Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
• Pas pesë ditësh mungesë të ujit ka nisur furnizimi i një pjese të qytetit të Vlorës, konkretisht në zonën e Lungomares. • Pjesa tjetër e qytetit pritet të furnizohet me ujë duke filluar nga ora 17:00 e pasdites së sotme. • Drejtori i Ujësjellësit Vlorë, Ermal Murati tha gjithashtu se pati një angazhim maksimal nga të gjithë, AKUK, bashkia, qeveria shqiptare dhe shtoi se më pas do të ketë një vlerësim për të gjithë këtë situatë. • Me mbërritjen e pajisjeve të porositura në Turqi, gjatë natës dhjetëra punonjës të ujësjellës kanalizimeve në Vlorë punuan për riparimin e tubacionit kryesor, nga çarja e të cilit uji i pijshëm mungonte. • Ndërkohë, autoritetet bëjnë me dije se furnizimi po kryhet ende me kapacitet të reduktuar, pasi po testohen pajisjet e reja të instaluara. • Po ashtu Drejtoria e Ujësjellësit Vlorë u ka bërë thirrje qytetarëve se në 48 orët e para të mos përdoren për konsum dhe gatim ujin. • Një ditë më parë qytetarët mbajtën edhe një protestë para bashkisë, ku patën edhe përplasje me Policinë. • Ndërsa Prokuroria e Vlorës bën me dije se nuk ka nisur hetim për këtë rast, pasi deri në këto momente nuk i është referuar asnjë material nga policia.
3 artikuj për këtë temë.
VLORË- Drejtoria e Ujësjellësit ka njoftuar qytetarët e Vlorës që në 48 orët e ardhshme uji të mos të përdoret për konsum dhe gatim. Në njoftimim bëhet me dije se sistemi i prodhimit është vendosur në funksion prej orëve të para të mëngjesit dhe zona 24 orëshe ka nisur furnizimin me ujë, ndërsa pjesa tjetër e qytetit do të furnizohet në orarin e pasdites. Sakaq, Ujësjellës Kanalizime Rajoni Vlorë, në bashkëpunim me Njësinë Vendore të Kujdesit Shëndetësor do të ndjek protokollin zyrtar për kontrollin e cilësisë së ujit dhe matjen e parametrave.
Njoftimi i plotë:
Ujësjellës Kanalizime Rajoni Vlorë, njofton qytetarët për përfundimin e riparimit të avarisë së rëndë në rrjetin e furnizimit me ujë. Sistemi i prodhimit është vendosur në funksion prej orëve të para të mëngjesit. Zona 24 orëshe ka nisur furnizimin me ujë. Pjesa tjetër e qytetit do të furnizohet në orarin e pasdites.
Ujësjellës Kanalizime Rajoni Vlorë, në bashkëpunim me Njësinë Vendore të Kujdesit Shëndetësor do të ndjek protokollin zyrtar për kontrollin e cilësisë së ujit dhe matjen e parametrave.
Ne keto kushte kërkojmë mirëkuptimin tua,j që uji të përdoret vetëm për përdorim të jashtëm për 48 orët e para, jo për konsum dhe gatim. Ju kërkojmë ndjesë për shqetësimin e krijuar gjatë këtyre ditëve dhe ju falenderojmë për mirëkuptimin dhe bashkëpunimin tuaj!/Dosja.al
VLORË- Drejtori i Ujësjellësit Vlorë, Ermal Murati ka deklaruar pas riparimit të defektit të tubacionit se në orët në vijim situata do të normalizohet. Murati sqaron se po furnizohet një pjesë e qytetit ndërsa depot janë duke marrë ujë teksa në orët e pasdites i gjithë qyteti do të kthehet në normalitet. Ai tha më tej pati një angazhim maksimal nga të gjithë, AKUK, bashkia dhe qeveria shqiptare dhe shtoi se më pas do të ketë një vlerësim për të gjithë këtë situatë.
“Jemi në fund të avarisë. Ka filluar furnizimi i depos së qytetit. Me pjesët që erdhën nga Turqia filluam menjëherë instalimin e tyre që përfundoi rreth orës 4 të mëngjesit. Jemi duke monitoruar situatën, jemi Ok.
Zona e Lungomares po furnizohet me ujë. Rreth orës 17:00 pasdite do të furnizohet gjithë qyteti. Ju kërkojë ndjesë qytetarëve për këtë situatë të krijuar. Pati një angazhim maksimal nga të gjithë, AKUK, bashkia dhe qeveria shqiptare. Natyrisht që më pas do të ketë një vlerësim për të gjithë këtë situatë", tha Ermal Murati./Dosja.al
VLORË- Pas 5 ditësh mungesë të ujit, ka nisur furnizimi me ujë për një pjesë të qytetit të Vlorës, konkretisht në zonën e Lungomares. Pajisja e porositur në Turqi, mbërriti ditën e djeshme dhe gjatë natës dhjetëra punonjës të ujësjellës kanalizimeve në Vlorë, punuan për riparimin e tubacionit kryesor, nga çarja e të cilit uji i pijshëm mungonte.
Pajisja u instalua në mëngjesin e sotëm rreth orës 4:00 dhe është duke funksionuar edhe pse jo ende me kapacitet të plotë pasi do bëhet gradualisht për shkak se do testohet. Ndërkohë, pjesa tjetër e qytetit pritet të furnizohet me ujë në orët në vijim.
Çfarë ka ndodhur në Vlorë?
Qyteti i Vlorës po përballet me një mungesë të ujit prej më shumë se 4 ditësh, si pasojë e një defekti në linjën kryesore që furnizon me ujë të gjithë qytetin. Ndonëse po punohet prej orësh për riparimin e tij, si pasojë e defektit serioz dhe mungesës së një pajisjeje të posaçme që shërben për bashkimin e dy tubacioneve, ndërhyrja ka qenë e vështirë. Qytetarët e Vlorës janë detyruar të gjejnë alternativa për furnizim me ujë të pijshëm, duke u drejtuar te burimi në zonën e Ujit të Ftohtë, nga i cili janë furnizuar me ujë të pijshëm./Dosja.al
