'Flakë në det'/ Po shkëmbenin drogë, goditet grupi i trafikantëve në Kurbin! 6 të arrestuar (EMRAT)

foto gjate operacionit te policise

TIRANË- Marrë shkas nga operacioni ndërkombëtar i antidrogës “Flakë deti”, në kuadër të cilit u bllokuan 4 gomone më 15 Gusht, nga 6 të arrestuarit, 4 janë shqiptarë dhe 2 ukrainas. Mes të arrestuarve është edhe Arlind Ismailuka, ish- shef policie.

Baza e grupit kriminal ishte në Fushë-Kuqe të Kurbinit. Mësohet se ish-efektivit të policisë i janë gjetur 10 milionë lekë ‘cash’. Zëvendësdrejtori i Përgjithshëm i Policisë së Shtetit, Sokol Bizhga, refuzoi në daljen publike që të sqaronte nëse ish-polici ka lidhje me këtë grup kriminal.

Dje dhe sot është ushtruar kontroll në një kompleks luksoz në Fushë-Kuqe, ku mendohet se ka qenë dhe baza e këtij rrjeti kriminal, që thuhet se i përket një personi të dënuar dhe të shpallur në kërkim ndërkombëtar për trafik heroine.

Disa prej të arrestuarve kanë refuzuar që të japin shpjegime, pavarësisht tentativës së oficerëve.

Sokol Bizhga

TIRANE- Në një deklaratë për mediat, zëvendësdrejtori i Përgjithshëm i Policisë së Shtetit, Sokol Bizhga, ka përcjellë detaje në lidhje me operacionin ndërkombëtar të antidrogës “Flakë deti”, në kuadër të cilit u bllokuan 4 gomone më 15 Gusht.

Bizhga tha se lënda narkotike e kapur në vendin ku trafikantët dogjën velierën, kishte destinacion ndërkombëtar. Gjashtë persona janë vënë në pranga ( shqiptarë dhe të huaj) dhe janë sekuestruar 28 kg kanabis, 2 armë, 200 fishekë luftarakë, një “Audi”, 45 mijë euro, 250 mijë lekë, 2 mijë lira turke, 500 paund dhe 25 celularë.

Nga 6 të arrestuarit, 4 janë shqiptarë dhe 2 ukrainas. Mes të arrestuarve është edhe Arlind Ismailuka, ish- shef policie. Baza e grupit kriminal ishte në Fushë-Kuqe të Kurbinit.

“Do ju informojmë mbi një operacion i koduar “Flakë deti”, për të goditur një grup të strukturuar kriminal. Operacioni ka nisur 14 Gusht në orën 22:00 deri më 15 Gusht. Në momentin që u rrethuan nga mjetet lundruese të Guarda di Financa, trafikantët i kanë vënë flakën gjërave të paligjshme. Deri në orën 16:00 janë kërkuar provat materiale, janë arrestuar 6 shtetas të huaj dhe shqiptarë".

Ai theksoi po ashtu se te veliera e djegur janë gjetur 28 kg kanabis dhe se grupi shqiptar do shkëmbente kanabisin me drogë tjetër me 2 ukrainas. Kujtojmë se ky megaoperacion po zhvillohet nga policia shqiptare në bashkëpunim me “Guardia di Finanza”.

Varka

TIRANË- Detaje të reja nga megaoperacioni antidrogë i koduar “Flakë në det”, në kuadër të të cilit u parandalua dhe u godit një tentativë për të trafikuar lëndë narkotike. Në operacion u përfshinë efektivë dhe mjete të Departamentit të Policisë Kriminale dhe të Departamentit të Kufirit dhe Migracionit, si dhe Reparti Special “RENEA”. Operacioni i zhvilluar nga Policia e Shtetit, është koordinuar dhe mbështetur nga Guardia di Finanza, Interforca italiane në Shqipëri dhe Frontex.

Operacioni filloi pas njoftimit të strukturave monitoruese në terren, për lëvizjen me shpejtësi të një mjeti lundrues, nga laguna e Patokut me drejtim jug-perëndimin. Ky mjet lundrues është afruar pranë një tjetër mjeti lundrues tip veliere dhe më pas shtetasit që ishin në këto mjete lundruese, kanë shkëmbyer lëndë narkotike.

Në operacion u përfshinë avionët e Frontex-it dhe të GDF-së, ndërsa nga deti u përfshinë mjetet e Policisë Kufitare dhe mjetet e GDF-së, të cilat kanë bërë rrethimin e veleries. Shtetasit që ndodheshin në velerie, sapo kanë konstatuar se ishin rrethuar nga Policia, i kanë vënë zjarrin mjetit lundrues dhe kanë tentuar të largohen me një barkë të vogël shpëtimi, por janë kapur në flagrancë.

Siç shihet edhe në video, personat në mjetin lundrues ndalojnë në momentin kur rrethohen nga Policia.

Ja momenti me video:

Veliera ishte me flamur ukrainas dhe është nisur nga Mali i Zi. Droga do shkëmbehej në detin Adriatik 18 milje nga laguna Patokut.  Forcat RENEA kanë zbarkuar në disa banesa në Laç për kontrolle. Gjatë operacionit janë sekuestruar sasi droge dhe një shumë parash.

Në cilësinë e provës materiale u sekuestruan:

2 armë zjarri pistoleta, të markave “Glock” dhe “Zastava”;  
200 fishekë pistolete model 54;  
një automjet tip “Audi”; 
4 aparate DVR për ruajtjen e pamjeve filmike;  
45 000 euro, 250 000 lekë, 500 paund, 50 franga, 2 000 lira, 25 celularë;  
sasia 23 kg lëndë e dyshuar narkotike cannabis sativa, e gjetur në afërsi të velierës së djegur;
1 mjet lundrues tip gomone, bashkë me GPS-in; 

Operacioni

TIRANË- Zbardhen emrat e 6 personave të arrestuar në kuadër të megaoperacionit koduar “Flakë në det”, ku mori pjesë Guardia di Finanza, DEA amerikane dhe policia shqiptare, të cilët goditën një grup kriminal në Kurbin të trafikut të drogës.

EMRAT

Arlind Ismailukaj, 47 vjeç, banues në Tiranë;

Armando Mema, 37 vjeç, banues në Tiranë;
Nerim Çela, 40 vjeç, banues në Fushë Kuqe, Laç;
Besnik Brokeri, 51 vjeç, banues në Vlorë;
Kyrylo Ponomarenko, 39 vjeç, banues në Ukrainë;
Kostiantyn Biellon, 44 vjeç, banues në Ukrainë.

Operacioni filloi pas njoftimit të strukturave monitoruese në terren, për lëvizjen me shpejtësi të një mjeti lundrues, nga laguna e Patokut me drejtim jug-perëndimin. Ky mjet lundrues është afruar pranë një tjetër mjeti lundrues tip veliere dhe më pas shtetasit që ishin në këto mjete lundruese, kanë shkëmbyer lëndë narkotike.

Në operacion u përfshinë avionët e Frontex-it dhe të GDF-së, ndërsa nga deti u përfshinë mjetet e Policisë Kufitare dhe mjetet e GDF-së, të cilat kanë bërë rrethimin e veleries. Shtetasit që ndodheshin në velerie, sapo kanë konstatuar se ishin rrethuar nga Policia, i kanë vënë zjarrin mjetit lundrues dhe kanë tentuar të largohen me një barkë të vogël shpëtimi, por janë kapur në flagrancë./Dosja.al

Policia

TIRANË- Policia ka dhënë detaje për operacionin ndërkombëtar antidrogë, të kryer në bashkëpunim me Guardia di Financa dhe DEA-n amerikane. Zëvendës drejtori i Përgjithshëm i policisë së Shtetit, Sokol Bizhga theksoi se janë sekuestruar 23 kilogramë lëndë narkotike pranë vendit ku është djegur veliera që vinte nga Mali i Zi. Janë sekuestruar gjithashtu 45 mijë euro si edhe dy armë zjarri.

“Një mjet lundrues veliera, ku ndodheshin dy trafikantë të huaj, në momentin kur u rrethuan nga mjetet lundruese të policisë së shtetit dhe të Guarda di Financas, i është vënë flaka për të djegur sendet e paligjshme që ndodheshin në të. Në këtë operacion u sekuestruan dy armë zjarri, 200 fishekë luftarakë kalibër 9 dhe model 54, një automjet Audi, katër aparate DVR për pamjet filmike si dhe vlera monetare: 45 mijë euro, 2.5 milion lekë të vjetra, 500 paund, 50 franga zivcerane, 2 mijë lira turke.

Janë sekuestruar 25 aparate celulare. Një sasi prej 23 kilogramësh e dyshuar kanabis është gjetur në afërsi të vendit ku është mbytur veliera e djegur. Deri tani janë arrestuar 6 shtetas, shqiptarë dhe të huaj”, njoftoi Bizhga.

Aksioni i policise

TIRANË- Në mesin e personave të ndaluar nga operacioni antidrogë i Guarda di Finanza në bashkëpunim me Policinë Kufitare Vlorë, ka shtetas ukrainas por edhe një zyrtar i Policisë, Ardit Ismailuka. Nga 10 personat e arrestuar, 8 prej tyre janë shqiptarë dhe 2 me origjinë nga Ukraina.

Gomonet e kapura nga policia, janë nisur nga Patoku rreth orës 19:00 të pasdites së sotme dhe do të bënin shkëmbimin e drogës në Detin Adriatik, rreth 25 kilometra nga laguna e Patokut. Vejlera e cila u dogj kishte një flamur ukrainas dher ishte nisur nga Mali i Zi. Paraprakisht bëhet me dije se trafikantët i kanë vënë flakën një veliere kur janë afruar forcat e policisë, ku kanë qenë edhe pakot e drogës.

Të arrestuarit dyshohet se janë pjesë e një grupi kriminal nga Fushë-Kuqja, ndërkohë Forcat RENEA kanë “blinduar” Laçin për të kryer kontrolle në disa banesa, mes tyre një kompleks luksoz ku janë gjetur dhe dy armë.

Nga ky megaoperacion u sekuestruan 4 gomone, një sasi e madhe droge dhe një shumë e konsiderueshme parash./Dosja.al