Stuhia 'Hilary' në Kaliforni, e para pas 8 dekadash/ Paralajmërim për përmbytje në jug, shpallet gjendja e jashtëzakonshme

Stuhi në Los Anxhelos

SHBA-  Të paktën 25,000 familje në të gjithë Los Anxhelosin kanë mbetur pa energji elektrike ndërsa qendra e stuhisë lëviz nëpër qytet. Hilary ka shkaktuar përmbytje në lindje dhe perëndim të megaqytetit kalifornian. Los Angeles, një nga qytetet më të mëdha në Amerikë, është shtëpia e afro katër milionë njerëzve.

Pamjet ajrore në mediat sociale tregojnë përmbytjet rreth stadiumit Dodger, shtëpia e ekipit të bejsbollit të qytetit.  Stuhia po lëviz drejt veriut, por shirat e dendur dhe përmbytjet pritet të vazhdojnë edhe gjatë ditës së sotme. 

Po ashtu për shkak të kushteve të këqija atmosferike pritet të mbyllen të gjitha shkollat ​​publike në Los Angeles. Pasadena Unified, një distrikt shkollor ngjitur me Los Anxhelosin me rreth 15,000 studentë, ka anuluar gjithashtu mësimet dhe programet pas shkollës, shkruajnë mediat e huaja. 

Autoritetet u kanë kërkuar gjithashtu banorëve që të shmangin vizitat e plazheve të qytetit, si plazhi i famshëm i Venecias, për tre ditë pas stuhisë.