Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Kryetari i Partisë Demokratike, Sali Berisha, deklaroi gjatë konferencës me gazetarët të mbajtur ditën e sotme se, protesta e 8 majit pati një jehonë të jashtëzakonshme në mediet botërore. • Ai e cilësoi protestën si ‘uragan lirie’ që tronditi themelet e qeverisë. • Kryedemokrati u shpreh se, protesta u pasqyrua nga agjencitë më prestigjioze ndërkombëtare si Reuters, Getty Images, Deutsche Ëelle dhe Anadolu Agency, duke i prezantuar dhe me tituj nga mediat ndërkombëtare, të cilat shkruanin se, ajo ishte një kryengritje paqësore kundër korrupsionit, ndërsa qëndrimi i policisë ndaj protestuesve u përshkrua si ‘shtazor dhe barbar’. • Berisha kërkoi gjithashtu edhe organizim më të mirë të protestës. • Duke folur për Edi Ramën, Berisha u shpreh, se krijimi i kompanisë shtetërore Albania Digital Solutions, është një mjet i ri për përvetësim të parave publike. • I pyetur nga gazetarët në lidhje me akuzat e Edi Ramës se opozita po bllokon procesin e integrimit europian, kryetari i PD-së, Sali Berisha ktheu akuzën duke thënë se pengesën e vërtetë e përbëjnë ata që falsifikojnë zgjedhjet dhe lidhen me krimin e organizuar.
3 artikuj për këtë temë.
TIRANË- Kryetari i Partisë Demokratike Sali Berisha ka komentuar kritikat e ambasadorëve të BE-së në vendin tonë, por edhe të Brukselit, të cilët dënuan sulmet që kryedemokrati bëri ndaj diplomatit të Bashkimit Evropian në vendin tonë, Silvio Gonzato, duke e quajtur atë “ambasador të Ramës”. Duke folur në konferencë me gazetarët, Berisha tha se ka respekt për BE dhe ambsadorët, por nuk u tërhoq nga qëndrimi i tij, duke thënë se askush nuk e ndalon të denoncoj atë që e konsidern të padrejtë. Sipas tij, denoncimet që i ka konsideruar të padrejtë i ka denoncuar në vite dhe do vazhdojë ti denoncojë në vazhdim.
“Ajo që komentoj unë, unë u deklaroj shqiptarëve se në mënyrë absolute çdo gjë që kam thënë e kam patur dhe e kam të bazuar të paktën në dy ose më shumë burime. Unë kam respektin më të madhe dhe simpatinë më të madhe për Komisioni Evropian, për ambasadorët, por në mënyrë absolute nuk ka dhe nuk mund të ketë gjë në botë që me pengon mua të denoncoj atë çka unë e konsideroj të papajtueshme, të padrejtë dhe nuk kam ndërmend të ndalem në zinxhirin e komenteve. Nuk kam asnjë dëshirë të polemizoj, sepse unë kam respekt për KE, PE, përfaqësuesit e vendeve anëtare, por nuk pajtohem kurrë me akte të papranueshme. Ndaj dhe i kam denoncuar jo sot, por vite më parë, vite në vazhdim dhe do ti denoncoj. Të vërtetat nuk i fsheh, nuk do isha ky që jam. Ndaj dhe kjo është përgjigjja ime”, tha Sali Berisha./Dosja.al
TIRANË- Kreu i Partisë Demokratike, Sali Berisha deklaroi gjatë konferencës për mediat, se protesta e 8 majit kishte një jehonë të jashtëzakonshme. Berisha tha se qytetarët dërguan mesazhe të fuqishme në mbarë botën, duke i cilësuar ata si elitë e guximit të kombit.
"E patë pra se çfarë jehone të jashtëzakonshme. E patë se si disa dhjetëra mijëra qytetarë guximtarë, qytetarë shembullorë, qytetarë të përgjegjshëm, elitë e guximit të kombit, dërguan mesazhet më të fuqishme në mbarë botën se ata nuk pajtohen me vjedhjet e qeverisë së Edi Ramës dhe Edi Ramës. Se ata nuk pajtohen me dhunimin e votës. Se ata nuk pajtohen me një pushtet të paligjshëm. E vërteta është se në atë bulevard dhe tek ata qytetarë përfaqësohej mbarë kombi shqiptar. Njerëzit e ndershëm që jetojnë me djersën e tyre, që duan këtë vend dhe të ardhmen e tyre evropiane," tha Berisha./Dosja.al
TIRANË- Kreu i Partisë Demokratike, Sali Berisha publikoi raportime të mediave ndërkombëtare për protestën e 8 majit në Tiranë, duke e cilësuar atë si dëshmi se “shqiptarët nuk pajtohen me vjedhjet”. Gjatë konferencës për shtyp, Lideri i opozitës vlerësoi pjesëmarrjen e dhjetëra mijëra qytetarëve në bulevard si akt përgjegjësie qytetare, në mbrojtje të shtetit ligjor dhe të ardhmes evropiane të vendit.
Ai referoi raportime nga media si Nova News, Reuters, Deutsche Welle, Getty Images dhe Anadolu Agency, të cilat pasqyruan tensionet, përplasjet dhe akuzat për korrupsion gjatë protestës.
"E solla këtu në radhë të parë edhe si një vlerësim i jashtëzakonshëm për ata dhjetëra mijëra shqiptarë që mbushën bulevardin në emër të përgjegjësisë qytetare, në emër të shtetit ligjor, në emër të të ardhmes evropiane të Shqipërisë.
Ndaj dhe kërkoj të ndjekim së bashku sekuenca të shkurtra. NOVA News: ‘Shqipëria, tensione gjatë protestës së opozitës në Tiranë’. Edhe policia hedh vetë tani lëndë piroteknike. Reuters! Getty Images, e keni parasysh çfarë është, agjencia më prestigjioze e fotografive në botë. T’ua lexoj pak këto. ‘Protestuesit u mblodhën para ndërtesës së kryeministrit dhe kërkojnë dorëheqjen e tij. Partia kryesore e opozitës e akuzoi qeverinë për korrupsion’. Zëri i protestuesve. Radio-televizioni Deutsche Welle: ‘Protestat kundër qeverisë në Shqipëri shndërrohen në dhunë’. I shndërroi policia.
Vazhdo. ‘Hetimet për korrupsion shkaktojnë kryengritje paqësore’. ‘Protestuesit përleshen me forcat e policisë’. Heronj të vërtetë. Elita e guximit e kombit. ‘Vazhdojnë protestat kundër qeverisë’. Kjo ëshët foto e Reuters. Kjo e 100 vetëve në bulevard. Kjo një tjetër foto e agjencisë Anadolu. E ka marrë nga Reuters. ‘Korrupsioni shkakton konflikt në Tiranë’. Urdhëroni, betejë. Shihni vetë pamjet. Janë frymëzuese. Është frymëzues guximi i protestuesve. Famëzeza Balluku, ja ku e keni, citohet në të gjithë botën. Urdhëro çfarë thotë: ‘Protesta të dhunshme nga policia për hetimet për korrupsionin’. Ja, shikoni egërsinë ndaj protestuesve paqësorë. Shiheni. Ta dëgjojmë pak! Këta janë shqiptarë që nuk pajtohen me vjedhjen. Nderim! Vazhdojmë, Reuters është prapë. ANI, një agjenci tjetër kjo. Shikoni barbarinë e kriminelëve që mbrojnë kriminelët. E kanë marrë disa agjenci këtë të Reuters-it," tha Berisha./Dosja.al
