Digjen 3 makina në Vlorë, zjarri i qëllimshëm, pronari i mjetit: S'e di kush ma ka bërë

Momenti i zjarrvenies

VLORË- Fotoja e mësipërme tregon momentin kur një person i ka vërë zjarrin makinave në Vlorë në orët e para të mëngjesit të sotëm. Me një bidonë benzinë në dorë, autori i vuri flakën makinave dhe më pas u largua nga vendngjarja. Ndërkohë që në momentin që u vuri flakën makinave, ai rrezikoi që të digjej edhe vetë. 

Zjarri në makinat është vendosur në orët e para të mëngjesit të sotëm në lagjen ‘Pavarësia’. Fillimisht zjarri u vendos në një makinë tip Ford, ndërkohë që më pas u përhap duke përfshirë një Volkswagen dhe një Ford tjetër.

Nerizan Hoxha

VLORË- Pronari i një prej makinave të djegura në Vlorë ka deklaruar se nuk ka asnjë dyshim se kush mund ta ketë vendosur zjarrin. Duke folur për Abcnews, Nerizan Hoxha ka deklaruar se nuk ka asnjë dyshim, ndërkohë që pret nga policia që të gjejnë autorin. 

“Unë punoj në ndërtim. Kam parkuar si çdo natë këtu. Nuk kam asnjë dyshim. S’e di pse më është bërë kjo gjë. Shpresoj që policia ta gjejë personin”, tha ai.

Zjarri në makinat është vendosur në orët e para të mëngjesit të sotëm në lagjen ‘Pavarësia’. Fillimisht zjarri u vendos në një makinë tip Ford, ndërkohë që më pas u përhap duke përfshirë një Volkswagen dhe një Ford tjetër.

Foto ilustruese

VLORË- Tre makina kanë marrë flakë mëngjesin e sotëm në Vlorë. Mësohet se fillimisht kanë marrë flakë dy makina të parkuara pranë njëra-tjetrës.

Ndërkohë që makina e tretë është djegur pjesërisht. Nuk dihet nëse zjarri është vënë i qëllimshëm. Por ndërhyrja e zjarrfikëses bëri që flakët të mos përhapen në makinat e tjera të parkuara aty pranë.