Dialogu Kosovë-Serbi/ Lajçak në Prishtinë për draft-statutin e Asociacionit, takohet me ambasadorët dhe opozitën

Ramush Haradinaj

KOSOVË- Kreu i Aleancës për të Ardhmen e Kosovës, Ramush Haradinaj, ka folur për mediat pas takimit me të dërguarin e BE-së, Miroslav Lajçak për dialogun Kosovë-Serbi.

Ndryshe nga kreu i PDK-së, Memli Krasniqi dhe nga nënkryetari i LDK-së, Lutfi Haziri, Haradinaj tha se e ka parë draftin dhe ka mundur ta lexojë në tërësi tekstin.

Ende nuk dihet nëse Drafti është prezantuar në të njëjtin takim të përbashkët, apo nëse Haradinaj ka zhvilluar takim tjetër të veçantë me Miroslav Lajçak. I pyetur nga gazetarët për këtë, Haradinaj s’ka treguar, vetëm ka dhënë detaje për Draftin që ka parë. Haradinaj ka thënë drafti i Asociacionit që ka parë çdo herë përshtatet me Kushtetutën e Kosovës dhe ligjet të vendit.

“Sapo përfunduam takimin me Lajcakun dhe ekspertë të tjerë që ishin me të. Patëm mundësinë të njoftohemi me dokumentin ta lexojmë në tërësi dhe të zhvillojmë një bisedë me hapat e mëtejmë me atë që e presin Kosovën. Kemi lexue draftin në tërësi. Ai e shpjegon të gjitha mundësitë që Asociacioni iu jep Komunave me Shumicë Serbe, kuptohet çdo herë i referohet Kushtetutës dhe ligjeve të Kosovës. Nuk ndryshojnë përgjegjësitë e Komunave dhe Asociacioni s’merr nga këto përgjegjësi. Po ashtu janë disa lehtësina që krijohen në arsim dhe shëndetësi. Komentet tona do t’i bëjmë pas shqyrtimit nga Kushtetuesja. Në hyrje të doc thuhet që drafti duhet të shqyrtohet nga Gjykata Kushtutuese dhe të gjitha aktet tjera duhet të shqyrtohet nga MAPL dhe të aprovohen,miratohet nga Kushtetuesja. Duhet ta themi haptazi, me implementimin pas shqyrtimit në Gjykatën Kushtetuese, Kosova e bën një hap të madh përpara. Është një kompromis i madh i Kosovës”, ka deklaruar Haradinaj.

memli krasniqi

KOSOVË- Kryetari i Partisë Demokratike të Kosovës, Memli Krasniqi, ka folur pas takimit me të dërguarin e Bashkimit Europian, Miroslav Lajçak për dialogun Kosovë-Serbi. 

Krasniqi tha se Lajçak nuk u ka prezantuar draftin për Asociacionin, por u ka thënë vetëm se drafti është në përputhje me Kushtetutën. Sipas tij, këtë dokument qytetarëve e opozitës është dashur t’ua prezantojë Qeveria.

Ai u shpreh i shqetësuar për mos bërjen publike të draftit duke dyshuar se aty mund të fshihet diçka, duke përdorur një shprehje siç tha ndërkombëtare “dreqi fshihet në detaje".

“Takimet tona do të vazhdojnë, por shqetësimet tona vazhdojnë të jenë prezentë për arsye se nuk jemi të njoftuar për detaje e siç thotë një shprehje “dreqi fshihet në detaje”, neve na duhet t’i shohim detajet e tekstit për të qenë të sigurt që një themelim i Asociacionit nuk do ta ndryshojë për të keq karakterin unitar të shtetit tonë”, tha Krasniqi.

Ndërkohë nënkryetari i Lidhjes Demokratike të Kosovës, Lutfi Haziri, ka kritikuar kryeministrin Albin Kurti se po mban në terr informativ partitë opozitare në lidhje me draft-statutin e Asociacionit.

Ai gjithashtu tha pas takimit me përfaqësuesin e BE-së për dialogun, Miroslav Lajçak, se nuk e kanë parë draftin por vetëm kanë diskutuar në terma të përgjithshëm në lidhje me atë. Ai nënvizoi se Kosova nuk duhet të humbas këtë momentum për normalizimin e marrëdhënieve me Serbinë.

I dërguari i BE-së për dialogun Kosovë-Serbi, Miroslav Lajçak ndodhet në Prishtinë, për një vizitë dy ditore.Kjo vizitë është në kuadër të përpjekjeve të vendeve të perëndimit për të shtyrë Kosovën dhe Serbinë, për të zbatuar marrëveshjen e arritur gjatë këtij viti në Bruksel dhe në Ohër të Maqedonisë së veriut. Lajçak ka takuar ditën e djeshme zv.kryeministrin Besnik Bislimi që njëherësh është edhe kryenegociator i Kosovës në dialog. Pas këtij takimi Qeveria e Kosovës, tha se është e përkushtuar për normalizim të plotë të marrëdhënieve me Serbinë dhe për njohje të ndërsjellë. Ndërkohë ditën e sotme Lajçak ka përfunduar edhe takimet me ambasadorët e vendeve europiane në Prishtinë dhe me përfaqësuesit e opozitës në Kosovë. Udhëheqësit  e shteteve më të fuqishme evropiane, kancelari i Gjermanisë Olaf Scholz, presidenti i Francës, Emannuel Macron dhe kryeministrja e Italisë, Georgina Meloni, në një deklaratë të përbashkët kanë thënë se Kosova duhet të themelojë Asociacionin e komunave me shumicë serbe, ndërsa Serbia ta njohë "de fakto” pavarësinë e Kosovës.

KOSOVË- Ka përfunduar takimi i Emisarit të Bashkimit Evropian për Dialogun Kosovë-Serbi, Miroslav Lajcak me përfaqësuesit e partive opozitare në Prishtinë.

Në takim morën pjesë kryetari i Partisë Demokratike të Kosovës, Memli Krasniqi, kryetari i Aleancës për Ardhmërinë e Kosovës, Ramush Haradinaj, i shoqëruar nga Besnik Tahiri si dhe nënkryetari i Lidhjes Demokratike të Kosovës, Lutfi Haziri.

Takimi është zhvilluar në zyrat e Brukselit në Prishtinë, ku sipas mediave në Kosovë është folur në detaje sesi të ecet përpara në procesin dialogues që zhvillohet në Bruksel.

I dërguari i BE-së për dialogun, Miroslav Lajçak ka takuar sot edhe ambasadorët e vendeve europiane në Kosovë. Gjithashtu Lajçak u takua dje me zëvendëskryeministrin e parë, Besnik Bislimi, me të cilin tha, se u pajtua për hapat e ardhshëm dhe për zbatimin e plotë dhe pa vonesa e parakushte të marrëveshjes për normalizimin e marrëdhënieve mes Kosovës dhe Serbisë.

Qeveria e Kosovës, përmes në njoftimi pas takimit Bislimi-Lajçak, tha se është e përkushtuar për normalizim të plotë të marrëdhënieve me Serbinë dhe për njohje të ndërsjellë, duke shtuar se janë diskutuar të gjitha aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit. Vizita e Lajçak në Kosovë është në vijimin e përpjekjeve të vendeve të perëndimit për të shtyrë Kosovën dhe Serbinë, për të zbatuar marrëveshjen e arritur gjatë këtij viti në Bruksel dhe në Ohër të Maqedonisë së veriut.

miroslav lajcak

KOSOVË- Emisari i BE-së për dialogun, Miroslav Lajçak ka përfunduar takimin me ambasadorët e akredituar në Kosovë.

Pas kësaj, Miroslav Lajçak, do të takohet po sot edhe me liderët e opozitës, si pjesë e vizitës së tij dyditore në Kosovë për të biseduar për draft-statutin e Asociacionit të komunave me shumicë serbe dhe çështje të tjera.

Lajçaku u takua dje me zëvendëskryeministrin e parë, Besnik Bislimi, me të cilin tha, se u pajtua për hapat e ardhshëm dhe për zbatimin e plotë dhe pa vonesa e parakushte të marrëveshjes për normalizimin e marrëdhënieve mes Kosovës dhe Serbisë.

Qeveria e Kosovës, përmes në njoftimi pas takimit Bislimi-Lajçak, tha se është e përkushtuar për normalizim të plotë të marrëdhënieve me Serbinë dhe për njohje të ndërsjellë, duke shtuar se janë diskutuar të gjitha aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit.

Vizita Lajçakut në Kosovë është në vijimin e përpjekjeve të vendeve të perëndimit për të shtyrë Kosovën dhe Serbinë, për të zbatuar marrëveshjen e arritur gjatë këtij viti në Bruksel dhe në Ohër të Maqedonisë së veriut.

miroslav lajcak dhe besnik bislimi

KOSOVË- I dërguari i Bashkimit Evropian për dialogun Kosovë-Serbi, Miroslav Lajçak tha se me autoritetet kosovare ka një pajtim për hapat e ardhshëm në rrugën drejt normalizimit të marrëdhënieve me Serbinë. Lajçak, erdhi mbrëmë vonë në Prishtinë, takoi zëvendëskryeministrin Besnik Bislimi që njëherësh është edhe kryenegociator i Kosovës në dialog. Ndërsa gjatë ditës së martë do të zhvillojë takime me autoritet tjera kosovare përfshirë edhe liderët e partive politike opozitare. Lajçak nuk dha detaje të tjera për çfarë hapash është pajtuar me autoritet kosovare.

"Sapo u takova me zëvendëskryeministrin e parë Besnik Bislimi, për të diskutuar në vazhdën e takimit të fundit me udhëheqësit evropianë në Bruksel dhe nevojën për zbatimin e plotë të Marrëveshjes për Rrugën e Normalizimit pa vonesa dhe parakushte. Ne u pajtuam edhe për hapat e ardhshëm”, shkroi Lajçak në platformën X.

Qeveria e Kosovës, përmes në njoftimi pas takimit Bislimi-Lajçak, tha se është e përkushtuar për normalizim të plotë të marrëdhënieve me Serbinë dhe për njohje të ndërsjellë, duke shtuar se janë diskutuar të gjitha aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit.

Nga ana tjetër, autoritetet e Serbisë, thanë të hënën se Prishtina zyrtare ka refuzuar një ftesë për takim ndërmjet kryenegociatorëve që është dashur të mbahet këtë të martë në Bruksel. Qeveria e Kosovës nuk i komentoi këto pohime.

Vizita Lajçakut në Kosovë është në vazhdën e përpjekjeve të vendeve të perëndimit për të shtyrë Kosovën dhe Serbinë, për të zbatuar marrëveshjen e arritur gjatë këtij viti në Bruksel dhe në Ohër të Maqedonisë së veriut. Udhëheqësit  e shteteve më të fuqishme evropiane, kancelari i Gjermanisë Olaf Scholz, presidenti i Francës, Emannuel Macron dhe kryeministrja e Italisë, Georgina Meloni, në një deklaratë të përbashkët kanë thënë se "Kosova duhet të themelojë Asociacionin e komunave me shumicë serbe, ndërsa Serbia ta njohë "de fakto” pavarësinë e Kosovës./DW