E rëndë në Vlorë/ Pitbulli sulmon 4-vjeçaren, flet gjyshja: Se mbrojta dot vajzën (VIDEO)

Gjyshja e 4-vjeçares

VLORË- Gjyshja e 4-vjeçares ka treguar momentin kur qeni pitbull sulmoi vogëlushen në lungomaren e Vlorës. Duke folur për mediat nga spitali, gjyshja tregoi se kishte nxjerrë vajzën xhiro buzë detit dhe në atë moment qeni i është vërsulur duke e kafshuar në kokë.

“E nxorra vajzën për xhiro buzë detit, erdhi një qen i madh dhe iu versul vajzës, duke e kafshuar në kokë. Në fillim ai qen rrugaç me zinxhir iku për pak dhe u kthye përsëri kur e sulmoi vajzën dhe unë nuk e mbrojta. Ndërhynë të gjithë qytetarët. Kur erdhi te ne, e kalova vajzën nga ana tjetër, ai bëri sikur po largohej, u rrotullua dhe erdhi përsëri dhe iu hodh vajzës,” tha gjyshja, e tronditur.

Ngjarja ndodhi rreth mesditës të kësaj të marte në Vlorë, ku 4-vjeçarja ka marrë plagë në kokë dhe po trajtohet në spital./Dosja.al

VLORË- Një punonjës i bashkisë së Vlorës, i cili ndodhej pranë 4-vjeçares në momentin që u sulmua nga qeni pitbull në Vlorë, ka arritur që ta shpëtojë të miturën nga lëndime më të mëdha.

Ai u shpreh se kur pa që qeni e sulmoi, iu afrua me shpejtësi dhe e kapi nga zinxhiri, duke e larguar nga 4 vjeçarja. Sipas tiij, qeni lëvizte nëpër qytet pa pronar dhe me një zinxhir të lidhur në qafë.

“Vajza ishte më nënën me gjyshen dhe gjyshin. Qeni po kalonte atje, u turr dhe i kapi kokën. Vajta e kapa qenin dhe e lidha me zinxhir. Qeni ka tre ditë rrugëve. Vajzën e kafshoi në kokë… shpëtoi, fati i saj dhe që unë ndërhyra në moment. Qeni ka gjithë ditën që vjen vërdallë me një zinxhir”,tha ai./Dosja.al

VLORË-  Një ngjarje e rëndë ka tronditur pasditen e sotme shëtitoren e Lungomares në Vlorë. Një fëmijë rreth 4 vjeç është sulmuar nga një qen, duke pësuar plagë të rënda në pjesën e kokës.

I mituri u transportua me urgjencë drejt spitalit për të marrë ndihmën e nevojshme mjekësore, ndërkohë që forcat e policisë kanë ndërhyrë menjëherë në vendngjarje për të bërë të mundur kapjen dhe izolimin e kafshës./Dosja.al