Efektivi në Pogradec bën vetëgjyqësi, rreh me shkelma të riun që tentoi t’i vinte tritolin klinikës së djalit, pezullohet nga detyra

Klajdi Narolli dhe Gjergji Riza

POGRADEC- Gjergji Riza, efektivi i policisë së Pogradecit, i cili u shfaq në një video teksa dhunonte qytetarin Klajdi Narolli është pezulluar nga detyra. Vendimi është marrë pasi në media janë publikuar pamjet e dhunës. Gjithashtu mësohet se në pranga ka përfunduar dhe personi i dhunuar, Klajdi Narolli.

Këtij të fundit, vetëm pak ditë më parë, policia i ka gjetur 50 gramë heroinë dhe e ka shoqëruar, por është liruar pas marrjes në pyetje.

Një video e publikuar në media tregon Rizën që dhunonte me shuplaka e shkelma Narollin. Shkak mësohet të jetë bërë fakti që Narolli, disa ditë më pare, i kishte vendosur tritol klinikes dentare që është pronësi të djalit të policit. Por, shpërthimi nuk është realizuar pasi Narolli nuk kishte arritur të ndizte fitilin. Përmes kamerave, pavarësisht se i riu mbante kapuç, Riza e ka identifikuar, e ka ndjekur dhe e ka dhunuar në hyrjen e një pallati.

Klajdi Narolli dhe Gjergji Riza

POGRADEC- Dhunimi i të riut Klajdi Narolli nga efektivi i policisë i identifikuar si Gjergji Riza ka ardhur pasi qytetari ka pasur një përplasje me djalin e policit. Më konkretisht, dyshohet se Narolli, disa ditë më pare, i kishte vendosur tritol klinikes dentare që është pronësi të djalit të policit. Por, shpërthimi nuk është realizuar pasi Narolli nuk kishte arritur të ndizte fitilin.

Përmes kamerave, pavarësisht se i riu mbante kapuç, Riza e ka identifikuar, e ka ndjekur dhe e ka dhunuar në hyrjen e një pallati.

Arsyeja e vendosjes së tritolit nga Narolli mendohet të jetë bërë për shkak se Riza e kishte ndaluar disa herë për vepra te ndryshme penale, kryesisht për shitje të lëndëve narkotike.

Gjergj Riza dhe Klajdi Narolli

POGRADEC- Një efektiv policie në Komisariatin e Pogradecit, i identifikuar si Gjergj Riza ka dhunuar një qytetar. Ngjarja ka ndodhur në shkallët e një pallati. Pamjet e publikuara në media tregojnë Rizën që kap nga fyti Klajdi Narollin dhe e qëllon me shuplaka.

E gjithë skena është e filmuar nga kamera e sigurisë së një shtëpie, në katin e parë të pallatit. 

"Më vraftë Allahu, nuk bëj gjëra të tilla, kam nënë, kam motër....për Zotin. Mos gjuaj më se do të të shikojnë te kamerat,"- dëgjohet të thotë Narolli në video.

"Ec more legen....b***m***,"- shton efektivi Riza dhe i gjuan me shkelma nga pas duke e shtyrë nëpër shkallë. 

Arsyet e këtij dhunimi nuk dihen ende nuk nga ana e Policisë së Pogradecit nuk ka një njoftim zyrtar për ngjarjen.

 Drejtoria e Përgjithshme e ka pezulluar fillimisht oficerin i cili punonte më parë në Pogradec, ndërsa tashmë është në Drejtorinë Vendore të Policisë Korçë. Riza, prej disa kohësh ka shfaqur probleme me kujtesën dhe ka kërkuar të dalë në kemp, por kjo kërkesë nuk i është miratuar.