"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Shqipëria sot feston 110 vjetorin e pavarësisë. Kjo ditë lidhet ngushtësisht me Ismail Bej Qemalin, i cili më 28 nëntor të vitit 1912 ngriti flamurin në Vlorë duke shpallur Shqipërinë shtet të pavarur dhe sovran. • Në këtë ditë të shënuar për mbarë shqiptarët në trevat shqipfolëse nuk do të mungojnë as aktivitetet e ndryshme ku sigurisht epiqendra do të jetë Vlora. • Pikërisht në Vlorë janë mbledhur dhe krerët e shtetit të Kosovës dhe Shqipërisë. • Urime nga të gjithë. • Edhe nga përtej oqeanit. President Joe Biden dhe sekretari Amerikan i Shtetit Anthony Blinken me anë të një letre ka uruar shqiptarët për Ditën e Flamurit. • Ndërkohë që sonte në sheshin 'Skëndërbej' këngëtarja shqiptare me famë botërore Dua Lipa ka mbajtur një koncert. • Festës së shqiptarëve i është bashkuar dhe gjigandi i kërkimit 'Google', i cili në faqe të parë ka vendosur flamurin Kuq e Zi me shqiponjën dy krenare.
27 artikuj për këtë temë.
TIRANË- Këngëtarja shqiptare ka mbyllur turneun e saj të albumir Future Nostalgia në Tiranë mbrëmjen e sotme. Nga performuar nga sheshi Skënderbej për 110 vjetorin e pavarësisë, Dua ka falenderuar të gjithë shqiptarët dhe fansat e saj për suportin që i kanë dhënë. Po ashtu ajo ka uruar edhe 110 vjetorin e pavarëisë së Shqipërisë në nisje të koncertit që u mbajt në Tiranë.
“Faleminderit shumë, urime 110 vjetorit të pavarësisë. Faleminderit për suportin, për energjinë që po na jepni sot. Kjo është nata e fundit e turneut, këtu sot përfundojmë në Tiranë me ju. Faleminderit shumë që jeni këtu”, u shpreh Dua Lipa.
ANGLI- Dita e ngritjes së flamurit ka bërë bashkë gjithë shqiptarët në Londër për të festuar. Duke u mbledhur në kryeqytetin e Anglisë, shqiptarët me flamuj kuqezi dhe me fishekzjarre kanë festuar 110 vjetorin e pavarësisë.
Ndërkohë që nga videoja e mëposhtme shihet dhe policia britanike, e cila thjesht po shoqëron festimet, për të siguruar mbarëvajtjen e tyre.
TIRANË- Dhjetëra të rinj në Tiranë kanë marrë makinat dhe kanë qarkulluar në rrugët e Tiranës, në 28 nëntor. Duke u vendosur makinave flamujt kuqezi, ata kanë zgjedhur të festojnë në këtë mënyrë 110 vjetorin e Shqipërisë.
Duke u rënë borive të makinave dhe ecur në grup me makinat, ata kanë lëvizur përgjatë sheshit “Nënë Tereza”, bulevardit “Dëshmorët e Kombit” dhe afër sheshit “Skënderbej”.
PRESHEVË- Dita e Flamurit është festuar edhe në Preshevë së bashku me Kosovën. Në Komunë është vendosur flamuri shqiptar nga kreu i këtij institucioni, Shqipërim Arifi. Por sipas gazetarit, Gazmir Raci, shteti serb nuk e lejon këtë akt patriotik dhe pritet të ketë gjobë për kryekomunarin Arifi. Sipas gazetarit qeveria e Shqipërisë duhet t’i dalë në krah Preshevës për të negociuar me Serbinë përdorimin e simboleve kombëtare.
“Sot është vendosur flamuri, në ndërtesën e bashkisë dhe është e jashtëligjshme. Shteti serb do e dënoi me gjobë. Këtu, Shqipëria duhet të ndërhyjë dhe të komunikojë me shtetin serb. Nuk mund të kemi standarde të dyfishta dhe mirëpres që kjo festë të reflektojë që duhet t’i qasemi më shumë Preshevës se ende nuk kanë të drejtë të vendosin flamurin kombëtar. Ka disa vite që kryetari i komunës së Preshevës dënohet më gjobë dhe i mohohet kjo e drejtë themelore”, tha gazetari në një intervistë për Report Tv.
TIRANË- Urime për Pavarësinë e Shqipërisë kanë ardhur nga kudo, por duket se nuk kanë munguar përshëndetjet edhe nga Serbia. Me rastin e 110-vjetorit të Pavarësisë Ministria e Punëve të Jashtme serbe ka përcjellë një mesazh për të gjithë shqiptarët.
“I dërgojmë urimet tona Ministrisë së Punëve të Jashtme të Shqipërisë dhe popullit të Shqipërisë, me rastin e festës së Pavarësisë, duke i uruar shëndet, begati dhe paqe,”- thuhet në njoftim.
Por përveç serbëve, sot Shqipëria ka marrë urime edhe nga NATO e nga zyrtarë të lartë të Shteteve të Bashkuara të Amerikës.
SHBA- 'Kuq e zi' është kryefjala e ditës së sotme, ku gjithë shqiptarët nëpër botë festojnë në kuadër të 110 vjetorit të Pavarësisë se vendit të tyre. Në të gjithë qarqet e vendit e kryesisht në Tiranë, atmosfera ndihet kudo, në prezencë të flamujve të vendosur sa në dritaret e shtëpive sa në kioska apo në rrugë kryesore, por jo vetëm. Këtë ditë po e festojnë edhe shqiptarët që ndodhen në Amerikë, në Garifled, New Jersey, nën shoqërinë e këngëve dhe veshjeve popullore shqiptare.
Po ashtu në bashkinë e Bedford në SHBA me nderim nga kryetari i bashkisë Dave Hogson është ngritur flamuri kombëtar. Në Këshillin Kombëtar Shqiptar në Serbi është nrgitur gjithashtu flamuri kuq e zi. Kryetari i Këshillit Ragmi Mustafi përmes një postimi në Facebook, ka thënë se flamurin e ngriti, për nder të sakrificës së shqiptarëve në Preshevë, Bujanoc dhe Medvegjë.
“Gëzuar 28 Nëntorin, Ditën e Flamurit! Edhe sot si katër vjet radhazi, nga pozita e kryetarit të këtij institucioni, vendosëm të valoj flamurin kombëtar në Këshillin Kombëtar Shqiptar. Në nderë të sakrificës së shqiptarëve në Preshevë, Bujanoc dhe Medvegjë. Pavarësisht, përndjekjes së autoriteteve serbe e ndalimit me ligj. Vetë ndalimi me ligj i flamurit kombëtar shqiptar është njollosje e tij nga shteti. Nuk i takon shtetit t’i përzgjedhë veçoritë identitare të bashkësive të ndryshme etnike/kombëtare. Këshillit Kombëtar Shqiptar do ta vazhdojë betejën politike dhe juridike për legalizimin e simboleve kombëtare shqiptare. Simbolet tona. Pa ndryshime. Pa dallime”, ka shkruar Mustafi në Facebook.
Ai shtoi se simbolet kombëtare nuk duhen ndryshuar./ Dosja.al
TIRANË- Atmosfera në Tiranë, në kuadër të festimeve për Ditën e Pavarësisë ndihet në pothuajse çdo rrugë të ktyeqytetit, pasi kudo janë vendosur flamuj kuq e zi. Përpos simbolit të flamurit në zonat më të populluara të kryeqytetit, ajo që ra në sy sot ishin edhe zbukurimet e vendosura nga vetë qytetarët në dritaret e banesave të tyre, apo në dyqanet e kioskat e vogla ku ata punonin.
"Kuq e zi" ishte kryefjala e ditës së sotme, në ditën e flamurit. Simbolet kombëtare mbizotërojnë në zonat kryesore të Tiranës dhe me më shumë lëvizje si Pazari i Ri, Bulevardi Dëshmorët e Kombit, Sheshi Skënderbej, etj.
Nga ana tjetër kujtojmë që këngëtarja e famshme shqiptare, Dua Lipa sonte do të mbajë një koncert në sheshin “Skënderbej” në Tiranë që do të shënojë edhe përmbylljen e turneut të saj “Future Nostalgia”./ Dosja.al
VLORË- Festa e Flamurit në Vlorë ka bërë bashkë krerët më të lartë të shtetit shqiptar dhe të Kosovës, por jo vetëm. Kryeministri Edi Rama përkohësisht u pajtua me kryebashkiakun e Vlorës, Dritan Leli, por duket se nuk ka qenë i vetmi. Rama vetë ka ndarë disa pamje në rrjetet sociale teksa ka zhvilluar vizitë në Muzuen ‘Kosova’ në Vlorë. Surpriza është deputeti demokrat Bujar Leskaj, me të cilin shihen teksa trokasin gotat, madje shkëmbejnë edhe biseda.
PJESË NGA BISEDA:
Bujar Leskaj: Është edhe sipër kati i tretë. Është komplet.
Edi Rama: Kryevepër.
Bujar Leskaj: Muzeu Kosova, Ibrahim Rugova...edhe Lidhja e Shqiptarëve të Prizrenit. Puna është që të jenë disa gjëra...materiale të dëshmorëve, ndonjë rrobë, ndonjë gjë...
Edi Rama: Duhet të kemi çik ne.
Mesa duket kanë harruar sherrin mes tyre, edhe pse Bujar Leskaj u përjashtua 10 ditë nga Kuvendi pasi kryeministri e akuzoi si të pirë dhe një person që përdorte gjuhë jo të denjë për Kuvendin. Epo mesa duket, përballë miqve e kanë kaluar momentin e vështirë.
VLORË- Një kafe për 28 nëntor ka bërë bashkë krerët e institucioneve në Kosovë e Shqipëri. Në një fotografi të publikuar nga Ilir Kërçeli, shef i stafit të kryekuvendarit Glauk Konjufca, shihet se pas ceremonisë dhe homazheve në Vlorë, të gjithë shkuan për një drekë nën shoqërinë e njëri-tjetrit.
Në fotografi shihet që në një tavolinë janë ulur bashkë presidentja Vjosa Osmani dhe kyeministri Edi Rama, ndonëse jo pranë njëri-tjetrit, por sërish duket se për pak i kanë lënë pas mëritë. Bashkë me ta në kafe ishin Lindita Nikolla, Glauk Konjufca, Blendi Klosi, Albin Kurti dhe Bajram Begaj.
VLORË- Qytetarë shqiptarë të ardhur nga troje të ndryshme janë bërë bashkë sot në sheshin e Flamurit në Vlorë. Shqiptarë të Kosovës kanë ardhur me autobusë për në Vlorë, por duket se nuk janë përballur me atmosferën që dëshironin. Por shqiptarët e Shqipërisë janë justifikuar me faktin që është akoma mëngjes dhe ndaj nuk ka shumë njerëz që qarkullojnë rrugëve të qytetit.
PJESË NGA INTERVISTA:
Shqiptari nga Kosova: Për mrekulli, për vit vijna e festojmë këtu. Duhet të ketë më shumë njerëz. Më mirë po duken ndryshimet. Kemi ardhur nga Kosova për të festuar.
Shqiptari tjetër nga Kosova: Kemi ardhur nga Ferizaj, kemi ardhur nga Kosova disa autobusë. Duhet të kishte më shumë njerëz. Të ishte e mbushur. Jemi pritur mirë, me kënaqësi që na urojnë rrugëve. Na thonë në Shqipëri që jeni më atdhetarë se ne. Nuk jemi, por kjo festë na bashkon.
Shqiptari nga Shqipëria: Sonte është shumë mirë e bukur, kështu u mbledhshim gjithmonë. Pak njerëz? Po mëngjes është akoma... Presim. Do ketë shumë njerëz.
BRUKSEL- Organizata e Traktatit të Atlantikut të Veriut e quajtur edhe Aleanca e Atlantikut të Veriut (NATO) uroi Shqipërinë në përvjetorin e 110-të të pavarësisë së Shqipërisë. Në faqen zyrtare të NATO-s në Facebook është publikuar një fotografi e ushtarëve shqiptarë me një urim mbi pozë.
“Bashkohuni me ne për të festuar me Aleatin tonë, Shqipërinë, në Ditën e Pavarësisë së tyre,”- thuhet në postim.
POSTIMI I PLOTË:
FIER- Një grup të rinjsh nga qyteti i Fierit kanë risjellë dhe njëherë në vëmendje nëntorin e vitin 1912. Në këtë ditë feste për gjithë kombin shqiptarë ata zgjodhën të kalojnë në rrugët e qytetit të hipur mbi kuaj, me plis në kokë dhe me flamujt Kuq e Zi.
Siç shihet edhe në videon e shpërndarë nga 'Ora News' ata kanë marshuar në rrugët e qytetit. Ndërkohë në qytet janë organizuar festime të ndryshme ditën e sotme ku kanë marrë pjesë autoritete të ndryshme shtetërore.
KOSOVË- Një grup alpinistësh nga Kosova kanë dhuruar një spektakël magjik në këtë 28 nëntor, që është dhe dita më e rëndësishme për kombin shqiptarë që shënon ditën e Pavarësisë. Kështu alpinistët Nexhat Palushi, Fadil Sahiti dhe Astrit Krasniqi janë ngjitur në majën e Bistrës me lartësi 2 651 metra dhe temperaturë -10 C. Video është publikuar në Facebooku nga Nexaht Palushi.
”Faleminderit për shokët, profesor Fadil Sahiti dhe Nexhat Palushi që e organizuan, e bënë madhështor dhe shumë mbresëlënës këtë aktivitet", shkruan ai.
TETOVË- Pamje magjike vijnë nga Tetova në Maqedoninë e Veriut ku grupi i tifozëve' Ballistët' ka dhuruar një spektakël të jashtëzakonshëm për të gjithë në ditën e Pavarësisë. Mbrëmjen e djeshme qielli i Ttetovës është 'pushtuar' nga ngjyrat e flamurit Kuq e Zi në një spektakël flakadanësh dhe jo vetëm.
Siç shihet edhe në video pamjet janë të mrekullueshme, një qytet i tërë që sot ka marrë dhuratën më të bukur në ditën që bashkon shqiptarët kudo në trevat shqipfolëse. Dritat në ngjyrë të kuqe që bënin dekorin më të bukur në errësirën e natës 'veshën' Tetovën si kurrë më parë. Ndërkohë këngët patriotike kushtuar heroit legjendar Adem Jashari dhe flamurit Kuq e Zi padiskutim do të mbahen mend gjatë nga të gjithë duke e bërë këtë 28 nëntor.
TIRANË- Tenori i njohur shqiptar Ramë Lahaj ka uruar 110-vjetorin e Pavarësisë së Shqipërisë ashtu siç di ai. Në rrjetet e tij sociale ka shpërndarë edhe njëherë versionin 'cover' të këngës "Për ty atdhe".
"Urime 28 Nëntori,"-shkruan ai krahas këngë.
SHIJOJENI:
VLORË- Dita e flamurit po festohet mes emocionesh në Vlorë. Shqiptarë të ardhur nga mbarë trevat shqipfolëse janë mbledhur në qytetin e flamurit për të festuar ditën e pavarësisë. Duke folur për mediat një shqiptar nga Çamëria nuk i ka mbajtur dot lotët teksa shprehet se populli ynë mezi e ka pritur këtë ditë. Ai tha se në Çamëri pavarësisht se nuk lejohej ata e festonin gjithmonë këtë ditë pasi prindërit ua kishin lënë amanet.
"Kam shumë emocione. Më falni për emocionet. Por kemi vuajtur shumë nga shteti grek. Jemi të emocionuar për ngritjen e flamuar. Në Çamëri e festonim gjithmonë 28 nëntorin. Babai ma la amanet. Edhe për 100-vjetorin kam qenë këtu", tha qytetari.
Pak histori
Me aktin e Shpalljes së Pavarësisë së Shqipërisë, Kryetari i Qeverisë së Përkohshme, Ismail Qemali njoftoi gjashtë Fuqitë e Mëdha: Anglinë, Italinë, Austro-Hungarinë, Francën, Gjermaninë dhe Rusinë. Po ashtu, u njoftuan edhe shtetet ballkanike: Rumania, Mali i Zi, Serbia, Bullgaria, Greqia e Turqia, duke u kërkuar njohjen e pavarësisë, si rrjedhojë e natyrshme e vullnetit të popullit shqiptar. Më 28 Nëntor, Ismail Qemali u shpall kryetar i Kuvendit dhe kryetar i parë i qeverisë së shtetit shqiptar. Pavarësia u shpall për të gjitha trojet shqiptare dhe ministrat u zgjodhën nga të gjitha krahinat shqiptare. Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar. Me vendimin e Kuvendit të Vlorës, kombi shqiptar fitoi të drejtën e tij të pamohueshme për të qenë i lirë e i pavarur, krahas kombeve e popujve të tjerë të Evropës.
TIRANË- Policia e Shtetit ka uruar të gjithë shqioptarët në këtë 110-vjetor të pavarësisë së vendit. Me anë të një video të postuar në Facebook Policia e Shtetit shkruan se se atdheu është e mira jonë e përbashkët dhe se efektivët janë të angazhuar 24 orë në 7 ditët e javës në çdo skaj të vendit pqër të siguruar jetën e qytetarëve dhe për të qenë barrikadë përballë krimit.
"Punonjësit e Policisë së Shtetit, betuar për Flamurin Kombëtar ???????? dhe në shërbim në çdo skaj të Shqipërisë, janë garantë të denjë dhe qytetarët të cilët mbartin përgjegjësinë e të qenit barrikadë ndaj krimit. Efektivët e familjes së madhe të Policisë së Shtetit, me të cilët qytetarët shkëmbejnë çdo ditë besim, përkushtim, respekt dhe përgjegjshmëri, Ju urojnë GËZUAR FESTËN E PAVARËSISË DHE FESTËN E FLAMURIT! Atdheu ynë është e mira jonë e përbashkët, është pasuria jonë e çmuar dhe përgjegjësia jonë ndaj brezave të ardhshëm, ndaj jemi 24/7, në çdo skaj të vendit, të gatshëm për t’ju shtrirë dorën e bashkëpunimit, për sigurinë tuaj, për të mirën e Shqipërisë. Gëzuar festat",thuhet në njoftimin e Policisë.
TIRANË- Sot shqiptarët kudo ndodhen festojnë 110-vjetorin e Pavarësisë. Kudo ndodhen, në Shqipëri por edhe në Diasporë, sado larg sot të gjithë i shoqërojnë këngë shqiptare dedikuar atdheut dhe kombit. Dosja.al ka përgatitur një "playlist" me 10 këngë patriotike që nuk duhet të lihen pa u dëgjuar sot, e që i shkojnë për shtat festës. “Për ty atdhe”, një këngë nga Mentor Xhemali deri tek vargjet e rerprëve duket se sot marrin më shumë vlerë se kurrë.
SHIJOJINI!
Xhamadani vija-vija
Elvana Gjata - Kuq e zi je ti (Official Music Video) ft. Flori
ROZANA RADI - O SA MIRE ME KEN SHQIPETAR
Dua më shumë Shqipërinë
Vaçe Zela - "Rrjedh në këngë e ligjërime"
Mentor Xhemali - Për ty Atdhe
Vaçe Zela- Rritim jetën tonë
Etnon feat Lyrical Son & Dj Blunt - Albanian
Petrit Lulo & Fahrije Zogaj - Nje komb nje flamur
Aurela Gace-Therret Prizreni mori Shkoder
TIRANË- Kryetari i Partisë Demokratike Sali Berisha ka uruar të gjithë shqiptarët me rastin e ditës së pavarësisë. Në një mesazh në Tik Tok kreu i selisë blu shprehet se ka ardhur koha që të gjithë të bashkohemi për të përzënë regjimin që përzë shqiptarët. Berisha shprehet se sot kombi ndodhet para një problemi të madh, sipas tij regjimi që përzë shqiptarët duhet të largohet. Kreu i selisë blu e ka mbyllur përshëndetjen e tij me një thirrje për të gjithë shqiptarët që të marrin fatin e tyre në dorë dhe përgjegjësit e tyre.
"Të dashur miqtë e mi të Tik Tok-ut, Me këtë mesazh dëshiroj t’ju uroj nga zemra Gëzuar Ditën e Flamurit! Ditën e Pavarësisë së Shqipërisë! Të shpreh nderimin tim më të thellë, për Ismail Qemalin dhe për të gjithë ata burra dhe gra që sakrifikuan me jetë, me penë dhe ne të gjitha format bënë të mundur pavarësinë e këtij vendi. Pavarësia e Shqipërisë është si të thuash festa e të gjitha festave të Shqipëtarëve. Pa pavarësinë e Shqipërisë, ne do të ishim vidhisur në honet apo mjegullnajat e Ballkanit. Lavdi Zotit, sot ne jemi të lirë! Në Shqipëri, në Kosovë dhe kudo që ndodhemi. Por sot, ne kemi një problem shumë të madh, këtë regjim i cili, me politikat që ndjek, me antireformat që realizon, me plaçkitjen që i bën pasurisë kombëtare dhe fondeve publike, po përze shqiptarët! Po përze rininë e kombit, sa asnjë regjim tjetër në histori. Ndaj dhe kjo ditë është një thirrje për çdo të ri të këtij vendi, për çdo shqiptar të marrë përgjegjësitë e tij në mënyrë që Shqipërinë, këtë tokë të begatë, këtë vend të bekuar ta shndërrojmë në kopshtin më të bukur të ëndrrave tona në shtëpinë e së ardhmes sonë. Zoti e bekoftë Shqipërinë! Zoti ju bekoftë ju! Faleminderit shumë", tha Berisha.
VLORË- Presidenti i Republikës së Shqipërisë Bajram Begaj ka uruar ditën e sotme të gjithë shqiptarët me rastin e 110-vjetorit të pavarësisë. Duke folur nga sheshi i flamurit Begaj tha se kjo ditë duhet t'i shërbejë klasës politike që të bashkëpunojnë më shumë me njëri-tjetrin për hir të së ardhmen të Shqipërisë. Gjatë fjalës së tij Kreu i Shtetit tha se Shqipëria ka një rol udhëheqës për paqen dhe sigurinë në rajon dhe se të gjithë duhet të jemi të bashkuar dhe të bëjmë më shumë për Shqipërinë.
Bajram Begaj: Ne duhet të jemi bashkë për zhvillimin e vendit, për ndërtimin e shtetit ligjor, për forcimin dhe demokratizimin e institucioneve dhe respektimin e çdo individi dhe të drejtave, që burojnë nga kushtetuta. Duhet të jemi bashkë në luftën kundër korrupsionit, pabarazisë dhe varfërisë; bashkë për çështje të sigurisë kombëtare dhe reformës në drejtësi; bashkë për një shoqëri të lirë, të angazhuar dhe të arsimuar; për një Shqipëri të mundësive të barabarta, të medias së lirë, të institucioneve që u shërbejnë qytetarëve, e të rinjve që gjejnë hapësirë dhe shpresë për ëndrrat dhe idealet e tyre që të ardhmen tyre ta ndërtojnë në vendlindjen e ture shqipëri. Përgjegjësitë e Shqipërisë janë edhe më të mëdha se kaq. Ne kemi detyrim për fuqizim të faktorit shqiptar në rajon. Kemi detyrim ndaj vëllezërve shqiptarë në Kosovë, në Maqedoninë e Veriut, në Malin e Zi, Luginën e Preshevës dhe diasporë në përmbushje të detyrimeve kushtuese dhe kombëtare. Me ata nuk na bashkon vetëm gjuha dhe historia e përbashkët, por edhe aspirata kombëtare e Integrimit Europian dhe vlerat që ne ndajmë e dëshmojmë për paqen, bashkëjetesën, mirëkuptimin dhe begatinë. Kemi sakrifikuar si asnjë komb tjetër në rajon, por sot Kosova është një shtet i lirë dhe i pavarur, që synon integrimin në BE dhe nATO. Shqipëria mundet dhe duhet të mbështesë fuqizimin e shtetit të Kosovës në çdo drejtim, të jetë zëri i saj sa herë të jetë e nevojshme; bashkëudhëtare dhe mbështetëse e palëkundur e rrugëtimit të saj Euro-Atlantik.
FJALA E PLOTË:
Të dashur motra dhe vëllezër të Vlorës. Të nderuar autoritete të Kosovës dhe Shqipërisë, Miq dhe të ftuar të pranishëm. Me gëzim dhe krenari të ligjshme, Vlora lavdimadhe dhe heroike na fton sot për të kremtuar 110 – vjetorin e shpalljes së pavarësisë së Shqipërisë. Në këtë shesh dhe në këtë qytet, më 28 nëntor të vitit 1912, për herë të parë kumboi Himni i Pavarësimit të Shtetit të ri Shqiptar, të një populli që hynte në epokën e mëvetësisë dhe sovranitetit, si kurorëzim i përpjekjeve, aspiratave dhe sakrificave të panumërta shekullore.
Patriotë të mëdhenj dhe mëndjendritur, nga të gjitha viset e Shqipërisë, udhëhequr nga i urti Ismail Qemali, jetësuan përpjekjet e mëdha të Rilindjes Kombëtare dhe i dhanë atdheut, vendin që i takonte në familjen e madhe të kombeve. Historia jonë kombëtare është histori luftërash e sakrificash të paepura për liri, është histori përpjekjesh të pafundme për dije e progres, është histori e një populli që dashurinë për tokën dhe atdheun e ka mbi gjithçka. Ngritja e flamurit në Vlorë nuk qe një akt i veçuar i një grupi atdhetarësh. As dhuratë a produkt i konjukturave diplomatike, që shpesh kishin dëmtuar interesat e kombit shqiptar.
Pavarësia e Shqipërisë ishte dhe mbetet vepër e madhe e kombit shqiptar, e brezave dhe patriotëve të panumërt, që me përgjegjësi historike, në ditët e rrezikut të madh, jetësuan vullnetin shekullor të popullit, me shumë guxim dhe largpamësi. Ishte trimëria e djelmnisë kosovare dhe asaj mbarëshqiptare, që me heroizmin e qëndresën e kultivuar ndër shekuj, i dolën për zot vatanit dhe i demonstruan mbarë botës shenjtërinë e lirisë, gjuhës, atdheut dhe identitetit tonë kombëtar. Kurora e pavarësisë së Shqipërisë sonë të dashur është e mbushur me gurë të çmuar, që nga lavdia e Gjergj Kastriotit, tek Lidhja Shqiptare e Prizrenit, hapja e shkollës së parë shqipe në Korçë, Lidhja e Pejës, Kongresi i Manastirit, dhe kryengritjet e njëpasnjëshme shqiptare në fillim të shekullit të XX.
I kujtojmë sot, të gjitha këto ngjarje të mëdha të historisë së kombit tonë, që brezat të mos harrojnë, që të kujtojnë me mirënjohje paraardhësit e tyre dhe të mbushen me krenari për atdheun, flamurin dhe identitetin kombëtar. I kujtojmë për të reflektuar për atë që duhet të bëjmë, si individë dhe shoqëri, për përparimin dhe begatimin e mëtejshëm të atdheut dhe kombit tonë. Sepse ky flamur dhe kjo tokë është amaneti i të parëve, është përkatësia dhe përgjegjësia e të gjithëve ne. 110 vjet pas shpalljes së pavarësisë, jemi dëshmitarë të ndryshimeve të mëdha që kanë ndodhur në Shqipëri, në Kosovë, në Maqedoninë e Veriut, në Ballkan, në Evropë e në mbarë botën. Kombi shqiptar ka forcuar gjithnjë e më shumë pozitat dhe rolin e tij të merituar, duke u bërë një faktor dhe aktor i besueshëm për paqen, stabilitetin dhe fqinjësinë e mirë në rajonin tonë.
Shqipëria është anëtare e denjë e NATO-s, aleancës më të madhe politike dhe ushtarake në botë, por edhe aleancës më të madhe të vlerave, të demokracisë dhe prosperitetit. Shqipëria është partnere e besuar dhe aleate e SHBA-së, BE-së, Mbretërisë së Bashkuar dhe shumë vendeve të tjera mike në botë. Nëse para 110 viteve diskutohej cozpëzimi i trojeve shqiptare, sot Shqipëria si një anëtare e përkohshme e Këshillit të Sigurimit në Organizatën e Kombeve të Bashkuara, luan rol të rëndësishëm për ruajtjen e paqes, sigurisë dhe për promovimin e demokracisë.
Ajo është e fokusuar në objektivin strategjik të integrimit në Bashkimin Evropian, si e ardhmja më e mirë dhe rruga më e sigurtë për Shqipërinë, për gjithë faktorin shqiptar në rajon dhe vetë rajonin. Në fillim të dhjetorit, për herë të parë, jo vetëm në vendin tonë, por për të gjithë rajonin, mblidhet samiti BE-Ballkani Perëndimor. Një ngjarje dhe përgjegjësi e madhe. Një mesazh mbështetjeje dhe inkurajimi për të gjithë shqiptarët dhe të ardhmen tonë në familjen evropiane duke nxitur njëherazi një përgjegjësi të shtuar për institucionet dhe klasën politike për vijimin e reformave dhe avancimin e agjendës evropiane. Pavarësisht arritjeve, kemi rrugë të gjatë përpara. Por ajo që duhet të bëjmë, më së pari, është ta duam atdheun me vepra, me shërbim dhe idealizëm, ashtu si patriotët e mëdhenj, që nderojmë sot.
Historia jonë e lashtë dhe e re na vjen si amanet. Askund më mirë se në Vlorën e flamurit, e në këtë ditë, nuk mund të marrë vlerë mesazhi për përgjegjësinë e të gjithëve, dhe më së pari të klasës politike dhe institucioneve. Ne duhet të jemi bashkë për zhvillimin e vendit, për ndërtimin e shtetit ligjor, për forcimin dhe demokratizimin e institucioneve dhe respektimin e çdo individi dhe të drejtave, që burojnë nga kushtetuta. Duhet të jemi bashkë në luftën kundër korrupsionit, pabarazisë dhe varfërisë; bashkë për çështje të sigurisë kombëtare dhe reformës në drejtësi; bashkë për një shoqëri të lirë, të angazhuar dhe të arsimuar; për një Shqipëri të mundësive të barabarta, të medias së lirë, të institucioneve që u shërbejnë qytetarëve, e të rinjve që gjejnë hapësirë dhe shpresë për ëndrrat dhe idealet e tyre që të ardhmen tyre ta ndërtojnë në vendlindjen e ture shqipëri.
Përgjegjësitë e Shqipërisë janë edhe më të mëdha se kaq. Ne kemi detyrim për fuqizim të faktorit shqiptar në rajon. Kemi detyrim ndaj vëllezërve shqiptarë në Kosovë, në Maqedoninë e Veriut, në Malin e Zi, Luginën e Preshevës dhe diasporë në përmbushje të detyrimeve kushtuese dhe kombëtare. Me ata nuk na bashkon vetëm gjuha dhe historia e përbashkët, por edhe aspirata kombëtare e Integrimit Europian dhe vlerat që ne ndajmë e dëshmojmë për paqen, bashkëjetesën, mirëkuptimin dhe begatinë. Kemi sakrifikuar si asnjë komb tjetër në rajon, por sot Kosova është një shtet i lirë dhe i pavarur, që synon integrimin në BE dhe nATO. Shqipëria mundet dhe duhet të mbështesë fuqizimin e shtetit të Kosovës në çdo drejtim, të jetë zëri i saj sa herë të jetë e nevojshme; bashkëudhëtare dhe mbështetëse e palëkundur e rrugëtimit të saj Euro-Atlantik. Të dashur motra dhe vëllezër, patriotët e mëdhenj që nderojmë sot janë shembulli më i mirë i bashkimit për interesat kombëtare. Me këtë mesazh, unë dua t’i bëj apel sot vetëdijes shqiptare se atdheu dhe kombi kanë nevojë për përkushtimin, përgjegjësinë, shërbimin dhe dashurinë e secilit prej nesh. Nga Vlora e bukur e flamurit, uroj sot të gjithë shqiptarët në Shqipëri, Kosovë, Maqedoninë e Veriut, Malin e Zi, në Luginën e Preshevës, Arbëreshët, dhe shqiptarët kudo në botë: Gëzuar ditën e Flamurit.
KUKËS- Edhe këtë vit shqiptarët e Kosovës dhe të Maqedonisë së Veriut kanë zgjedhur Shqipërinë për festimet e 28 nëntorit, ditë që shënon 110-vjetorin e Pavarësisë së Shqipërisë. Sipas burimeve nga terreni, shqiptarët e të gjitha trevave shqiptare, po i bashkohen festimeve për Festën e Flamurit në Tiranë e Vlorë, ku edhe ndodhen zyrtarë të Kosovës.
Për të shmangur radhët e gjata në dogana, lëvizja në kufi është bërë me procedurë të përshpejtuar duke shmangur radhët. Atmosfera e festës së Flamurit është ndier edhe në dy anët e kufirit në Morinë, me vendosjen e flamujve kombëtar, ndërsa shqiptarë të shumtë janë nisur edhe nga Shkupi dhe Mali i Zi.
VLORË- Ka nisur në Vlorë ceremonia e ngritjes së falamurit me rastin e 110 vjetorit të Pavarësisë. Së bashku, të pranishëm janë presidentët Bajram Begaj dhe Vjosa Osmani, kryeministri Edi Rama, homologu i Kosovës, Albin Kurti dhe kryeparlamentarët Lindita Nikolla dhe Glauk Konjufca. Si rrallëherë, krah kryeministrit Rama ka dalë edhe kryebashkiaku i Vlorës, Dritan Leli.
TIRANË- Sekretari Amerikan i Shtetit Anthony Blinken ka uron sot shqiptarët me rastin e festës së flamurit. Në letrën e tij publikuar në faqen e Departamentit të Shtetit shefi i diplomacisë europiane shkruan se SHBA ndihen të nderuara që punojnë më vendin tonë në Këshillimin e Sigurimit të OKB-së. Blinken shkruan se në këtë ditë dy popujt festojnë dhe 110 vjetorin e marrëdhënieve diplomatike.
"Shtetet e Bashkuara kanë qenë të nderuara të punojnë së bashku me Shqipërinë në Këshillin e Sigurimit të Kombeve të Bashkuara, ndërsa ju vazhdoni të jepni kontribute të fuqishme në skenën globale. Shqipëria ka treguar lidership dhe guxim duke mbështetur Ukrainën dhe duke ndriçuar veprimet e aktorëve keqdashës në Evropë dhe në mbarë botën. Kontributet e çmuara të Shqipërisë si një aleate e NATO-s ndihmojnë në mbajtjen e Aleancës të fortë, të përgatitur dhe të vendosur. Shtetet e Bashkuara falënderojnë gjithashtu Shqipërinë për partneritetin dhe mbështetjen e saj në zhvendosjen e afganëve", shkruan Blinken.
MESAZHI I PLOTË:
‘Në emër të Shteteve të Bashkuara të Amerikës, kam nderin të uroj popullin e Shqipërisë për 110-vjetorin e Pavarësisë. Shtetet e Bashkuara janë gjithashtu krenare që festojnë 100 vjetorin e marrëdhënieve diplomatike SHBA-Shqipëri dhe partneritetin e gjerë e të fortë që kemi ndërtuar së bashku. Shtetet e Bashkuara kanë qenë të nderuara të punojnë së bashku me Shqipërinë në Këshillin e Sigurimit të Kombeve të Bashkuara, ndërsa ju vazhdoni të jepni kontribute të fuqishme në skenën globale. Shqipëria ka treguar lidership dhe guxim duke mbështetur Ukrainën dhe duke ndriçuar veprimet e aktorëve keqdashës në Evropë dhe në mbarë botën. Kontributet e çmuara të Shqipërisë si një aleate e NATO-s ndihmojnë në mbajtjen e Aleancës të fortë, të përgatitur dhe të vendosur. Shtetet e Bashkuara falënderojnë gjithashtu Shqipërinë për partneritetin dhe mbështetjen e saj në zhvendosjen e afganëve. Ne e përgëzojmë Shqipërinë për arritjen e fillimit të negociatave të anëtarësimit në BE në korrik dhe mbetemi të përkushtuar për t'ju mbështetur në rrugën tuaj transatlantike. Së bashku, ne po punojmë për të luftuar korrupsionin dhe krimin e organizuar, për të siguruar energji duke avancuar axhendën tonë të përbashkët të klimës për Evropën dhe për të forcuar mbrojtjen kibernetike. Ndërsa nisim shekullin e ardhshëm të marrëdhënieve tona, ne jemi krenarë që qëndrojmë krah për krah me popullin shqiptar.
Pak histori
Me aktin e Shpalljes së Pavarësisë së Shqipërisë, Kryetari i Qeverisë së Përkohshme, Ismail Qemali njoftoi gjashtë Fuqitë e Mëdha: Anglinë, Italinë, Austro-Hungarinë, Francën, Gjermaninë dhe Rusinë. Po ashtu, u njoftuan edhe shtetet ballkanike: Rumania, Mali i Zi, Serbia, Bullgaria, Greqia e Turqia, duke u kërkuar njohjen e pavarësisë, si rrjedhojë e natyrshme e vullnetit të popullit shqiptar. Më 28 Nëntor, Ismail Qemali u shpall kryetar i Kuvendit dhe kryetar i parë i qeverisë së shtetit shqiptar. Pavarësia u shpall për të gjitha trojet shqiptare dhe ministrat u zgjodhën nga të gjitha krahinat shqiptare. Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar. Me vendimin e Kuvendit të Vlorës, kombi shqiptar fitoi të drejtën e tij të pamohueshme për të qenë i lirë e i pavarur, krahas kombeve e popujve të tjerë të Evropës.
TIRANË- Shqipëria feston sot 110 vjetorin e krijimit të shtetit. Kjo ditë lidhet ngushtësisht me Ismail Bej Qemalin, i cili më 28 nëntor të vitit 1912 ngriti flamurin në Vlorë duke shpallur Shqipërinë shtet të pavarur dhe sovran. Kjo është një nga ditët më të rëndësishme për mbarë shqiptarët kudo në botë dhe në trojet shqipfolëse. Me rastin e festës së flamurit ashtu si dhe në vitet e tjera do të ketë një sërë aktivitetesh ku sigurisht epiqendra e tyre do të jetë Vlora. Shqiptarët jashtë kufijve nuk do të mbeten pa festuar. Kështu në Nju Jork komuniteti shqiptar do të ngrejë flamuri Kuq e Zi në Bergen County.
Festimet do të shtrihen edhe në Kosovë, ku kryeministri Albin Kurti do të mbajë homazhe në bustin e heroit Gjergj Kastriot Skëndërbeut dhe atë të Adem Jasharit. Ndërkohë, Presidenti Bajram Begaj, mban pritjen shtetërore të rastit. Ministria e Mbrojtjes dhe Forcat e Armatosura të Shqipërisë organizojnë javën festive, me vente që do të shtrihen në qytete të ndryshme të Shqipërisë dhe do të kulmojnë me koncertin madhështor “110 vjet Forca të Armatosura-Së bashku për Paqen”, në datën 3 dhjetor 2022.
Pak histori
Me aktin e Shpalljes së Pavarësisë së Shqipërisë, Kryetari i Qeverisë së Përkohshme, Ismail Qemali njoftoi gjashtë Fuqitë e Mëdha: Anglinë, Italinë, Austro-Hungarinë, Francën, Gjermaninë dhe Rusinë. Po ashtu, u njoftuan edhe shtetet ballkanike: Rumania, Mali i Zi, Serbia, Bullgaria, Greqia e Turqia, duke u kërkuar njohjen e pavarësisë, si rrjedhojë e natyrshme e vullnetit të popullit shqiptar. Më 28 Nëntor, Ismail Qemali u shpall kryetar i Kuvendit dhe kryetar i parë i qeverisë së shtetit shqiptar. Pavarësia u shpall për të gjitha trojet shqiptare dhe ministrat u zgjodhën nga të gjitha krahinat shqiptare. Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar. Me vendimin e Kuvendit të Vlorës, kombi shqiptar fitoi të drejtën e tij të pamohueshme për të qenë i lirë e i pavarur, krahas kombeve e popujve të tjerë të Evropës.
TIRANË- Kryetari i Partisë së Lirisë Ilir Meta ka uruar shqiptarët në ditën e flamurit kombëtarë. Në një postim në Faceboook kreu i PL-së shkruan se në ktë ditë të veçantë për shqiptarët përulemi me krenari para veprës së ndritur të Ismail Qemalit dhe Etërve të Pavarësisë. Meta shprehet se gjaku i derdhur për flamurin duhet të jenë pishtari që na udhëheq në udhën e duhur për të mbrojtur Shqipërinë nga çdo rrezik i ri.
"Sot në Ditën e Flamurit Kombëtar, përulemi me nderim para veprës së ndritur të Ismail Qemalit dhe Etërve të Pavarësisë, që 110 vjet më parë themeluan shtetin modern duke patur për ideal të shenjtë vetëm Atdheun dhe fatet e Tij. Patriotizmi, sakrificat dhe gjaku i derdhur për Flamurin Kombëtar duhen të jenë në çdo kohë pishtari që na ndriçon mendjet dhe udhën e duhur ku duhet të ecim për të mbrojtur Shqipërinë nga çdo rrezik i ri dhe për ta bërë këtë tokë të bekuar sa më të begatë, ku sot e mot të gjithë shqiptarët dhe fëmijët e tyre të jetojnë me dinjitet dhe krenari. Lavdi përjetë 28 Nëntorit të Gjergj Kastriot Skënderbeut, Ismail Qemalit, Isa Boletinit dhe Adem Jasharit", shkruan Meta.
TIRANË- Kryeministri Edi Rama e ka nisur ditën e sotme me një takim me këngëtaren me origjinë shqiptare me famë botërore Dua Lipa. Kreu i qeverisë e ka pritur Dua-n në Kryeministri, këngëtarja shihet të mbajë në duar pasaportën shqiptare, të cilën e mori ditën e djeshme nga presidenti Bajram Begaj.
Vieë this post on Instagram
Kryeministri ka uruar dhe gjithë shqiptarët për festën e flamurit. Këngëtarja Dua Lipa do të performojë mbrëmjen e sotme në një koncert që do të mbahet në sheshin 'Skëndërvbej'
TIRANË- Gjigandi i kërkimit 'Google' i është bashkuar festës së gjithë shqiptarëve këtë 28 nëntor. Motori i kërkimit ka vendosur që ditën e sotme që në qendër të faqes të vendosë flamurin shqiptar.
Flamuri Kuq e Zi me shqiponjën dy krenare valvitet me krenari këtë të hënë për të gjithë përdoruesit shqiptar. Kjo është kthyer në një traditë të kompanisë për raste festash zyrtare dhe përvjetorë të personaliteteve të ndryshme nga mbarë bota. Sot 'Google' feston me shqiptarët.
