Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Izraeli vazhdimisht ka kundërshtuar akuzat për gjenocid, duke thënë se ka respektuar ligjin ndërkombëtar dhe se ka të drejtën të mbrohet pas sulmit të Hamasit më 7 tetor, që shkaktoi luftën.
IZRAEL- Organizata “Human Rights Watch” tha të enjten se Izraeli ka shkaktuar vdekjen e mijëra palestinezëve në Gazë duke u mohuar atyre ujin e pastër, që ligjërisht përbën akt gjenocidi dhe shfarosjeje.
“Kjo politikë, e zbatuar si pjesë e vrasjes në masë të civilëve palestinezë në Gazë, nënkupton se autoritetet izraelite kanë kryer krime kundër njerëzimit, të shfarosjes, që ende po vazhdojnë. Kjo politikë gjithashtu përbën një ‘akt gjenocidi’ sipas Konventës së Gjenocidit të vitit 1948”, thuhet në raportin e “Human Rights Watch”.
Izraeli vazhdimisht ka kundërshtuar akuzat për gjenocid, duke thënë se ka respektuar ligjin ndërkombëtar dhe se ka të drejtën të mbrohet pas sulmit të Hamasit më 7 tetor, që shkaktoi luftën.
Në një deklaratë në platformën X, Ministria e Jashtme e Izraelit shkroi: “E vërteta është plotësisht e kundërta e gënjeshtrave të HRW-së”, duke shtuar se Izraeli ka mundësuar furnizimin e vazhdueshëm me ujë dhe ndihma në Gazë.
Ndonëse raporti përshkruan mohimin e ujit si një akt gjenocidi, gjithashtu thekson se për ta dëshmuar krimin e gjenocidit kundër zyrtarëve izraelite duhet përcaktuar qëllimin e tyre për një akt të tillë. Raporti iu referohet deklaratave të disa zyrtarëve të lartë izraelitë, për të cilat thotë se sugjerojnë se “dëshirojnë të shkatërrojnë palestinezët”, e që do të thotë se mohimi i ujit “mund të përbëjë krimin e gjenocidit”.
“Ajo që gjetëm është se qeveria izraelite me qëllim po vret palestinezët në Gazë duke ua mohuar atyre ujin që iu duhet për të mbijetuar”, tha drejtorja e HRW-së për Lindjen e Mesme, Lama Fakih.
Në përgjigje ndaj raportit, Izraeli tha se është siguruar që infrastruktura e ujit vazhdon të jetë funksionale. Ai tha se partnerët ndërkombëtarë kishin dërguar ngarkesa me ujë përmes kalimeve kufitare izraelite, përfshirë javën e kaluar dhe se Izraeli ka lehtësuar futjen e mbi 1.2 milionë tonë ndihmash humanitare në Gazë.
Ushtria tha se 2,500 kamionë, me mbi 51 mijë tonë ujë kanë hyrë në Gazë që nga fillimi i luftës dhe se ka ndërtuar tre tubacione uji dhe ka lehtësuar ndërtimin e dy të tjerave shtesë që janë dhuruar nga Emiratet e Bashkuara Arabe.
Krahas tyre, një fabrikë për pastrimin e ujit nga kripa, me kapacitet prodhues prej 20 mijë metra kub ujë në ditë, që ndodhet në qytetin jugor Khan Younis në Rripin e Gazës, vazhdon të jetë funksionale, sipas burimeve izraelite të sigurisë.
Organizata ‘Human Rights Watch’ është organizata e dytë e madhe për të drejtat e njeriut që brenda muajit të fundit ka përdorur fjalën gjenocid për të përshkruar veprimet e Izraelit në Gazë. Organizata ‘Amnesty International’ në raportin e saj të fundit tha se Izraeli po kryente gjenocid.
Të dy raportet publikohen vetëm disa javë pasi Gjykata Ndërkombëtare Penale lëshoi urdhër arreste për Kryeministrin izraelit Benjamin Netanyahu dhe ish Ministrin e tij të Mbrojtjes mbi dyshimet për krime lufte e krime kundër njerëzimit. Ata i hodhën poshtë akuzat.
Konventa e Gjenocidit e vitit 1948, e cila u miratua pas vrasjes në masë të hebrenjve nga nazistët gjatë Holokaustit, e përkufizonin krimin e gjenocidit si “akte të kryera me qëllim shkatërrimin, plotësisht apo pjesërisht, të një grupi kombëtar, etnik, racor apo fetar”.
‘Human Rights Watch' thotë se Izraeli ndali furnizimin me ujë dhe energji elektrike në Gazë si dhe kufizoi sasinë e karburanteve në këtë territor, duke ia pamundësuar Gazës që të përdorte ujësjellësin e saj.
Palestinezët në shumë pjesë të Gazës kanë qasje vetëm në disa litra ujë në ditë, që është shumë më pak se minimum i 15 litrave në ditë, i nevojshëm për të mbijetuar, sipas organizatës./VOA
Joe Biden SHBA- Presidenti në largim i SHBA Joe Biden ka thënë se ai "sigurisht" do të marrë pjesë në inaugur...
pamje nga vendngjarja AZI- Nëntë persona kanë humbur jetën dhe shtatë të tjerë kanë mbetur të lëndu...
Zelensky UKRAINË- Presidenti ukrainas Volodymyr Zelenskyy e përshkroi të enjten një propozim hungarez për një armëpushim...
foto ilustruese POLONI- Polonia ka regjistruar këtë vit një rritje të konsiderueshme të tentimeve për të hyrë pa au...
foto ilustruese SHBA- Ndërsa kanë mbetur pak ditë nga fundi i vitit, një projektligj, që e ka mbështetjen e të dy partiv...
Marine Le Pen FRANCË- Liderja e krahut të djathtë Marine Le Pen ka parashikuar se presidenti francez Emmanuel Macron ka t&eu...
foto ilustruese GJEORGJI- Një ngjarje e rëndë është regjistruar në parlamentin e Abkhazi, një rajon i shkëputur nga...
Vladimir Putin RUSIA- Presidenti rus Vladimir Putin tha të enjten se Rusia nuk ka parakushte për të filluar bisedimet me Kievin për nj&...
foto ilustruese GJEORGJI- Një deputet i rajonit separatist të Gjeorgjisë është vrarë me armë zjarri. ...
Roberta Metsola BRUKSEL- Presidentja e Parlamentit Evropian, Roberta Metsola, duke folur në Këshillin Evropian, u kujtoi lider&eum...
