SKY ECC e çoi në qeli/ Arrestohet me urdhër të SPAK kreu i Prokurorisë së Vlorës, në pranga edhe një ish-oficere krimesh dhe dy avokatë (EMRAT)

Aurel Zarka

TIRANË- Kryeprokurori i Vlorës Aurel Zarka ra në pranga ditën e sotme me urdhër të Prokurorisë së Posaçme për veprën penale "Ushtrim ndikimi të paligjshëm ndaj personave që ushtrojnë funksione publike". Zarka dyshohet se është vënë në pranga për shkak të dosjes 'Toyota Yaris', por SPAK ende nuk ka reaguar për arrestimin.  

Por kush është prokurori Aurel Zarka?

Aurel Zarka e ka filluar karrierën e tij në sistemin e drejtësisë si oficer i Policisë Gjyqësore në vitin 2004 pranë Prokurorisë së Krimeve të Rënda. Ai u emërua prokuror në vitin 2012 dhe prej asaj kohe e ushtron funksionin në Prokurorinë e Rrethit të Vlorës.

Në deklarimin për herë të parë në vitin 2004, prokurori Aurel Zarka deklaronte pjesë takuese në pasurinë familjare me vlerë 13 milionë lekë, ndërsa në fund të vitit 2019, pasuria e tij familjare kap vlerën e 43.6 milionë lekëve. Ai zotëron familjarisht pasuri të paluajtshme të deklaruar në vlerën e 29.7 milionë lekëve, likujditete bankare me vlerë 12.2 milionë lekë, kursime në cash prej 1.2 milionë lekësh si dhe automjet me vlerë 500 mijë lekë.

Të ardhurat familjare gjatë periudhës deklaruese janë 34.4 milionë lekë, nga të cilat 30% kanë si burim pagën e subjektit, 31% të ardhurat e familjarëve dhe gati 30% nga shitja e pasurive të patundshme. Drejtuesi i Prokurorisë së Vlorës, Aurel Zarka u konfirmua në detyrë nga KPK vetëm një muaj më parë, më 28 qershor 2024.

Ndaj tij kishte gjithsej 4 denoncime të dorëzuara në Komisionin e Posaçëm të Kualifikimit nga qytetarët. Por në seancën e këtij komisioni, Zerka për pastërtinë e figurës dhe profesionalizmin u vlerësua pozitivisht.

aurel zarka

TIRANË- Të hënën është arrestuar në Vlorë drejtuesi i Prokurorisë Aurel Zarka, si dhe hetuesja e Byrosë Kombëtare të Hetimit, Eriona Dautaj, njëkohësisht magjistrate në Shkollën e Magjistraturës.

Zarka është shoqëruar nga policia e Vlorës gjatë natës dhe është transferuar në Tiranë. Se bashku me Zarkën dhe Dautajn është arrestuar avokati Radovan Cela dhe biznesmeni Astrit Vladi.

Vladi ka qenë më parë i dyshuar për vrasje e shtetasit Paulin Marku në vitin 2011 tek kthesa e Kamzës në Tiranë. Pasi është arrestuar nga Policia si i dyshuar për vrasjen e Markut, ai është liruar me urdhër të Prokurorisë, e cila e ka cilësuar arrestimin si të paligjshëm.

Radovan Çela ka shërbyer si përfaqësues ligjor i kushërinjve Alfred dhe Elvis Vladi, të arrestuar në vitin 2018 pas sekuestrimit të 3.4 milionë eurove në portin e Durrësit, si pjesë e të ashtuquajturës dosja ‘Toyota Yaris'

Prokuroria i akuzoi dy kushërinjtë Elvis Vladi, dhe Alfred Vladi, për krijimin e një organizate me qëllim pastrimin e parave me origjinë kriminale. Por kushërinjtë Vladi nuk u arrestuan asnjëherë nga policia.

Astrit Vladi, biznesmen dhe aksioner i disa kompanive në Shqipëri, është vëllai i Elvis Vladit. Sipas regjistrit civil të vitit 1998, ai mund të ketë mbjatur më parë emrin Doxh Vladi.

Çështja mori rëndësi publike në Shqipëri, pasi kreu i Partisë Demokratike, Lulzim Basha e denoncoi mbërritjen e parave disa ditë para se ato të sekuestroheshin në Durrës. Basha paralajmëroi trafikimin e parave me makina “Toyota Yaris” dhe akuzoi kreun e grupit socialist, Taulant Balla se kishte dalë garant për ato që i quajti “para të drogës”.

Balla i mohoi akuzat dhe fitoi në gjykatë një padi për shpifje ndaj Bashës.

Denoncimi i Bashës i dha dosjes emrin “Toyota Yaris”, ndonëse makinat e dorës së dytë i përkisnin markës “Toyota Auris”./Reporter.al

aurel zarka

TIRANË- Janë zbardhur detaje të reja nga arrestimi me urdhër të SPAK të kreut të Prokurorisë së Vlorës, Aurel Zarka. Dyshohet se arrestimi i kryeprokurorit ka ardhur nga zbërthimi i aplikacionit SKY ECC. 

Ende nuk ka një reagim zyrtar nga SPAK, por ka dyshime se Zarka ishte përdorues i katër kodeve të aplikacionit SKY ECC, ku ka dyshime nga ana e prokurorisë, që të ketë pasur bisedime për favorizime dhe vepra të tjera, për të cilët prokurorët kanë evidentuar rolet e të përfshirëve.

Bashkë me Zarkën në pranga janë vënë edhe: Eriona Dautaj, magjistrate në Shkollë te Magjistraturës, ish-oficere policise gjyqësore në Prokurorinë e Krimeve të Rënda dhe Hetuese në BKH, aktualisht magjistrate, avokati Radovan Çela dhe Astrit Vladi.

spak

VLORË- Kreu i Prokurorisë së Vlorës, Aurel Zarka është vënë në pranga pas një urdhri të lëshuar nga Prokuroria e Posaçme. Bashkë me Zarkën në pranga janë vënë edhe: Eriona Dautaj, magjistrate në Shkollë te Magjistraturës, ish-oficere policise gjyqësore në Prokurorinë e Krimeve të Rënda dhe Hetuese në BKH, aktualisht magjistrate, avokati Radovan Çela dhe Astrit Vladi.

Ndërsa ende nuk ka një reagim zyrtar nga SPAK lidhur me rastin dhe akuzat e ngritura ndaj të arrestuarve, dyshohet se personat e mësipërm kanë abuzuar me detyrën lidhur me një procedim. Gjithashtu sipas informacioneve bëhet me dije se SPAK ka sekuestruar disa dosje në Prokurorinë e Vlorës.

aurel zarka

VLORË- Është vënë në pranga drejtuesi i Prokurorisë së Vlorës, Aurel Zarka. Për të njëjtin hetim që ka çuar në arrestimin e Zarkës, janë lëshuar masa sigurie edhe për 3 persona të tjerë, mes të cilëve një ish-oficere e Policisë Gjyqësore dhe një avokat.

Arrestimi i tij është bërë me urdhër të SPAK, ndërsa pritet një reagim zyrtar lidhur me arsyet që është kryeprokurori është vënë në pranga.

Zarka më 9 maj të 2022 u emërua në krye të organit të akuzës në rrethin gjyqësor të Vlorës, pasi më parë kishte kaluar me sukses procesin e vettingut duke u konfirmuar në detyrë nga KPK.