Incineratori i Elbasanit në Apelin e GJKKO-së/ SPAK kërkon dënimin e Alqi Bllakos dhe Lefter Kokës! Ish-ministri: Hapni telefonin e Kryemadhit, aty do të gjeni "peshkun e madh"

Foto ilustruese

TIRANA- Të akuzuarit për inceneratorin e Elbasanit kanë përfunduar mbrojtjen këtë të premte, në sallën e gjyqit në Apelin e GJKKO-së. Ndërkohë mësohet se seanca u shty për në datën 8 nëntor, ditë kur do të shpallet vendimi.

Ish-deputeti Alqi Bllako nuk ishte i pranishëm, ndërsa mbrojtjen e tij e kanë lexuar avokatët. Mungesën e tij në sallë, avokatët e arsyetuan me probleme shëndetësore.

SPAK kërkoi në Apelin e Posaçëm ndryshimin e vendimit të shkallës së parë, që shpalli të pafajshëm për akuzën “shpërdorim detyre” ish-deputetin socialist Alqi Bllako dhe ish-ministrin e Mjedisit Lefter Koka.

Dy prokurorët e SPAK, Klodian Braho dhe Arben Kraja kërkuan që Bllako të dënohet me 4 vite burg, në përfitim të gjykimit të shkurtuar 2.8 vite burg, ndërsa për Kokën kërkuan t’i shtohet edhe dënimi për “shpërdorim detyre”. Ish-ministri Lefter Koka është dënuar në shkallën e parë antikorrupsion me 6.8 vite burg me gjykim të shkurtuar.

Lefter Koka

TIRANA- Gjatë se seancës së sotme në Apelin e Posaçëm, ish-ministri i Mjedisit, Lefter Koka ka kundërshtuar dënimin e tij me 6.8 vite burg nga GJKKO, për aferën e inceneratorëve. Bëhet me dije se Koka iu drejtua prokurorëve të SPAK dhe togave të zeza duke thënë se në dosjen në ngarkim të tij ishin deklaratat e deputetes së Partisë së Lirisë, Monika Kryemadhi.

Ai ka shtuar se po të hapet telefoni i Kryemadhit, aty do të gjendet edhe peshku i madh i inceneratorëve. Sipas ish-ministrit, SPAK e përpiloi dosjen në mënyrë të tillë që ta dënonin për korrupsion.

"Jam i pafajshëm, ju po kërkoni të më dënoni mua si peshkun e madh, por nuk jam unë peshku i madh. E di i gjithë Durrësi që unë jam biznesmen dhe nuk kam pasur nevojë të më paguaj biletet e udhëtimit Mirel Mërtiri. Nuk më dënoni dot për korrupsion. Avokatët e tij thanë që biletat e rezervuara janë 3 vjet më vonë sesa lidhja e kontratës. Prokurorët pse nuk marrin si referencë kontratat e tjera për landfille si ai i Vlorës dhe Lezhës që janë më të shtrenjta.

E keni gabim dëgjova prokurorin sot, ky është fiks kallëzimi i bërë nga Monika Kryemadhi. Megjithëse ka kaluar një vit konkluzionet e prokurorëve janë të njëjta. Unë e kuptoj që institucioni do të marrë kredibilitet dhe kjo gjykatë do të jetë në presion, por besoj se do të jepni drejtësi dhe do të ngriheni në nivelin e duhur. Pse e ndatë dosjen apo që të më dënoni sa më shumë mua. 

Nuk duhet te ishte ndare dosja por te hetoheshin bashke.  Ata që më kallëzuan janë sot në përballje me SPAK. Nese hapni telefonin e Monikes, nuk do gjeni asnje komunikim me mua në të. “Doni të gjeni korrupsionin, hapni telefonin e Monika Kryemadhit", mësohet të ketë thënë Koka.

Foto ilustruese

TIRANA- Është shtyrë seanca gjyqësore për inceneratorin e Fierit pasi mësohet se palët ndodhen në seancën për inceneratorin e Elbasanit.

Paralelisht po zhvillohet seanca gjyqësore për inceneratorin e Elbasanit, ku SPAK kërkoi në Apelin e Posaçëm ndryshimin e vendimit të shkallës së parë, që shpalli të pafajshëm për akuzën “shpërdorim detyre” ish-deputetin socialist Alqi Bllako dhe ish-ministrin e Mjedisit Lefter Koka.

Dy prokurorët e SPAK, Klodian Braho dhe Arben Kraja kërkuan që Bllako të dënohet me 4 vite burg, në përfitim të gjykimit të shkurtuar 2.8 vite burg, ndërsa për Kokën kërkuan t’i shtohet edhe dënimi për “shpërdorim detyre”. Ish-ministri Lefter Koka është dënuar në shkallën e parë antikorrupsion me 6.8 vite burg me gjykim të shkurtuar.

Alqi Bllako dhe Lefter Koka

TIRANË- Prokuroria e Posaçme SPAK ka kërkuar në Apelin e GJKKO-së ndryshimin e vendimit të Shkallës së Parë që ka shpallur të pafajshëm për veprën penale të shpërdorimit të detyrës për deputetin e Partisë Socialiste Alqi Bllakon dhe ish-ministrin Lefter Koka.

Në seancën që u zhvillua në Apel pas dështimit disa mujor, dy prokurorët e SPAK-ut, Klodian Braho dhe Arben Kraja kërkuan që Bllako të dënohet me 4 vite burg, në përfitim të gjykimit të shkurtuar 2.8 vite burg, ndërsa për Kokën kërkon t’i shtohet edhe dënimi për “shpërdorim detyre”. Ish-ministri Lefter Koka është dënuar në shkallën e parë antikorrupsion me 6.8 vite burg me gjykim të shkurtuar.

Edhe për inceneratorin e Fierit ende nuk ka zhvillime në Gjykatën e Apelit të Posaçëm, duke bërë që vendimi të mos marrë formë të prerë.