Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Prokuroria ka kërkuar 1 vit e 8 muaj burg për Alban Bucin, i cili akuzohet si personi që ka ndërmjetësuar dhe dorëzuar paratë e rryshfetit tek gjyqtari Shkëlqim Miri, duke mundësuar edhe lirimin e mikut të tij, Gentian Doda.
Alban Buci po gjykohej në të njëjtin proces me të dënuarin për vrasje Gentian Doda. Ish gjyqtari i Gjykatës së Apelit në Tiranë, Shkëlqim Miri është dënuar me 2 vit e 6 muaj burg, pasi akuzohet për korrupsion.
Dyshohet se gjykatësi Miri kundrejt ryshfetit lehtësoi akuzën për të dënuarin Gentian Doda, nga vrasje me dashje ne plagosje të rëndë, çka i mundësoi atij lirinë.
SI RA PROKURORIA NË GJURMËT E GJYQTARIT?
Pasi dështoi për të provuar korrupsionin në gjykatën e Matit, e cila firmosi për ndryshimin e akuzës për Dodën dhe i hapi rrugën e lirimit të dënuarit, prokuroria nuk e mbylli cështjen, por vendosi ta ndjekë në vijimësi. Në përgjim u vu i dënuari Gentian Dodes, i cili në qelinë e tij mbante dy celularë. Ai komunikonte vazhdimisht me vjehrrin e tij Nezirin dhe mikun e ngushtë Alban Bucin.
“Do të vijë një mik të sjellë 15 mijë. Gjeti dhe 15 të tjera dhe dorëzoji”, i shkruan ai Bucit. Sipas prokurorisë bisedat dhe komunikimet janë përgjatë muajve mars-prill –maj. Pasi ishte rënë dakord për pazarin, sipas të cilit në këmbim të parave vendimi i Matit të mbetej në fuqi, Doda kërkon të dorëzohen paratë, ku si datë caktohet 30 maj. Alban Buci dhe vjehrri i Dodës shkojnë në një lokal në Fushë Krujës, në pronësi të kushëririt të gjykatësit. Në pamjet e kamerave të sigurisë – thuhet në dosje – shfaqen Buci dhe Neziri, të cilët bëjnë dhe dorëzimin e zarfit në duart e Kujtim Mirit. Ky i fundit kushëri i largët me gjykatësin.
Pas këtij momenti Albani i shkruan mikut të tij të dënuar: “Rri pa merak i dorezuam dokumentat. I thame skemi gje tjeter vetem të japim shpirtin. Do dalesh nga mesi i muajit tjeter”.
KUSH ËSHTË GJYQTARI I ARRESTUAR
Shkëlqim Miri ka qenë gjyqtar në Gjykatën e Apelit të Tiranës që nga viti 2010, anëtar i Këshillit të Lartë të Drejtësisë deri në vitin 2012-të dhe më herët gjyqtar i Apelit në Durrës (para 2010). Një nga çështjet më të rëndësishme që ka kaluar në gjykimin e Shkëlqim Mirit ka qenë dosja e Gërdecit, ku ai ka qenë pjesë e një prej proceseve gjyqësore.
VRASJA E BUJSHME
Gentian Doda, personi që dyshohet të ketë korruptuar gjyqtarin Shkëlqim Miri në këmbim të lirisë ka qenë i ekstraduar kohë më parë nga Los Anxhelos, nga Shtetet e Bashkuara të Amerikës. Gentian Doda dhe viktima Gazmir Dedja kanë qenë anëtarë të grupeve rivale në Burrel, konflikti ndërmjet të cilëve ka vijuar për shumë vite dhe me shumë viktima. Ditën e ngjarjes së vitit 1997, Doda dhe Dedja janë konfliktuar verbalisht e më pas, i pandehuri e ka qëlluar me automatik, duke e plagosur rëndë. Nga plumbat ka mbetur i vdekur aksidentalisht Asllan Gjoka. I plagosuri ka mundur të mbijetojë vetëm dy ditë për shkak të plagëve të marra, por ka arritur t’u tregojë familjarëve se kush e kishte qëlluar, duke identifikuar Gentian Dodën.
VENDIMET E GJYKATËS PËR GENTIAN DODËN
Pasi ishte gjykuar një herë dhe dënuar në mungesë me 20 vite burg, në vitin 2012, Doda ekstradohet, nga SHBA dhe kërkon rigjykim të çështjes. Por në vitin 2013, Gjykata e Lartë rrëzoi kërkesën duke lënë në fuqi dënimin me 20 vite burg. Por Doda nuk hoqi dorë, duke e çuar kërkesën në Gjykatën Kushtetuese. Kjo e fundit e riktheu çështjen në Gjykatën e Lartë, e cila këtë herë pranoi kërkesën e autorit të dyshuar të dy vrasjeve për rishqyrtim të çështjes. Për më tepër Gjykata e Lartë urdhëroi rigjykim në Gjykatën e Matit në vitin 2015 me një tjetër trupë gjykuese nga e hera e parë për Dodën. Në vitin 2016, Gjykata e Matit dha vendimin me 8 vjet burg për Gentian Dodën, i cili sërish nuk ishte i kënaqur dhe apeloi vendimin. Gjykata e Apelit ndryshoi akuzën, në ‘plagosje me dashje’. Por kjo gjë është kundërshtuar nga organi i akuzës. Më 10 korrik 2017 Prokuroria e Apelit bëri rekurs në Gjykatën e Lartë, duke kërkuar prishjen e 2 vendimeve të mëparshme përfshi vendimin e gjyqtarit Shkëlqim Miri dhe dënimin me 20 vjet burg për vrasje.
Marrë nga BalkanWeb
Tirana është boshatisur për ditët e pushimit. Cilën nga ritet e shenjta po ndiqni:
GREQI- Gjykata e Shkallës së Parë në Athinë ka dënuar me tre muaj burg një shtetas shqiptar me iniciale A.K., 55 vjeç me akuzën për drejtim mjeti me pate...
ITALI- Një shqiptar është arrestuar nga policia italiane, pasi ishte dënuar me 9 vite burg nga drejtësia italiane dhe prej kohësh ishte shpallur në kërkim. I a...
TIRANË- Një ditë më parë Policia e Shtetit dhe Përmbarimi, u përplasen me familjet që jetojnë në një banesë private në pranë gjimnazit “Petro Nini Luarasi”...
LUSHNJE- Një aksident i rëndë, me pasojë vdekjen e një 37-vjeçari ka ndodhur pasditen e sotme në autostradën Lushnje-Fier.Sipas burimeve të policisë, më...
TIRANË- Analisti Andi Bushati, i ftuar në studion e “News24”, në rubrikën “Opinion”, ka folur mbi situatën politike në vend, krijuar pas dorëheqjes së opo...
SHKODËR- Ulja e temperaturave gjatë dy ditëve të fundit ka rikthyer edhe njëherë reshjet e dëborës në zonat malore të Bashkisë Vau i Dejës. Për pasojë, për...
DURRËS- Një ndër problemet kryesore në vendin tonë mbetet shëndetësi. Ndonëse qeveria proklamon për arritje në sistemin shëndetësor, realiteti thotë të kun...
GJIROKASTËR- Gurët e hequr të kalldrëmit të Gjirokastrës, në vendin e njohur si Qafa e Pazarit, po sistemohen në zonë fushore afër lumit Drino në Gjirokast...
PESHKOPI- Mësuesja e gjuhës angleze në gjimnazin “Said Najdeni” të Peshkopisë, Fatbardha Miftari është përballur sërish me një situatë të pazakonshme lidhur me ...
Përkeqësimi i motit dhe reshjet e papritura të dëborës, mëngjesin e sotëm, kryesisht në veri të vendit, kanë sjellë probleme në qarkullimin e mjeteve.(Lexo këtu...
