Berisha: Banesa e Xhelal Mziut u sulmua me tritol nga banditë shtetërorë. Deputeti: Hakmarrje politike

Xhelal Mziu

TIRANË - Deputeti i Partisë Demokratike, Xhelal Mziu tha gjatë konferencës së PD-së se sulmi ndaj banesës së tij është një sinjal për mos ta lejuar të flasë. Mziu përmendi faktin se gjatë gjithë karriererës së tij nuk ka pasur konflikt me askënd, ndaj e konsideron si të tillë. Ai tha se nëse policia do të bëjë punën e duhur autorët do të kapen, ndonëse nuk beson tek puna e saj.

"Nëse do të kisha indicie për persona, absolutisht nuk do të hezitoja për të dhënë emrin e tij. Unë dua të ju them që duke u treguar absolutisht i hapur në marrëdhëniet e mia dhe duke qenë kryetar bashkia apo si deputet nuk kam asnjë lloj konflikti me asnjë person, dhe nuk gjej dot asnjë lidhje që të ketë me mua apo familjen time për tu vendosur tritoli. Unë e konsideroj edhe njëherë një sinjal nga kjo mazhorancë për të mbyllur gojën, siç ishte mbyllja e gojës dje në seancën plenare, por dhe çdo lloj reagimi që kemi pasur gjatë kësaj periudhe.

Ishte policia aty, përcaktoi që ishte masë tritoli dhe morëm të gjithë ekspertizën e nevojshme. Shpresojmë që policia të jetë në lartësinë e duhur për të mbledhur mjaftueshëm informacione dhe duke marrë kamerat e gjithë lagjes dhe përreth saj.
Nëse ekziston vullneti i kësaj policie, absolutisht që do të kapen autorët dhe do të dalë se kush është porositësi. Shpresojmë që policia të jetë në lartësinë e duhur, edhe pse nuk jam shumë besimplotë në këtë drejtim, por urojmë që në këtë rast të jetë në lartësinë e duhur," tha Mziu. 

Xhelal Mziu

TIRANË - Deputeti i Partisë Demokratike, Xhelal Mziu është shprehur gjatë konferencës së PD-së, të mbajtur posaçërisht ndaj sulmit kundrejt banesës së tij se e shikon këtë ngjarje si sulm politik. Mziut tha se gjatë gjithë karrierës së tij nuk ka pasur konflikt me askënd, ndaj e kosideron si të tillë. Ai shtoi gjithashtu se të gjithë personat me të cilët ka komunikuar për këtë ngjarje nuk gjejnë asgjë përveç aspekteve politike.  

"Siç tha dhe doktori, por besoj se jeni të informuar. Mbrëmë rreth orës 1 pa 10, pranë shtëpisë time në kodër Kamzë rruga e ‘Arbrit’, pati një shpërthim eksplozivi që falë Zotit nuk pat dëme në njerëz. Isha unë me familjen, komshinjtë, por jo vetëm ato, por dhe në Kamzë apo persona nga Tirana e kanë dëgjuar oshtimën e këtij tritoli. Pati dëme materiale. Normalisht jam i gëzuar që nuk pati probleme njerëzore as tek unë, dhe as tek kalimtarët që ishin në rrugë. Nuk kam asnjë lloj konflikti me asnjë person, gjatë karrierës time, nuk kam asnjë borxh ndaj askujt.

Unë e shoh këtë një akt absolutisht politik dhe është një sinjal për të treguar se, nuk mund të sillesh apo reagosh ndaj kësaj qeverie krimi dhe korrupsioni. Kështu që përveç se një hakmarrje politike unë asgjë tjetër nuk mund ta konsideroj. Madje me gjithë njerëzit që komunikojmë dhe gjatë këtyre orëve nuk gjejmë asnjë gjë tjetër veç prapavijës politike apo sinjalit për të na bërë një ushtar të tyre dhe jo për të qenë një opozitë siç duhet, për të qenë një opozitë ndaj kësaj qeverie krimi dhe korrupsioni" u shpreh Mziu. 

Mziu dhe Berisha

TIRANË - Kreu i Partisë Demokratike Sali Berisha ka thënë për sulmin e banesës ndaj deputetit Xhelal Mziu, se polica nuk do ta zbardhë këtë ngjarje. Gjatë konferencës për mediat, Berisha tha se polica është e politizuar dhe nuk vepron për ngjarje të tilla.

Si shembull për këtë Berisha sjell rastin e zyrës elektorale të PS-së në Pekisht. Ai tha se ndonëse u gjetën objekte të cilat ishin kundër ligjit, u ndëshkua edhe polici i cili po hetonte ngjarjen.

"Keni parasysh se policia është thellësisht dhe tmerrësisht e politizuar. Po u rikujtoj këtu, i nderuar zotëri, dhe qytetarëve se kohë më parë, kur unë paraqita para jush rastin e zyrës elektorale sekrete të PS në qendrën e votimit në Pekisht, në të cilën u gjetën fletë votimi, paund, lekë, karta identiteti, u gjet i gjithë dokumentacioni, polici, i cili bëri detyrën dhe mori në procedim pronarin e barit, u ndëshkua nga Proda i krimit. U ndëshkua! Unë nuk mund të them se çdo segment i policisë është i infiltruar nga krimi, por të besosh se do e zbardhë, do e pranojë të zbardhin krimin politik policia, është një iluzion," tha Berisha.

Berisha dhe Mziu

TIRANË - Kreu i Partisë Demokratike Sali Berisha gjatë konferencës së PD-së lidhur me sulmin me lëndë plasëse ndaj banesë së deputetit Xhelal Mziut. Berisha tha se ky sulm është kryer nga bandat shtetërore dhe se vjen si pasojë e qëndrimit të djeshëm antikushetues të Ramës ndaj opozitës.

Ai shtoi se faktin se kjo ngjarje ka sjellë pasoja të konsiderueshme dhe se Edi Rama do të mbajë përgjegjësi maskimale. Sipas tij ky është një akt për ti mbyllur gojën opozitës.     

"Së pari me një ndjesë për këtë shtytje të detyruar të konferencës për shkak, e kuptoni vetë, të një trafiku të pashembult që ekziston në rrugët e Tiranës. Dhe zoti Mziu, që është nisur me kohë për të ardhur në këtë konferencë, iu desh trefishi i kohës. Sot unë jam këtu me deputetin Xhelal Mziu për të denoncuar një akt terrorizmi shtetëror ndaj deputetit dhe familjes së tij.

Banesa e deputetit Xhelal Mziu, duke qenë brenda në banesë, është sulmuar me tritol nga banditë shtetërore.
Bandat janë sot pronë totale e shtetit. Masa e eksplozivit ka qenë e konsiderueshme dhe ka krijuar dëme edhe në zonën përreth. Ky akt vjen pas qëndrimit të djeshëm antikushtetues të kreut të organizatës kriminale ndaj parlamentit dhe opozitës. Ky akt ka vetëm një synim, të mbyllë gojën e opozitarëve. Për të gjitha këto, e garantoj Edi Ramën se do mbajë përgjegjësi maksimale," tha Berisha.