Arrestohen në Spanjë dy 'killerat' që tentuan të vrisnin Preng Palucën në 2021, Vlashi e Ndoka u kthyen në makthin e çiftit. PSH: Pritet ekstradimi

Hektor Ndoka

TIRANË- Personi në foto është Hektor Ndoka, 33-vjeçari i arrestuar nga policia spanjolle pasi ishte shpallur në kërkim nga autoritetet shqiptare për planifikimin e vrasjes së Preng Palucës. 33-vjeçari me precedent të theksuar kriminal, dhe i dyshuar për një seri ngjarjesh të rënda, u vu në pranga nga policia spanjolle në Madrid.

Sipas mediave spanjolle, pas prangosjes së Ndokës, policia i gjeti atij 3 armë zjarri dhe municion luftarak.

Hektor Ndoka u shpall në kërkim më 8 Dhjetor të 2021. Së bashku me Edmir Vlashin, kishin planifikuar vrasjen e Preng Palucës në Tiranë, ngjarje kjo që nuk u finalizua. Shkak u bë një konflikt për prishje të pazareve të drogës jashtë shtetit.

Preng Paluca u planifikua të vritej me mina të telekomanduara nga një grup kriminal rival, për shkak të prishjes së një pazari droge në Belgjikë e Spanjë. Porositësit kishin ‘kontraktuar’ për të bërë punën 3 persona; Hektor Sadiku (Ndoka), Edmir Vlashi (Marku) dhe Mark Lamkja. Këta të fundit planifikonin çdo gjë në lokalin e vjehrrit dhe vjehrrës së tyre, Nikoll e Marie Marku.

Plani për atentatin u zbulua krejt rastësisht pasi Policia u informua se çifti Marku dhe dhëndri i tyre Mark Lamkja posedonin arsenal armësh. Në këtë mënyrë policia ra në gjurmët e dy personave të cilët do të kryenin vrasjen. Edmir Vlashi dhe Hektor Ndoka kishin pak kohë që sapo ishin kthyer nga Belgjika. Ata kishin ardhur disa herë në Tiranë, ndërsa më datë 7 u nisën 'ekzekutorët'.

Çifti Marku dhe dhëndrri i tyre Mark Lamkja u vunë në pranga, ndërsa Edmir Vlashi dhe Hektor Ndoka u shpallën në kërkim.

Policia e Shtetit

TIRANË- Policia e Shtetit ka publikuar njoftimin zyrtar në lidhje me arrestimin e 33-vjeçarit, Hektor Ndoka, i cili ishte shpallur në kërkim ndërkombëtar për tentativën e vrasjes ndaj Preng Lucës, ngjarje e ndodhur në vitin 2021. Në njoftim bëhet me dije se 33-vjeçari, lindur në Lezhë, të cilit Gjykata e Rrethit Gjyqësor Lezhë, me vendimin e datës 16.12.2021, i ka caktuar masën e sigurisë “Arrest në burg”, për veprat penale “Pastrimi i produkteve të veprës penale ose veprimtarisë kriminale” dhe “Mbajtja pa leje dhe prodhimi i armëve, armëve shpërthyese dhe municionit luftarak”.

Ndoka u arrestua bashkë me Edmir Vlashin, përkatëisht në Madrid dhe Barcelonë për tentativën e vrasjes së Preng Palucës dhe bashkëshortes së tij. Të dy thurën dhe vunë në jetë planin për ti vrarë, ku përpjekja e fundit dështoi në dhjetor të 2021. Policia shqiptare kërkoi asokohe në banesat e tyre ku gjeti dhe zbuloi një arsenal armësh dhe një sasi para kesh prej 90 mijë euro. Për Vlashin nuk ka asnjë detaj nga Policia e Shtetit.

Policia e Shtetit

Vijon bashkëpunimi me partnerët ndërkombëtarë, për lokalizimin, kapjen dhe ekstradimin e personave të shpallur në kërkim ndërkombëtar. Si rezultat i shkëmbimit të informacionit mes Policisë shqiptare dhe Policisë spanjolle, në kuadër të operacionit “Madrid“, nga Policia spanjolle u bë e mundur kapja në Spanjë dhe arrestimi provizor, me qëllim esktradimin drejt Shqipërisë, i një 33-vjeçari shqiptar në kërkim ndërkombëtar. 33-vjeçari i kërkuar, shtetas me precedent të theksuar kriminal dhe me rrezikshmëri të lartë shoqërore, i dyshuar për disa ngjarje të rënda kriminale në fushën e krimeve kundër jetës dhe pronës. Në vijim të punës për lokalizimin, kapjen dhe ekstradimin e shtetasve të shpallur në kërkim ndërkombëtar, si rezultat i shkëmbimit të informacionit mes Policisë shqiptare dhe Policisë spanjolle, në kuadër të operacionit policor të koduar “Madrid”, nga Policia spanjolle u bë i mundur lokalizimi dhe kapja në Spanjë, e shtetasit shqiptar të shpallur në kërkim ndërkombëtar: H. N., 33 vjeç, lindur në Lezhë, të cilit Gjykata e Rrethit Gjyqësor Lezhë, me vendimin e datës 16.12.2021, i ka caktuar masën e sigurisë “Arrest në burg”, për veprat penale “Pastrimi i produkteve të veprës penale ose veprimtarisë kriminale” dhe “Mbajtja pa leje dhe prodhimi i armëve, armëve shpërthyese dhe municionit luftarak”.

Shtetasi H. N. është shpallur në kërkim ndërkombëtar në kuadër të operacionit policor të koduar “Mataro”, i zhvilluar në muajin dhjetor 2021, nga strukturat e DVP Lezhë. Gjatë këtij operacioni u arrestuan në flagrancë 3 shtetas dhe u shpallën në kërkim 2 të tjerë. Gjithashtu, gjatë operacionit janë sekuestruar: 2 mina me telekomandë me lëndë eksplozive C4, të përgatitura gati për shpërthim, 2 armë automatike me shënjestër optike, 2 kallashnikovë, 1 armë automatike model “Scorpions” me silenciator me dy krehra, 1 armë zjarri pistoletë model “Glock” me një krehër me 11 fishekë, fishekë luftarak, kapsolla detonatore, fitil zjarrrpërcjellës, 1 armë gjahu, 2 radio marrëse-dhënëse si ato të Policisë, 2 skafandra motori dhe 1 automjet, si dhe rreth 90 000 euro të përfituara nga aktiviteti kriminal.
 Në zbatim të marrëveshjes së bashkëpunimit mes Interpol Tirana dhe homologëve spanjollë, do të bëhet ekstradimi i këtij shtetasi nga Spanja drejt Shqipërisë.

Preng Paluca

TIRANË- Shqipëria, vendi ku lahen të gjithë ‘haqet’ e prishjes së pazareve të drogës jashtë vendit, u kthye në ‘arenën’ e përgatitjes së vdekjes për Preng Palucën, tre herë rresht. 52-vjeçari ka rënë tre herë pre e atentateve, në dhjetor të vitit 2021, në gusht të vitit 2021 bashkë me gruan dhe në vitin 2018 është sulmuar me lëndë plasëse.

Shkak, pazaret e drogës në Belgjikë e Spanjë.

Por, në të treja rastet, Paluca ka qenë njeri mjaft me fat, ashtu si edhe sot, kur policia soanjolle njoftoi se ka vënë në pranga dy urdhëruesit për atnetatin e organizuar ndaj tij në dhjetor të vitit 2021, Edmir Vlashi (Ndoka) dhe Hektor Ndoka (Sadiku).

Të dy janë arrestuar në Spanjë, por janë të njëjtët që organizuan atentain ndaj Palucës e vëllait të tij, por nuk e realizuan dot. Në lojë u futën dhe tre persona të tjerë, Mark Lamja e Nikoll dhe Marie Marku (burrë e grua).

Mark Lamkja, edhe Edmir Vlashi janë dhëndurë të Nikoll dhe Marie Markut dhe e shfrytëzonin lokalin e tyre si bazë për grupin e vrasësve me pagëse. Burrë e grua bashkë me Lamkjën e vunë në pranga krejt rastësisht pasi Policia e Lezhës u sinjalizua se kishin arsenal armësh.

Në këtë mënyrë policia, duke përgjuar telefonat  çiftit dhe të njërit prej dhëndurrëve ra në gjurmët e dy personave që po planifikonin atentatin në Kamëz.

Edmir Vlashi dhe Hektor Ndoka kishin pak kohë që sapo ishin kthyer nga Belgjika dhe kishin ardhur disa herë në Tiranë, për të vëzhguar objektivin e tyre, por plani u dështoi.

Kush i urdhëroi Vlashin e Ndokën? Burimet në atë flisnin për një ortak të vjetër të Palucës që rrintë ne Belgjikë e Spanjë, por emri nuk i është zbuluar, të paktën deri më tani….

SPANJË- Edmir Vlashi dhe Hektor Ndoka janë dy shqiptarët e arrestuar nga Policia Spanjolle në Barcelonë, pasi akuzohen për atentatin e kryer ndaj Peng Palucës dhe bashkëshortes së tij tij, Antoneta, ngjarje e ndodhur më 7 gusht të vitit 2021 në Kamëz. 

Preng Paluca u planifikua të vritej me mina të telekomanduara nga një grup kriminal rival, për shkak të prishjes së një pazari droge në Belgjikë e Spanjë. Porositësit kishin ‘kontraktuar’ për të bërë punën 3 persona; Hektor Sadiku (Ndoka), Edmir Vlashi (Marku) dhe Mark Lamkja. Këta të fundit planifikonin çdo gjë në lokalin e vjehrrit dhe vjehrrës së tyre, Nikoll e Marie Marku.

Plani për atentatin u zbulua krejt rastësisht pasi Policia u informua se çifti Marku dhe dhëndri i tyre Mark Lamkja posedonin arsenal armësh. Në këtë mënyrë policia ra në gjurmët e dy personave të cilët do të kryenin vrasjen. Edmir Vlashi dhe Hektor Ndoka kishin pak kohë që sapo ishin kthyer nga Belgjika. Ata kishin ardhur disa herë në Tiranë, ndërsa më datë 7 u nisën 'ekzekutorët'.

Çifti Marku dhe dhëndrri i tyre Mark Lamkja u vunë në pranga, ndërsa Edmir Vlashi dhe Hektor Ndoka u shpallën në kërkim.

MADRID- Dy shqiptarë të superkërkuar nga Policia e Shtetit janë arrestuar mëngjesin e sotëm në Spanjë. Mediat spanjolle shkruajnë se dy shqiptarët e arrestuar në Barcelonë dhe Madrid janë arratisur nga Shqipëria pasi kërkoheshin për një atentat të dështuar në vitin 2021. Policia shqiptare ka njoftuar Interpolin në muajin nëntor se ata mund të ndodheshin në Spanjë. Ngjarja për të cilën kërkohen është e bujshme sipas mediave, të cilat nuk japin më shumë detaje por thonë se lidhet me tentativën e vrasjes së anëtarëve të një bande rivale. 

Ata akuzohen për veprat penale të armëmbajtjes, mbajtjes së lëndëve plasëse dhe pastrimit të parave. Në Shqipëri gjithashtu kërkohen për një sasi lende plasëse që iu është gjetur. Policia spanjolle i cilëson ata si krerët e një organizate kriminale. Grupi i drejtuar prej tyre po përgatiste një sulm për të vrarë disa persona të përfshirë në trafikun e drogës që po tentonin ti ndërprisnin aktivitetin kriminal grupit. 

Por pavarësisht arrestimit nga policia spanjolle, për ta nuk dihen të dhënat e plota, përveç skedës kriminale në Shqipëri, ku theksohet se njëri prej të arrestuarve ishte i lidhur me zbulimin në Shqipëri të lëndëve plasëse të ndryshme të tipit C-4, pesë armë zjarri automatike, një armë zjarri të shkurtër së bashku me katërmbëdhjetë gëzhoja, disa pajisje celulare dhe 88 990 euro cash.

Ai po hetohej në Spanjë për këto aktivitete të paligjshme pasi u gjetën tre armë zjarri, dy silenciatorë dhe disa gëzhoja, të gjitha të fshehura mes rrobave. Pas përpjekjeve të ndryshme, ai ka mundur të lokalizohet në Turqi me qëllim që të kthehej në Barcelonë, ku ai ishte aktualisht dhe ku u arrestua me uljen në aeroportin e Barcelonës./Dosja.al