KSA në Tiranë, Borrel: Qeveria u tërhoq nga pasaportat e arta! Rama: E kemi pezulluar, presim gjykatën. Duam ekspertizë për kanabisin dhe amnistinë

Foto nga konferenca

TIRANE- Kryeministri Edi Rama nuk e priti mirë pyetjen e njërit prej gazetarëve në konferencën krah Joseph Borrel dhe Oliver Varhelyi në lidhje me integrimin e vendit. Rama tha se ky nuk është proces që mund ti vësh datë. 

Rama: Nuk di si të përgjigjem. Përse e doni datën kur nuk është hiç fare mënyra si operon BE dhe si funksionon integrimi në BE. Datat vendosen kur u vjen dita. Dita vjen kur ata janë të gatshëm të shqyrtojnë detyrat e tua dhe të vënë notën. Ne ishim gati për negociatat shumë më para, por nuk u hapën sepse vendet anëtare nuk kishin kohë të bëheshin bashkë për të shqyrtuar. Ajo që na duhet është të dimë, a i kemi bërë detyrat apo jo. Kur ne bëjmë detyrat, jemi në rrugën e duhur. Nuk vijmë nga një histori e njëjta nga ata që janë sot pjesë e BE. Ata kanë patur shtet kur ne s'dinim ku ishim. Jemi në proces ashtu siç duhet. /Dosja.al

Pamje nga konferenca

TIRANE- Komisioneri për Zgjerimin dhe Fqinjësinë e Mirë, Oliver Varhelyi tha se nuk ka një datë se kur Shqipëria do të jetë pjesë e Bashkimit Evropian. Duke e quajtur një 'çamçakiz' për debatin publik, Varhelyi tha se fokusi duhet të jetë te integrimi. 

"Pyetje që më bëhet sa herë vij në Tiranë, përgjigjen e përsëris gjithnjë. çdo gjë është në vendin e duhur, kemi një axhendë të qartë reformash. Gjithçka varet nga sa shpejt përmbushen kushtet për anëtarësim. Nuk po punojmë me afatet sepse afatet nuk çojnë te realizimet. Nuk dua të jem cinik, por do thoja ky është një çamçakiz për debatin publik, e shmang debatin nga çështja reale, që është integrimi real. Vendi do të jetë gati, sa më shpejt të jetë aq më mirë."-tha ai./Dosja.al 

Joseph Borrel, shefi i politikes se Jashtme te BE

TIRANE- Joseph Borrel, shefi i lartë i Politikës së Jashtme të Bashkimit Evropian ka mohuar çdo aludim se kryedemokrati Sali Berisha mund të shpallej non-grata edhe nga BE. Në konferencën e sotme me gazetarët, Borrel tha se nuk ka asnjë sanksion për Berishën apo për ndonjë qytetar tjetër shqiptar. 

“Nga ana jone e vetmja gjë që mund të themi është që ne i marrim vendimet nga Këshilli. Ende nuk kam një proozim për sanksione për një qytetar shqiptar”, tha Borrell./Dosja.al

Josep Borrell

TIRANË- Shefi i Politikës së Jashtme të Bashkimit Evropian, Josep Borrell kërkoi që Kosova dhe Serbia të kenë plane të qarta për takimin që do të zhvillohet të shtunën në Ohër. Në një konferencë të përbashkët me kryeministrin Edi Rama në Tiranë, Borell është shprehur se dialogu mes vendeve do të vazhdojë me trajektoren drejt stabilizimit të marrëdhënieve mes dy vendeve.

Pjesë nga konferenca:

Pyetje: Sa optimist jeni që mund të arrihet një marrëveshje konkrete? 

Nuk nevojiteshin më diskutime të mëtejshme për planin evropian. Gjuha dhe teksti i kësaj marrëveshjejë është i mbyllur. Kjo marrëveshje sjell shumë shpresë për marrëdhënien dhe stabilizimin e situatës mes Prishtinës e Beogradit. Ka pasur marrëveshje që nuk janë zbatuar ndonjëherë dhe kjo nuk mund të ndodhë në këtë rast.  Duhet të kenë të njëjtin kuptim përsa u përket afateve dhe modaliteteve. Dialogu do të vazhdojë me trajektoren drejt stabilizimit të marrëdhënieve mes dy vendeve. Tani duhen mbyllur dhe duhen zbatuar këto marrëveshje. Realisht shpresoj që të dyja palët të vijnë të shtunën me një qasje për të rënë dakort. Nëse kjo ndodh Ballkani Perëndimor do të festojmë një rrugëtim drejt BE-së.

Oliver Varhelyi

TIRANE- Komisioneri për Zgjerimin dhe Fqinjësinë e mirë në Bashkimin Evropian, Oliver Varhelyi njofton se në Shqipëri do të hapet Kolegji Evropian i Bruzhit me financim nga BE. Ai tha se "mysafiri" nuk vjen duarbosh dhe shtoi se pranimet nisin në shtator 2023.

Oliver Varhelyi: Diskutuam për temat e samitit të kaluar, terminali evropian, gazi i lëngshëm për Ballkanin. Këto zhvillime duhet të sjellin ndryshim në terren, të ndryshojmë realitetet për njerëzit dhe bizneset. Rajoni mund të rritet më shpejt se BE. Shoh angazhim nga qeveria shqiptare, po punojnë pareshtur. Kryeministri përmendi një element nga bagazhi im. Më njihni, një mik duhet të vijë me diçka. Kemi arritur të gjejmë financime për kampusin e kolegjit të Evropës. Ky është një sinjal i qartë se anëtarësimi është afër. Kjo është arsyeja pse jam krenar të deklaroj se procesi i pranimeve nis në shtator. Na duhet një ndërtesë, një vend i bukur ku Kolegji do të vendoset. /Dosja.al

Oliver Varhelyi

TIRANË- Oliver Varhelyi, Komisioneri Evropian për Fqinjësinë dhe Zgjerimin është shprehur se përves Shqipërisë edhe vetë Bashkimi Evropian ka detyra ndaj vendit tonë për integrimin në BE. Në një konferencë të përbashkët me kryeministrin Edi Rama dhe diplomatin e lartë, Josep Borrell, Varhelyi tha se pret që të shohin rezultate në çdo fushë. Ai u shpreh se kanë hartuar një plan prej 30 milionë eurosh për projektet në Ballkan, por që duhen rrugë, lidhje tregtar dhe hekurudha. 

Pjesë nga fjala e Varhelyi: 

Reformat kanë ecur me ritëm, kemi kërkuar përshpejtim të reformave, Ramë dakort që nëse gjithçka shkon mirë, ky vit do të jetë më i sukseshëm, të dyja palët përfitojnë nga ky progres, ne marrim një fqinj, një partner, një aleat që jo vetëm punon me ne, por edhe integrohet me ne. Qoftë në shoqëri, ekonomi apo vlerat tona. Ja pse është tërësisht e rëndësishëm që në këto takime të mos flasim vetëm për ato që duhen bërë, por edhe për ato që janë arritur. Reformat nën sundimin e ligjit vijojnë. Reforma në drejtësi po jep rezultate, siç e shohim. Urojmë që do të shohim rezultate, siç kemi parë deri tani dhe disa çështje që janë shfaqur në nivelin e lartë. Gjithashtu, edhe bisedimet për anëtarësimin. Nuk është më vetëm Shqipëria që duhet të përmbushë detyrat e saj, sepse edhe ne kemi detyrime. Kryeministri e përmendi hendekun e madh të zhvillimit ekonomik, ndaj kemi hartuar një plan prej 30 mln eurosh. Duhet të përshpejtojmë realizimin e këtij plani. Do të jemi në gjendje të bindim dhe investitorët e huaj që të sjellin akoma më shuëm numra. Për këtë arsye kemi 1.8 miliardë euro grantesh për zbatimin e 40 projekteve kryesore. Na duhet të shkojmë përtej, na duhen lidhje tregtare. 

Edi Rama, kryeminister

TIRANE- Kryeministri Edi Rama njoftoi se një filial i Kolegjit Evropian të Bruzhit do të hapet në Shqipëri. Për këtë, Rama falenderoi Komisionerin për Zgjerimin, Oliver Varhelyi. Rama tha se ai nuk vjen me buqetë parimesh por me portofol.

Edi Rama: Komisioneri nuk vjen me buqetë parimesh por me një portofol që e mban hapur gjithmonë. Kësaj here ka ardhur me hapjen e Kolegjit Evropian të Bruzhit. Po e hap tani edhe në Shqipëri, pasi u propozua prej nesh në Samitin e Tiranës, kjo është dhuratë e bukur dhe e merituar nga Shqipëria për hir të së vërtetës. Shqipëria i ka merituar të gjitha çfarë i keni dhënë. 

(Varhelyi qesh). /Dosja.al

Edi Rama, kryeminister

TIRANE- Kryeministri Edi Rama kërkoi ndihmë ekonomike nga Bashkimi Evropian për vendet e Ballkanit Perëndimor. Në këto kohë të vështira, Rama tha se vendet e Ballkanit nuk i përballojnë dot vetëm sfidat e mëdha. Rama tha se qeveria u tërhoq nga skema për pasaportat e arta pasi ka një proces në Gjykatën Ndërkombëtare të të Drejtave të Njeriut. Por Rama sqaroi se e ka pezulluar procesin dhe jo mbyllur përfundimisht.

Pjesë nga fjala e Ramës: 

Kemi folur për konvergjencën ekonomike. BE të bëjë një hap përpara me afrimin. Në aspektin financiar, Ballkani nuk mund të bëjë para me këtë gjendje që është. Dallimi, hendeku është marramendës. BP nuk e përballon dot këtë hendek në kushtet kur jemi të sfiduar kur vendet e mëdha marrin njerëz dhe i paguajnë.

E kemi pezulluar procesin e pasaportave të arta derisa të qartësohet në BE. Ka një çështje në Gjykatën Evropiane. Nuk e shpikëm ne. Nuk e nxjerrim në tavolinë pa vendosur gjykata. Po e miratuan ata, ok. Folëm për amnistinë fiskale, do të vazhdojmë punë me ekspertët. Nuk heqim dorë sepse kjo nuk është gjë e mirë, kemi arsyet tona pse themi se është gjëja e duhur për Shqipërinë. Faleminderit për ekspertizën.Kemi përfunduar procesin  e konsultimeve për kanabisin mjekësor dhe do të vazhdojmë në parlament. /Dosja.al

Edi Rama

TIRANË- Kryeministri Edi Rama ka njoftuar se prokurorimet publike nuk do të jenë më në duart e zyrtarëve, siç ka ndodhur deri më sot. Në një konferencë për shtyp me diplomatin e lartë, Josep Borrell, Rama tha se po hartohet një reformë e re që do tu heqë zyrtarëve prokurimet nga duart. 

"Po përgatisim një reformë që do të përmbysë tërësisht sistemin e prokurimeve publike, heqja e prokurimeve nga duart e institucioneve është objektivi ynë. Për këtë po bashkëpunojmë me agjensinë e kombeve të bashkuara. Nuk do të ketë më zyrtarë që do të kenë ndërhyrje tek prokurorimet publike,"- tha Rama. 

Ky njoftim bëhet nga kryeministri në një kohë kur kryebashkiakët socialistë po vihen një nga një na pranga për shkak të abuzimeve me tenderat. Vetëm një ditë më parë u arrestua kryebashkiaku i Bulqizës, Lefter Alla. 

Edi Rama, kryeminister

TIRANE- Një ditë pasi kryetari i Bashkisë Bulqizë, Lefter Alla u prangos nga SPAK për abuzime me një tender me vlerë 3 milionë euro, kryeministri Edi Rama ka përsëritur qendrimin se "PS dhe qeveria nuk ofrojnë shërbime avokatie". Në konferencën e sotme, krah Shefit të Politikës së Jashtme në BE, Joseph Borrel, Rama tha se Reforma po godet edhe ata që konsideroheshin të paprekshëm, referuar kështu zyrtarëve të vetë PS.

“Duke folur për Shqipërinë jemi të lumtur të konstatojnë se gjërat kanë shkuar sipas parashikime, nuk kemi asnjë vonesë, reforma në drejtësi ka filluar të japë fryte domethënëse dhe nuk është fushë me lule ka ferrat dhe gropat e veta por një gjë është e fakt që po ndodh ajo që askush kohë më parë nuk e imagjinonte, SPAK po godet njerëz, individë të lidhur me pushtetin apo jo dhe po tregon që koha e të paprekshmëve ka mbaruar dhe nga ana tjetër jam krenar që Shqipëria në rajon është i vetmi vend që e ka hedhur këtë hap. E kemi bërë të qartë që kushdo që kanë punë me drejtësinë të marrë te avokat PS dhe qeveria nuk ofron shërbime avokatie për askënd dhe kjo është një arritje domethënëse për Shqipërinë në një proces ku ne duhet të hymë në një fazë të re me prokurimet publike që sic vlerësohet ka bërë përparime të konsiderueshme”, tha Rama./Dosja.al

Edi Rama

TIRANË- Kryeministri Edi Rama është shprehur se Kosova dhe Serbia duhet të finalizojnë marrëveshjen mes tyre që duhet të mbyllet me njohje reciproke. Në fjalën që mbajti në një konferencë të përbashkë me shefin e Politikës së Jashtme të Bashkimit Evropian, Josep Borrell, Rama tha se të dyja vendet duhet të përqafojnë planin evropian. 

Pjesë nga fjala e Ramës: 

Në një proces tejet të vështirë, në një periudhë të shkurtër, sot me mbledhjen për herë të parë të Këshillit Stabilizim Asociimit, jashtë Brukselit, ju na keni dëshmuar respekt dhe vullnet të palëkundur për të na mbështetur në këtë rrugë. Tanimë është e çelur, e drejtë dhe jo pa vështirësitë e veta. Më vjen mirë që atmosfera e kësaj mbledhjeje është pozitive. Kemi dakortësi të plotë në të gjithë boshtin e marrëdhënies strategjike. Shqipëria sot nuk është më në fund të trenit të integrimit, por në krye të këtij rajoni ku roli ynë vlerësohet si model në aspektin e promovimit të paqes e dialogut. E shohim me admirim përpjekjen tuaj për normalizimin e marrëdhënieve mes Kosovës dhe Serbisë. Dhe kjo është gjëja më e mirë që mund të ndodhë. Dua të besoj me gjithë zemër që asnjëra palë dhe as tjetra të mos e përqafojnë këtë plan. I është ofruar Kosovës, Serbisë, rajonit, gjeneratave të tjera, një rrugë të rë, një portë e re e të ardhmes. Një mënyrë tjetër për të arritur njohjen reciproke. 

Joseph Borrel

TIRANE- Shefi i politikës së Jashtme të Bashkimit Evropian, Joseph Borrel tha se qendrimi i Shqipërisë në 1 vit agresion rus në Ukrainë ka qenë në përputhje të plotë me politikën e jashte të BE. Në konferencën e përbashkët me Ramën, Borrel tha se Shqipëria do të ndihmohet edhe për sulmet kibernetike dhe energjinë.

Pjesë nga fjala e Borrel: 

BE e angazhuar për integrimin e Shqipërisë. Ky është një realitet i ri dhe sfidues që është shkaktur nga agresioni rus në Ukrainë. BE është më e bashkuar. Ky është moment kritik i së vërtetës. Kjo është fryma e vërtetë evropiane  e Shqipërisë. Ka vepruar komplet në përputhje me politikën e jashtme të BE. E vijoni këtë në përputhje me politikën e BE edhe për agresionin rus. Shqipëria përdori pozicionin e saj në Këshillin e Sigurisë. 

Në fushën e kibernetikë kibernetike, ne tashmë kemi ndërmarrë nënëshkrime dhe i jemi përgjigjur shpejt sulmit kibernetik që ndodhi verën e shkuar. Kemi marrë të gjitha masat për zbutjen e ndikimit negativ të luftës së ndodhur në Ukrainë, ka ndikuar në të gjithë botën, përfshirë në Ballkanin Perëndimor. Kemi ofruar dhe mbështetje 80 milionë euro për energjinë, para që do tu vijnë në ndihmë për përballjen me këto kohë të vështira./Dosja.al

Joseph Borrel

TIRANE- Shefi i Politikës së Jashtme të Bashkimit Evropian, Joseph Borrel njoftoi në nisje të konferencës së përbashkët me kryeministrin Edi Rama se në mbledhjen e sotme të Këshillit të Stabilizim-Asociimit se qeveria shqiptare nuk do të avancojë me çështjen e pasaportave të arta. Borrel tha se Shqipëria ka ecur përpara ndërsa theksoi se Rama i ka garantuar se nuk do të vazhdojë me vendimin për pasaportat e arta.

Është vizita ime e tretë në Shqipëri si përfaqësues i BE por sot është moment historik për marrëdhëniet  tona. Sot jemi këtu për t’i treguar popullit shqiptar që BE është më pranë jush si vend kandidat për BE. E përdorim këshillin e stabilizim asociimit për marrëdhëniet mes BE dhe Shqipërinë. Shqyrtojmë çfarë është bërë, ku ka nevojë për përpjekje dhe çfarë mund t bëjmë. Ne shohim dhe mirëpresim drejtimin strategjik të qarë të Shqipërisë në BE. Po punojmë për anëtarësimin e Shqipërisë në të gjitha fushat. Dua të pranoj dhe të vlerësoj se ky vend ka treguar pjekuri në të gjitha reformat, sidomos në drejtësi e cila ka ecur përpara. Institucionet shqiptare duhet të përshpejtojnë reformat. Patëm mundësi të mirëpresim vendimin e kryeministrit që nuk do të bëhet miratimi i pasaportave të arta.”- /Dosja.al

Joseph Borrel dhe Edi Rama

TIRANE-  Përfaqësuesi i lartë i Bashkimit Evropian për Punët e Jashtme dhe Sigurisë, Joseph Borrel dhe Komisionin për Fqinjësinë dhe Zgjerimin, Oliver Varhelyi kanë mbërritur sot në Shqipëri për të zhvilluar takimin e radhës së Këshillit të Stabilizim- Asociimit mes Bashkimit Evropian dhe Shqipërisë. Kjo është mbledhja e 12 mes BE dhe Shqopërisë dhe pas takimit pritet një konferencë e përbashkët. Në një postim në rrjetet sociale, Borrel shkruan: 

Gëzohem që e nis ditën time në Tiranë ku do të mbajmë Këshillin e Stabilizim-Asociimit me Kryeministrin @ediramaal- historikisht për herë të parë në Shqipëri. Kjo pasqyron angazhimin e qartë ndaj anëtarësimit të Shqipërisë në BE dhe vlerësimin për orientimin e saj strategjik edhe në politikën e jashtme./Dosja.al