Eleminimi i Sanajt u organizua në lokal! Autori u ndihmua nga 2 vrasës me pagesë, informatori ishte me viktimën në dasmë

TIRANË- Detaje të reja janë zbardhur nga vrasja e Briken Sanajt pas identifikimit të autorit dhe bashkëpunëtorëve në vrasjen e të riut poshtë pallatit ku po qëndronte. Shtetasit nga Kosova të shpallur në kërkim, Kened Antoni dhe Gjelosh Krasniqi dyshohen se janë vrasës me pagesë e kanë kryer "aksione" në Shqipëri dhe Kosovë. Ata i kanë shitur automjetin me targa të Kosovës para vrasjes së Sanajt, Valmir Kolës më 24 tetor, 6 ditë para vrasjes. Shitja është bërë në një lokal në Shëngjin, gjë që është provuar nga kamerat e sigurisë së lokalit.

Mjeti është kanë kaluar mjetin në mënyrë të rregullt në pikën kufitare të Morinës dhe më pas, makinës i janë mbivendosur targa të vjedhura.

Pasi është siguruar logjistika që do të përdorej natën e atentatit, lëvizjet e Briken Sanajt nga ambientet e një lokali në Shëngjin pas dasmës së shokut të tij janë sinjalizuar nga një tjetër person, i cili ndodhej gjithashtu në dasmë.

Pikërisht ky person, "informatori" po punon për kapjen e tij, ndërsa tashmë është identifikuar nga blutë. Autori Valmir Kola mësohet se ka pritur 2 orë viktimën tek një pemë ulliri pranë garazhit ku do të parkohej automjeti dhe më pas armën e zjarrit e ka lënë në një zgavër të një peme aty pranë. Pasi u largua nga vendi i ngjarjes, ka ikur drejt Malit të Zi dhe më pas dyshohet në Belgjikë. Në kërkim nga policia është edhe vëllai tjetër i tij Agustin Kola, i cili dyshohet se ndodhet në Spanjë. Edhe pse nuk ka gisht në kryerjen e krimit, mendohet se ai ka qenë nxitësi i ekzekutimit të Sanajt.

Briken (Skerdilajd) Sanaj u qëllua më 30 tetor. Fillimisht është raportuar se 39-vjeçarit i është marrë jeta si hakmarrje për plagosjen e kryer 10 vite më parë nga vëllai i tij, Antonio alias Renato Sanaj, e gjitha pas një sherri të nisur për një vajzë. Në atë kohë, Renato qëlloi dhe plagosi Gentian Kolën. Dy familjet në Lezhë u futën në gjak dhe tentativat për pajtim ishin të pasuksesshme. Për të shmangur atë që ndodhi, vëllezërit Sanaj kishin ikur nga Shqipëria dhe kishin nisur një jetë tjetër në Itali, por duket se nuk i kanë ikur dot hasmit. 

Briken Sanaj dhe Vladimir Kola

TIRANË-Organizimi i vrasjes së Briken Sanajt ka ndodhur në një lokal në Lezhë. Kështu bën të ditur 'Oranews' e cila ka zbuluar detaje nga vrasja e cila ndodhi më 30 tetor në zonën e "Kodrës së Diellit" në Tiranë.

Autori i ngjarjes, Vladimir (Valmir) Kola, 39 vjeç, dyshohet se është takuar me bashkëpunëtorët e tij në lokalin në Lezhë. Ai është siguruar që të mos pikaset nga kamerat e sigurisë ku ka fikur DVR e kamerave të sigurisë.

Sipas burimeve, një person i afërm i Kolës ka vizituar disa herë vilën në zonën e "Kodrës së Diellit", ku qëndronte Briken Sanaj. Besohet se dy persona nga Peja, i siguruan autorit makinën për vrasjen. Më pas autori ka shkuar për të studiuar terrenin duke përdorur taksi dhe mjet X5 gjatë këtyrë udhëtimeve para vrasjes.

Ai ka arritur të fshehë pranë vilës, në zgavrën e një peme edhe armën e krimit që do ta përdorte më pas për ekzekutimin. Besohet se ndjekja e viktimës është kryer nga dy persona që lëviznin me mjetin tip "Audi" me targa spanjolle, të cilët u vunë pas viktimës që në Lezhë. Mjeti me targa spanjolle i përket pikërisht një anëtari të familjes Kola.

Sipas policisë, Antoni i ka shitur automjetin Krasniqit më datë 24.10.2022, dhe po në këtë datë, të dy e kanë future makinën në territorin e Shqipërisë dhe ia kanë vënë atë në dispozicion Kolës, i cili e ka përdorur për realizimin e vrasjes së Sanajt. Pas ngjarjes, autori i dyshuar e ka djegur automjetin, në rrugën dytësore Tiranë - Durrës, së bashku me armën e krimit. Në cilësinë e provave materiale janë gjetur dhe sekuestruar 4 automjete të përdorura nga autori i dyshuar, para dhe pas ngjarjes, 10 aparate celulare, si dhe pamje filmike që i shërbejnë hetimit.

Si ndodhi krimi?

Briken (Skerdilajd) Sanaj u qëllua më 30 tetor. Fillimisht është raportuar se 39-vjeçarit i është marrë jeta si hakmarrje për plagosjen e kryer 10 vite më parë nga vëllai i tij, Antonio alias Renato Sanaj, e gjitha pas një sherri të nisur për një vajzë. Në atë kohë, Renato qëlloi dhe plagosi Gentian Kolën. Dy familjet në Lezhë u futën në gjak dhe tentativat për pajtim ishin të pasuksesshme. Për të shmangur atë që ndodhi, vëllezërit Sanaj kishin ikur nga Shqipëria dhe kishin nisur një jetë tjetër në Itali, por duket se nuk i kanë ikur dot hasmit.