Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Konferenca e Sigurisë në Mynih u hap ditën e sotme, duke bashkuar liderët botërorë përpara përvjetorit të parë të pushtimit rus të Ukrainës. • Marrëdhëniet SHBA- Kinë do të jenë gjithashtu në fokus në mbledhjen treditore, me tensione të larta pasi Uashingtoni rrëzoi një balonë të supozuar të mbikëqyrjes kineze mbi territorin amerikan. • Kancelari gjerman Olaf Scholz dhe presidenti i Francës Emmanuel Macron do të flasin në ngjarjen e hapjes, të fokusuar në Ukrainë. • Nënpresidentja e SHBA Kamala Harris dhe Sekretari i Shtetit Antony Blinken, kryediplomati kinez Wang Yi dhe shefi i NATO-s Jens Stoltenberg gjithashtu do të marrin pjesë. • Po ashtu në axhendën e konferencës do të flitet dhe për marrëdhëniet mes Kosovës dhe Serbinë, ku fokusi do të jetë te plani franko-gjerman.
14 artikuj për këtë temë.
TURQI- Një video e vitit 2019 e presidentit turk, Recep Tajip Erdogan, në të cilën ai mburret me ligjet e qeverisë së tij për amnistinë zonale në provincën juglindore Kahramanmaraş është bërë virale. Provinca është një nga 10 provincat në të cilat mijëra ndërtesa janë shembur pas dy tërmeteve të mëdha që goditën rajonin më 6 shkurt.
Një video e vitit 2019 e presidentit turk Rexhep Tajip Erdogan, në të cilën ai mburret për amnistinë e ndërtimit të dhënë në provincën juglindore të Kahramanmaraş të goditur nga tërmeti, është bërë virale në mediat sociale.
Përpara zgjedhjeve lokale të 31 marsit 2019, Erdogan iu drejtua qytetarëve të Kahramanmaraşit gjatë një mitingu, duke thënë: Ne i kemi zgjidhur problemet e 144,556 qytetarëve të Kahramanmaraşit me amnistinë (ndërtuese).
Në mënyrë të ngjashme, Erdogan ishte mburrur për lëvizjen e qeverisë së tij për amnisti gjatë mitingjeve në provincat e tjera të goditura nga tërmeti, Malatya dhe Hatay, teksa ishte duke vizituar vendin për zgjedhjet e vitit 2019.
“Ndërtesat vrasin njerëz, jo tërmetet. Ne duhet të mësojmë të jetojmë me tërmetet… dhe të marrim masa në përputhje me rrethanat”, shkroi Erdogan në Twitter në 2013, kur ishte kryeministër.
MYNIH- Kryeministri i Kosovës, Albin Kurti, është takuar të shtunën me përfaqësuesin e lartë të Bashkimit Evropian, Josep Borrell, dhe përfaqësuesin e posaçëm të Bashkimit Evropian për dialogun, Miroslav Lajçak. Ky takim është zhvilluar në kuadër të Konferencës së Mynihut.
Sipas komunikatës së Zyrës për Media të Kryeministrit, në këtë takim u diskutua për procesin e dialogut dhe propozimin evropian, të iniciuar nga Franca dhe Gjermania dhe të mbështetur nga Shtetet e Bashkuara të Amerikës dhe Italia. E po ashtu, u fol për takimin e radhës në Bruksel me presidentin serb, Aleksandër Vuçiç, të thirrur për 27 shkurt nga Bashkimi Evropian.
MYNIH- Për propozimin europian për normalizim të marrëdhënieve mes Kosovës dhe Serbisë u fol në takimin mes kryeministrit të Kosovës, Albin Kurti, dhe kancelarit gjerman, Olaf Scholz, në Mynih të Gjermanisë, ku po mbahet një konferencë për sigurinë.
Kështu thuhet në njoftimin e qeverisë së Kosoëvs të 18 shkurtit, ku u bë e ditur se në këtë takim ishin prezent edhe ministrja e Punëve të Jashtme dhe Diasporës, Donika Gërvalla, ministrja për Evropë dhe Punë të Jashtme të Francës, Catherine Colonna.
Vitin e kaluar, Kosovës dhe Serbisë iu dorëzua propozimi evropian, apo siç njihet edhe si propozimi franko-gjerman.
Palët kanë konfirmuar se e pranojnë këtë dokument, por ai nuk është bërë publik. Megjithatë, në një draft që e ka parë Radio Evropa e Lirë, aty nuk përmendet në mënyrë specifike njohja, por parashihen të drejta të barabarta për Kosovën dhe Serbinë, respektim i integritetit territorial, paprekshmëri e kufijve, njohje e simboleve shtetërore dhe një aranzhim i veçantë për komunitetin serb në Kosovë. Gjithashtu në takim u diskutua edhe për përgatitjet për takimin e radhës në Bruksel, thuhet në njoftim.
“Duke i falënderuar për mbështetjen e vazhdueshme dhe angazhimin e drejtpërdrejtë të Gjermanisë dhe Francës, Kryeministri Kurti tha se Republika e Kosovës, si vend pro-evropian dhe pro-amerikan, mbetet e përkushtuar dhe konstruktive në dialog teksa dëshiron marrëdhënie të mira fqinjësore dhe integrim në BE dhe NATO,”- thuhet në njoftim.
Kosova dhe Serbia janë nën trysninë e komunitetit ndërkombëtar për të arritur një marrëveshje për normalizimin e marrëdhënieve, nga frika se Rusia mund t’i shfrytëzojë tensionet mes tyre për të nxitur destabilizim në Ballkan, në përpjekje për të zhvendosur vëmendjen nga agresioni i saj në Ukrainë.
Aktualisht, palët kanë në tryezë një propozim të BE-së për normalizimin e marrëdhënieve, për të cilin SHBA-ja ka shprehur mbështetje. Bartësit e dialogut, kryeministri i Kosovës, Albin Kurti, dhe presidenti i Serbisë, Aleksandër Vuçiç, pritet të takohen në Bruksel më 27 shkurt, për herë të parë që nga nëntori i vitit të kaluar./ REL
MYNIH- Sekretari amerikan i shtetit, Antony Blinken ka zhvilluar një takim me presidentimn serb Aleksandër Vuçiç të cilët ndodhen në Mynih ku kanë marrë pjesë në Konferencën e Sigurisë. Blinken ka ndarë një foto me presidentin Vuçiç dhe kanë folur mbi rëndësinë e normalizimit të marrëdhënieve mes Serbisë dhe Kosovës.
“Pata një bisedë produktive me presidentin serb Vuçiç. Diskutuam rëndësinë e normalizimit të marrëdhënieve me Kosovën dhe përçova vlerësimin tonë për mbështetjen e vazhdueshme të Serbisë për Ukrainën. Ne ndajmë dëshirën e Serbisë për një të ardhme me BE-në,”- shkruan Blinken.
POSTIMI I BLINKEN:
MYNIH- Alex Soros, djali i George Soros është takuar me kryeministrin e Shqipërisë Edi Rama gjatë vizitës që ky i fundit po zhvillon në Mynih ku merr pjesë në mbledhjen e sigurisë ndërkombëtare. Gjatë takimit të tyre, Soros ka shkrepur një fotot me kryeministrin Edi Rama dhe e ka shpërndarë në rrjetet e tij sociale.
“Vëllezër me atlete në Konferencën e Sigurisë në Mynih,”- shkruan Alex Soros, pasi si ai dhe kryeministri Rama kanë veshur atlete të ngjashme.
Po ashtu, Rama është takuar më herët me kryeministrin grek Kyriakos Mitsotakis, zyrtarin e lartë të Bashkimit Europian, Miroslav Lajçak dhe ish-kancelarin austriak Sebastian Kurz.
GJERMANI- Zëvendëspresidentja e SHBA Kamala Harris përshëndeti presidentin francez Emanuel Macron përpara një takimi dypalësh në margjinat e Konferencës së Sigurisë në Mynih që u organizua ditën e sotme. Takimi synon të nxjerrë në pah angazhimin e dy vendeve për të ofruar ndihmë ushtarake për Ukrainën pas agresionit rus gati një vit më parë.
"Është mirë që ju shoh përsëri, ne kemi biseduar për kaq shumë çështje të momentit dhe të së ardhmes, gjatë vizitave tona. Dhe të shihemi përsëri këtu në Mynih dhe të flasim për, si prioritet, përkushtimin tonë, si partner, ndaj popullit të Ukrainës dhe shumë çështje të tjera. Kjo është pjesë e bisedës sonë të vazhdueshme që është testament i miqësisë dhe partneritetit në shumë breza, përfshirë këtu edhe sot.”" i tha Harris presidentit francez“, tha Harris.
Nga ana e tij, Macron falënderoi Harris për mikpritjen e saj gjatë vizitës së tij në Uashington, DC, vitin e kaluar. As Harris dhe as Macron nuk iu përgjigjën pyetjeve të mediave mbi Rusinë apo Aktin e SHBA për Reduktimin e Inflacionit, të cilin Franca e ka kritikuar.
GJERMANI- Kancelari gjerman Olaf Scholz tha ditën e sotme se duhet të përgatitemi për një luftë të gjatë në Ukrainë, duke shtuar se aleatët e Kievit do të qëndrojnë së bashku për gjithë kohëzgjatjen.
"Unë mendoj se është e mençur të jemi të përgatitur për një luftë të gjatë dhe është e mençur t'i japim Putinit mesazhin se ne jemi gati të qëndrojmë gjatë gjithë kohës së bashku me Ukrainën dhe se ne do ta mbështesim vazhdimisht vendin," tha Scholz për CNN.
“Vendimi vërtet i rëndësishëm që duhet të marrim të gjithë së bashku është të themi se jemi të gatshëm ta bëjmë atë për aq kohë sa është e nevojshme dhe se do të bëjmë më të mirën tonë”, tha kancelari.
Scholz, duke shmangur angazhimin për një datë objektivi përfundimtar për luftën, tha se uniteti midis aleatëve ukrainas e ka habitur Putinin.
“Jam absolutisht i sigurt se Putini nuk e priste kurrë se do të kishte një Evropë të bashkuar dhe se do të kishte një botë të bashkuar. Ai kurrë nuk e kishte menduar se partneriteti transatlantik do të funksiononte aq mirë”, tha ai.
Scholz veçoi Shtetet e Bashkuara për mbështetjen e tyre të vazhdueshme dhe jetike.
"Ne thjesht e bëjmë atë së bashku me miqtë dhe partnerët tanë, dhe veçanërisht me Shtetet e Bashkuara," tha Scholz, duke shtuar se ai vërtet vlerëson "aleancën e fortë" të qeverisë së tij me SHBA.
Scholz tha se më shumë do të vendosen "shumë shpejt", së bashku me ushtarë të trajnuar, por ai paralajmëroi se shumë nga partnerët e Ukrainës nuk janë në gjendje të ofrojnë modelet më moderne të automjeteve luftarake.
"Mësova se shumë nuk janë në gjendje të japin gjërat më moderne ... por në ato që po ofrojnë ne do të japim gjithashtu mbështetjen," tha Scholz. "Dhe siç e dini, ka gjithashtu një numër të madh tankesh më të vjetër. të cilën do ta dorëzojmë”.
GJERMANI-Kryeministri Edi Rama po merr pjesë në Konferencën për Sigurinë 2023 në Munich. Ai është takuar me zyrtarë të lartë. Pak minuta më parë, ai ka ndarë foto nga takimi me kryeministrin e Greqisë, Kyriakos Mitsotakis, deputetin e Bundestagut Johann ëadephul dhe të dërguarin special të BE për dialogun Kosovë - Serbi, Miroslav Lajčák, si dhe me të dërguarin special në Bosnjë, Christian Schmidt dhe ish-kancelarin austriak, Sebastian Kurz.
'Me kryeministrin e Greqisë, Kyriakos Mitsotakis, deputetin e Bundestagut dhe mikun e Shqipërisë, Johann ëadephul, të dërguarin special të BE për dialogun Kosovë - Serbi, Miroslav Lajčák, të dërguarin special në Bosnjë, Christian Schmidt dhe ish-kancelarin austriak, Sebastian Kurz'- shkruan Rama.
Konferenca do të bëjë bashkë shumë liderë. Kamala Harris do t’i bashkohet liderëve, e po ashtu kancelari gjerman Olaf Scholz dhe presidenti francez Emmanuel Macro. Presidenti ukrainas Volodymyr Zelensky gjithashtu do të shfaqet me lidhje video. Sekretari i Shtetit i SHBA Antony Blinken dhe shefi i politikës së jashtme të BE Josep Borrell janë midis zyrtarëve të tjerë të lartë të pranishëm. Konferenca vjen pak përpara përvjetorit të një viti të pushtimit rus të Ukrainës më 24 shkurt.
UKRAINË- Presidenti ukrainas Volodymyr Zelenskyy i bëri thirrje udhëheqësve perëndimore të shpejtojnë ndihmën ushtarake për Ukraninën. Gjate një fjalimi me video në Konferencën vjetore të Sigurisë së Mynihut, Zelenskyy tha se çdo vonesë do t’i shërbente Moskës, ndërsa afrohet 1 vjetori i agresionit rus ne Ukraine.
“Nuk ka rrugë tjetër veç dergimit te ketyre armatimeve. Nga shpejtesia e dorezimit te tyre varen jete njerezish”, tha Zelenskyy.
Rreth 40 krerë shtetesh e qeverish si edhe politikanë dhe ekspertë të sigurisë nga pothuajse 100 vende, përfshirë Shtetet e Bashkuara, Europën dhe Kinën, pritet të marrin pjesë në takimin vjetor të nivelit të lartë, në Gjermani. Për herë të parë pas dy dekadash, organizatorët e konferencës nuk ftuan zyrtarët rusë. Vendet perëndimore kanë kërkuar izolimin diplomatik të Rusisë pas agresionit të Ukrainës, shkurtin e kaluar.
Ministri gjerman i Mbrojtjes Boris Pistorius tha se sulmi i Rusisë në Ukrainë do të dominojë agjendën e diskutimeve. Zyrtarët dhe analistët perëndimorë thonë se konflikti po i afrohet një faze kritike ndërsa në 24 shkurt shënohet 1 vit nga agresioni rus.
Nënpresidentja Kamala Harris pritet të marrë pjesë në punimet e Konferencës, së bashku me udhëheqësit e Francës, Gjermanisë dhe Britanisë së Madhe. Sipas Shtëpisë së Bardhë, zonja Harris do të mbajë një fjalim të shtunën, ku pritet të nënvizojë rreziqet e luftës si edhe nevojën për forcimin e mbështetjes amerikane ndaj Ukrainës, për aq kohë sa do të jetë e nevojshme.
Ukraina varet nga armët perëndimore për të ndalur synimet e Presidentit Putin për të zgjeruar kontrollin mbi territorin ukrainas. Pasi mori tanke dhe municione nga Perëndimi, Kievi shpreson të marrë edhe avionë luftarakë, por disa shtete hezitojnë ta furnizojnë Ukrainën me to./ VOA
GJERMANI- Kancelari gjerman Olaf Scholz ka bërë thirrje nga konferenca e Sigurisë në Mynih ndaj aleatëve, për të dërguar sa më shumë tanke luftarake në Ukrainë.
"Ata që mund të dërgojnë tanke të tilla beteje duhet ta bëjnë këtë tani," tha Scholz, duke shtuar se ai do të bënte fushatë intensive që aleatët të lëvizin për këtë çështje. Siç raportojnë mediat e huaja, thirrja e tij shënoi një ndryshim dramatik të roleve pasi udhëheqësi gjerman kishte qenë për muaj të tërë nën presionin e aleatëve për të miratuar dërgimin e tankeve Leopard të prodhimit gjerman në Ukrainë.
Gjermania deklaroi në janar se do t'i dërgonte Kievit një kompani me 14 tanke Leopard 2 dhe do të punonte me aleatët për të mbledhur dy batalione tankesh për Ukrainën. Megjithatë, bisedimet pasuese me partnerët e NATO-s u përpoqën të plotësonin shifrat për një batalion të plotë. Të mërkurën, ministri gjerman i Mbrojtjes Boris Pistorius pranoi se aleatët kanë mbledhur vetëm gjysmë batalioni të tankeve Leopard 2 deri më tani duke përfshirë 14 nga vetë Gjermania dhe tre nga Portugalia.
FRANCË- Presidenti francez Emmanuel Macron tha se aleatët perëndimorë të Kievit ishin gati për një konflikt të zgjatur në Ukrainë ndërsa liderët botërorë u mblodhën në Konferencën e Sigurisë në Mynih të premten për të rinovuar zotimin e tyre për të mbështetur Kievin kundër forcave ruse përpara përvjetorit të parë të pushtimit të Moskës.
'Nuk është koha për dialog me Putinin', tha Macron
Presidenti francez Emmanuel Macron u ka kërkuar aleatëve që të intensifikojnë mbështetjen e tyre ushtarake për Ukrainën për të ndihmuar vendin të nisë një kundërofensivë kundër Rusisë, duke thënë se tani nuk është koha për dialog me Moskën.
"Ne absolutisht duhet të intensifikojmë mbështetjen tonë për (...) popullin ukrainas dhe ushtrinë e tij dhe t'i ndihmojmë ata të nisin një kundërofensivë, e cila vetëm mund të lejojë negociata të besueshme," tha Macron në një fjalim në Konferencën e Sigurisë në Mynih.
????"No one in this room has an answer to this: There is not complete and long-term peace in our continent as long as the Russian matter goes unresolved."
— FRANCE 24 English (@France24_en) February 17, 2023
French President @EmmanuelMacron speaks at the Munich Security Conference ⤵️ pic.twitter.com/s9eDxwevzV
GJERMANI- Presidenti i Serbisë, Aleksandër Vuçiç, nga aeroporti i Mynihut iu drejtua qytetarëve dhe tha se do ta mbrojmë paqen, por edhe interesat tona kombëtare. Ai është shprehur se ka disa lajme të mira që do t'ua përcjellë qytetarëve të Serbisë e që lidhen edhe me Kosovën. Vuçiç theksoi se do të mbrojë interesat e Serbisë.
'Gjermanët mikpritës, kësaj radhe për shkak të grevës në aeroport, nuk mund ta dërgojnë mjetin menjëherë, ndaj qëndruam edhe pak. Sot kemi një ditë të vështirë dhe rraskapitëse. Kanë kaluar saktësisht 15 vjet që kur shqiptarët shpallën pavarësinë e Kosovës dhe sot do të jetë një ditë e ngarkuar me plot surpriza për ne. Ne do të bisedojmë me Blinken, Scholz, Macron, Cleverly, Mitsotakis dhe shumë të tjerë dhe besoj se do të luftojmë me sukses për interesat e Serbisë. Ka edhe një lajm të mirë që do t'ua përcjellim qytetarëve të Serbisë, disa sot e disa pas shtatë ditësh për Kosovën. Ne do ta mbrojmë vendin tonë, paqen, por edhe interesat tona jetike kombëtare – tha Vuçiç.
Vieë this post on Instagram
Konferenca do të bëjë bashkë shumë liderë. Kamala Harris do t’i bashkohet liderëve, e po ashtu kancelari gjerman Olaf Scholz dhe presidenti francez Emmanuel Macro. Presidenti ukrainas Volodymyr Zelensky gjithashtu do të shfaqet me lidhje video. Sekretari i Shtetit i SHBA Antony Blinken dhe shefi i politikës së jashtme të BE Josep Borrell janë midis zyrtarëve të tjerë të lartë të pranishëm. Konferenca vjen pak përpara përvjetorit të një viti të pushtimit rus të Ukrainës më 24 shkurt.
GJERMANI-Kryeministri Edi Rama është pjesë e personaliteteve që po marrin pjesë në Konferencën e Mynihut. Kreu i Qeverisë ka ndarë fotot nga takimi me disa zyrtarë të lartë. Rama bën të ditur se është takuar me Jeanne Shaheen, kryetare e nënkomitetit për Europën në Senatin Amerikan dhe senatorin Chris Van Hollen, për agresionin kibernetik dhe ecurinë e ndërtimit të mbrojtjes kibernetike me mbështetje edhe nga SHBA, planin franko-gjerman për normalizimin e marrëdhënieve mes Serbisë e Kosovës, si edhe rolin e Shqipërisë në bashkëpunimin rajonal në tërësi.
POSTIMI I PLOTË:
Mynih - Me Jeanne Shaheen, kryetare e nënkomitetit për Europën në Senatin Amerikan dhe senatorin Chris Van Hollen, për agresionin kibernetik dhe ecurinë e ndërtimit të mbrojtjes sonë kibernetike me mbështetje edhe nga SHBA, planin franko-gjerman për normalizimin e marrëdhënieve mes Serbisë e Kosovës, si edhe rolin e Shqipërisë në bashkëpunimin rajonal në tërësi
Konferenca do të bëjë bashkë shumë liderë. Kamala Harris do t’i bashkohet liderëve, e po ashtu kancelari gjerman Olaf Scholz dhe presidenti francez Emmanuel Macro. Presidenti ukrainas Volodymyr Zelensky gjithashtu do të shfaqet me lidhje video. Sekretari i Shtetit i SHBA Antony Blinken dhe shefi i politikës së jashtme të BE Josep Borrell janë midis zyrtarëve të tjerë të lartë të pranishëm. Konferenca vjen pak përpara përvjetorit të një viti të pushtimit rus të Ukrainës më 24 shkurt.
KOSOVË- Kosova dhe Serbia tashmë kanë thënë atë “po”-në e tyre sa i përket propozimit evropian apo të quajtur edhe si franko-gjerman. Megjithatë ende nuk ka asnjë sinjal për ndonjë takim të nivelit të lartë në Bruksel në mes të kryeministrit Albin Kurti dhe presidentit të Serbisë, Aleksandër Vuçiç për të lëvizur përpara me marrëveshjen meqë tashmë kërkohen lëvizje për implementimin e saj.
Lidhur me hapat e radhës sa i përket propozimit franko-gjerman dhe rreth asaj nëse duhet të ftohet një takim i nivelit të lartë për të ecur përpara, në një përgjigje për Gazetën Express kanë folur nga Qeveria Federale e Gjermanisë. Në një përgjigje me shkrim nga zyra për media e Qeverisë gjermane kanë thënë se duke parë reagimet e fundit lidhur me propozimin franko-gjerman, Berlini zyrtar mezi pret që në kuadër të Konferencës së Sigurisë në Mynih të bëhen diskutime për ta çuar përpara propozimin franko-gjerman.
“Duke pasur parasysh reagimet e fundit ndaj këtij propozimi, ne presim me padurim diskutimet në margjinat e Konferencës së Sigurisë së Mynihut për ta çuar përpara këtë iniciativë”, ka thënë për Gazetën Express një zëdhënës i Qeverisë së Gjermanisë.
Ky zëdhënës tutje ka thënë se synimi është që të zhvillohen bisedime për zbatimin e shpejtë të marrëveshjes. Në këtë përgjigje për Gazetën Express ky zëdhënës ka thënë se përshkallëzimi në veri të Kosovës gjatë muajve të fundit ka treguar se ”Ekziston nevoja urgjente për ndryshim të dinamikës ndërmjet Serbisë dhe Kosovës”.
Berlini zyrtar shprehet se është e nevojshme vendosja e një baze të re dhe të qëndrueshme në raportet në mes të Kosovës dhe Serbisë dhe se propozimi evropian për një “Marrëveshje Themelore” bazuar në nismën frnako gjermane e ofron një gjë të tillë.
“Nevojitet një bazë e re e qëndrueshme për marrëdhëniet ndërmjet Serbisë dhe Kosovës. Propozimi evropian për një “Marrëveshje Themelore”, bazuar në një iniciativë franko-gjermane, e ofron këtë bazë”, ka përfunduar ky zëdhënës i Qeverisë Federale të Gjermanisë.
Konferenca e Sigurisë në Mynih nis sot më 17 shkurt dhe do të zgjasë deri më 19 shkurt.
