlefshme nga komisioni i numërimit për arsye të ngjyrës. Po ashtu ishte votuar gabim  në emrin Ervin Hoxha  me krye dhe Hajdar Hoxha në kolonën tjetër. Është shenja e kuqe është shkarravitur më pas”

I pranishëm në KZAZ 40 në shkollën "Sami Frashëri", ishte dhe ministri Ervin Hoxha i pranishëm, por në momentin kur u zbuluan votat e dyshimta, u largua. 

Vota

TIRANË- Partia Mundësia ka humbur disa vota në KZAZ 40 pasi u shpallën të pavlefshme përshkak të ngjyrës. Kreu i Partisë Mundësia, Agron Shehaj ndodhet në vendngjarje dhe ka kërkuar nga numëruesit që ti kthejë fletët që nuk janë shpallur të vlefshme.

Më tej mësohet se një tjetër rast është se në fletët e votimit është votuar në emrin Ervin Hoxha dhe në kolonën tjetër edhe shkarravitur vota, X për Hajdar Koxhën. Kjo ka sjellë dyshime në ndërhyrje të fletave të votimit për ti bërë të pavlefshme.

“Sot në 13/05/2025, në KZAZ 40, numri i QV 19/7400 nga tavolina nr 1 është konstatuar fletë votimi që dallohet qartë nga cdo fletë tjetër. fleta e votimit është shpallur e pavlefshme nga komisioni i numërimit për arsye të ngjyrës. Po ashtu ishte votuar gabim në emrin Ervin Hoxha  me krye dhe Hajdar Koxha në kolonën tjetër. Është shenja e kuqe është shkarravitur më pas," shkruhet në procesverbalin e grupit të numërimit KZAZ 40.

pamje nga perplasja

TIRANË- Tre fletë votimi të Partisë Mundësia janë shapllur të pavlefshme në KZAZ 40 në shkollën "Sami Frashëri". Arsyeja e shpalljes së pavlefshme nuk ishte mungesa e vulave të komisionit të votimit, por se ishin në ngjyrë më të zbehtë se fletët tjera. 

Vëzhguesit e Partisë Mundësia e kanë kundërshtuar vendimin, ndërsa për të shuar përplasjet dhe me numëruesit ka ndërhyrë policia, e cila i ka nxjerrë jashtë, sepse sipas KZAZ po prishin procesin. Kreu i Partisë Mundësia, Agron Shehaj u shpreh se numëruesit thanë se fletët e shpallura të pavlefshme kishin ngjyrë ndryshe nga fletët e tjera.

Shehaj: Me jep fletët. Nuk janë të tuat, janë të qytetarëve, hajt tani jepi. Mendon se po kërcënon, nxirr votat e partisë Mundësia, pse duhet të vijnë kandidatët.

KZAZ: Faleminderit për edukatën.

Lidhur me ngjarjen ka folur dhe kandidati i Partisë Mundësia, Erald Kapri, ku tha se janë shpallur të pavlefshme 7 vota të subjektit të tij pa asnjë shpjegim ligjor.

“Kaluan votat në skaner, u numëruan, kur papritur 7 vota të Mundësisë u shpallën të pavlefshme, pa thënë arsye. Pastaj thanë do i bëjmë 3 dhe më pas pretenduan se ngjyra e fletës ishte e zbehtë. Këto fletë nuk iu treguan vëzhguesve tanë sipas rregullave,” tha Kapri. Ai tha se është thirrur policia dhe se situata është raportuar te Komisioni Qendror i Zgjedhjeve, Komisioneri Shtetëror Ilirjan Celibashi si dhe misioni vëzhgues i OSBE-ODIHR.

Ndërkohë pas nxjerrjes jashtë të vëzhguesve, aktualisht në ambientet e brendshme ndodhen kreu i Partisë Mundësia, Agron Shehaj, dhe përfaqësuesi i Partisë Demokratike, Belind Këlliçi.