Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Djali vret babanë në Mallakastër. •Mariglen Muhametaj, 37 vjeç, qëlloi me sende të forta për vdekje të atin Qemal Muhametajn, në Greshnicë të Mallakastrës. • Vrasja ka ndodhur në prani të mamasë së tij të paralizuar dhe të bërtiturat janë dëgjuar nga komshinjtë. •Kryeplaku i fshatit të Greshicës në Mallakastër, Kastriot Hysenaj ka treguar se 37-vjeçari ishte person i qetë dhe nuk kishte krijuar asnjëherë probleme mirëpo pohon se ishin në dijeni se ai ishte i sëmurë.
4 artikuj për këtë temë.
MALLAKASTËR- Personi në foto është Mariglen Muhametaj, 37-vjeçari i cili vrau me sende të forta mbrëmjen e djeshme të atin, Qemal Muhametaj. Ai është arrestuar mëngjesin e sotëm, pas disa orësh ndjekje nga policia.
Autori është me probleme të shëndetit mendor dhe për këtë kurohej. Ai jetonte i vetëm me nënën dhe babanë e tij, ndërsa ngjarja është zhvilluar në oborrin e shtëpisë. Mësohet se babë e bir kanë debatuar e më pas 37-vjeçari e ka qëlluar të atin me sende të forta në kokë duke e lënë atë të vdekur në vend. Pas ngjarjes ai është larguar nga vendi për t’u arrestuar mëngjesin e sotëm.
MALLAKASTËR- Mariglen Muhametaj, autori i vrasjes që u regjistrua një natë më parë në Greshnicë të Mallakastrës është vënë në pranga. 37-vjeçari me probleme të shëndetit mendor vrau babanë e tij Qemal Muhametajn, 73-vjeç duke e goditur me sende të forta. Ngjarja u regjistrua një natë më parë, për motive ende të paditura. Autori do të hetohet për veprën penale “Vrasja, në rrethana të tjera cilësuese”.
NJOFTIMI I POLICISË:
Kapet autori i ngjarjes së ndodhur në Greshicë të Mallakastrës, ku mbeti i vrarë nga djali i tij, 73-vjeçari Q. M. Pas disa orë kërkimesh të pandërprera nga forcat e Policisë së Komisariatit Mallakastër dhe ato të Drejtorisë Vendore të Policisë Fier, u bë e mundur kapja dhe arrestimi në flagrancë i shtetasit M. M., 37 vjeç, i cili vrau me sende të forta babain e tij, shtetasin Q. M. Materialet do i kalojnë Prokurorisë, për veprime të mëtejshme procedurale, për veprën penale “Vrasja, në rrethana të tjera cilësuese”.
MALLAKASTËR- Kryetari i fshatit, Kastriot Hysenaj ka treguar për mediat se 30-vjeçari i cili vrau të atin, Mariglen Muhametaj edhe pse vuante nga probleme të shëndetit mendor, nuk njihej si njeri problematik teksa thekson se i riu ishte njeri i qetë dhe i mbyllur në vetvete
'“Mua më morën në telefon se jam kryeplaku i fshatit. Kur erdha pashë policinë aty. E gjetëm t vrarë, djalin se gjetëm. Ai kishte ikur, kur doli vëllai i viktimës kishte ikur. Ka qenë i sëmurë çuni, se di a kurohej apo jo. Djali i qetë, nuk e dinim që arrinte në këtë gjendje. Jo jo asnjëherë. Fare as me banorët. Ka qenë djali gjatë. Ka i ati 20-30 kokë dhi, rrinte me ato. Herë ai herë i ati. Djalë i mbyllur. Mund të ketë qenë ngjarje e çastit. E ëma është e paralizuar. Patën edhe një zonjë të punësuar. Në momentin që iku e ëma e hoqën. E përballonin vetë. Kaq di unë. Në momentin që kam ardhur unë këtu çdo gjë kishte mbaruar. I ati ishte njeri i vetë, punëtor, nuk ngatërrohej me njeri. Na duket absurde. Gjendja ekonomike e vështirë është. Njeri s’na ka thënë që ai ka mbetur pa bukë e pa gjellë. Djali rrinte vetëm”, thotë kryeplaku.
Forca të shumta policore janë në kërkim të 30-vjeçarit, Mariglen Muhametaj i cili vrau mbrëmjen e kaluar të atin, 73- vjeçarin Qemal Muhametaj në fshatin Greshicë të Mallakastrës. Policia dyshon se autori vuan nga probleme të shëndetit mendor.
MALLAKASTËR- Një ngjarje e rëndë ka ndodhur mbrëmjen e sotme në Mallakastër. Mësohet se djali ka vrarë babanë e tij 73-vjeçar me sende të forta.
Dyshohet se djali 33-vjeçar është me probleme të shëndetit mendor. Ende nuk dihen shkaqet e ngjarjes, ndërkohë që policia po punon për kapjen e autorit.
Njoftimi i Policisë:
Mallakastër/Informacion paraprak Sot, rreth orës 21:30, në fshatin Greshicë, Mallakastër, shtetasi M. M., 30 vjeç (i cili vuan nga probleme të shëndetit mendor), ka vrarë me sende të forta babain e tij, shtetasin Q. M., 73 vjeç. Grupi hetimor po punon për zbardhjen e plotë të ngjarjes dhe kapjen e 30-vjeçarit, i cili është larguar nga vendngjarja.
