Politike

Nesër zyrtarisht në fushatë! PS e PD miting në shesh, KQZ i drejton shkresë institucioneve: Respektoni Kodin Zgjedhor! (Masat e reja anti-COVID)

25 marsi do të shënojë zyrtarisht ditën e nisjes së fushatës zgjedhore. Partia Socialiste dhe ajo Demokratike kanë paralajmëruar miting, edhe pse nuk dihen ende ndryshimet që do t'u bëhen masave anti-COVID. Nga ana tjetër, KQZ bën apel për vetëpërmbajtje, ndërsa i kërkon institucioneve publike që të përmbushin detyrimet e tyre duke respektuar Kodin Zgjedhor.
Featured image of article: Nesër zyrtarisht në fushatë! PS e PD miting në shesh, KQZ i drejton shkresë institucioneve: Respektoni Kodin Zgjedhor! (Masat e reja anti-COVID) Edi Rama dhe Lulzim Basha

TIRANË– Nesër fillon zyrtarisht fushata zgjedhore! Deri më 25 prill, partitë politikë do të shfrytëzojnë çdo ditë për  të fituar votëbesimin e qytetarëve për të marrë “timonin” e qeverisë për 4 vitet e ardhshme.

E para që do të çelë fushatën është Partia Demokratike. Kryedemokrati Lulzim Basha do të mbledhë ekipin e tij në orën 17:00, në sheshin ‘Nënë Tereza’. Megjithatë nuk dihet nëse aleatëve të PD-AN, do t’u bashkohen edhe kandidatët për deputetë nga Lëvizja Socialiste për Integrim.

Vetëm një orë më pas, Partia Socialiste do të mblidhet për të “ndezur motorët” në sheshin “Skenderbej”. Deri më tani, të dyja palët janë treguar diskretë lidhur me mënyrën e organizimin dhe axhendën e tyre. 

Po ashtu, në vigjilje të nisjes së fushatës, Komisioni Qendror i Zgjedhjeve i ka dërguar një shkresë Kryeministrit, Bashkive, Ministrive dhe subjekteve politike për vetëpërmbajtje dhe respektim të Kodit Zgjedhor. 

Për më shumë bëhu pjesë e grupit më viral në Facebook, Dosja.al

Sot, do të mblidhet edhe Komiteti Teknik i Ekspertëve, të cilët do të publikojnë edhe masat e reja shtrënguese ndaj pandemisë së koronavirusit. Gjykata Kushtetuesë, vetëm pak ditë më parë u dha ultimatum që pas datës 25 mars, kufizimi i grumbullimeve deri më 10 persona, të fshihet. Duke marrë parasysh edhe uljen e rasteve të infektimit që vendi ka shënuar gjatë ditëve të fundit, pritet edhe një lirim me orën policore. Por edhe pse numrat e të infektuarve janë ulur, shifrat e viktimave janë sërish me dhjetra në ditë, faktor që tregon se situata e koronavirusit në vend është ende e rëndë.

Një gjë është e sigurtë, kjo fushatë do të jetë ndryshe…

(k.m/a.b)/dosja.al

  • 13:10

    Përfundimi i masave në fuqi! Komiteti Teknik i Ekspertëve mblidhen sot, priten njoftime të reja

    Dita e nesërme është afati i fundit i datës së vendosur nga Komitetit Teknik i Ekspertëve për masat anticovid në fuqi. Mirëpo, pritet që sot të ketë një deklaratë për mediat në orën 15:00, ku do të komunikohen masat e reja të kufizimeve orare dhe ndryshimet që pritet të ndodhin.

  • 13:27

    Një orë para PS-së! Partia Demokratike hap fushatën elektorale në ‘Sheshin Nënë Tereza’

    Partia Demokratike do të nisë ditën e nesërme fushatën elektorale në orën 17:00 në sheshin ‘Nënë Tereza’. Fushata do të nisë ditën e nesërme në Tiranë për të vazhduar më pas në qytetet të tjera të vendit. Ora e vendosur nga PD është një orë para asaj të vendosur nga Partia Socialiste. Nesër hyn në fuqi urdhri i Komitetit Teknik të Ekspertëve, të cilët lejojnë grumbullimet, duke hequr kufizimin e mbledhjeve deri në 10 persona. Po ashtu nesër, skandon edhe afati për masat e tjera të vendosura nga qeveria, ndërsa pritet që të ketë shtyrje edhe të orës policore.

  • 12:57

    Rama s’humbet kohë, PS hap nesër fushatën tek Sheshi Skënderbej, miting në orën 18:00

    Partia Socialiste do të hapë zyrtarisht fushatën elektorale ditën e nesërme në orën 18:00. Burime për Dosja.al bëjnë me dije se socialistët do të mblidhen për të “ndezur motorët” në sheshin “Skenderbej”. Ndërkohë që socialistët do të shënojnë mitingun e parë, vendi ende përballet me pandeminë e koronavirusit. Edhe pse dje rastet e reja shënuan ulje me 303 të infektuar, viktimat ishin plot 11 pacientë. Po ashtu nesër hyn në fuqi urdhri i Komitetit Teknik të Ekspertëve, të cilët lejojnë grumbullimet, duke hequr kufizimin e mbledhjeve deri në 10 persona. Po ashtu nesër, skandon edhe afati për masat e tjera të vendosura nga qeveria, ndërsa pritet që të ketë shtyrje edhe të orës policore. Pas më shumë se katër javësh me “mbyllje” në orën 20:00, vendi shënoi uljen e rasteve të infektuara, megjithatë ekspertët janë shprehur publikisht se ka ende nevojë për kujdes. Por mesa duket zgjedhjet po vijnë dhe koronavirusi duhet të largohet…fushata nis nesër.

  • 12:52

    Nisja e fushatës elektorale! KQZ i drejton shkresë Ramës, Bashkive, Ministrive dhe politikanëve: Respektoni Kodin Zgjedhor!

    Dita e nesërme çel zyrtarisht fushatën elektorale për zgjedhjet e 25 prillit 2021 në Shqipëri. KQZ i ka dërguar një shkresë kryeministrit, bashkive, ministrive dhe partive politike. KQZ bën apel për vetëpërmbajtje, ndërsa i kërkon institucioneve publike që të përmbushim detyrimet e tyre duke respektuar Kodin Zgjedhor.

    NJOFTIMI:

    Duke marrë në konsideratë raportet e para të depozituara nga monitoruesit, KQZ i bën apel të gjithë drejtuesve të institucioneve publike të tregojnë vetpërmbajtje dhe të përmbushin detyrimet e tyre sipas Kodit Zgjedhor.Po ju dergoj per njohje shkresen drejtuar Kryeministrisë dhe të gjitha Ministrive, Bashkive, Partive Politike si dhe kandidatëve të pavarur.

Shto Koment