Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Ish-Presidenti Ilir Meta është shfaqur sot për herë të parë në publik pas rreth një viti e gjysëm nga arrestimi i tij. • Në Gjykatën e Posaçme sot është mbajtur seanca e parë gjyqësore në themel ndaj ish-presidentit Ilir Meta në dosjen e tij penale. • Meta është paraqitur në sallë brenda “kafazit” të qelqtë, ku ka bërë gjestin e shqiponjës dykrenare dhe ka deklaruar se procesi ndaj tij është i montuar. • Meta, ka kërkuar që seancat gjyqësore ndaj tij të transmetohen live në media, por gjyqtarja Etleva Deda ka sqaruar se ekziston një vendim i Këshillit të Lartë Gjyqësor që nuk lejon transmetimin e seancave gjyqësore. • Gjykata ka rrëzuar gjithashtu kërkesën e avokatit Kujtim Cakrani për nxjerrjen e Metës nga kabina e qelqtë, duke theksuar se kjo masë nuk cenon të drejtat e tij procedurale në një proces të rregullt ligjor. • Seanca e parë u shty për shkak të mungesës së Fatime Kryemadhit dhe mungesës së prokurës për përfaqësim nga avokatët e saj. • Seanca e radhës është caktuar për më 11 maj në orën 12:00.
8 artikuj për këtë temë.
TIRANË- Ish-Presidenti Ilir Meta është rishfaqur ditën e sotme për herë të parë në publik pas arrestimit të tij. Siç shihet në pamjet e mëposhtme që Dosja.al, ka siguruar nga nisja e seancës gjyqësore në GJKKO, Meta duket se ka pësuar ndryshime në pamjet e tij të jashtme.
Videoja e mëposhtme tregon ish-presidentin Meta pak ditë para arrestimit të tij vitin e kaluar. Dukshëm Meta duket më sportiv ku çdo mëngjes bënte vrapin e tij, të cilin e ndante dhe me ndjekësit e tij.
Ndërkohë që videoja tjetër tregon Metën ditën e sotme në seancën gjyqësore në GJKKO. Meta se në këto muaj izolim ka rënë në peshë duke pësuar një ndryshim në pamje. Por dhe mungesa e dritës dhe diellit kanë ndikuar, duke i zbardhur tiparet e fytyrës, vetullat, mjekrën dhe flokët./Dosja.al
TIRANË- Monika Kryemadhi është shprehur se, se në shqyrtimin paraprak është vendosur që t’i vihet në dispozicion aktekspertimi i telefonit dhe përgjimet telefonike. Pas shtyrjes së seancës në GJKKO, Monika Kryemadhi ka deklaruar se, ajo e ka dhënë edhe gjatë seancës, ku prokurori është shprehur se ajo vetë, jo avokati, mund të paraqitet t’i marrë.
“Ne kërkuam nga gjyqtarja që përveç të kishim ekspertimin e telefonit, pasi çdo gjë është e ndërtuar si fabul, për të ndërtuar një iluzion optik, pavarësisht se mesazhet nuk përbënin vepër penale. Edhe në seancë paraprake, gjyqtarja kishte vendosur të më pajisje me materialet nga telefoni im. Prokuroria përdor një sms ku unë them; dua të marr një shtëpi. Dhe më pas unë kthej mëndje. Dhe thonë është korrupsion, për te Kodra e Diellit. Por thuhet se shtëpia është marrë si premtim për ligjin për minierat. Por ajo shtëpi nuk ekziston.”, tha ajo./Dosja.al
TIRANË- Monika Kryemadhi ka deklaruar se mbajtja në qeli e kreut të Bashkisë Tiranë Erion Veliaj dhe kreut të Partisë së Lirisë Ilir Meta, është si një mënyrë që të tregohet se klasa politike bëri shpagimin e saj.
Në një prononcim për mediat pas shtyrjes së seancës në Gjykatën e Posaçme, e pyetur për divorcin, Kryemadhi u shpreh se “Big Brother-i” i emocioneve ka mbaruar, tashmë sipas saj nis beteja ligjore.
“Janë dy gjëra komplet të ndryshme nga ajo që ndodhin në përditshmëri. Unë mbylla Big Brother-in tim për të folur për ndjesitë, tani nis betejën ligjore. Një sistem drejtësie që funksionon me regji politike dhe synon të bëjë statistika. Duke mbajtur Metën dhe Velija n në burg që të thonë kjo klasë politike e bëri shpagimin e saj, kemi statistika e numra e vijojmë të ecim para si në kohën e partisë së punës ku gjithçka e bën klreu i partisë”, tha ajo./Dosja.al
TIRANË- Ka nisur ditën e sotme gjykimi në themel për ish-presidentin Ilir Meta. Procesi ka zgjatur pak sepse gjyqi është shtyrë për datën 11 maj, ora 12:00.
Seanca gjyqësore ndaj Ilir Metës u ndërpre me kërkesë të avokates së Fatime Kryemadhit, e cila deklaroi se i mungonte prokura e nevojshme për të kërkuar gjykim të shkurtuar.
Ky proces shënoi një risi, pasi ishte hera e parë që një seancë e ish-presidentit transmetohej live. Gjatë transmetimit u vu re ndryshimi fizik i Metës, i cili numëron tashmë mbi një vit izolim te 313-ta./Dosja.al
TIRANË- Presidenti i Partisë së Lirisë, Ilir Meta është shfaqur sot për herë të parë para publikut pas rreth një viti e gjysëm në qeli. Nga kafazi i qelqtë i GJKKO-së, Meta ka kërkuar me këmbëngulje që seancat gjyqësore të transmetohen live, si një kush sipas tij që gjithçka të jetë transparente.
”Nuk jam unë në pozita të pabarabarta, por ata. Me shpifje dhe gënjeshtra, me kallëzues të rremë, një proces i turpshëm kundër shtetit shqiptar, jo kundër Ilir Metës. Ju ftoj nga sot deri në momentin e fundit, ju ftojë të ndiqni dhe transmetoni live të gjithë procesin. Ju garantoj se mbaj përgjegjësi për çdo veprim, akt dhe sjellje timen”, dëgjohet teksa flet Meta pas kafazit prej xhami.
Ilir Meta u arrestua më 21 tetor 2024. Ai dhe ish-deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.
Konkretisht, Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.
Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Dosja.al
TIRANË- Monika Kryemadhi ka mbërritur në GJKKO. Sipas pamjeve ajo duket se nuk i ka kursyer batutat me gazetarët. "Qenke bërë intelektual me syze!", tha Kryemadhi drejtuar njërit nga punonjësve në media./Dosja.al
TIRANË- Ish-Presidenti Ilir Meta ka mbërritur në sallën e gjyqit, duke u shfaqur në kafazin e xhamit, teksa përshëndeti publikun me dy gishtat lartë. Teksa jashtë godinës kishte mbështetës të tij, Meta ka bërë me duar simbolin e shqiponjës duke thënë fjalët: Shqipëria e shqiptarëve.
Ilir Meta u arrestua më 21 tetor 2024. Ai dhe ish-deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t'i fshehin, duke mos i deklaruar në ILDKPI dhe KQZ.
Konkretisht, Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.
Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK./Dosja.al
TIRANË- Sot nis në Gjykatën e Posaçme (GJKKO) procesi gjyqësor ndaj kreut të Partisë së Lirisë, Ilir Meta, i cili akuzohet për korrupsion, pastrim parash dhe fshehje pasurie.
Meta ka kërkuar zyrtarisht që seancat të transmetohen drejtpërdrejt, duke e konsideruar transparencën si një kusht të domosdoshëm për procesin.
Ai i është drejtuar me një kërkesë të veçantë edhe Gjykatës së Posaçme në lidhje me këtë çështje vetëm pak ditë më parë.
“Transparenca përpara qytetarëve shqiptarë dhe llogaridhënia është detyrim për çdo institucion dhe çdo funksionar publik”, shkruan ai në një postim në rrjetet sociale./Dosja.al
