Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
•Djali i Sali Berishës, Shkëlzen Berisha u paraqitet në GJKKO për të dëshmuar në gjyqin për tragjedinë e Gërdecit. •Në një prononcim për median, ai e ka cilësuar ‘teatër politik’ përfshirjen e tij në këtë çështje, duke u shprehur se faxi me mbishkrimin ‘për Shkëlzenin’ nuk ka mbërritur në adresën e tij. •Ish-ministri i Mbrojtjes, Fatmir Mediu u shpreh se nuk ekziston një raport me Shkëlzen Berishën për këtë proces. •Në gjykatë janë thirrur në gjykatë përveç Shkëlzen Berishës, edhe dëshmitaret Anjola Agollit, ish-sekretare e Mediut, Liza Maksuti, Luan Hoxha, Ylli Pinari dhe Sokrat Papadhima.
6 artikuj për këtë temë.
TIRANË- Djali i ish-kryeministrit Sali Berisha, Shkëlzen Berisha u paraqit paraditen e sotme në Gjykatën e Posaçme për të dëshmuar në gjyqin ndaj Fatmir Mediut për dosjen “Gërdeci”.
Sipas 'Ora news', në dëshminë e tij të dhënë në seancën me dyer të mbyllura për mediat, Berisha thënë se:
“2007-2008 kam punuar disa muaj në kompaninë “Eagle Mobile”. Kam qenë jashtë Shqipërisë kur ka ndodhur ngjarja. Ose nëpërmjet medias ose nëpërmjet familjarëve e kam mësuar ngjarjen. Me Aldo Bumçin njihem. Kam marrëdhënie miqësore për shkak për shkak të përfshirjes në politikë. Që prej 2004 e njoh. Bisedat me të kanë qenë personale. Nuk kemi patur biseda për ndonjë VKM. Nuk njoh njeri as kush e ka shkruar as kush e ka marrë faksin. Nuk kam bërë asnjë padi por jam në dijeni se Bumçi e ka bërë një të tillë.
Me Mediun njihem prej 1994. Kam marrëdhënie personale e miqësore. Nuk kam patur biseda për demontim me Mediun. Kam patur një bisedë me Mediun ditën e ngjarjes, ka qenë bisedë personale për sëmundje (një anëtar i familjes së tij). Nuk kam patur zhvilluar bisedë tjetër përveç kësaj. Mihal Delijorgjin e njoh si sipërmarrës. E kam takuar vetëm një herë në 2008, pasi një klient donte të blinte një objekt te kompleksi i tij. Për këtë çështje kam patur disa telefonata me të. Nuk e dija se me çfarë merrej konkretisht Delijorgji. 4 telefonata nga janari deri në mars, nuk kanë qenë telefonata për aktivitetin e tij në Gërdec.
Mihalin e mora në telefon kur ndodhi shpërthimi, për shkak se një familjar më kërkoi të interesohesha për shpërthimin pasi dikush i familjes së tij punonte aty”, mësohet se është shprehur Shkëlzen Berisha.
Prokurori i SPAK: Pse keni bërë 4 telefonata pas ngjarjes me Mediun?
Shkëlzen Berisha: Nuk mbaj mend ndonjë bisedë me Mediun pas ngjarjes.
TIRANË- Ish-ministri i Mbrojtjes, Fatmir Mediu ka dëshmuar ditën e sotme në GJKKO lidhur me dosjen “Gërdeci”, teksa komentoi edhe thirrjen për të dëshmua të djalit të ish-kryeministrit Sali Berisha, Shkëlzen Berisha.
"Prokuroria është duke thirrur dëshmitarë që nuk kanë asnjë lidhje me çështjen, po e kthejnë në një proces jologjik. Është një lojë tërësisht mediatike, që nuk i shërben të vërtetës. Çështja jo vetëm që është hapur në mënyrë të paligjshme, por duket qartë se nuk ka asnjë interes që ti shkohet kësaj çështje deri në fund. U duk qartë dhe nga dëshmia e Shkëlzen Berishës që ai nuk ka asnjë lidhje me Fatmir Mediun", njofton policia.
TIRANË-Shkëlzen Berisha është shprehur se nuk ka ndërmend të angazhohet në polititikë. Ndërsa i ka quajtur kërkesat e SPAK për masat e sigurisë ndaj babait të tij, Sali Berisha, si “groteske”.
Ky është një vendim grotesk, më jepni një vend jo në Europë, porn ë botë, që lideri i opozitës mbahet në arrest, pa akuzë. Donald Trump ka 34 akuza dhe vijon i lirë, qëllimi politik është jashtëzakonisht u qartë. Zonjë ju e dini më mirë se sa unë, që ka ardhur sa herë që është kërkuar në prokurori, më vjen keq se sdua të bëj unë mbrojtjen e tij. Qartazi masa ka qenë në shkelje të Kushtetutës dhe ligjeve të vendit. Më thoni një emër deputeti që i është hequr imuniteti pa prova shoqëruese. Tani unë do bëj çdolloj përpjekje që të takoj babain tim.
TIRANË- Djali i ish-kryeministrit Sali Berisha, Shkëlzen Berisha u paraqit paraditen e sotme në Gjykatën e Posaçme për të dëshmuar në gjyqin ndaj Fatmir Mediut për dosjen “Gërdeci”. Berisha u pyet për komunikimet që ka pasur me Mihal Delijorgjin dhe Ministrin e Mbrojtjes të asaj kohe Fatmir Mediu. Sa i takon ish ministrit të Drejtësisë ai tha se janë takuar vetëm për çështje elektorale.
"Me Aldo Bumcin njihem , kam marrëdhënie miqësire, për shkak të përfshirjes së tij në politike. E njoh që prej vitit 2004"
TIRANË- Djali ish-kryeministrit Sali Berisha, Shkëlzen Berisha ka mbërritur në GJKKO, për të dëshmuar në gjyqin ndaj Fatmir Mediut për dosjen “Gërdeci”.
“Do të flas kur të dal”, është shprehur Berisha teksa hynte në ambientet e GJKKO-së ku do të mbahet seanca e radhës gjyqësore.
Shkëlzen Berisha është përmendur dhe është thirrur disa herë në procesin gjyqësor për tragjedinë e Gërdecit, ku humbën jetën 26 persona dhe u rreth 300 të tjerë u plagosën.
TIRANË- Shkëlzen Berisha, do të përballet këtë të mërkurë në GJKKO. Seanca për çështjen Gërdeci do të mbahet në orën 09:00 dhe do të gjykohet nga gjyqtarja Irena Gjoka.
GJKKO ka thirrur djalin e ish kryeministrit që të dëshmojë lidhur me faksin që Aldo Bumçi i ka dërguar atëherë ish ministrit të Mbrojtjes Fatmir Mediu me shënimin “për Shkëlzen Berishën”.
Shkëlzen Berisha refuzoi të paraqitet në gjykatë seancën e 14 dhjetorit. Nuk dihet nëse ai do të jetë në seancë apo do të ndjekë strategjinë e të atit, për t’ju shmangur përballjes me drejtësinë.
