Hapet baza ajrore e NATO-s në Kuçovë/ Rama: Element sigurie për vendet e Ballkanit Perëndimor, rrezikohemi nga Rusia

Asllan Dogjani

KUÇOVË- Deputeti demokrat Asllan Dogjani ka denoncuar sot se Protokolli i ka ftuar dhe ka lënë pa karrige deputetët e opozitës gjatë inagurimit të Baznës së NATO-së në Kuçovë. Me anë të një reagimi në rrjetet sociale, Dogjani shkruan se sjellja e paprecedentë e mazhoranëc është e papranueshme. Po ashtu ka theksuar se arroganca e kësaj qeverie ka arritur kulmin, me veprimin e sotëm.

Postimi i Plotë:

E pa preçedent sjellja arrogante e mazhorncës ndaj deputetëve të opozitës! Ne, deputetët e opozitës, anëtarë të Komisionit të Sigurisë kombëtare në respekt të Kushtetutës, dhe detyrimit si vend anëtar i NATO-S ishim sot në Kuçovë me rastin e inagurimit të bazës ajrore ushtarake te NATO-s. Pavarësisht se ishim dhe të ftuar u detyruam të largoheshim, se nuk kishte asnjë protokoll, nuk u vlerësuam. Ne qëndruam 5 minuta në respekt të himnit kombëtar e atij të NATO-s dhe u larguam! Arroganca e kësaj qeverie kishte arritur deri aty, sa nuk kishte lënë as karrike për deputetët e opozitës

gjenerali i NATO-s

KUÇOVË- Baza ajrore e NATO-s në Kuçovë u hap zyrtarisht ditën e sotme. Në ceremoninë e hapjes ishte i pranishëm edhe  përfaqësuesi i lartë i aleancës, Gjeneral Lejtnan Pablo Sánchez de Lara që është komandanti i Qendrës së Kombinuar të Operacionit Ajror të NATO-s në Bazën Ajrore të Spanjës.

Gjatë fjalës së tij ai u shpreh se përurimi i bazës ajrore të Kuçovës dëshmon angazhimin e NATO-s në rajon.

“Përurimi i bazës ajrore të Kuçovës dëshmon se aleanca jonë me një qasje 360 gradëshe është e angazhuar mjaft në këtë rajon dhe si koalicion ne marrim në konsideratë angazhimet e Shqipërisë për sigurinë e NATO-s si e tërë. Nëse hedhim sytë rreth nesh, nëse hedhim sytë kësaj baze të re është e dukshme se Shqipëria është më shumë se sa kurrë e gatshme që të marrë më shumë përgjegjësi për të mbrojtur sigurinë e paqen mes të tjerash edhe prej këtij vendi”, tha ai.

Sipas gjeneralit, kjo bazë do të jetë në përputhje me standardet e NATO-s dhe do të përmirësojë ndërveprueshmërinë, rezistencën dhe bashkëveprimin në kuadër të aleancës.

KUÇOVË- Kryeministri Edi Rama ka mbajtur fjalën e tij në ceremoninë e hapjes së bazës ajrore të NATO-s në Kuçovë. Gjatë fjalës së tij Rama përmendi vizitën e udhëheqësit të Bashkimit Sovjetik në vendin tonë, ndërsa tha se sot Shqipëria është në anën tjetër.

Ai tha se kjo bazë ajrore është element sigurie për të gjithë vendet e rajonit të Ballkanit Perëndimor, për të cilat tha se janë jo të parrezikuara nga ambiciet e Federatës Ruse. 

"Jam këtu si përfaqësues i një gjenerate tjetër që pa ndryshimet demokratike. Po i referohem një fragmenti të Zerit të Popullit në maj të 1954-ës kur në Shqipëri erdhi udhëheqësi i Bashkimit Sovjetik. Gazeta shkruante; të vdekur po kërcënenin nga gëzimi dhe lulet atë maj kishin çelur me herët për të pritur Hrushovin. Në atë kohë Shqipëria në këtë bazë që rihapet sot, konsiderohej si vend strategjik i perandorisë sovjetike përballë botës perëndimore. Këtu në Kuçovë ishin sistemuar një numër jo i vogël avionësh bombardues. Lufta do të niste me bombardimin e Vjenës, Shtutgartit. Sot jemi në anën tjetër. Shqipëria mirëpret me krenari dhe respekt aleatët e saj dhe partnerët e një aleancë që është aleancë vlerash në mbrojtje të paqes dhe demokracisë. Unë jam i lumtur sot që këtu janë miq, partnerë aleatë dhe doja t’i falënderoja.  Falenderoj ministrin e Italise që ka ardhur me avionë vete dhe miqtë turq që mbajtën për 4 dekada gjallë frymën e kësaj baze. Bazë e cila është element sigurie për rajonin e Ballkanit Perëndimor, i cili është jo i pa rrezikuar ambiciet e Federatës Ruse. Dy helikopterët Blackhawk dhe dronët Bayraktar janë pjesë e një rritje që do vazhdojë. Falenderoj banorët e zonës për durimin e treguar gjatë rindërtimit të kësaj baze. Uroj që kjo të sjellë për ta mundësi të reja punësimi. Një falenderim për aleatët e NATO-s me shpresën që do shoqërohet me bazën e re  të NATO-s në Porto Romano.", tha Rama. 

Rindërtimi për bazën ajrore të Ku֛çovës nisi në janar të vitit 2022. Që nga ai vit është punuar për sistemin e rrethimit dhe të sigurisë e po ashtu të mbrojtjes në perimetrin ku shtrihet kjo bazë. Nga NATO janë të investuara afërsisht 50 milionë euro dhe më shumë se 5 milionë euro janë investuar nga qeveria shqiptare. Autoritetet shqiptare kanë marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës si dhe të sensorëve të zbulimit të ndërhyrjeve përgjatë rrethimit të bazës.

Ejup Maqedonci

KUÇOVA- Teksa ka nisur ceremonia e hapjes zyrtare të bazës ajrore të NATO-s në Kuçovë, mes të pranishmëve shihet të jetë dhe ministri i Mbrojtjes së Kosovës, Ejup Maqedonci. Më herët, presidentja e Kosovës, Vjosa Osmani pëshëndeti hapjen e bazës ajore të Kuçovës me anë të një postimi në rrjetet sociale. Osmani tha se me hapjen e kësaj baze, forcohet prezenca e paktit të atlantikut të veriut në rajonin tonë, dhe kjo forcon edhe sigurinë.

“Hapja e Bazës Ajrore Taktike të NATO-s në Kuçovë, Shqipëri, shënon një hap të rëndësishëm në forcimin e pranisë së Aleancës në Ballkanin Perëndimor, duke kontribuar në rritjen e sigurisë në rajonin tonë dhe më gjerë. Ku ka NATO, ka paqe dhe stabilitet”, ka shkruar Osmani.

niko peleshi

KUÇOVË- Ka nisur ceremonia e hapjes së bazës ajrore në Kuçovë. I pari që mbajti fjalën ishte ministri i Mbrojtjes Niko Peleshi, ndërsa të pranishëm janë edhe krerët e shtetit.

Peleshi e deklaroi zyrtarisht të hapur u shpreh se baza ajrore e Kuçovës është nyjë lidhëse e vlefshme për të gjitha vendet e rajonit. Ministri tha gjithashtu se numri i helikopterëve Blackhawk dhe dronët Bayraktar pritet të rritet në të ardhmen. 

Ai tha se gjithçka pritet nga fronti i lindjes dhe se "duhet te jemi te pergatitur te mbrohemi me bashkimin e forcave dhe kapaciteteve tona mbrojtese."

FJALA E PLOTË E PELESHIT:

Sot, deklarojme zyrtarisht rihapjen e Bazës Ajrore të Kuçovës, e cila përbën një prej investimeve më madhore të NATO-s në Shqipëri dhe do të shërbejë si një “bazë ajrore taktike dhe operacionale” për Aleancën në rajonin e Ballkanit Perëndimor dhe më gjerë.

Mbi këtë pistë, MIG-u i fundit ka fluturuar pothuaj 19 vite më parë. Erdhi koha që në Kuçovë të ndihet jehona e avionëve NATO, mbrojtësve të qiejve tanë, në dekadën më të rrezikshme të historisë moderne të rajonit dhe të mbarë Europës.

Ndjenja e krenarisë që sot provojmëështë mëse e ligjshme, jo vetëm për rezultatin e dukshëm të një ekipi të jashtëzakonshëm ekspertësh dhe teknikësh që kanë punuar ditë e natë për rigritjen e kësaj baze, por edhe për faktin se një vend i vogël si Shqipëria ka nderin dhe privilegjin ti ofrojë Aleancës këtë aset të vyer në skemën e saj të mbrojtjes kolektive.

Kuçova do të shërbejë si baza kryesore për Forcat tona Ajrore, për tëcilat vemendja dhe investimi nuk do të rreshtin deri në krijimin e një flote dinjitoze në shërbim të mbrojtjes së popullsisë sonë, por edhe të aleatëve tanë. Helikopterët Black Hawk dhe dronët Bayraktar, te siguruar me mbështetjen eShteteve të Bashkuara të Amerikës dhe Republikës së Turqisë, janë aktualisht në gatishmëri të plotë për të nisur fluturimin nga kjo bazë. Numri i tyre do të shtohet ndjeshëm, në një të ardhme të afërt. Dhe për këtë qëllim po punohet fort!

Konsiderojeni këtë bazë si njëpikë strategjike të rëndësishme për operacionet tuaja në mbështetje dhe mbrojtje të paqes, si dhe për misionetdhe operacionet e Aleancës sonë. Por, gjithashtu, kjo bazë ka kapacitetin e nevojshëm për të mbështetur përpjekjet tona të përbashkëta në përballje me fatkeqësitë natyrore. Pozicioni gjeografik i favorshëm mund ta kthejë këtë vend në një nyjë lidhëse të vlefshme për të gjitha vendet e rajonit tonë. Në këtë kontekst, ndihma dhe mbështetja që Shqipëria mund të japë për vendet fqinje na bën të ndihemi më të vlefshëm se kurrë, por edhe më të përkushtuar se kurrë për të qenë në lartësinë e duhur përballë çdo situate.

Jo më larg se dy vite më parë, askush nga ne nuk do ta kishte menduar kurrë se Evropa do të përballej me një agresion të tillë të egër ndaj një populli krejtësisht të pafajshëm, siç dhe po ndodh me agresionin rus në Ukrainë. Pamjet e një lufte të tillë konvencionale, të ngjashme me tmerret e Luftës së Parë dhe të Dytë Botërore, tronditën bindjen se siguria në shekullin ku jetojmënuk eshte e pacenueshme.Gjithçka pritet nga fronti i lindjes! Dhe ne duhet te jemi te pergatitur te mbrohemi me te vetmen formule fituese ne tavoline : bashkimin e forcave dhe kapaciteteve tona mbrojtese.

Dhe ju siguroj se Shqiperia do te jete aty, e gatshme per te bere pjesen e saj nese koha do ta kerkoje. Ne perballjen me te keqen nuk ka kombe te medhenj dhe te vegjel. Sigurisht, numrat vlejne, por vlen me shume forca e shpirtit te nje kombi, dëshira për të mbijetuar, dinjteti për tu rreshtuar në anën e drejtë të historisë, ku, ne, shqiptarët jemi të ankoruar prej shekujsh.

Në këtë logjikë, baza që inagurojmë sot është një aset për të gjithë rajonin. Shqipëria do të vijojë përpjekjet e saj për të vendosur në përdorim të NATO-s edhe Portin Ushtarak të Porto Romano-s, që bashke me projektin strategjik te korridorit te VIII i siguron Aleances aksin më të shkurtër të kalimit nga brigjet e Adriatikut në Detin e Zi. Shpresojmë të kemi mbështetjen e vendeve aleate dhe mike në këtë projekt madhor!

Duke u rikthyer tek inagurimi i sotëm, me lejoni te shpreh falenderim dhe mirënjohje të thellë për gjithkënd që punoi në rikthimin në shkëlqim të plotë të Bazës Ajrore të Kuçovës.

Një falënderim i veçantë shkon për Agjencinë e NATO-s për Mbështetjen dhe Prokurimet (NSPA), që qëndroi që në krye të herës në krahun tonë, deri në realizimin e këtij projekti, qëbindi edhe më skeptikët. Por, një mirënjohje edhe për miqtë tanë turq, të cilët prej vitesh u kujdesën dhe investuan në këtë bazë deri në momentin kur NATO mori persiper projektin madhor.

Një falenderim të përzemërt për kolegët e mi, ministrat e mbrojtjes së Maqedonisë së Veriut , Italisë , Malit të Zi e Republikës së Kosovës për vlerësimin e ftesës dhe praninë e tyre sot !Mirenjohje te gjitheve per prezencën, ndihmën dhe mbështetjen tuaj,që e bën këtë ceremoni të paharrueshme. Dhe padyshim, 04 marsi 2024 do të skalitet në kalendarin tonë, si dita kur pilotët italian dhe amerikan fluturuan përsëri si shqiponja, mbi qiellin e Kuçovës.

pamje nga baza

KUÇOVË- Ditën e sotme do të përurohet  baza ushtarake e NATO-s në Kuçovë për avionët luftarakë të Aleancës, ndërkohë kanë dalë pamje nga brenda bazës. 

Në ceremoninë përshëndetëse do të marrin pjesë krerët më të lartë të shtetit shqiptar, si dhe përfaqësues të aleancës së NATO-s. Gjatë ceremonisë do të ketë gjithashtu edhe një spektakël në ajër të fluturimit të avionëve.

Rindërtimi për bazën ajrore të Ku֛çovës nisi në janar të vitit 2022. Që nga ai vit është punuar për sistemin e rrethimit dhe të sigurisë e po ashtu të mbrojtjes në perimetrin ku shtrihet kjo bazë.

Nga NATO janë të investuara afërsisht 50 milionë euro dhe më shumë se 5 milionë euro janë investuar nga qeveria shqiptare. Autoritetet shqiptare kanë marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës si dhe të sensorëve të zbulimit të ndërhyrjeve përgjatë rrethimit të bazës.

foto ilustruese

KOSOVË- Presidentja e Kosovës, Vjosa Osmani ka reaguar për hapjen e bazës ajrore të NATO-s në Kuçovë.

Përmes një postimi në "X", Osmani shkruan se ky është një hap i rëndësishëm në forcimin e pranisë së Aleancës në Ballkanin Perëndimor.

Gjithashtu shkruan se kontribuon në rritjen e sigurisë në rajonin tonë dhe më gjerë.

POSTIMI:

Hapja e Bazës Ajrore Taktike të NATO-s në Kuçovë, Shqipëri, shënon një hap të rëndësishëm në forcimin e pranisë së Aleancës në Ballkanin Perëndimor, duke kontribuar në rritjen e sigurisë në rajonin tonë dhe më gjerë. Ku ka NATO, ka paqe dhe stabilitet!

dronet bajraktar

KUÇOVË- Sot pritet të inagurohet baza ajrore në Kuçovë. Lidhur me këtë kryeministri Edi Rama ka ndarë në rrjetet sociale një video, ku shihet montimi i dronëve Bayraktar. Ai shkruan se këto dronë do bëjnë fluturimin e parë në ceremoninë e e çeljes së bazës së re ajrore të NATO-s sot në Kuçovë

“Mirëmëngjesi dhe me disa momente nga montimi i dronëve Bayraktar, që do të bëjnë fluturimin e parë në ceremoninë e çeljes së bazës së re ajrore të NATO-s sot në Kuçovë, ju uroj një javë të mbarë”, shkruan Rama.

Në ceremoninë përshëndetëse do të marrin pjesë krerët më të lartë të shtetit shqiptar, si dhe përfaqësues të aleancës së NATO-s. Gjatë ceremonisë do të ketë gjithashtu edhe një spektakël në ajër të fluturimit të avionëve.

Rindërtimi për bazën ajrore të Ku֛çovës nisi në janar të vitit 2022. Ish baza e epokës komuniste e ndërtuar me punë vullnetare në 1952, për t’i shërbyer Traktatit të Varshavës, shtatë dekada më pas do i shërbejë operacioneve të Aleancës Atlantike.

baza ajrore

KUÇOVË- Ditën e sotme do të përurohet  baza ushtarake e NATO-s në Kuçovë për avionët luftarakë të Aleancës, ndërsa pak ditë më parë u montuan edhe 3 dronët e armatosur ‘Bayraktar’, të blerë në Turqi. Në ceremoninë përshëndetëse do të marrin pjesë krerët më të lartë të shtetit shqiptar, si dhe përfaqësues të aleancës së NATO-s. Gjatë ceremonisë do të ketë gjithashtu edhe një spektakël në ajër të fluturimit të avionëve.

Rindërtimi për bazën ajrore të Ku֛çovës nisi në janar të vitit 2022. Ish baza e epokës komuniste e ndërtuar me punë vullnetare në 1952, për t’i shërbyer Traktatit të Varshavës, shtatë dekada më pas do i shërbejë operacioneve të Aleancës Atlantike.

AXHENDA

07:45 Nisja për në Bazën Ajrore Kuçovë

09:30 Mbërritja në Bazë

10:10 Mbërritja e autoriteteve të larta shtetërore dhe të huaja

10:25 Fillimi i ceremonisë

10:30 Fjala e përshëndetëse e Ministrit të Mbrojtjes Niko PELESHI

10:35 Fjala përshëndetëse e Shefit të Shtabit të Përgjithshëm Gjeneral Major Arben KINGJI

10:40 Fjala përshëndetëse përfaqësueses së NSPA Stacy. A. CUMMINGS

10:45 Fjala përshëndetëse NATO CAOC Torrejon Commander, Lieutenant General Juan

Pablo Sanchez DE LARA

10:50 Fjala përshëndetëse e të Ngarkuarit me Punë të Ambasadës Ameriakne David WISNER

10:55 Fjala përshëndetëse e Ministrit Turk të Mbrojtjes Yaşar GÜLER

11:00 Fjala përshëndetëse e Ministrit Italian të Mbrojtje Guido CROSETTO

11:05 Fjala përshëndetëse e Kryeministrit të Republikës së Shqipërisë Edi RAMA

11:15 Fjala përshëndetëse e Kryetares se Parlamentit Lindita NIKOLLA

11:20 Fjala përshëndetëse e Presidentit të Republikës së Shqipërisë Bajram BEGAJ