Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
“Pa rini nuk ka Shqipëri”/ Protestuesit nisin marshimin drejt Kryeministrisë: Rama jepe dorëheqjen! 21 Korrik, 19:46...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Teknologji, para taksash edhe dështime, ja një listë "premtuese" e Ramës.
TIRANA- Kryeministri Edi Rama vijon me premtimet e tij publike ku shprehet se teknologjia e avancuar, veçanërisht ajo që njihet sot si Inteligjenca Artificiale, do të shtrihet në shumë fusha në Shqipëri, pa kurser në ligjëratën e tij as detaje që edhe për shtetin "mëmë" të IA, SHBA-në, momentalisht duken të pa realizueshme.
Qeveria IA
Jo më larg se sot gjatë një takimi në Berat me përfaqësues të teknologjisë Rama tha se së shpejti mund të ketë qeveri dhe ministra nga Inteligjenca Artificiale. Ai nuk nguroi të shkëmbente batuta teksa theksoi se një ministri AI nuk do të ketë asnjë kushëri për të futur në punë.
"Shumë shpejt mund të vijë dita që qeverinë mund ta kesh AI. Shumë shpejt mund të vijë dita që ministin X mund ta kesh AI. S’ka asnjë kushëri për të futur në punë, s’ka as interesa të asnjë natyre që të prishë proceset. Nuk po them se ky është synimi ynë, megjithëse me shumë kënaqësi do ta merrnim përsipër, por është e pafundme kjo botë," tha ai.
Satelitët
Deri më tani kjo duket veçse një fantazi e largët, por le të ndalemi te ato që janë në dukje paksa më të afërta, si për shembull dashuria e vazhdueshme e qeverisë për teknologjinë e avancuar dhe lëshimi në hapësirë i satelitëve "Albania 1" dhe "Albania 2" rreth 2 vite më parë. Qëllimi i tyre ishte monitorimi i territorit për mes teknologjisë.
Le të themi se më 5 korri 2025 Rama pranoi dështimin e dy satelitëve për të cilët tha se këtë vit e kishin të vështirë të filmimin për shkak se qielli në vendin tonë nuk ishte i pastër. Sipas tij, reshjet e shumta të shiut dhe retë në qiell e kanë vështirësuar punën e dy satelitëve të cilët e kishin të pamundur për të filmuar territorin e vendit tonë.
“Siç e patë deri më 21 qershor janë mbledhur imazhe të rëndësishme për Republikën e Shqipërisë. Duke pasur parasysh se ka qenë periudha më e bukur për gjelbërimin. E keni vënë re se bimësia ka një entuziasëm të madh që se kishim parë prej kohësh si rezultat i shirave, por qielli i mbuluar e ka vështirësuar punën,” tha Rama.
Pra satelitët "Albania 1" dhe "Albania 2" nuk po përdoren mjaftueshëm, të paktën jo aq sa për të justifikuar koston prej afro 6 milionë dollarësh.
Inceneratorët
Tjetër premtim i pambajtur i qeverisë janë dhe inceneratorët e supozuar modernë dhe te kushtueshë. Konkretisht, Inceneratorët e Elbasanit dhe Fierit janë jashtë funksionit dhe malet e mbetjeve rreth tyre rrezikojnë një krizë të re mjedisore e ndërsa ai i Tiranës nuk ekziston. Brenda dhe jashtë vendit, rasti i inceneratorëve është etikatuar publikisht si skandali më i madh i korrupsionit dhe financiar në historinë shqiptare.
Uji 24 orë
Premtimi i pambajtur për ujin 24 ore iu përmend shumë kryeministrit Rama gjatë fushatës dhe me ai gjithashtu me shumë këmbëngulje vijoi të thoshte se ka 24 orë ujë në 67% të territorit të Tiranës së paku. Megjithatë fjala e kryeministrit nuk duket e ngjashme me realitetin në çezmat e qytetarëve.
"Ne do të garantojmë më në fund, më në fund 100% ujë të pijshëm 24 orë në zonat urbane të 61 bashkive të vendit dhe uji i pijshëm nuk do të jetë më temë fushatash elektorale dhe përballjesh politike në fushatë”, premtoi kryeministri Edi Rama në mars 2021 dhe në fakt mbeti thjesht i tillë, një premtim.
Aeroporti i Kukësit
Lista vijon me Aeroportin e Kukësit i cili duhej të ishte aeroporti i dytë funksional i vendit për fluturime ndërkombëtare, por deri tani, kryerja e fluturimeve në të duket se ka dështuar. Qeveria shqiptare kishte pritshmëri të mëdha për këtë aeroport, madje për hapjen e fluturimeve ndërkombëtare nga ky aeroport u desh të ringeciohej kontrata koncesionare me Tirana International Airport, që parashikonte ekskluzivitet të fluturimeve ndërkombëtare në favor të këtij aeroporti.
Sipas pasqyrave të audituara financiare, kompania Kukësi International Airport (KIA) e mbylli vitin 2023 me humbje para tatimit në vlerën e 101 milionë lekëve, nga gati 160 milionë lekë që kishin qenë humbjet për vitin 2022.
Ishulli i Osumit
Thuajse dhjetë vite pas një gare ndërkombëtare për ndërtimin e një ishulli në lumin Osum pranë qytetit të Beratit, projekti i premtuar nga kryeministri Edi Rama nuk është materializuar. Në atë kohë, Rama e cilësoi projektin si një transformim të qytetit që do të kishte impakt në jetën e komunitetit.
“Ky transformim në dukje i sipërfaqshëm, në fakt do të sjellë ndryshime në përmbajtjen ekonomike, në përmbajtjen sociale, në përmbajtjen e jetës komunitare në tërësi,” tha Rama në ceremoninë e zhvilluar në Berat gjatë përzgjedhjes së projektit fitues për ishullin në vitin 2015.
Shteti Bektashi
Një tjetër "bum" mediatik Rama e krijoi edhe me idenë "e qartë" që kishte për themelimin e një shteti sovran Bektashi n⌂ Tiranë, lajm surprizues në atë kohë dhe sigurisht, i pa njohur më parë për popullin shqiptarë. Lajmin për idenë e krijimit të një shteti brenda shtetit e dha kryeministri Edi Rama në një intervistë për "New York Times" në muajin shtator 2024. Kjo e fundit shkruante se kryeministri Edi Rama dëshiron tu japë anëtarëve Bektashinj, enklavën e tyre të stilit të Vatikanit si një mënyrë për të promovuar tolerancën fetare.
Shteti ishte menduar të krijohet në Tiranë dhe do të jetë një enklavë sovrane e stilit të Vatikanit që do të kontrollonte territorin dhe do të lejonte alkoolin, t'i lejonte qytetarëve të veshinin çfarë të duan dhe të mos imponojnë rregulla. Në kryeministri Rama asokohe tha se qëllimi i tij është të jetë i fortë për të promovuar një version tolerant të Islamit me të cilin krenohet Shqipëria. Deri më tani këto kanë mbetur thjesht në kuadrin e deklaratave, pa lëvizje konkrete, të paktën publikisht. Le të themi se edhe prej muajsh kjo ide duket "e fjetur" dhe e pa përmendur më nga Rama në daljet e tij.
Vjosa Osmani dhe Fatmir Limaj KOSOVË- Presidentja e Kosovës, Vjosa Osmani ka zhvilluar të premten takim me kryetarin e Nismës Socialdem...
Ilir Meta TIRANË- Presidenti i Partisë së Lirisë Ilir Meta ka reagon ashpër ndaj vendimit të fundit të Apelit të G...
Edi Rama BERAT- Kryeministri Edi Rama gjatë fjalës së tij në Berat me përfaqësuesit e teknologjisë nuk i la m&...
Endri Shabani dhe Adriatik Lapaj TIRANË- Mandati i vetëm i koalicionit “Nisma Shqipëria Bëhet” ka sjellë për&cced...
Edi Rama BERAT- Kryeministri Edi Rama ka prezantuar përfundimet e bashkëbisedimit pas takimit maratonë me përfaqësu...
Edi Rama BERAT- Kryeministri Edi Rama ka prezantuar përfundimet e bashkëbisedimit pas takimit maratonë me përfaqësu...
Edi Rama BREAT- Kryeministri Edi Rama ka prezantuar përfundimet e bashkëbisedimit pas takimit maratonë me përfaqësu...
edi rama BERAT- Kryeministri Edi Rama duke folur gjatë takimit me përfaqësues të teknologjisë, foli për zhvillimet e “...
Pjesë nga vidoja DURRËS- Kryeministri Edi Rama ka ndarë disa pamje në rrjetet sociale nga aksioni për lirimin e hapësirave pu...
foto ilustruese KOSOVË- Energjia, mbrojtja dhe inovacioni digjital janë sektorë ku bashkëpunimi Kosovë-SHBA mund të sjell&eum...
