Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Moti i keq ka mbërthyer vendin këto kohë duke lënë disa familje në errësirë ndërsa disa të tjera të bllokuara. • Për shkak të ngricave dhe borës rreth 300 familje në zonat e thella të Korçës kanë mbetur pa energji elektrike. • Po ashtu dendësia e borës ka lënë të bllokuara disa zona dhe fshatra në vend. • Probleme janë hasur dhe në rrugën e Arbrit për shkak të ngricave. • ARRSH dhe autoritetet policore u kanë bërë thirrje drejtuesve të mjeteve që të vënë në përdorim gomat e dimrit si dhe të lëvizin me zinxhirë.
5 artikuj për këtë temë.
BULQIZË- Moti i keq në Shqipëri ka sjell probleme në disa akse rrugore. Bëhet me dije se për shkak të ngricave një aksident ka ndodhur mbrëmjen e kaluar në Bulqizë.
Policia dhe ARRSH kanë bërë thirrje për vendosjen e gomave të dimrit si dhe zinxhirëve te makinat. Vështirësi në qarkullimin e mjeteve ka pasur dhe në bypass-in e rrugës së Arbrit.
KORÇË- Moti i keq në Korçë ka sjell probleme me energjinë elektrike. Bëhet me dije se rreth 300 familje në zonat e thella të Korçës kanë mbetur pa energji elektrike për shkak të reshjeve të dëborës.
Në terren kanë shkuar ekipet e OSHEE-së për të bërë të mundur rikthimin e energjisë elektrike. Por për shkak të trashësisë së dëborës ndërhyrja e ekipeve është shumë e vështirë.
TIRANË- Reshjet e dëborës kanë qënë me intensitet të lartë në Qarkun e Korçës, në Kukës-Ura e Zapodit, dhe në Pukë-Fushë Arrëz-Kukës, ku është punuar me mjete borëpastruese. Aktualisht qarkullimi kryhet pa probleme. Sipas ARRSH, kontraktorët me mjete e punëtorë kanë qenë në terren gjatë gjithë natës për të mbajtur qarkullimin në normalitet. ARRSH u bën apel drejtuesve të mjeteve që të tregojnë kujdes të shtuar gjatë drejtimit të mjetit në kohë me reshje.
NJOFTIMI I ARRSH:
Gjatë natës ka pasur reshje dëbore me intensitet në Qarkun e Korçës, në Kukës-Ura e Zapodit, dhe në Pukë-Fushë Arrëz-Kukës, ku është punuar me mjete borëpastruese qarkullimi kryhet pa probleme Kontraktorët me mjete e punëtorë kanë qenë në terren gjatë gjithë natës për të mbajtur qarkullimin në normalitet. Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.
KORÇË- Gjatë orëve të natës Korça është përfshirë nga reshjet e dëborës të cilat janë shoqëruar edhe me erë të fortë. Deri më tani nuk raportohet për akse të bllokuara ndërsa në zonën e Dardhës dhe të Qarrit kalimi me automjete bëhet vetëm me zinxhirë.
Trashësia e rrugëve të dëborës është deri në 25 cm.
TIRANË- Dita do të jetë nën dominimin e motit të paqëndrueshëm duke bërë që vranësirat dhe reshjet e shiut dhe dëborës të jenë prezente në të gjithë territorin e vendit. Orët e mesditës do të sjellin ndërprerje të reshjeve në bregdet dhe zonat e ulëta si edhe intervale të shkurtra me kthjellime duke lënë me reshje dëbore por në sasi të pakët të gjithë zonën malore lindore.
Pjesa e dytë e ditës do të sjellë përmirësim të përkohshëm të motit si edhe ndërprerje të reshjeve për tu ri-kthyer sërish në orët e para të mëngjesit të së shtunës. Temperaturat e ajrit do të vijojnë të rriten në mëngjes por konstante mbeten në mesditë duke luhatur vlerat ditore nga -3°C deri në 12°C.
Era do të mesatarisht me shpejtësi 40 km/h nga drejtimi verior duke krijuar në brigjet detare dallgëzim 3 ballë.
