Pritë për pronësinë në Lushnje, gruaja plagoset në këmbë, po kthehej nga gjyqi i vëllait. "Autori": Unë jam në Greqi, kam 19 ditë këtej
Vëllai vrau kushërinjtë për disa degë ullinj! Plagoset me armë zjarri motra e Kastriot Hasallës 30 Mars, 17:...
Vëllai vrau kushërinjtë për disa degë ullinj! Plagoset me armë zjarri motra e Kastriot Hasallës 30 Mars, 17:...
"Marre duhet të të vijë Erion!"/ Veliaj zbuloi pronaren e 'Lolitës', reagon ashpër Buzhala: Stil mafioz! Linçoi ...
Arrestimi i gazetarit në Rusi! "Wall Street Journal" mohon akuzat për spiunazh: Kërkojmë lirimin e menjëhershëm t&...
U shtrua me urgjencë në spital! Papa Francesku bëhet më mirë, Vatikani: Hëngri mëngjes dhe lexoi disa gazeta ...
Vlora ishte e populluar me kriminelë që favorizoheshin nga policia.
Kur ende nuk ka dalë përgjigjja nga mjekësia ligjore se për çfarë shkaqesh ndërroi jetë Andon Mëhillaj me emrin e mëparshëm, Erjon Mëhillaj, një i dënuar i përjetshëm i mbyllur në burgun e Sigurisë së Lartë, gazeta “Si” vazhdon të botojë detaje nga dosja gjyqësore. Akuza e parë që e lidh Andon Mëhillajn është ajo e konfliktit me viktimën Sokol Veizi. Prokuroria kujton se vrasja e Veizit u kërkua, pasi shënjestra kishte ndërtuar një banesë në tokën që ai e pretendonte si pasuri e fisit Mëhillaj. Ndaj për këtë shkak në vitin 2012 Andon Mëhillaj sipas fashikullit gjyqësor “i ka kërkuar të pandehurit Julian Sinanaj, që ta vriste atë, përkundrejt shpërblimit prej 1500 m2 tokë, në zonën e Karaburunit, e cila e konvertuar në para, kapte shumën e 120 mijë eurove. Ndërkaq, të pandehurit Andon dhe Genis, si edhe pjesëtarë të tjerë të fisit Mëhillaj, e kanë paralajmëruar viktimën Sokol Veizi që të mos ndërtonte.
Rezulton se pas këtij momenti, i pandehuri Julian Sinani, pas vrasjes është takuar disa herë me të pandehurin Andon me qëllim mbylljen e pazarit, pra dhënien e sipërfaqes së tokës që i kishin premtuar. Në disa takime ka qenë prezent dhe i pandehuri Ndriçim Gjokona dhe i pandehuri Genis, të cilit i ishte premtuar një sipërfaqe prej 300 m2 sa për një shtëpi. Por “Andon Mëhilli nuk i ka dhënë sipërfaqen e shpërblimin e premtuar dhe, në këmbim të saj dhe pas disa takimeve dhe interesimit, i është afruar të pandehurit Julian një apartament 50 m2 në Orikum, Vlorë të cilin Juliani e ka blerë në emrin e nënës së tij, dëshmitares Suzana Muka”.
Juljan Sinanaj rrëfehet për profesionet e tij, për njerëzit që njohu në Shqipëri, pasi u kthye dhe për qytetin që ai e quajti, si qyteti i populluar me kriminelë.
Juljan Sinanaj: Në Vlorë kam qenë në tre banesa me qira, në qytetin e Vlorës. Në Tiranë në vitin 2012, deri në 2014 kur jam arrestuar, kam ndenjur në dy banesa. Si lagje sa mbaj mend, më duket 21 dhjetori, aty kam ndenjur që në vitin 2012, në tetor deri në momentin e arrestimit, 25 janar 2014. Kam pasur edhe një banesë në zonën e Durrësit dhe ka qenë e parapaguar në qytetin e Durrësit. Nuk kam jetuar aty, por e kam pasur të parapaguar nga shtatori ose tetori. Me qira kanë qenë dhe i kam paguar. Në Vlorë kam marrë me qira banesë, kontrata nuk bëhen, por thjesht me një njohje të thjeshtë si gjithë të tjerët, marrëveshje verbale, në Tiranë zotërisë së fundit te shtëpia që kam pasur te një pallat nëntëkatësh ku u gjendën armët. Dy banesa kam pasur në Tiranë, një te 21 Dhjetori, tjetra te Komisariati i Policisë nr.2, në afërsi, të tij. Banesat në Tiranë, ku janë gjetur armët, të zotit të shtëpisë i kam dhënë kartë identiteti dhe nuk kemi bërë akt noterial. Emrat e personave nuk i mbaj mend saktësisht, të atyre që më kanë dhënë shtëpitë me qira. Sokol Veizi, është vrarë, në 2012, si datë të saktë nuk e kujtoj. Unë i kam thënë të gjitha gjatë arrestimit tim, në datë 25 janar.…Kam jetuar, në Greqi dhe kam punuar atje, në profesione të ndryshme, si ndërtues, taksixhi, saldator, kuzhinier dhe i vërtetoj të gjitha me dokumente, kam punuar para vitit 2012, në tri vitet e fundit, para këtij viti, si taksixhi i rregullt, kam paguar taksat gjithmonë dhe kam ardhur në vitin 2012, datë 17.03.2012. Nuk jam dënuar asnjëherë për vepra penale në Greqi, vetëm për drejtim të motorit në moshën 19-20 vjeç, pa leje qarkullimi. Vetëm për këtë jam dënuar në Greqi. Nuk kam pasur kurrë problem me policinë greke dhe nuk ka pasur akuza ndaj meje, asnjëherë. Pasi erdha në Shqipëri, në zonën e Vlorës, zonë e mbipopulluar me kriminelë si X. X dhe Y. X që mbrohen nga Policia e Shtetit, dhe janë akuzuar në Itali, për trafiqe ndërkombëtare. Në Greqi kam pasur gruan tim Efteria, atje me kombësi greke, psikologe merret me fëmijët autikë. E vura në dijeni që do largohem, pasi kisha lidhje me të që nuk shkonin dhe aq mirë, vendosa të largohem, pasi nuk ishte e ndershme nga ana ime të mos kisha përfitime ekonomike. Si taksixhi nuk kisha përfitime dhe vendosa të iki nga Greqia dhe të largohem njëherë e përgjithmonë, pasi nuk pashë dritë në Greqi. Realisht nuk kam pasur shoqëri me shtetas shqiptar në Greqi”.
Andon Mëhillaj
Në fashikullin që gazeta “Si” disponon Juljan Sinanaj rrëfen më tej edhe për një ngjarje ku sipas tij janë të pleksura grupe të tjera kriminale. Nëse do të merret e mirëqenë kjo dëshmi e tij, Sinanaj lë të kuptohet se i dënuari i përjetshëm Andon Mëhillaj kishte dijeni për një krim të rëndë në qytetin e Vlorës. Juljan Sinanaj thotë fjalë për fjalë:
“Kemi qenë bashkë me Andon Mëhillaj po më thonin për një shok, Emiljano Shullazin që është arrestuar në Shkodër dhe kishte kryer një vrasje në Vlorë për llogari të një fisi që jeton në Durrës dhe quhen Hasanbelliu, dhe nuk kuptoj pse nuk është arrestuar X. X dhe shumë persona të tjerë në Vlorë. Për sa i përket vendosmërisë time për të treguar sa më shume vrasje dhe të më jepni edhe ju vetë një besueshmëri procesit gjyqësor dhe juve si individ, më thoni se nuk e kuptoj pse nuk është arrestuar X.?”.
Më tej, i penduari i drejtësisë hedh dyshime edhe për zbardhjen e një ngjarjeje tjetër, ajo e porosisë për eliminimin e një biznesmeni, që mendohet se duhej të kryhej për shkak të konkurrencës. Juljan Sinanaj thotë:
“Në shtëpi kam edhe audio dhe video të kamerave të kafes, ku jam takuar me Ilir Karcinin. Nëse prokuroria fsheh provat, kur ka qenë një orë incizim me audio dhe zë, dhe kamera të fshehta, që i mbaja për hobi, e vërtetojnë këtë. Unë i kam blerë në dyqan dhe këto janë prova, prokuror, i keni fshehur provat dhe unë nuk akuzoj as Ilir Karcinin, as asnjë tjetër…Jep shpjegime, për vrasjen e Piro Bares, pasi ka qenë një dëshmitar që ka shkuar, ka bërë denoncim në polici. Ka shkuar Ndriçim Gjokona në polici, pyeteni atë pastaj të flas unë, desha ta vras Piro Baren apo jo”.
I penduari tregon edhe për lëndën plasëse të zbuluar poshtë automnjetit të Besnik Dervishit. Pyetja në gjykatë është: A keni dijeni për gjetjen e lëndës plasëse, po për vënien e lëndës eksplozive poshtë mjetit të Besnik Dervishit?”
“Po, ia ka vënë Marjon Mitro, pasi janë në të njëjtën parti, Partinë Socialiste për politikë, kam dhënë shpjegime, për arsye politike. I kam thënë të gjitha para gjykatës, i kam shpjeguar edhe për Kollozin dhe Dervishin. Imlikimi i krimit me qeverinë është vërtetuar. Nuk kam lidhje me Dervishin as Kollozin, Marjon Mitro, më ka marrë në celular. Ju më keni thënë, keni vënë bombë. Kam dijeni, por nuk jap shpjegime, nëse nuk i arrestoni, personat, janë jashtë, nuk janë arrestuar si për shembull, Ardi ose Padrino, ai ka dyqanin ai është bashkëpuntor në vrasjen e Julian Metushit.… Për Besnik Dervishin nuk e di kush është”, ka thënë Juljan Sinanaj.
Po çfarë deklaroi Besnik Dervishi për këtë ngjarje, pra për zbulimin e eksplozivit teksa po hynte në kryeministri?
Dëshmitari Besnik Dervishi: Më dt. 12 apo 11 unë e kam kontrolluar makinen në kompjuter dhe më thanë se çdo gjë është në rregull. Makina është ngritur në urë dhe nuk kishte gjë. Të martën, të mërkurën dhe të enjten deri në orën 20.00 makina ka qenë në Vlorë. Gjatë natës ka qenë e parkuar para pallatit tim. Në tetor jam emëruar Prefekt i qarkut Vlorë dhe e kam kryer këtë detyrë deri në mars 2014. Ngjarja ka ndodhur dy muaj pas caktimit të detyrës sime. Para kësaj detyre kam qenë pedagog te Universiteti Justiniani Tiranë. Makina ka qenë Peugeot, model 407, viti 2007 e blerë në qershor 2007. Gjatë verës e ka pasur në përdorim një kolegu im dhe unë ndërkohë përdorja një Rangerover, Fuoristrade. Këtë makinë e kam përdorur në maj-qershor 2013 në Vlorë dhe ka rënë në sy bashkë me mua. Në korrik-gusht e ka pasur në përdorim një miku im Ergys Hoxha dhe në shtator më është kthyer mua. Nuk kam pasur shofer. Në organikë kishte, por nuk kishte fond pagash. Gjithmonë në timon kam qenë unë. Ka pasur fond kompensimi. Nuk e di se unë dhe Marjon Mitro kemi qenë simpatizantë të së njëjtës parti. Ardhja ime në Tiranë ka qenë rastësore, jo e programuar. Nuk është konstatuar nga unë që emri i Marjon Mitros të ishte në listat e PS, por nuk e përjashtoj mundësinë që të ketë qenë në datën 6 janar 2014. Nuk e mbaj mend të ketë ardhur sekretarja ime që të më thotë se ka ardhur Marjon Mitro….”.
Marrë nga Gazeta Si
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
VLORË- Emërohet drejtori i ri në Hipotekën e Vlorës. Mësohet se Bilbil Aliaj, do të jetë drejtuesi i ri i këtij institucioni, i cili merr përsipër të rregu...
PRRENJAS- Ka ndërruar jetë një 28-vjeçar nga Prrenjasi , i cili është paraqitur me simptoma gripi spital. Burime nga spitali bëjnë me dije se pacienti i ...
DURRËS– Operacioni Forca e Ligjit ka zbarkuar sot edhe në qytetin e Durrësit, për të kryer kontrolle mbi pasuritë e fortëve dhe të paprekshmëve. Brenda në ...
DURRËS- Bregdeti i Durrësit është përfshirë sot nga erëra të forta, të cilat kanë shkaktuar pezullimin e lundrimeve. Mjetet lundruese të tonazhit të vogël ...
Tiranë- Indrit Karaj është emëruar drejtori i Drejtorisë Rajonale Tatimore për Qarkun e Elbasanit.Mësohet se Karaj është shpallur nga Departamenti Administratës...
DURRES- Luljeta Berisha, motra e Lulzim Berishës thotë se deri më tani, asnjë formular nuk është dorëzuar nga Operacioni Forca e Ligjit, në adresë të të vëllait...
TIRANE- Brenda kësaj jave, Operacioni Forca e Ligjit do të shtrihet në Tiranë. Burime për Dosja.al bëjnë me dije se kjo javë do të ketë jo pak raste në Tiranë, ...
DURRËS- Pak orë pasi Operacioni Forca e Ligjit, OFL njoftoi se i është kërkuar deklarimi i pasurisë Lulzim Berishës, ka ardhur edhe reagimi nga ky i fundit...
SHKODER- Dosja.al mëson se efektivët e Operacionit Forca e Ligjit kanë rrethuar tashmë banesat dhe pronat e dy familjeve të njohura në Shkodër, për përfshirje n...
Elbasan- Ardilend Shehu, i cili theu postbllokun e Policisë në Elbasan dhe shkaktoi aksidentin me 5 të plagosur, ka deklaruar para Policisë, se që në Devoll n...
