Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
KORÇË– Ilir Babolli, mjek në QSUT, i cili punon me kontratë edhe në klinikën private në Korçë “Kristi” ku shkon 2 herë në muaj, ka deklaruar pas vdekjes së parukieres Xhensila Duka në Korçë, të cilës i aplikoi sondën në zorrë.
Në dëshminë e zbardhur nga gazetari Elton Qyno, mjeku thotë se i kishte paciente prej vitesh të dyja motrat, ndërsa në momentin që ka aplikuar sondën për zorrën pas problemeve që Xhensila Duka kishte, e ka lënë në të njëjtën dhomë me 2 infermieret dhe ka lëvizur të përgatisë përgjigjen. Kur është kthyer me urgjencë nga thirrjet e infermiereve, Xheni ishte pa puls.
Pyetur nga grupi hetimor nëse gjatë ekzaminimit të pacientes duhej të kishte prezent mjek anestezist reanimator, mjeku 69-vjeçar thotë se: Atë ditë nuk ka patur mjek të tillë, ndërsa shprehet se nuk e di arsyen e vdekjes së Xhensilës dhe se çfarë mund të ketë shkuar keq.
Dëshmia e zbardhur nga gazetari Elton Qyno
Në datën 19 shtator 2020 rreth orës 08:00, kam filluar punë në këtë klinikë si zakonisht. Rreth orës 14:00 të ditës së sotme në klinikë është paraqitur një paciente me emrin Xhensila Duka, paciente që unë e njihja dhe më parë pasi i kam kryer një procedurë ekzaminimi që quhet kolono skopi. Pas paraqitje së pacientes me të njëjtat ankesa si para katër vitesh, diare me gjak, sot ajo erdhi e pregatitur për të bërë këtë procedurë. Fillimisht, pacientja nuk ka paraqitur ndonjë ankesë përveç diare dhe gjak. U vu në tavolinën e punës nga infermierët Marinela dhe Soena, mbiemrat e tyre nuk i di. Shpjegoj se pacientja ishte e përgatitur me puls oksimetër, matje tensioni dhe seduar me një “ç MIDAZOLAN” dhe një “ç BUZKOPAN”. Më pas unë kam shkuar në dhomën e ekzaminimit dhe kam kryer procedurën që vazhdoj jo më shumë se rreth 10-15 minuta. Procedura është e fotografuar dhe përgjigjia është e shkruar. Është e njëjta diagnozë me atë të katër viteve më parë, për këtë paciente, do methënë rreth 20-25 cm fundore të zorrës ishin vërtet me ulceracione të shumta, siç janë karakteristike për këtë diagnozë, që quhet “kolit ulceroz”. Procedura, mbaroj dhe unë jam kthyer në dhomën e kompjuterit për të përgatitur përgjigjen, komunikova dy fjalë me familjarët që ishin jashtë dhomës së ekzaminimit dhe konkretisht me motrën e pacientes, e cila sapo kishte përfunduar një procedurë të ngjashme, por për stomakun dhe jo për zorrën, të cilën e vura në dijeni shkurtimisht se procedura përfundoi. Të dyja motrat janë paciente të njohura të miat, sepse i kam parë dhe herë të tjera. Ndërkohë që përgatisja përgjigjen dhe fotografitë rreth 7-8 minuta ndodhta kishin kaluar nga ekzaminimi, u ngrita dhe shkova përsëri në dhomën për të parë se çfarë po ndodh, sepse pashë të shqetësuara infermieret e personelit dhe kam parë pacienten në krevat pa puls, pa tension dhe filluam urgjent procedurat e masazhit kardiak dhe frymëmarjes me gojë. Ndërkohë lajmëruam urgjencën. Procedura e frymëmarjes vazhdoi rreth 30 minuta. Erdhi Urgjenca dhe mjeku ka përdorur metodat e tij të defibrilatorit, por pacientja nuk doli në gjendje. Përveç shqetësimit, dhimbjes e keqardhjes nuk di çfarë të them. Nga eksperienca ime 30-vjeçare në këto procedura ajo që mund të them është se procedura u krye në një kohë të shkurtër dhe pa trauma”.
Pyetje: Çfarë procedure është ndjekur gjatë kohës që pacientja Xhensila Duka ndodhej në dhomën e ekzaminimit?
Përgjigje:Siç shpjegova më lart, pacientes i është vënë një puls oksimetër, i është matur tensioni, procedurë që merret paraprakisht nga stafi i infermierëve dhe më pas nga ana ime është kryer procedura e ekzaminimit të pacientes. Deri në përfundimin e kësaj procedure parametrat jetësore kanë qënë normale dhe unë u largova si zakonisht për në dhomë, me qëllim plotësimin e kartelës, në pritje të disa minutave , për të rifolur me pacienten për mënyrën e mjekimit të sëmundjes.
Pyetje: Gjatë ekzaminimit të pacientes Xhensila Duka, a duhej të kishte prezent mjek anestezist reanimator?
Përgjigje: Gjatë këtyre ekzaminimeve nuk është aplikuar prania e mjekut anestezist reniamator, pasi dhe dozat e sedacionit, janë të vogla dhe sot nuk ka patur mjek të tillë.
Pyetje: A duhej të shtrohej në ambjentet e tjera pas ekzaminimit pacientja Xhensila Duka dhe a duhej të ofrohej ndonjë shërbim tjetër mjekësor?
Përgjigje:Normalisht pas ekzaminimeve të kryera, lihet të qetësohet disa minuta dhe më pas kalohet në një dhomë tjetër në praninë e një ifermiereje apo familjarëve për t’u çlodhur, për t’u bërë gati për marrjen e përgjigjes së caktuar.
Pyetje: Pas ekzaminimeve të kryera a keni konstatuar tek pacientja Xhensila Duka, shqetësime të tjera shëndetësore dhe në rast se po, çfarë konkretisht?
Përgjigje: Nuk kam konstatuar asnjë lloj shqetësimi, unë i kam dhënë një diagnozë në vitin 2017 dhe kjo ishte hera e dytë me të njëjtën diagnozë.
Pyetje: A keni dijeni për shkakun e vdekjes së pacientes Xhensila Duka?
Përgjigje: Nuk kam dijeni për shkakun e vdekjes së pacientes.
Pyetje: A keni gjë tjetër për të thënë?
Përgjigje: Gjë tjetër nuk kam për të thënë.
Xhensila Duka, 39-vjeçarja nga Korça që humbi jetën në një klinikë private në qytetin juglindor. Ajo kishte shkuar bashkë me motrën e saj për të bërë analizë me procedurën e sondës, ku kjo e fundit ia hodhi pa asnjë problem. Xhensila, nënë e 2 fëmijëve, nuk mundi të dalë gjallë pas kësja procedure, më 19 shtator. Ndaj tij dhe infermieres 39-vjeçare Marinela Postoli, kanë nisur hetimet për veprën penale “neglizhenda në trajtimin mjekësor”, me dyshimin se nuk kanë respektuar protokollet mjekësore gjatë trajtimit të pacientes. Prokuroria po pret rezultatet e autopsisë ligjore.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
ELBASAN– Pamjet që po shikoni vijnë nga Elbasani, qytet i cili është nën terrorin e armëve aktualisht pasi një 71-vjeçar ka qëlluar me armë drejt FNSH-së...
ELBASAN-Policia e Shtetit ka dhënë njoftim zyrtar në lidhje me sulmin e Lefter Zhidrusë, 71 vjeç ndaj Policisë së Shtetit. PSh thotë se ka qenë një sherr...
ELBASAN– Lefter Zhidru është autori i sulmit me armë zjarri tip kallashnikov ndaj policisë në Elbasan. Burime për Dosja.al bëjnë me dije se policia ka arritur q...
TIRANË– Që nga viti 2014 Mide Dumani vishet vetëm me të zeza, pasi në janar të atij viti bashkëshorti i saj, Shkëlzen Dumani i mori me anë të mashtrimit t...
ELBASAN- Policia e Shtetit ka njoftuar zyrtarisht se autori që po qëllon me armë zjarri ndaj Policisë në Elbasan, ende po bën rezistencë. PSH thotë për mediat s...
RROGOZHINË- Detaje të reja kanë dalë nga vrasja e Klevis Kapllanit në Rrogozhinë, ngjarje kjo që ndodhi më 15 shtator. Mësohet se para ekzekutimit Kapllani...
ELBASAN– Panik dhe terror në qytetin e Elbasanit. Një person i armatosur po shkëmben zjarr me Policinë e Shtetit. Deri më tani, të shtënat nuk ndalojnë. Efektiv...
ELBASAN– Krisma e automatikut është dëgjuar LIVE. Ndërkohë që mediat dhe gazetarët po raportonin nga vendi i ngjarjes, krismat e automatikut, vijuan të dëgjohes...
ELBASAN- “Zotëri, largohuni nga trotuari”, këto janë thirrjet që vijnë nga lagjia ’11 nëntori’ në qytetin e Elbasanit. Kanë qenë 2 furgona të Shqiponjave që kan...
VORË-Mesditën e sotme ka ndodhur një aksident në afërsi të Vorës. Mësohet se një makinë është përplasur me bordurën anësore dhe ka përfunduar përmbys në rr...
