Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
• Dy të arrestuar ditën e sotme kanë arritur të largohen nga "duart" e policëve në Elbasan. • Në lidhje me ngjarjen ka reaguar edhe policia. • Në një njoftim zyrtar policia bën me dije se mesditën e sotme vuri në pranga një 29-vjeçar dhe një 33-vjeçar për vjedhje. • Dy të arrestuarit mësohet se janë vënë në pranga pasi kanë grabitur me dhunë një tabakino. • Policia bën me dije se dy të arrestuarit pasi i kanë zbritur nga automjeti me qëllim kryerjen e procedurave, ata kanë mundur të largohen me vrap. • Më tej bëhet me dije se pas ngjarjes është bërë e mundur kapja e 29-vjeçarit ndërsa janë në kërkim të 33-vjeçarit.
4 artikuj për këtë temë.
ELBASAN- Dy të arrestuar kanë arritur të arratisen nga Drejtoria e Policisë së Elbasanit. Në lidhje me ngjarjen ka reaguar edhe policia. Në një njoftim zyrtar policia bën me dije se mesditën e sotme vuri në pranga një 29-vjeçar dhe një 33-vjeçar për vjedhje.
Policia bën me dije se dy të arrestuarit pasi i kanë zbritur nga automjeti me qëllim kryerjen e procedurave ku më pas ata kanë mundur të largohen me vrap. Më tej bëhet me dije se pas ngjarjes është bërë e mundur kapja e 29-vjeçarit ndërsa janë në kërkim të 33-vjeçarit.
Njoftimi i plotë:
Elbasan/ Mesditën e sotme, shtetasit N. L., 29 vjeç dhe E. P., 33 vjeç, pas masës së sigurisë në Gjykatën e Elbasanit, të ndaluar më datë 28.12.2024, për veprën penale "Vjedhja", pasi i kanë zbritur nga automjeti shërbimet e Policisë me qëllim kryerjen e procedurave për transferim në IEVP, këta shtetas kanë mundur të largohen me vrap nga ambientet e DVP Elbasan.
Si rezultat i veprimeve policore është bërë e mundur kapja e njërit prej tyre, shtetasit E. P., dhe vijon puna për kapjen e shtetasit tjetër, N. L.. Në lidhje me këtë rast, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor ndaj punonjësve të Policisë dhe Agjencia e Mbikëqyrjes Policore ka nisur hetimin penal.
ELBASAN- Dy të arrestuar ditën e sotme kanë arritur të largohen nga "duart" e policëve në Elbasan. Të arrestuarit arritën të arratiseshin nga Drejtoria e Policisë së Elbasanit pas disa orësh që ishin vënë në pranga për vjedhjen e një tabakinoje. Disa minuta pas arratisjes është bërë ë mundur kapja e njërit prej tyre ndërsa tjetri është ende në arrati.
Ndërkohë raportohet se godina e Drejtoria e Policisë së Elbasanit po rikostruktohet nga kompania e Bujar Shegës, person i cili rezulton në Dosjen e Elbasanit. Duke qenë se godina është duke u rikontruktuar dy të arrestuarit mund të kenë përfituar nga punimet e papërfunduara dhe "dyert e dobëta" në godinë dhe kanë arritur të largohen. Nuk është e sigurt nëse ata kanë përfituar nga rikontruksioni por patjetër lind pyetja a i favorizoi rikostruksioni ata?
Bujar alias Marsel Shega është një nga personat për të cilët është ekzekutuar masa e sigurisë “arrest në burg” pas operacionit të SPAK në Elbasan në nëntor të këtij viti. Biznesmenit iu vunë prangat në Milano të Italisë. Shega, administrator i dy kompanive "Viola Green" dhe "Wonder Green", dyshohet se pastronte para për grupet kriminale. Sipas raportimeve, kompanitë e tij, kanë fituar tendera për pastrimin e disa qyteteve dhe Shega njihet për njohje dhe lidhje të forta në politikë. Shega, është i njohur për lidhje me trafikun e drogës me Suel Çelën.
Nga një investigim i"Ina Media" është zbuluar lidhja e Bujar Shegës me një tjetër biznesmen të njohur në Elbasan, Nazif Bajrami, i hetuar për lidhje me trafikun e drogës. Investigimi zbuloi një tender të dyshimtë të kompanisë “Bajrami SHPK”, me pronar Nazif Bajramin, që kishte lidhje me Universitetin e Elbasanit, “Aleksandër Xhuvani”. Për këtë tender ka të dhëna se është kërcënuar administratori. Bëhet fjalë për tenderin me objekt “Ndërtimi i Godinës së Fakultetit të Shkencave Mjekësore Teknike”, me fond limit 738 milionë lekë, të zhvilluar më 31 janar 2024. Administratori i universitetit është kërcënuar nga Bujar (Marsel) Shega, që tenderi të fitohej nga miku i tij, Bajrami.
ELBASAN- Detaje të reja janë bërë me dije në lidhje me arratisjen e dy të arrestuarve në Elbasan. Dy të arrestuarit mësohet se janë vënë në pranga pasi kanë grabitur me dhunë një tabakino.
Gjithashtu raportohet se njëri prej të arratisurve është kapur nga policia ndërsa personi tjetër është në arrati. Weblajm raportoi se dy kontigjentët e krimit ishin arrestuar prej disa orësh. Mësohet se ka 30 minuta që dy të arrestuarit janë arratisur.
Policia është vënë në kërkim, teksa po punohet për kapjen e tyre. Dosja.al ka kontaktuar Drejtorinë e Policisë së Elbasanit por deri më tani nuk ka marrë asnjë përgjigje.
ELBASAN- Dy të arrestuar janë arratisur ditën e sotme nga Drejtoria e Policisë së Elbasanit. Weblajm raporton se dy kontigjentët e krimit ishin arrestuar prej disa orësh. Mësohet se ka 30 minuta që dy të arrestuarit janë arratisur.
Policia është vënë në kërkim, teksa po punohet për kapjen e tyre. Dosja.al ka kontaktuar Drejtorinë e Policisë së Elbasanit por deri më tani nuk ka marrë asnjë përgjigje.
