Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Takimi në pallatin presidencial të kryeqytetit të Venezuelës vjen mes shtimit të përpjekjeve të administratës së Presidentit Trump për dëbimin e emigrantëve të paligjshëm me të kaluar kriminale, që ka shkaktuar reagime në Amerikën Latine.
VENEZUELA- I dërguari i Presidentit Donald Trump, Richard Grenell dhe Presidenti i Venezuelës Nicolas Maduro patën një diskutim të respektueshëm mbi çështjet e emigracionit, sanksioneve dhe amerikanëve të ndaluar në vendin e Amerikës së Jugut, thuhet në një deklaratë të qeverisë venezueliane të lëshuar pas takimit të premten në Karakas. Takimi në pallatin presidencial të kryeqytetit të Venezuelës vjen mes shtimit të përpjekjeve të administratës së Presidentit Trump për dëbimin e emigrantëve të paligjshëm me të kaluar kriminale, që ka shkaktuar reagime në Amerikën Latine.
Pas takimit me Maduron, diplomati amerikan Richard Grenell tha se po kthehen në Shtetet e Bashkuara me gjashtë amerikan të liruar nga autoritetet e Venezuelës. Marrëdhëniet mes dy vendeve kanë qenë të tensionuara kohët e fundit për shkak të sanksioneve amerikane ndaj Karakasit dhe akuzave për grusht shteti. Por dy vendet kanë interesa të përbashkëta për disa çështje, duke përfshirë një licencë që lejon kompaninë amerikane të naftës Chevron CVX.N të operojë në Venezuelë.
“Takimi u zhvillua me respekt të ndërsjellë dhe gjatë tij u diskutuan çështje të ndryshme me interes për të dy vendet: emigracioni, ndikimi negativ i sanksioneve ekonomike ndaj Venezuelës, qytetarët amerikanë të përfshirë në krime brenda territorit (venezuelian) dhe integriteti i sistemit politik venezuelian”, tha qeveria venezueliane, duke shtuar se në takim ishte rënë dakord për nevojën e hapjes së një kapitulli të ri në marrëdhëniet mes dy vendeve.
Vizita e zotit Grenell nuk do të thotë se Shtetet e Bashkuara e njohin Maduro-n si udhëheqës legjitim të Venezuelës, tha më herët të premten zëdhënësja e Shtëpisë së Bardhë Karoline Leavitt. Ajo tha se zoti Grenell ishte i përqëndruar në sigurimin e kthimit të 400 anëtarëve të ndaluar të bandës “Tren de Aragua” në Venezuelë dhe lirimin e të gjithë të arrestuarve amerikanë në Venezuelë.
Grenell, i dërguari i Presidentit Trump për misione speciale, është shprehur më herët se kishte biseduar me disa zyrtarë të ndryshëm venezuelianë dhe se do të fillonte takimet, disa ditë pasi administrata e kaluar e Presidentit Biden vendosi sanksione të reja ndaj qeverisë Maduro.
“Diplomacia është rikthyer”, tha zoti Grenell në një postim në rrjetin X, ndërsa njoftoi për bisedimet me zyrtarët venezuelianë. “Bisedat janë një taktikë”.
Gjatë fushatës presidenciale, zoti Trump e quajti diktator zotin Maduro. Gjatë mandatit të tij të parë, Presidenti Trump ndërmori një fushatë të “trysnisë maksimale” ndaj zotit Maduro, përfshirë sanksione të ashpra ndaj Venezuelës dhe industrisë së naftës së atij vendi.
Pas marrjes së pushtetit, Presidenti Biden hoqi disa nga kufizimet e vëna nga administrata e Presidentit Trump pas premtimeve elektorale nga zoti Maduro, por më pas i rivendosi ato, duke thënë se udhëheqësi i Venezuelës nuk iu përmbajt premtimeve për zgjedhje të drejta dhe demokratike.
Gazeta “Financial Times” njoftoi të premten se kompania “Chevron” po përpiqet të mbrojë licencën speciale amerikane që e lejon atë të operojë në Venezuelë. Shefi ekzekutiv i kompanisë së naftës, Mike Wirth, i tha gazetës se “Chevron” do të angazhohej me Shtëpinë e Bardhë pasi Sekretari amerikan i Shtetit, Marco Rubio tha se licenca duhet të rishikohet.
Nëse firma “Chevron” detyrohet të largohet, Kina dhe Rusia do të kenë ndikim në vendin anëtar të organizatës së OPEC-ut, tha zoti Wirth. Vitin e kaluar eksporti i naftës venezuelase drejt Shteteve të Bashkuara u rrit me 64% ose rreth 220,000 fuçi në ditë, duke e bërë Amerikën tregun e dytë më të madh të eksportit pas Kinës, e cila importon 351,000 fuçi në ditë, 18% më pak se një vit më parë./ VOA
Foto nga vendi i ngjarjes SHBA- Një avion transporti u rrëzua në Filadelfia të premten rreth 30 sekonda pasi u ngrit, duke dëmtuar...
Foto ilustruese EUROPA- Në “Carl’s Villa” në Kopenhagën, klientët e restorantit në katin e par&e...
Suni Williams SHBA- Astronautja e NASA-s, Suni Williams, ka vendosur një rekord si gruaja me më shumë orë qëndrimi jashtë...
Grenell, Maduro VENEZUELË - I dërguari i Presidentit Donald Trump, Richard Grenell, do të takohet të premten në Venezuelë me ...
foto ilustruese BRITANI E MADHE- Agjencia britanike e sigurisë shëndetësore (UKHSA) njoftoi këtë të premten se një ...
Kay Nietfeld GJERMANIA- Partitë konservatore CDU/CSU imponuan në Bundestag (29.01.), me votat e AfD-së, një vendim ...
Kay Nietfeld GJERMANIA- Lehtësimi ishte i madh kur nënkryetarja e Bundestagut, Petra Pau, shpalli rezultatin e votimit të premten ...
foto ilustruese SHBA- Sekretarja e shtypit e Shtëpisë së Bardhë Karoline Leavitt së fundmi ka dhënë një konferenc&e...
Donald Trump SHBA - Presidenti i Shteteve të Bashkuara, Donald Trump, do të vendosë 25 për qind tarifë ndaj importeve nga Kanadaja...
Protesta SERBIA- Studentët serbë kanë mbërritur mbrëmjen e së premtes në Novi Sad, pas një marshi dyditor nga Beogr...
