Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Vritet Alma Qevani në fshatin Kusarth në Elbasan. •44-vjeçarja u godit me sëpatë nga kunati i saj, Refik Tashi 58 vjeç, për arsye që ende nuk dihen. •Qevani, ndërroi jetë brenda spitalit. •Tashi ka qëlluar me sëpatë motrën e gruas së tij në rrugë. •Pas vrasjes, Tashi ka ecur me sëpatë në duar e ndërsa është pikasur në fshatin Bradashesh nga efektivët e policisë. •Sapo Policia ka parë sëpatën me gjak kanë bërë të mundur arrestimin e tij. •Sëpata është sekuestruar në cilësinë e provës materiale.
11 artikuj për këtë temë.
ELBASAN- Fqinjët kanë rrëfyer ngjarjen e rëndë të ndodhur në Elbasan ku një grua mbeti e vdekur nga kunati i saj. Një nga fqinjet tregon se njëra nga motrat ka qenë e mbuluar në gjak, ndërsa tjetra e shtrirë. Banorët e zonës tregojnë se dy motrat nuk dilnin shpesh dhe nuk është se kishin komunikim me fqinjët e tjerë.
“Nuk bërititi ajo. Mua më thirri një komshie nga dritarja e bërtiti: “Po e therin oj Dije”. I thashë nuk të dëgjoja, vec e theri dëgjova. Almën e kam parë që kalon ndonjëherë me dele. Nuk dalin fort ata. U tronditëm. Është gjynah, goca e re. Pse ai që kanë futur në shtëpi e ka vrarë? Ai qenka katil. Unë dëgjova zhurmë dhe ajo gruaja kërkoi ndihmë, ujë. Dola unë, nxora ujë me kovë. Erdhi e mori vetë ajo. Kishte gjak nga surrati. Tjetra ishte shtrirë. Janë goca të mira, në punë të vet”, tha një tjetër grua.
ELBASAN- Pista e parë që po hetohet nga policia për vrasjen e 44-vjeçares Alma Qevani nga kunati i saj në Elbasan me sopatë është një aferë intime mes tyre. Mësohet se sipas grupit hetimor, ka pasur një lidhje intime mes 58-vjeçarin Refik Tashi dhe kunatës së tij.
Ndërkohë në pyetje është marrë bashkëshortja e autorit të krimit dhe nëna e viktimës. Një tjetër pistë që ka dalë është edhe se viktima nuk i kishte bërë bukë autorit.
ELBASAN- Ngjarja e rëndë në Elbasan që tronditi mbarë vendin, ku 58-vjeçari i identifikuar si Refik Tashi vrau me sëpatë kunatën e tij, 44-vjeçaren Alma Qevani, ka shokuar dhe fqinjët e tyre. Fqinja e autorit dhe viktimës, ka treguar për Klan News më shumë hollësi lidhur me rrethanat e krimit të rëndë. E moshuara thotë se në momentin e krimit ka dëgjuar zhurmë.
Fqinja: Dëgjova një zhurmë që bërtiste, kur këta thoshin që ka qenë dhëndri. Ai ka një vit e ca që rri tek shtëpia e vajzës që vra. Ata 2 pleqtë kanë 2 goca, edhe e morën këtë. E ka marrë ajo e madhja. Ai ka vrarë të voglën, jo të madhen sepse janë 2 motra ata.
Pyetje: Domethënë, ai kishte ardhur dhe jetonte tek shtëpia e bashkëshortes?
Fqinja: Këtu jetonte. Ka një vit e ca ose 2, ikin vitet. Nuk mbaj mend shumë se 87 vjeç jam.
Pyetje: Personin a e keni parë kur ka ikur sepse ai është kapur matanë?
Fqinja: Jo, nuk e kam parë.
Pyetje: Keni njollat e gjakut përballë shtëpisë…
Fqinja: E pashë gocën kur e morën këtu sepse aty zbriti një shofer, ai kishte qenë udhëtar. E mori për duarsh dhe për koke dhe është bërë gjaku aty.
Pyetje: Kush ka tentuar ta marrë gocën për në spital?
Fqinja: Nuk e di. Unë e pashë ambulancën që lajmëruan këto. Doli ajo komshija, por unë nuk kisha fuqi sepse kisha frikë se rrëzohem në shkallë.
ELBASAN- Autori i vrasjës së 44-vjeçares Alma Qevani në Elbasan Refik Tashi është zbuluar nga policia rastësisht. Policia e ka zbuluar rastësisht krimin, teksa ishte duke kërkuar autorin e plagosjes së ish-kreut të PD-së Peqin Diell Çela.
Sipas informacionit zyrtar, blutë ishin në patrullim në fshatin Bradashesh, kur kanë konstatuar 58-vjeçarin me një sopatë në dorë dhe me duart me gjak, i cili po ecte me vrap. Shërbimet e Policisë janë vënë vënë në ndjekje dhe kanë bërë kapjen e tij dhe e kanë shoqëruar atë në Komisariat.
ELBASAN- Fqinjët e familjes Tashi dhe Qevani kanë folur pas ngjarjes së rëndë që tronditi fshatin Kusarth në Elbasan. 58-vjeçari Refik Tashi vrau me sëpatë kunatën e tij, Alma Qevani, mesditën e sotme. Fqinjët e tyre kanë deklaruar se nuk janë në dijeni që të kenë pasur konflikte mes tyre.
“Ishte një grua e mirë. Nuk kemi dëgjuar asnjë debat. Ishte shumë vajzë e mirë. Unë nuk e njoh, thjesht e kam parë kalimthi. Nuk kemi dëgjuar as sherr edhe as debate. Unë nuk kam qenë në shtëpi kur ndodh ngjarja," thanë fqinjët e saj.
ELBASAN- Bashkëshortja e 58-vjeçarit që vrau motrën e saj, Ema Qevani në Elbasan tha për mediat se konflikti ishte i papritur. Duke folur për mediat, ajo u shpreh se Refik Tashi, me të cilin ishte martuar prej dy vjetësh, ishte nxehur me viktimën se nuk i kishte hapur telefonin. Ajo thotë se kërkon që drejtësia të vihet në vend për vrasjen e motrës dhe se bashkëshortit të saj t’i jepet dënimi që meriton.
"Unë dhe motra ishim tek arat. Ishte nxehur pse nuk e hapi telefonin, asgjë tjetër. Më përpara ziheshin kot, por asgjë konkretisht, për punët e shtëpisë. Me mua nuk ka pasur konflikte bashkëshorti. Kishte pirë një ditë dhe u zunë dhe motra e mori inat të madh dhe prandaj nuk e hapte telefonin. Kam 2 vite që jam martuar. Merrej me pastrim. Lindi konflikti pse nuk e hapte telefonin. Të dyja ishim aty. Nuk e mbanim dot më se ai ishte i fortë. Aty nuk kishte njeri. Nuk e di se kush e njoftoi ambulancën, por erdhi një polic e më pas ambulanca. E sollëm ne motrën deri para derës. Kërkojmë drejtësi dhe dënimin deri në fund që e ka hak. Nuk ka pasur konflike, as me mamanë dhe as me babain. U zu kot se pse nuk e hapi telefonin. Nuk ishte i alkoolizuar. Unë erdha nga puna. Do të ketë qenë tek shtëpia se ne nuk ishim aty," tha ajo.
Mamaja e 44-vjeçares, tepër e shokuar nuk ka dashur të flasë për mediat, megjithatë ajo ka thënë që nuk kanë pasur konflikte më herët dhe se arsyen pse e ka vrarë e di 58-vjeçari.
“Na lini rehat, nuk kam hall njerëzish. Nuk kemi pasur konflikte më herët. E di ai pse e vrau. Goca me gjithë motrën ishin me dele. Na lini rehat o njerëz. S’ka mirë për ne”, tha nëna e viktimës.
ELBASAN- Një fqinje e Alma Qevanit, 44-vjeçares që u vra pasditen e sotme nga kunati në Elbasan ka treguar se shkaku i zënkës së tyre ka qenë për shkak të bagëtive. Duke folur për Euronews, e moshuara ka treguar se nuk e dinte nëse kanë pasur konflikte të mëparshme mes tyre.
“E kishin marrë këta në shtëpi. Nuk e di si kanë jetuar në shtëpi, se kanë dy shtëpi. Po ne nuk kemi pasur komunikim fare, as mirëmëngjesi, asgjë. S’kemi dëgjuar për konflikete, se ne jemi larg. As kemi dëgjuar dhe as kemi parë gjë”,-tha fqinja.
Ndërkohë fqinja e moshuar tha se kishte dëgjuar që dikush po zihej, e kishte menduar se autori i vrasjes Tefik Tashi, ishte duke u zënë me kunatën e tij Alma Qevanit, për shkak të bagëtive.
“Ai bërtiste, e shante me fjalë të pista. Mendova se po ziheshin për bagëtitë”, tha ajo.
ELBASAN- Pamjet e mëposhtme janë nga ngjarja e rëndë në Elbasan, ku burri vrau me sopatë kunatën e tij. Mësohet se Refik Tashi ende për arsye që nuk dihen ka goditur motrën e gruas së tij me sopatë.
44-vjeçarja ka humbur jetën në spital, pasi nuk ka mundur që tu rezistojë plagëve të marra, ndërkohë që autori është arrestuar nga policia.
ELBASAN- Alma Qevani është 44-vjeçarja e cila mbeti viktimë nga Tefik Tashi, kunati i saj. 58-vjeçari goditi me sëpatë motrën e bashkëshortes së tij. Kjo e fundit u dërgua me urgjencë në spital, mirëpo nuk mundi të mbijetonte.
Policia sqaron se konstatoi autorin duke vrapuar në rrugë i cili mbante në dorë një sopatë dhe duart i kishte me gjak. Sëpata është sekuestruar në cilësinë e provës materiale. Grupi hetimor, në drejtimin e Prokurorisë, po punon për zbardhjen e rrethanave të ngjarjes./Dosja.al
ELBASAN- Detaje si në filma horror janë ato që bën të ditur Policia e Elbasanit për vrasjen që sapo ndodhi brenda familjes në fshatin Bradashesh. Sipas forcave blu, personi me inicialet R.T, 58-vjeç ka goditur me sëpatë motrën e bashkëshortes së tij, 44-vjeçaren me inicialet A.Q. Kjo e fundit u dërgua me urgjencë në spital, mirëpo nuk mundi të mbijetonte.
Policia sqaron se konstatoi një person duke vrapuar në rrugë i cili mbante në dorë një sopatë dhe duart i kishte me gjak. Sëpata është sekuestruar në cilësinë e provës materiale. Grupi hetimor, në drejtimin e Prokurorisë, po punon për zbardhjen e rrethanave të ngjarjes.
NJOFTIMI I POLICISË:
Goditi me sëpatë kunatën e tij, falë veprimeve të shpejta nga Policia, kapet dhe shoqërohet autori i dyshuar. Si pasojë e plagëve të marra, 44-vjeçarja humbi jetën në spital. Shërbimet e Komisariatit të Policisë Elbasan, gjatë kontrollit në territor, në fshatin Bradashesh, për kapjen e autorit të plagosjes së 55-vjecarit, në Peqin, kanë konstatuar një shtetas, me një sopatë në dorë dhe me duart me gjak, i cili po ecte me vrap.
Shërbimet e Policisë janë vënë vënë në djekje dhe kanë bërë kapjen e shtetasit R. T., 58 vjeç, banues në fshatin Shirgjan, Elbasan dhe kanë shoqëruar atë në Komisariat. Nga veprimet e para hetimore dyshohet se ky shtetas, rreth orës 13:00, në fshatin Kusarth, në rrugë, ka goditur me sëpatë motrën e bashkëshortes së tij, shtetasen A. Q., 44 vjeçe, banuese në Kusarth, e cila është dërguar në spital, ku si pasojë e plagëve të marra ka humbur jetën.
Sëpata është sekuestruar në cilësinë e provës materiale. Grupi hetimor, në drejtimin e Prokurorisë, po punon për zbardhjen e rrethanave të ngjarjes.
ELBASAN- Një ngjarje e rëndë ka ndodhur në fshatin Kusar. Një person ka vrarë me sopatë kunatën e tij. Raportohet se autori është vënë në pranga, pasi u kap në rrugë.
Ende nuk ka më shumë detaje nga kjo ngjarje e rëndë.
