Politike

Kryeministri Rama jep fazat për fundjavë: Njësoj si javën e shkuar, e diela e izoluar tërësisht, të shtunën vetëm farmacitë dhe ushqimoret hapur

Përmes një statusi në Facebook, Rama shkruan se kjo fundjavë do të vijojë të jetë njësoj si e shkuara dhe uron që qytetarët t’ja kalojnë sa më bukur.
Featured image of article: Kryeministri Rama jep fazat për fundjavë: Njësoj si javën e shkuar, e diela e izoluar tërësisht, të shtunën vetëm farmacitë dhe ushqimoret hapur Edi Rama

TIRANË– Kryeministri Edi Rama ka bërë me dije se edhe kjo fundjavë do të vijojë të jetë gjysmë e bllokuar, njësoj si e shkuara. Përmes një statusi në Facebook, Rama shkruan se kjo fundjavë do të vijojë të jetë njësoj si e shkuara dhe uron që qytetarët t’ja kalojnë sa më bukur.

“Kjo fundjavë do të vijojë njësoj si e shkuara. Ta kaloni sa më qetë,”– shkruan Rama në statusin e tij në Facebook.

Por si ishin oraret javës që shkoi?

E shtuna u lejua që të kishte hapur vetëm marketet dhe farmacitë, ndërsa e diela ishte totalisht e mbyllur. Përjashtim bëjnë të gjithë ata që kanë autorizimin për të lëvizur me mjetet e tyre dhe për punë.

Për më shumë bëhu pjesë e grupit më viral në Facebook, Dosja.al

Të shtunën dhe të dielën në zonat e kuqe lejohen që të dalin nga banesat e tyre pensionitët dhe prindërit me fëmijë deri në moshën 14-vjeç. Pensionistët lejohen të dalin deri në orën 10:00, ndërsa prindërit me fëmijët deri në 14 vjeç lejohen të dalin lirisht nga ora 11:00 deri në orën 17:30 të pasdites. Të shtunën lejohet hapja e dyqaneve ushqimore dhe farmacitë deri në orën 17:30. Ndërkohë të dielën të gjitha aktivitetet do të jenë mbyllur. Po kështu, në këto dy ditë nuk lejohet qarkullimi i makinave, përveç atyre që kanë autorizim.

Bashkitë që janë në zonën e kuqe:  Tirana, Durrësi,  Shkodra, Kurbini, Kruja dhe Fieri.

Pjesa tjetër e bashkive të gjelbra janë me rregulla të reja, ku aktualisht lejohet lëvizja e lirë dhe nuk ka nevojë për autorizime.

(f.m/dosja.al)

Shto Koment