E rëndë në Tiranë! Sherr mes vajzave të një shkolle 9-vjeçare, shkolla 9-vjeçare: S'ka ndodhur në mjediset tona!

Foto ilustruese

TIRANË- Shkolla 9-vjeçare “Kongresi i Manastirit” ka reaguar për herë të parë për videon e një sherri mes nxënesve të këtij institucioni që kanë tronditur opinionin publik. Në reagimin e shkollës, pretendohet se ngjarja nuk ka ndodhur në mjediset e shkollës, ndërsa shtojnë se asnjëra nga vajzat nuk e kanë raportuar askund ngjarjen, as tek prindërit e tyre.

"Megjithatë shkolla jonë ka vënë në dijeni prindërit janë nga strukturat e shkollës dhe ata janë paraqitur menjëherë në shkollë me fëmijët e tyre. Vëmë në dukje se i gjithë stafi i shkollës sonë, mësuesit, shërbimi psiko-social, oficeri i sigurisë, inspektori i zonës, gjithnjë jemi shumë të ndjeshëm dhe të kujdesshëm për të tilla raste, kur bëhet fjalë për mirëqenien fizike dhe mendore të nxënësve tanë, e cila është një prioritet absolut i yni,"-shkruhet në njoftim.

REAGIMI I SHKOLLËS:

Sot në orën 14:45 nga rrjetet sociale jemi vënë në dijeni të një ngjarjeje të rëndë, e cila demonstrohet nëpërmjet një videoje, ku disa vajza dhunojnë njëra-tjetrën. Në përshkrimin e lajmit të dalë në disa media thuhet se kjo ngjarje ka ndodhur në mjediset e shkollës sonë, “Kongresi i Manastirit”. Sipas informacioneve që siguruam nga prindërit e vajzave, ngjarja ka ndodhur në datën 15 shkurt 2023 në orën 14:00 në vendin e quajtur “Pallati Dilo” rreth një kilometër larg shkollës sonë. Pra theksojmë se kjo ngjarje nuk ka ndodhur në ambientet e shkollës sonë. Pavarësisht këtij fakti, shkolla u vu menjëherë në lëvizje dhe u bë verifikimi i menjëhershëm i ngjarjes së ndodhur dhe ka kërkuar nga policia e shtetit që ta hetojë dhe të marrë masa për atë që ka ndodhur. Asnjëra nga vajzat nuk e kanë raportuar askund ngjarjen, as tek prindërit e tyre, megjithatë shkolla jonë ka vënë në dijeni prindërit janë nga strukturat e shkollës dhe ata janë paraqitur menjëherë në shkollë me fëmijët e tyre. Vëmë në dukje se i gjithë stafi i shkollës sonë, mësuesit, shërbimi psiko-social, oficeri i sigurisë, inspektori i zonës, gjithnjë jemi shumë të ndjeshëm dhe të kujdesshëm për të tilla raste, kur bëhet fjalë për mirëqenien fizike dhe mendore të nxënësve tanë, e cila është një prioritet absolut i yni. Sigurojmë të gjithë nxënësit dhe prindërit që shkolla jonë do të jetë gjithnjë mjaft e prerë në vendimet ndaj çfarëdo lloj ngjarjeje apo fenomeni negativ që konstatohet nga ana jonë në ambientet e shkollës sonë, dhe jo vetëm. Faleminderit

Në videon e publikuar sot në rrjetet sociale, shihen disa vazja që kapin nga flokët dhe godasin një vajzë për disa sekonda derisa vajza arrin të largohet. 

Pamje nga përleshja

TIRANË- Një përleshje mes të miturave të shkollës 9vjeçare “Kongresi i Manastirit” në Tiranë janë shpërndarë në rrjetet sociale. Pamjet janë të rënda por flasin shumë për institucionin arsimor në Shqipëri dhe sjelljen e të miturave mes njëra-tjetrës.

Vajzat, të cilat janë të shumta në numër, dhunojnë një shoqen e tyre, tre kundër njërës, të cilën e shtrijnë në tokë dhe e tërheqin zvarrë.

"Të q*va robt moj, lëshoje Melisën! Moj b*******, k*** femër,"-ishin disa nga fjalët e përzgjedhura nga vajzat që maksimumi janë 15 vjeç, e jo më shumë. Por një gjë tjetër që bën përshtypje është fakti që vajzat dhe djemtë e tjerë, me shumë gjasa shokët e klasës, e filmojnë të gjithë skenën me celular. Madje dhe qeshin.