Humb jetën polumbari në Sarandë, i shpërtheu bombola e oksigjenit gjatë zhytjes

porti i sarandes

SARANDË- Ka ndërruar jetë një polumbar pas shpërthimit në portin e Sarandës. Një njoftimin e policisë, thuhet se polumbarit i ka shpërthyer aksidentalisht gjatë zhytjes në det bombula e oksigjenit. Identiteti i viktimës ende nuk dihet. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

“Sot, në afërsi të Portit Detar të Sarandës, një polumbari ende të paidentifikuar, dyshohet se i ka shpërthyer aksidentalisht gjatë zhytjes në det bombula e oksigjenit, ku për pasojë ka humbur jetën.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, si dhe për identifikimin e shtetasit që ka ndërruar jetë.”, thuhet në njoftimin e poicisë.

foto nga vendngjarja

SARANDË- Një shpërthim i fuqishëm raportohet se ka ndodhur në portin e Sarandës mbrëmjen e sotme. Raportohet se një person ka mbetur i plagosur. 

Burime bëjnë me dije se ngjarja ka ndodhur në një anije të huaj që ndodhej në radë. Dyshohet se ngjarja ka ndodhur pasi ka plasur bombola e oksigjenit e një polumbari të huaj që do të kryente zhytje.

Polumbari ka mbetur i plagosur dhe shoku i tij e ka nxjerrë në breg, ku e ka marre ambulanca. Pas shpërthimit, i lënduari është transportuar në spital. Ende nuk ka një reagim zyrtar nga policia.