Hasmëria mes fiseve Reçi dhe Bardhaj në Rrëshen! Qëlluan me armë zjarri drejt nipit të Kastriot Reçit, i riu shpëton paq, në kërkim babë e bir
Qëlluan për të vrarë Saimir Reçin, zbulohen EMRAT e babë e bir nga Rrësheni 26 Mars, 20:29 ...
Qëlluan për të vrarë Saimir Reçin, zbulohen EMRAT e babë e bir nga Rrësheni 26 Mars, 20:29 ...
ME VIDEO- U përplas me një makinë, aksident i rëndë në Tiranë përmbyset autobusi, xhama kudo 26 Mars, 1...
Takimi me Kurtin/ Rama: Ka hedhur hapa me rëndësi të madhe drejt normalizimit të marrëdhënieve me Serbinë 26...
VIDEO/ Garazhi i mbuluar nga tymi i zjarrit, shkojnë dy zjarrfikëse në zonën e ish-parkut të Autobusave 26 Mars, 14:45...
• Kryeministri Edi Rama u ka dhënë porosi të qartë deputetëve që seanca e Kuvendit të mos ndërpritet për asnjë arsye, pavarësisht bllokimit të Foltores nga ana e Partisë Demokratike. Këtë gjë, u transmetoi sot kreu i grupit parlamentar Taulant Balla kolegëve të tij, një javë pas trazirave në seancën plenare. • Në një prononcim për mediat, pas mbledhjes, kryetari i grupit parlamentar socialist Taulant Balla tha se kërkesa për shkarkimin e kryeparlamentares Lindita Nikolla, nuk meriton të merret në konsideratë pasi nuk ka argument. Ai tha se Nikolla vetëm sa ka zbatuar rregulloren. • I pyetur nëse do të ngrihet një grup hetimor për të hetuar takimet e kryeministrit Edi Rama me ish-agjentin e FBI-së Charles McGonigal, Balla tha se nëse kërkesa mban firmën e kryedemokratit Sali Berisha nuk do të shqyrtohet. Ai u shpreh gjithashtu se ligji për komisionet po ndryshon. • I pyetur për vijimin e procedurave për çështjen e mandatit të deputetes Olta Xhaçka, Balla tha se fillimisht duhet të zbardhet vendimi i Kushtetueses.
5 artikuj për këtë temë.
TIRANË- Kreu i grupit parlamentar të Partisë Socialiste, Taulant Balla është shprehur se kërkesa e Opozitës për shkarkimin e kryetareds së Kuvendit, Lindita Nikolla, nuk qëndron. Në një prononcim për mediat, Balla tha se duhet një argument për të shkarkuar kryetaren e Kuvendit dhe ky nuk mund të jetë zbatimi i rregullores nga ana e saj. Sipas tij, Opozita është nisur nga seanca e fundit plenare që u shoqërua me përplasje.
Pjesë nga fjala e Ballës:
Këta mund të kërkojnë edhe shkarkimin e qeverisë, shpërndarjen e parlamentit. Kërkesa të pafundme. Por e para është që nuk gjej qoftë dhe një argument të vetëm që të kërkosh shkarkimin e kryetares së Kuvendit, në kushtet kur kryetarja në seancën e fundit plenare, ka zbatuar rregulloren e Kuvendit. Rregullorja përcakton qartë se si disponon me vendimmarrje, kur bllokohet foltorja e Kuvendit. Në kushtet kur Kuvendi i Shqipërisë e ka të pamundur që të përmbushë detyrimet, në këtë rast është miratimi i rendit të ditës. Në kushte e deklarimit, një pjesë e deputeteve thanë se s’do të ketë punime normale. Kuvendi do e bëjë të qartë. Asnjë lloj kërkese e kësaj forme nuk mund të miratohet dhe nuk mund të merret në konsideratë. Do mundohemi që diskutohet do zhvillohen. Në këtë frymë do vijojnë përpjekjet për të vijuar punën normalisht. Deputetët që thyejnë rregulloren shpresojmë që mos të marrin pjesë në seancat plenare. Shpresojmë që në 2 shkurt Kuvendi t’i kthehet normalitetit. Por situata që është krijuar është qesharake.
TIRANË- Kryetari i grupit parlamentar të Partisë Socialiste Taulant Balla tha se kërkesa e Opiitës për të ngritur një grup hetimor për të hetuar takimet e kryeministrit Edi Rama me ish-agjentin e FBI-së, Charles McGonigal, nuk mund të aprovohet. Në një prononcim për mediat, pas mbledhjes së grupit të PS, Balla tha se kërkesa do të verifikohet dhe nëse do të jetë firma e kryedemokratit Sali Berisha, nuk do të merret parasysh pasi është shpallur non-grata. Ai përmendi dhe faktin që kanë depozituar një kërkesë për ndryshimin e ligjit për komisionet hetimore.
Pjesë nga fjala e Ballës:
Është kryetari i Kuvendit ai që njihet me këtë kërkesë dhe sipas rregullores së Kuvendit, merret një Kuvend. Duhet vendosur njëherë nëse kërkesa është në përputhje me rregulloren e Kuvendit. Sepse lidhur me komisionet hetimore, ne kemi ngritur një komision të posaçëm për ngritjen e komisioneve parlamentare dhe që lidhet me vendimet e Gjykatës Kushtetuese. Që nga viti 2004 deri më sot në vitin 2022 nuk janë futur në legjislacion vendimet e Gjykatës Kushtetuese, janë plot 6 të tilla. Në këtë rats kemi të bëjmë me një rast të veçantë, që çdo parlament do të zgjidhte të njëjtin parim. Kemi një person ‘non grata’ nga SHBA që është turpi i këtij Kuvendi dhe ne nuk do ta marrim në konsideratë firmën e tij. Është zgjedhja jonë, vendimmarrja jonë politike.
TIRANË- Kryetari i grupit parlamentar të Partisë Socialiste Taulant Balla ka pranuar se përveç kryeministrit Edi Rama, edhe ai vetë ka zhvilluar takime me ish-agjentin e FBI-së, Charles McGonigal. Në një prononcim për mediat, pas mbledhjes së grupit të PS-së, Balla tha se takimet nuk janë tregues për përfshirje në shkelje ligji. Ai shtoi gjithashtu se me FBI-në kanë komunikuar së fundmi dhe lidhur me sulmet kibernetike dhe se nëse në të ardhmen ndonjë agjent arrestohet, nuk mund të fajësohet PS-ja.
"Kanë qenë takime të një bashkëpunimi, për aq kohë sa ka qenë në detyrë. Në këtë histori nuk ka çështje, këtë dua t'ja them çdo qytetari shqiptar. Në këtë histori nuk ka asnjë çështje, përsa kohë që bëhet fjalë për një takim në kuadër të shkëmbimi eksperiencash. Të gjithë e dimë se nuk ka skuadër më të specializuar për një krim apo korrupsion. Ne së fundmi kemi komunikuar për sulmet kibernetike, imagjinoni sikur një prej atyre të ketë nesër një problem me ligjin. Mund të ketë takuar dhe të Opozitës, nuk e di, pyesni,"- tha Balla.
TIRANË- Kreu i grupit parlamentar të Partisë Socialiste Taulant Balla është shprehur se maxhoranca është e vendosur të mos e lejojë Opozitën të ndërpresë seancat e Kuvendit. Në një prononcim për mediat, pas mbledhjes së grupit të PS-së, Balla tha se askush nuk mund ta marrë peng Kuvendin. Ai shtoi se punimet e seancës do të vijojnë me çdo kush pavarësisht bllokimit të foltores nga PD-ja.
"Situata që është krijuar është një situatë qesharake, kujtoj këtu seancën e fundit të 16 janarit. Sa herë hapet një sesion, çohet një person bllokohen foltoren. Ndaj ju them që kjo është një situatë shumë qesharake me gjithatë ajo që ka rëndësi është se kush mendon dhe pretendon se mund të marrë peng Kuvendin, e ka gabim. Kuvendi vijon punimet,"- tha Balla ndër të tjera.
TIRANË- Partia Socialiste ka ndarë strategjinë e ndjekjes së punimeve në Kuvendin e Shqipërisë, në seancën e radhës plenare. Grupi parlamentar i PS-së u mblodh sot në selinë rozë dhe nën drejtimin e Taulant Ballës, u nda mënyra se si do të menaxhohej çdo bllokim nga ana e Partisë Demokratike në Kuvend.
Ka qenë Balla ai që ka propozuar që në çdo rast bllokimi nga PD, rendi i ditës të vijohet normalisht. Kjo gjë është miratuar dhe nga pjesa tjetër e grupit. Seanca e kaluar u ndërpre sepse kryedemokrati Sali Berisha, i cili bllokoi foltoren.
Ai u rrethua nga Garda, por pavarësisht ndërprerjes së fjalës së tij në Kuvend, vijoi me bllokimin e seancës deri në ndërprerjen e punimeve.
