Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Presidenti Bajram Begaj ka dekretuar kryeministrit Edi Rama për formimin e qeverisë ditën e sotme. • Përveç dhe si kryeministër, Edi Rama do të jetë dhe përgjegjës dhe për 'Ministren' e tij virtuale, 'Diella'. • Në nenin 2 të dekretit që Begaj i dorëzoi ditën e sotme Ramës, përveç mandatimit si kryeministër, Rama do të jetë përgjegjës për funksionimin e 'Diellës'. • Dekretin e Begajt, kreu i grupit parlamentar demokrat Gazment Bardhi e ka quajtur qesharak dhe antikushtetues. • Ndërkohë që ka nxjerr dhe nenet në Kushtetutën e vendit, ku përcaktohet qartë se kush mund të vendoset Ministër. • Pas reagimeve në media, Presidenca ka dalë me sqarim, duke theksuar se sot është dekretuar vetëm kryeministri Rama dhe se 'Diella' do të jetë në funksion të tij.
7 artikuj për këtë temë.
TIRANË- Presidenca ka reaguar ditën e sotme pas dekretimit të Kryeministrit Edi Rama. Me anë të një njoftimi, Presidenca thekson se sot është deklretuar vetëm kryeministri dhe asnjë ministër. Ndërkohë që shton se 'Diella' është funksion që i ka kaluar kryeministrit Rama.
Reagimi i Presidencës:
Sot Presidenti i Republikës ka dekretuar vetëm Kryeministrin. Ministrat do të dekretohen në një ditë të mëvonshme. Baza kushtetuese e dekretit ndodhet në rreshtin hyrës të tij.
Dekretimi i Kryeministrit bëhet sipas propozimit të partisë fituese në zgjedhje. Neni 2 i dekretit e ngarkon Kryeministrin me një funksion specifik, gjithashtu sipas të njëjtit propozim. Sa i takon referencave për nenet 102 dhe 103, Kryeministri i plotëson kushtet dhe kërkesat e parashikuara në këto dy nene.
TIRANË- Zgjedhja e ministrit virtual 'Diella' ka bërë bujë mediatike që nga dita e djeshme që Rama e paralajmëroi në Asamblenë Kombëtare të PS-së. Por sot, ky ministër virtual ka marrë jetë nga Presidenti Bajram Begaj, në dekretin që i dha kryeministrit për të formuar qeverinë e re.
Në dekret theksohet se përgjegjës për krijimin e kësaj ministre është Kryeministri Edi Rama, i cili ka funksion për ngritjen dhe funksionimin e saj.
“Kryeministri ushtron edhe përgjegjësinë për ngritjen dhe funksionimin e ministrit virtual të Inteligjencës Artificiale “Diella”, shkruhet në dekretin e Begaj.
Por a mund të zgjidhet ministër një produkt i Inteligjencës Artificiale?
Në kërkimin që Dosja.al, ka bërë në Kushtetutën e vendit, përgjigja është e prerë: Jo. Sipas Kushtetutës, ligjvënës mund të zgjidhet, kushdo person që është mbi 18 vjeç, mendërisht i aftë si dhe me figurë të pastër penale.
Neni 45 i Kushtetutës:
1. Çdo shtetas që ka mbushur tetëmbëdhjetë vjeç, qoftë edhe ditën e zgjedhjeve, ka të drejtën të zgjedhë dhe të zgjidhet.
2.Përjashtohen nga e drejta e zgjedhjes shtetasit e deklaruar me vendim gjyqësor të formës së prerë si të paaftë mendërisht.
3. Të dënuarit që janë duke vuajtur dënimin me heqje të lirisë, kanë vetëm të drejtën për të zgjedhur.
4. Vota është vetjake, e barabartë, e lirë dhe e fshehtë
Ndërkohë që, neni 103 i Kushtetutës së Republikës së Shqipërisë, përforcon nenin 45, ku theksohet se Ministër mund të zgjidhet kushdo që ka cilësitë për deputet.
1. Ministër mund të caktohet kushdo që ka cilësitë për deputet.
2. Ministri nuk mund të ushtrojë asnjë veprimtari tjetër shtetërore dhe as të jetë drejtues ose anëtar i organeve të shoqërive fitimprurëse.
3. Anëtarët e Këshillit të Ministrave gëzojnë imunitetin e deputetit.
Por në asnjë nen të Kushtetuës, nuk thuhet se deputet dhe aq më pak ministër, mund të zgjidhet një produkt virtual. Begaj qartazi dhe hapur fare ndodhet në shkelje të Kushtetutës, që është betuar ta respektojë në momentin që ka bërë betimin për të marrë postin e Presidentit./Dosja.al
TIRANË- Kreu i Grupit Parlamentar të PD-së Gazment Bardhi ka komentuar dekretin e Presidentit Bajram Begaj për formimin e qeverisë. Me anë të një postimi në Facebook, Bardhi thekson se dekreti i Begajt për kryeministrin me ngritjen dhe funksionimin e ministrit virtual "Diella", është qesharak dhe antikushtetues. Më tej, Bardhi thekson se Begaj po tenton ta shndërrojë Republikën në një palaçollëk, siç është dhe vetë.
"Dekreti i Presidentit të Republikës për të ngarkuar kryeministrin me ngritjen dhe funksionimin e ministrit virtual "Diella", përveçse qesharak, është tërësisht antikushtetues. Ai bie ndesh me nenet 96, 97, 102 dhe 103 të Kushtetutës.
Ministër mund të emërohet: (i) shtetasi shqiptar; (ii) që ka mbushur 18 vjeç; dhe (iii) është i aftë mendërisht (shih nenet 45 dhe 103 të Kushtetutës). Cilat nga këto cilësi ka ministrja "Diella"?! Karagjozllëqet e kryeministrit nuk mund të shndërrohen në akte juridike të shtetit shqiptar. Ushtar Bajrami po tenton ta shndërrojë Republikën në një palaçollëk, siç është ai vetë," shkruan Bardhi.
TIRANË- Kryeministri Edi Rama do të jetë përgjegjës dhe për 'Ministren' e tij virtuale, 'Diella'. Në nenin 2 të dekretit që Begaj i dorëzoi ditën e sotme Ramës, përveç mandatimit si kryeministër, Rama do të jetë përgjegjës për funksionimin e 'Diellës'.
“Kryeministri ushtron edhe përgjegjësinë për ngritjen dhe funksionimin e ministrit virtual të Inteligjencës Artificiale “Diella”, shkruhet në dekretin e Begaj.
TIRANË- Kryeministri Edi Rama ka marrë mandatin nga Presidenti Bajram Begaj për formimin e qeverisë së re. Gjatë takimit në Presidencë, Rama i ka dhënë Begajt dhe emrat e kabinetit të tij qeveritar, 'Rama 4'.
Kuvendi do të mblidhet sërish pasditen e sotme në orën 17:00, në mënyrë që deputetët të bëjnë betimin.
TIRANË- Kryeministri Edi Rama ka mbërritur në Presidencë ditën e sotme. Gjatë takimit të shkurtër me Begajn, Rama i dorëzoi atij emrat e kabinetit të ri qeveritar për të marrë dekretimin nga ana e Presidentit.
Më pas, hapet rruga për formimin e qeverisë së re, i cili pas takimit do të miratohet në Kuvend. Kuvendi do të mblidhet sërish pasditen e sotme në orën 17:00, në mënyrë që deputetët të bëjnë betimin.
TIRANË- Kryeministri Edi Rama pritet që të takohet me Presidentin Bajram Begaj. Mësohet se në takim, Begaj do t'i jap zyrtarisht mandatin për formimin e qeverisë së re.
Takimi është thjesht një hap formal që i paraprin nisjes së punës nga kabineti i ri qeveritar, i cili pas takimit do të miratohet në Kuvend.
