Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Një tërmet i fuqishëm është ndjerë mbrëmjen e sotme në disa qytete të vendit. • Në orën 22:37, në Klos ka nisur lëkundja. • Sipas të dhënave të para, tërmeti ishte i magnitudës 4.7 i shkallës Riter afër Drezes, Qarku i Dibrës, ndërsa intensiteti ishte 6 ballë. • Ende vazhdojnë pasgoditjet. • Deri më tani, njëra është shënuar me magnitudë 2.9 i shkallës Riter, ndërsa duket se do të ketë edhe valë të tjera. • Ministria e Mbrojtjes ka bërë me dije se nuk ka asnjë të lënduar, por ka disa dëme materiale në njësinë administrative në Xibër të Klosit. • Për tërmetin, sizmiologu Rrapo Ormeni tha se nuk ka vend për panik nga tërmeti.
7 artikuj për këtë temë.
DIBËR- Tërmeti në Klos ka shkaktuar disa dëme në banesa. Brenda banesave të dëmtuara, Report Tv ka kapur nga brenda plasaritjet që ishin shtuar që nga tërmeti i 26 nëntorit 2019. Kryefamiljari tha se ndihen shumë të frikësuar dhe se banorët e pallatit të gjithë kanë dalë jashtë nga banesa.
"Tërmeti ishte shumë i fuqishëm, mbajti për disa sekonda. Kemi dalë nga banesa. Është çarë goxha nga lëkundjet e tërmetit të kaluar të gjithë banorët kanë dalë jashtë nga frika. Kanë dalë me fëmijët e vegjël dhe banorët janë shumë të shqetësuar. Natën kemi dalë të shohim të ndonjë mik i joni,"- u shpreh ai.
TIRANË- Lëkundjet e fuqishme të tërmetit kanë shkaktuar panik tek qytetarët, saqë kanë dalë në rrugë. Në Tiranë, siç duket edhe nga pamjet e mëposhtme, qytetarët kanë dalë nga banesat e tyre të frikësuar.
Madje disa kanë marrë edhe makinat dhe kanë mbushur plot sheshin “Nënë Tereza”. Ashtu siç edhe ka ndodhur më parë, në rastet e tjera kur në vend ka rënë tërmet.
DIBËR- Kryetari i Bashkisë Klos, Ilmi Hoxha ka bërë me dije të dhënat e para nga terrni. Në një intervistë për Report Tv në lidhje me tërmetin 4.7 ballë me epiqendër në Klos, u shpreh se ka dëme vetëm në tre banesa. Por fatmirësisht nuk ka dëme në njerëz.
"Për fatin e mirë nuk ka asnjë dëm vetëm një 3 banesa dhe janë dëme të pa konsiderueshme. Për momentin banorët janë shqetësuar dhe një pjesë prje tyre kanë dalë nga banesat. Bashkia Klos, ka planin e masave konkrete secili prej tyre që është i përfshirë do të veprojë sipas këtij plani. Patjetër që do ketë vlerësim të pronave,"- tha Hoxha.
DIBËR- Bie intensiteti i paslëkundjeve të tërmetit që tronditi vendin mbrëmjen e sotme. Siç duket edhe nga të dhënat e sotme, njëri ishte 4.4 i shkallës Rihter, ndërsa tjetri 4.1.
TIRANË- Ministria e Mbrojtjes ka reaguar në lidhje me tërmetin që lëkundi sot vendin. Në njoftimin e bërë në rrjetet sociale, ministri Niko Peleshi ka bërë me dije se deri më tani nuk ka njerëz të lënduar.
"Sipas të dhënave paraprake nga Qendra Kombëtare Operacionale e Emergjencave Civile dhe Igjeum, lëkundje tërmeti me magnitudë 4.7 Richter, me epiqendër 3 km në jug të Klosit janë ndier në të gjithë territorin e Shqipërisë. Sipas të dhënave të deritanishme raportohen disa dëme të lehta në Njësinë Administrative Xibër, Bashkia Klos. Të gjitha strukturat e Mbrojtjes Civile janë në gatishmëri dhe në kontakt të vazhdueshëm më të gjitha Bashkitë e vendit,"-shkruan ministri.
TIRANË- Sizmiologu Rrapo Ormeni ka sqaruar se çfarë ka ndodhur në Shqipëri me tërmetin e fundit që tundi vendin. Në një lidhje telefonike për ReportTv, sizmiologu tha se bëhej fjalë për një tërmet të zakonshëm që nuk ka vend për panik, duke konsideruar edhe zonën ku ka pasur epiqendrën.
"Ky ishte një tërmet i zakonshëm, që përsëriten për çdo vit, ndaj nuk ka vend për panik. Kjo zonë ku ka rënë tërmeti, Bulqizë-Dibër, ka aktivitet sizmik. Janë tërmete moderatë dhe ka pasur edhe lëkundje të tjera më të vogla. Është tërmet që krijon panik, por nuk shkakton materiale, mund të shkaktojë dëme vetëm në shtëpitë e vjetra. Do të shohim nëse ka pasgoditje më të vogla, do të thotë që do të vijë rënë fuqia e tij,"-tha ai edhe në fjalën e tij.
TIRANË- Lëkundje të forta tërmeti janë ndjerë në Tiranë. Sipas të dhënave të para, tërmeti ishte i magnitudës 4.7 i shkallës Riter afër Drezes, Qarku i Dibrës, ndërsa intensiteti ishte 6 ballë. Lëkundjet u ndjenë në Shqipëri në orën 22:37, ndërkohë që ende vazhdojnë pasgoditjet. Deri më tani, njëra është shënuar me magnitudë 2.9 i shkallës Riter, ndërsa duket se do të ketë edhe valë të tjera.
Nga të dhënat e deritanishme, bëhet me dije se epiqendra ka qenë në Klos të Burrelit, por deri më tani nuk dihet nëse ka persona të plagosur. Nga raportimet e deritanishme, tërmeti është ndjerë thuajse në të gjithë vendin nga jugu në veri.
