Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Këshilli i Mandateve ka diskutuar sot në lidhje me mandatin e deputetit socialist Vullnet Sinaj. • Opozita e akuzon Sinajn se ka përfituar para publike me bizneset e tij. • Gjatë mbledhjes, kreu i grupit Parlamentar të PD-së Gazment Bardhi tha se deputeti Sinaj është pronar në 9 kompani dhe nëpërmjet kompanive të tij ka përfituar të ardhura nga buxheti i shtetit. • Bardhi ka deklaruar se blerjet nga ana e institucioneve shtetërore bëhen nëpërmjet prokurorimeve publike dhe jo me fatura siç ka ndodhur në 'Big Market'. • Ndërkohë që Sinaj për tu mbrojtur ka theksuar se punonjësit e supermarkeve janë me 7-8 klasë shkollë dhe nuk i dinë institucionet shtetërore. • Sinaj ka mohuar deklaratat e Bardhit dhe ka deklaruar se nuk ka përfituar asnjë qindarkë nga buxheti i shtetit por madje është donator. • Deputeti socialist Vullnet Sinaj ka akuzuar kreun e grupit parlamentar të PD-së Gazment Bardhi se ka shantazhuar deputetët e Opozitës. • Mbledhja e Këshillit të Mandateve është shtyrë për një seancë tjetër, pasi Sinaj kërkoi kohë për të shqyrtuar informacionet e dosjes së opozitës.
6 artikuj për këtë temë.
TIRANA- Mbledhja e Këshillit të Rregullores dhe Mandateve, ku po diskutohej çështja e mandati i deputetit socialist Vullnet Sinaj është shtyrë me kërkesë të këtij të fundit. Sinaj kërkoi kohë për shqyrtuar informacionet e dosjes së opozitës.
Gjithashtu ai shtoi se ka nevojë të marrë kohë për të sjellë të dhënate tij para kolegëve. Ndërkohë pritet që mbledhja e radhës të zhvillohet në jo më pas se një javë.
“Me gjithë këto informacione që keni, duan kohën e vetë që të shqyrtohen nga avokatët. Kërkojmë kohë që të lexojmë një për një faqet. Të kërkojmë prova dhe kam nevojë të marrë kohë, për të sjellë të dhënat e mia për akuzat e kolegut”, tha Sinaj.
TIRANË- Deputeti socialist Vullnet Sinaj ka deklaruar në mbrojtjen e tij, se punonjësit e supermarketeve nuk e dinë se kush janë institucionet shtetërore. Gjatë mbledhjes së Këshillit të Mandateve, Sinaj ka treguar një episod që i ka ndodhur me një punonjëse që kishte prerë 11 fatura me Bibliotekën Kombëtare. Po ashtu ai theksoi se punonjësit që ka nga 7-8 klasë shkollë kanë, nuk janë juristë.
"Do ju them një gjë për të qeshur, një punonjëse kishte prerë 11 fatura me Bibliotekën, dhe kur e pyeta se pse e ka bërë këtë, më tha që nuk e dinte që ishte institucion shtetëror. Unë nuk i kam administratorët e kompanisë dhe punonjësit me universitet, me 7-8 klasë shkollë i kam. Jo të gjithë punonjësit mund të jenë juristë si Bardhi," tha Sinaj.
TIRANË- Kreu i grupit Parlamentar të PD-së Gazment Bardhi ka deklaruar se deputeti socialist Vullnet Sinaj duhet të mbaj përgjegjësi për çdo përfitim të marrë nga buxheti i Shtetit, sado e vogël të jetë shifra. Gjatë mbledhjes së Këshillit të Mandateve, Bardhi ka theksuar se Sinaj është në shkelje të Kushtetutës dhe se për këtë duhet që mandatin e tij ta vendos GJK-ja. Ndërsa Sinaj ka akuzuar kreun e grupit parlamentar të PD-së se ka shantazhuar deputetët e Opozitës për të marrë firmat për kërkesën.
Pjesë nga diskutimi:
Bardhi: Ne nuk ju akuzuam se keni vjedhur diçka, mirëpo kushtetuta thotë se deputetit nuk i lejohet. Vetëm se keni marrë 3 milionë të vjetra, duhet ta mbyllim këtë seancë. Duke vlerësuar gjithë gjërat që përmendet që keni bërë, dhe nuk kemi arsye pse t’i vëmë në diskutim. Por mos prisni nga asnjë deputet që qoftë për një lekë të mbyllim sytë për ata deputetë që kanë përfituar para nga Buxheti i Shtetit. Edhe nëse është vlera që ju thoni, jeni në shkelje të Kushtetutës. Unë nuk heq apo jap mandate. Ne kemi bërë mocion, është Gjykata Kushtetuese që vendos. Ju duhet të shkoni dhe të mbroni veten. Ne do t’i bindemi GJK, dhe ju duhet të keni frikë nga shqyrtimi i kësaj çështjeje nga GJK. Nëse besoni te personi i besuar, duhet të nxisni kolegët që dosja të shkojë në GJK. Kaq e thjeshtë është kjo çështje. Nuk ka asgjë personale në këtë mocion, ne besojmë se është shkelur kushtetuta.
Sinaj: Zoti Bardhi e kape me dorë kushtetutën. Meqë e more kushtetutën në dorë dhe hap ato që lexove dhe shiko data. Do më heqësh dhe mandatin e parë?
Bardhi: Unë do lexoj ato që dua unë, jo atë që do ti. E rëndësishme është respektimi i Kushtetutën, duhet të mbash përgjegjësi. Ke marrë 2 lekë apo 3 milionë, shko në Gjykatë Kushtetuese. Pse keni frikë kur keni respektuar Kushtetutën?
Sinaj: Nuk kam asnjë frikë se ti po vepron në këtë komision sikur je avokat djalli, jo njerëzor. Do të më nxisësh mua atë ndjenjën e krenarisë së vlonjatit dhe të them unë po do shkoj. Jo, do vazhdoj këtu dhe ne të dy do përplasemi ka mundësi dhe në mandatin tjetër. I ke kërcënuar një pjesë të deputetëve. Ka shumë deputetë që nuk ta kanë dhënë firmën dhe i falënderoj. Ke vajtur me letër në dorë. Ty nuk të besojnë as të tutë.
Bardhi: E para njëherë të siguroj i nderuar koleg, se mocioni është në emër të Grupit Parlamentar. Nëse të ka gënjyer njeri, është çështja jote. Nëse ke informacion që kam shantazhuar, të nxis ti dërgosh në organet kompetente. Ti nuk je për të folur për ata që kanë firmosur, por për të dhënë shpjegime pse keni shkelur kushtetutën.
TIRANË- Deputeti socialist Vullnet Sinaj ka akuzuar kreun e grupit parlamentar të PD-së Gazment Bardhi se ka shantazhuar deputetët e Opozitës. Duke folur në Këshillin e Mandateve, Sinaj theksoi se Bardhi e ka depozituar kërkesën në Kuvend për mandatin e tij, 2 ditë më vonë, pasi nuk kishte firmate deputetëve.
"Ne të dy e dimë shumë mirë, ty as të tutë nuk të besojnë. Nuk të kanë dhënë firmën. I ke shantazhuar, dole në televizor në datën 6 dhe kërkesën e depozitove në datën 8, sepse nuk kishte firmat. Por me shumë gjasa ne do të përplasemi edhe mandatin tjetër bashkë," tha Sinaj.
TIRANË- Këshilli i Mandateve ka nisur me debate në lidhje me mandatin e deputetit socialist Vullnet Sinaj. Gjatë mbledhjes, kreu i grupit Parlamentar të PD-së Gazment Bardhi tha se deputeti Sinaj është pronar në 9 kompani dhe nëpërmjet kompanive të tij ka përfituar të ardhura nga buxheti i shtetit. Ndërkohë që Sinaj ka deklaruar se nuk ka përfituar asnjë qindarkë nga buxheti i shtetit por madje është donator.
Pjesë nga debati:
Bardhi: Kemi verifikuar se deputeti Sinaj është pronar në 9 kompani, ku në 5 prej të cilave është aksioner i drejtpërdrejt. Ne kemi verifikuar nëpërmjet shkresave zyrtare, në këtë rast Drejtorisë se Thesarit, se deputeti Vullnet Sinaj, nëpërmjet kompanive të tij në vetëm 9 transaksione që ne kemi evidentuar mund të jenë edhe shumë më shumë, ka përfituar nga buxheti i shtetit rreth 36 mijë euro. Në këto kushte ai është neë shkelje të Kushtetutës konkretisht të nenit 70, pika 3. Këto fakte, janë konfirmuar zyrtarisht edhe nga Ministria e Finacave dhe Drejtoria e Thesarit.
Sinaj: Jam këtu sot për të sqaruar të gjithë shqiptarët, sepse ata të zonës sime e dinë se kush janë. Mua nuk më lejohet që të ndërhyj në biznes, personi i besueshëm më ka dhënë disa të dhëna, ajo që ka dalë është një gjë qesharake. 32 mln lekë janë rimbursim TVSH-je, nga biznese të mbyllura, që kanë shkuar në likujditet, këto janë lekët e biznesve, nuk janë lekët e buxhetit. Për çfarë ke ardhur këtu? Të më heqësh mandatin e parë që unë e kam mbyllur, faturat e mandatit të dytë janë vetëm 350 mijë lekë. Unë nuk kam bërë biznes kur jam bërë deputet, në politikë kam hyrë për të dhënë kontribut, rrogën e kam dhënë për njerëzit në nevojë. U kam krijuar mundësinë njerëzve në nevojë që të jetojnë si të gjithë. Më vjen keq zoti Bardhi, si nuk e gjete që unë kam dhënë 100mln lekë nga llogaria ime personale për situatën e tërmetit.
Si nuk e gjete që ky Bigalb grup, pas meje ka dhënë dhe ai 100 mijë euro. Më falni që po flas kështu, më detyruat që të më plasë cipa, që të flas hapur. Si ka mundësi që Vullnet Sinaj ka dhënë 100 mijë euro, a ka një deputet që të ketë dhuruar në këto shifra për shtetin shqiptar, ti merresh me këto gjëra që janë banale. Biznesi im është familjar, unë jam me kuota pasive, është një biznes që ka 2500 punonjës. Ai biznesi im ka siguruar të gjithë punonjësit në një kompani private. Janë 150 mijë euro që biznesi i paguan për punonjësit e vetë, më detyruat që të flas kështu. Unë nuk e di nëse je i martuar dhe ke fëmijë zoti Bardhi, ai biznesi që është 100% imi, është ai që ka bërë sallën e kardiokirurgjisë në spitalin Nënë Tereza. Si ka mundësi që ti vjen këtu dhe më thua që unë kam bërë namin. Nuk kam marrë pjesë në asnjë tender, në asnjë koncension, për këto dosje voluminoze që ju keni sjellë këtu, unë duhet të konsultohem me juristë.
TIRANA- Këshilli për Rregulloren, Mandatet dhe Imunitetin mblidhet sot në orën 11:00 në Kryesinë e Kuvendit për të shqyrtuar mocionin e 14 deputetëve të opozitarës, të cilët kërkojnë konstatimin e papajtueshmërisë së mandatit të deputetit socialist Vullnet Sinaj. Kjo kërkesë e PD-së, e cila e akuzon Sinajn se ka përfituar para publike me bizneset e tij, do të shqyrtohet nga Këshilli i Mandateve dhe më pas i kalon senacës plenare për votim.
Në mocionin thuhet se Sinaj ka shkelur Kushtetutën, pasi ka përfituar fonde publike në kundërshtim me pikën 3, të nenit 70 të Kushtetutës, i cili ndalon deputetit që të përfitojë pasuri publike.
“Nuk kam përfituar nga buxheti i shtetit asnjë lek, as kur nuk kam qenë deputet, as kur jam zgjedhur deputet. Për më tepër, dhuroj prej vitesh rrogën mujore të deputetit për të ndihmuar njerëz në nevojë dhe as më shkon mendja të përfitoj financiarisht nga buxheti i shtetit”, ka thënë më herët Sinaj në një reagim të tij.
