Këshilli Bashkiak i Himarës zgjedh sot drejtuesin/ Tensione në mbledhje, banorët kërkojnë largimin e Tavos, përplasen me policinë
Shtyhet mbledhja në Këshillin Bashkiak të Himarës/ Mbështetësit e Belerit kërkojnë largimin e Tavos, p&e...
Shtyhet mbledhja në Këshillin Bashkiak të Himarës/ Mbështetësit e Belerit kërkojnë largimin e Tavos, p&e...
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
• Zhvillime të reja nga tërmeti i fuqishëm i 6 shkurtit në Turqi dhe Siri. • Bilanci i viktimave është rritur në mbi 48 mijë. • Agjencia turke e menaxhimit të fatkeqësive AFAD ka regjistruar më shumë se 7,200 pasgoditje që nga 6 shkurti, me disa të regjistruara me magnitudë mbi 5.0 duke lënë shumë banorë në rajonin e goditur nga tërmeti. • Tërmeti i fundit me magnitudë 6.4 dhe pasgoditja me intensitet 5.8 që goditi provincën jugore të Hatay të Turqisë në fillim të kësaj jave kanë shkaktuar dëme të shumta pasi agjencia e menaxhimit të fatkeqësive AFAD rriti sërish numrin e fundit të vdekjeve nga fatkeqësia e 6 shkurtit në 42,310. • Gjashtë viktima të tjera dhe 562 të plagosur u raportuan nga tërmeti i së hënës që goditi Hatajn. • Dy të vdekur dhe disa të plagosur u raportuan gjithashtu në Siri. Ndërkohë, numri i raportuar në Siri është 5814, i cili prej ditësh ka mbetur i pandryshuar. • Presidenti turk Rexhep Taip Erdoganpremtoi se brenda vitit qeveria do të rimëkëmbte të gjitha zonat e rrënuara.
6 artikuj për këtë temë.
RUSI- Shqetësimi ndërkombëtar për një përshkallëzim të mundshëm të pushtimit rus të Ukrainës me aktivizimin e faktorit kinez po intensifikohet, pas takimit të sotëm mes presidentit rus Vladimir Putin dhe kreut të diplomacisë kineze, Wang Yi. Nga ana e tij, presidenti rus pohoi se marrëdhëniet kino-ruse "stabilizon situatën ndërkombëtare", ndërsa pritet një plan paqeje kinez për Ukrainën, i cili supozohet të bëhet publik këtë javë.
“Marrëdhëniet e sotme ndërkombëtare janë të komplikuara. Në këtë kontekst, bashkëpunimi ndërmjet Kinës dhe Rusisë ka një rëndësi të madhe për stabilizimin e situatës ndërkombëtare,”- tha kreu i diplomacisë kineze, Wang Yi.
Vizita e Xi në Moskë
Veçanërisht, Vladimir Putin rrallë pret zyrtarë të huaj që nuk janë kryetarë shtetesh dhe ky takim nënvizon edhe një herë marrëdhënien e privilegjuar midis Kremlinit dhe aleatit të tij kinez. Putin shprehu kënaqësinë për takimin e tij dhe shtoi se pret që presidenti kinez Xi Jinping të vizitojë Rusinë, gjë që mund të ndodhë në pranverë.
Në të njëjtën kohë, vizita e Wang Yi në Rusi vjen pasi Kina kërkon të luajë një rol ndërmjetësues në konfliktin ukrainas duke folur publikisht për një plan paqeje - i cili mbetet shumë i paqartë për momentin - për të gjetur një zgjidhje politike. Wang Yi mbërriti në Moskë, pas takimit javën e kaluar me ministrin e Jashtëm ukrainas Dmytro Kuleba gjatë konferencës së sigurisë që po organizohej në Mynih, ku ai i prezantoi, sipas Kievit, "elementet kryesore të planit paqeruajtës kinez" për Ukrainën.
Kina ka premtuar të bëjë publike propozimin e saj për një "zgjidhje politike" këtë javë, në kohë për përvjetorin e parë të fillimit të ofensivës ruse në Ukrainë më 24 shkurt 2022. Pekini ka kërkuar gjithashtu që të respektohet integriteti territorial i Ukrainës, ndërsa Moska pretendon aneksimin e pesë rajoneve të Ukrainës.
Shqetësimi ndërkombëtar
Megjithatë, po aq sa deklaratat e presidentit rus, Vladimir Putin, për mirëseardhjen e delegacionit kinez bënë xhiron e botës. Për disa analistë, takimi i sotëm është një pushim për Kremlinin përballë turneut spektakolar të presidentit amerikan Joe Biden në Ukrainë dhe Poloni, me të cilën ai konfirmoi mbështetjen e palëkundur të SHBA-së për Ukrainën.
TURQI- Një 66- vjeçar shpëtoi nga rrënojat e tëmetit të fuqishëm pasi telefonoi gruan e tij për ndihmë e cila ndodhej në Austri.
Siç raportojnë mediat turke, Tarık Halefoglu mbeti nën rrënoja si pasojë e shembjes së një shtëpie dykatëshe nga tërmeti por është sinjalizuar nga emergjencat civile pasi ai arriti të telefononte bashkëshorten e tij për të kërkuar ndihmë. Dhurata Halefoglu, e cila erdhi në Turqi me avionin e parë, u pikëllua kur pa shtëpinë e saj të rrënuar, por ishte i lumtur që bashkëshorti i saj shpëtoi.
TURQI- Një ushtar turk duke ndihmuar një qytetar të prekur nga tërmeti i fuqishëm i 6 shkurtit, ky është momenti i filmuar nga zonat e shkatërruara në Turqi që po bëhet viral në media. Videoja, e publikuar të hënën nga Ministria e Mbrojtjes tregon ushtarin duke i dhënë çizmen e tij një personi që nuk kishte këpucë në zonën e tërmetit.
"Një ushtar turk hasi në një të mbijetuar pa këpucë. Në një rrugë të mbuluar me borë, ushtari pa viktimën e tërmetit vetëm me çorape dhe hoqi çizmen e tij e ia dha asaj", thuhet në shpjegimin e videos në platforma.
Mehmetçik, bu millet ve bu devlet için göz kırpmadan canını vermeye yemin etmiştir!
— T.C. Millî Savunma Bakanlığı (@tcsavunma) February 20, 2023
Bu nedenle yolda gördüğü vatandaşımızın ayağında ayakkabı olmadığını görünce kendi botunu vermekten geri durmaz.
Kendisine verilen ne varsa asıl sahibinin bu millet olduğunu iyi bilir. pic.tëitter.com/gJxICIRQXr
Platformat gjithashtu cituan një deklaratë të Ministrisë së Mbrojtjes së Türkiye-s, ku thuhej se, ushtari turk është betuar të sakrifojë jetën e tij pa hezitim për këtë popull dhe këtë vend. Prandaj, kur sheh një qytetar në rrugë që nuk ka këpucë në këmbë, ai nuk heziton të japë çizmen e tij.
Sipas shifrave zyrtare, të paktën gjashtë persona humbën jetën dhe 562 të tjerë u plagosën në dy tërmetet e të hënës me magnitudë 6,4 dhe 5,8, që goditën provincën jugore Hatay. Tërmetet me qendër në Hatay erdhën vetëm dy javë pas dy tërmeteve të fuqishme me magnitudë 7,7 dhe 7,6 që më 6 shkurt goditën provincën Kahramanmaras, si pasojë e të cilëve humbën jetën të paktën 42.310 persona. Nga tërmetet e 6 shkurtit u prekën mbi 13 milionë njerëz në gjithsej 11 provinca turke. Disa vende në rajon, përfshirë Sirinë dhe Libanin, po ashtu ndjenë lëkundjet e forta që goditën Türkiye-n jugore më 6 shkurt brenda më pak se 10 orëve.
TURQI- Presidenti turk Rexhep Tajip Erdogan synon të mbajë zgjedhjet në Turqi siç janë planifikuar në muajin qershor. Mesa duket qeveria e Erdogan ka vendosur mos të shtyjë zgjedhjet për shkak të tragjedisë së tërmetit të fuqishëm të 6 shkurtit në Turqi dhe Siri. Muajin e kaluar lideri turk, duke synuar të zgjasë sundimin e tij në një dekadë të tretë, tha se po i çonte votat presidenciale dhe parlamentare në maj për të shmangur pushimet në qershor.
Disa ditë pasi tërmeti goditi më 6 shkurt, duke vrarë më shumë se 42,000 njerëz në Turqi, një zyrtar tha se ai paraqiste vështirësi serioze për mbajtjen e zgjedhjeve në kohë. Tani anëtarët e kabinetit të presidentit thonë se qeveria është kthyer kundër idesë së shtyrjes së zgjedhjeve.
"Ka shumë gjasa që të arrihet një marrëveshje për mbajtjen e zgjedhjeve më 18 qershor," tha një zyrtar qeveritar, duke shtuar se Erdogan dhe aleati i tij nacionalist Devlet Bahçeli do të takohen për të marrë një vendim përfundimtar.
Përpara katastrofës, popullariteti i Erdoganit ishte gërryer nga kostoja e lartë e jetesës dhe rënia e lirës. Që atëherë ai është përballur me një valë kritikash për reagimin e qeverisë së tij ndaj tërmetit më vdekjeprurës në historinë moderne të vendit. Turqia nisi një skemë të përkohshme të mbështetjes së pagave dhe ndaloi pushimet nga puna në 10 qytete të mërkurën për të mbrojtur punëtorët dhe bizneset nga ndikimi financiar i tërmetit. Zyrtari qeveritar tha se zgjedhjet e majit, siç kishte planifikuar më parë Erdogan, do t'u linin pak kohë autoriteteve zgjedhore për t'u përgatitur dhe për të bërë rregullime logjistike për votimin e të prekurve në zonën e tërmetit, shtëpia e rreth 13 milionë njerëzve.
TURQI- Një nga të mbijetuarit e tërmetit të fuqishëm të 6 shkurtit në Turqi ishte edhe Babit Babacan. Ai ka treguar me detaje tmerrsin që përjetoi bashkë me famijen e tij në momentin kur shtëpia u shemb mbi ta. Për shkak të lëndimeve të rënda në trup, Babacanit iu prenë dy këmbët mbi gju dhe krahu i majtë. Në momentin kur shptëpia e tij u shemb nga tërmeti, ai ishte brenda bashkë me gruan dhe tre fëmijët e tyre. Mediat turke raportojnë se ai ka qëndruar tre ditë nën rrënoja. Aktualisht ai ndodhet në spital për të marrë ndihmë mjekësore, por i nevojiten para për të vendosur proteza në gjymtyrët.
“Ndaluan kovën dhe më shpëtuan. Shtëpia u shemb papritur. Rrënojat ranë mbi mua, bërtita dhe askush nuk dëgjoi. Në atë moment ndjeva vdekjen. Thashë se po shkoj në shtëpinë e babait tim të ndjerë. Në ditën e 3-të të tërmetit, unë bërtita ‘Jam këtu!’ ndërsa fadroma ishte duke punuar. Ata ndaluan kovën dhe më shpëtuan. Këmba ime e majtë ishte pak më mirë, këmba tjetër dhe krahu i majtë ishin shtypur. I hapa sytë në spital”, ka rrëfyer 41-vjeçari.
Mjekët bëjnë me dije se pas disa muajve, Babacanit ka nevojë për vendosjen e një proteze.
TURQI- Turqia ka mobilizuar të gjitha burimet dhe mjetet e saj për të kryer shërbimet e akomodimit dhe të jetesës për viktimat e tërmeteve të 6 shkurtit që goditën provincat jugore të vendit. Brenda një viti, vendi do të ringjallë fshatrat dhe qytetet e goditura nga tërmeti dhe gjithsej 70,000 shtëpi do të ndërtohen në fshatrat e prekura nga tërmetet me qendër Kahramanmaras për tu dorëzuar përfituesve të tyre.
Presidenti Recep Tayyip Erdogan në një konferencë në provincën jugore Osmaniye, po ashtu deklaroi se ata nisën një skemë të përkohshme të mbështetjes së pagave në 10 qytete të mërkurën dhe ndaloi pushimet nga puna për të mbrojtur punëtorët dhe bizneset nga ndikimi financiar i tërmeteve të fuqishëm që goditën jugun e vendit në fillim të këtij muaji.
Turqia synon të përfundojë ndërtimin e gati 200,000 shtëpive të përhershme dhe të vendosë qytetarët e saj në ato rezidenca brenda një viti në 11 provinca Adana, Adiyaman, Diyarbakir, Gaziantep, Hatay, Kahramanmaras, Kilis, Malatya, Osmaniye, Sanliurfa dhe Elazig. Ndërtesat e reja nuk do të kenë më shumë se tre ose katër kate përveç katit përdhes. Numri i të vdekurve nga tërmetet e fuqishme është rritur në 42,310, sipas agjencisë së menaxhimit të fatkeqësive të vendit.