Flakët 'përpijnë' ndërtesën në Hong Kong/ 36 të vdekur dhe qindra të zhdukur! Çfarë dyshohet se po e favorizon zjarrin (FOTO+VIDEO)

pamje nga vendngjarja

banimit! Çfarë dyshohet se po i favorizon flakët

HONG KONG- Të paktën 36 njerëz kanë humbur jetën dhe 279 të tjerë janë zhdukur të mërkurën pasi zjarri më vdekjeprurës në Hong Kong prej tre dekadash përfshiu kullat e larta banesore të rrethuara me skelë bambuje, thanë autoritetet. Më shumë se 10 orë pasi zjarri shpërtheu në qarkun verior Tai Po, flakët dhe tymi i dendur ende po mbulojnë kullat 32-katëshe, teksa ekipet e shpëtimit po luftojnë për ta shuar zjarrin dhe banorët e tronditur po shikojnë nga afër.

Ende nuk dihet shkaktari i zjarrit, por ai u përhap nga rrjeta jeshile e ndërtimit dhe skelat prej bambuje, të cilat Qeveria kishte filluar t’i nxirrte jashtë përdorimit në mars për arsye sigurie. Duke punuar gjatë natës, për shkak të nxehtësisë së madhe zjarrfikësit u përballën me vështirësi për të arritur në katet e sipërme të kompleksit të banimit Wang Fuk Court, i cili ka 2.000 apartamente në tetë blloqe.

Një zjarrfikës është në mesin e 36 viktimave, ndërsa 29 njerëz janë shtuar në spital, tha për gazetarët drejtuesi i Hong Kongut, John Lee. Rreth 900 të tjerë ndodhen në tetë qendra strehimi. Departamenti i Transportit në Hong Kong tha se, për shkak të zjarrit, një segment i tërë i rrugës Tai Po, një prej dy autostradave kryesore të Hong Kongut, është mbyllur.

“Prioriteti i parë është ta shuajmë zjarrin dhe t’i shpëtojmë banorët që janë të ngujuar. I dyti është mbështetja e të lënduarve. I treti është mbështetja dhe rimëkëmbja. Më pas, do të nisim një hetim të plotë”, tha Lee për gazetarë.

Të paktën gjashtë shkolla do të mbyllen të enjten për shkak të zjarrit dhe trafikut të rënduar, njoftoi Byroja e Arsimit të qytetit. Ky është zjarri më i rëndë në Hong Kong që prej vitit 1996, kur 41 njerëz humbën jetën në një ndërtesë komerciale në qendër të Kowloon. Më vonë u zbulua se ai zjarr ishte shkaktuar nga saldimi gjatë rinovimeve të brendshme. Hong Kongu është një nga vendet e fundit në botë ku bambuja ende përdoret shumë për skela në ndërtimtari.

Qeveria nisi ta heqë gradualisht përdorimin e saj në mars, për arsye sigurie. Ajo njoftoi se 50 për qind e punimeve publike të ndërtimit do të duhet të përdorin korniza metalike në vend të bambusë. Wang Fuk Court është një nga shumë komplekset e banimit shumëkatëshe në Hong Kong, një nga zonat me densitetin më të lartë të popullsisë në botë. Tai Po është një distrikt i konsoliduar periferik me rreth 300.000 banorë.

pamje nga vendngjarja

HONG KONG- Bilanci i tragjedisë pas zjarrit masiv në Hong Kongu, në Kinë është thelluar. Të paktën 36 persona kanë vdekur dhe 279 të tjerë rezultojnë të zhdukur pasi zjarri përfshiu ndërtesën. 29 persona u plagosën, shtatë prej të cilëve në gjendje kritike. Numri i mëparshëm i të vdekurve ishte 13 dhe 16 të plagosur, por informacionet e fundit sipas autoriteteve janë vërtetë tronditëse.

Flakët ende po shkrumbojnë skelat prej bambuje në ndërtesa, raportuan mediat lokale, kurse pamjet e flakëve bënë edhe xhiron e rrjetit shumë shpejt. 128 automjete zjarrfikëse, 57 ambulanca, 767 zjarrfikës dhe 400 oficerë policie janë përfshirë në operacionin e shuarjes së zjarrit. Në të njëjtën kohë, më shumë se 700 persona janë transferuar në pesë strehimore të hapura nga zyra lokale e zonës Tai Po.

Si u përhap zjarri?

Tym i dendur dhe i errët u ngrit në qiell të mërkurën pasdite, ndërsa zjarri u përhap fillimisht në katër ndërtesa apartamentesh dhe më pas në të gjithë kompleksin. Shkaku mbetet i panjohur për momentin. Sipas policisë, pati raportime të shumta për njerëz të bllokuar, ndërsa një burrë dhe një grua u gjetën pa ndjenja me djegie. Videoja nga vendi i ngjarjes tregoi flakë që përfshinin skelat prej bambuje që veshin pjesën e jashtme të disa apartamenteve, ndërsa pjesë të rrjetës mbrojtëse të gjelbër u shembën dhe u dogjën deri në themel./Dosja.al

Foto Ilustruese

KINA-  Një zjarr i madh ka rënë në një ndërtesë në Hong Kong, ku katër persona kanë ndërruar jetë dhe dhjetra të tjerë janë bllokuar nga retë e tymit. Tym i dendur ka mbuluar një pjesë të madhe të vendit, ndërsa zjarrfikësit po luftojnë me flakët.

Mediat e huaja shkruajnë se shumë persona kanë pësuar djegie të shumta. Afër ndërtesës ndodhen edhe shumë ndërtesa të tjera me skela të jashtme prej bambuje. Kjo bën që zjarri të përhapet me shpejtësi edhe në mjediset e tjera përreth./Dosja.al